|
رد: محتارة اعمل ايه ممكن تساعد
ابنتى الطيبة اريد اطمئن عليك اكثر من اسبوعين لم تدخلى يسر الله آمرك |
رد: محتارة اعمل ايه ممكن تساعد
اقتباس:
بعتذر عن التاخير الغير مقصود انا من السفر فعلا في التاريخ المميز ده ما عرفت افتح الا مرة واحدة بس ما عرفت ارد لمشكلة في الهاتف والحسابات عندي والحمد لله ظبطت بعضها انا الحمد لله بخير واكيد في تغيير كبير ف حياتي وفرحت اني شفت اختي وكلهم فرحانين اني معاهم يارب فعلا تبقى حاجة تفرق ف حياتي واكيد متذكرة كل كلام حضرتك الله يباركلك وبحاول انفذه قدر الامكان |
رد: محتارة اعمل ايه ممكن تساعد
بسم الله ما شاء الله الحمد لله رب العالمين انك بخير ابنتى الكريمة قلقت عليك جدا ربى يسعدك ويعوض صبرك بكل خير تمسكى بتقى الله وثقى فى الله اسعدك الله ووفقك |
رد: محتارة اعمل ايه ممكن تساعد
اقتباس:
والله يشهد عليا ان حضرتك دايما بتكون نعم الوالد والسند بعد ربنا باهتمام حضرتك ونصايحك الل من القلب كم لو كنت من ابناء حضرتك وفعلا مش بلاقي الاهتمام ده من اي حد حواليا كنت عايزة استشير حضرتك في مشكلة بتواجهني مش عارفة القسم مناسب ولا لا بس هكتبها انا طبعا بعد الل حصل والل شوفته اتاكدت ان بعد ربنا ووالدي ووالدتي مفيش مخلوق ولا اخوات هينفعوني شفت كتير واتاكدت للاسف واهلي بيشجعوني اني اعتمد ع نفسي وبيقولو نفس الكلام المهم اني بحثت عن فرصة عمل مؤقتا وانا عند اختي لان والدي رجع مصر لعمله وانا ووالدتي الل بقينا عندها هنا ولقيت فرصة عمل محترمة في شركة مش محتاجة لغة وبدون اختلاط كل العمل على الكمبيوتر واصحاب الشركة ناس محترمة وفروا لي مكتب بعيد عن كل الشباب بس المشكلة ان طبعي خجول جدااااااا مش عارفة اتكلم ولا اسال في الشغل لدرجة ان اول يوم كنت محرجة اسال المدير عن باسورد النت ولا باسورد الجهاز لحد ما جه مسؤول بيسالني عملت ايه قلتله مش عرفت افتح الجهاز قالي احنا هنعرف منين قولي لو في حاجة محتاجاها ولما حد منهم تكرم وعملي كوب شاي قالي من دون سكر رديت تمام اتكسفت حتى اقول ان مش بشربه بدون سكر انا حاليا ده تالت يوم ليا عندهم كل يوم اروح ادخل مكتبي احاول اشتغل وقت انتهاء العمل بكون محرجة اخرج وامشي ومفيش حد منهم بيسالني عملت ايه الا مرة وانا نبرة صوتي منخفضة جدااا مش بعرف ارد بقول تمام واسكت كل ده بيزود ضعف ثقتي بنفسي واحباطي وهما تقريبا لما وجدوا اني كده تجاهلوني او مش حابين يحرجوني مش عارفة فيه ايه بس تاني يومين عدوا من غير ما حد يكلمني كلمة واحدة ولا يسالني عملت ايه انجزت ايه وانا مستحيل اتكلم من نفسي وكل الباقيين ف الشركة بيتعاملوا عادي ازاي اكون طبيعية وما ابقاش كده طبعا في حدود الشغل وان ع الاقل اسال عن حاجات فيه لازم ابقى قوية وابقى شخصية تانية ازاي اتغير واقوي نفسي وما احتاج لاي حد |
رد: محتارة اعمل ايه ممكن تساعد
ابنتى الغاليه ربى يحفظك ويبارك فيك اولا انا فعلا بعتبرك بنتى ربى يسعدك ثانيا اعتذر منك لانى الفترة الماضية كنت تعبت وانشغلت جدا مع الاطباء والله المستعان دعواتك ابنتى الغاليه وان شاء الله الاسبوع القادم افضى ولى عودة للرد عليك واتمنى نحدد وقت ارسل لك الميل الخاص بى حتى يمكنا التواصل ان شاء الله لو حدث اى مشكلة فى الموقع دعينا نحدد وقت ان شاء الله ندخل هنا معنا ان شاء الله واترك الميل الخاص بى لك وبعد ان تحتفظى به امسحه ان شاء الله طبعا ده لو انت تحبى الله ييسر أمرك ويقدر لك الخير ويوفقك استمرى على استخارة الله فى كل امورك واكثرى من الاستغفار وقول لا حول ولا قوة إلا بالله واجعلى للصلاه على الحبيب المصطفى صلوات الله عليه الكثير الكثير من وقتك |
رد: محتارة اعمل ايه ممكن تساعد
اقتباس:
شافاك الله وعافاك شفاء لا يغادر سقما دايما بدعي لحضرتك والله يسعدني جداا حضرتك حدد المعاد وانا هكون موجودة بإذن الله وهتابع طول الوقت لحد ما حضرتك تحدد المعاد الله يعافيك يارب ويكتب اجرك على كل خير بتعمله معايا ومع غيري |
رد: محتارة اعمل ايه ممكن تساعد
اقتباس:
اللهم آمين يا رب العالمين تسلمى ابنتى الغالية سبحان الله يا سارة العمر يمر كلمح البصر ومعه تضيع الصحة ونقترب من لقاء الله اللهم احسن لنا الخاتمة خلاص ان شاء الله بس تخف الضغوط ان شاء الله واحدد لك الموعد ان شاء الله الاسبوع ده على نهاية بإذن الله بس انت الله يكرمك حددى لى انسب الاوقات لك ان شاء الله اما ما ذكرتى لى عن مشكلة العميل الجديد اولا بسم الله ما شاء الله لا قوة الا بالله ايه الخبر الروعه ده ايوة كده بقى الله اكبر بدأتى تجنى ثمار الصبر وتعب السنين انه الملك الحنان المنان من يجيب الممضطر سبحانه وتعالى ثانيا ما تعانى منه فهذا يعتبر رهاب اجتماعى ويحتاج منك اولا الثقة بالله ثم بنفسك وتردى بدون تفكير يا سارة الفرصة ده مش بتيجى كل يوم واحنا ضاع منا الكثير ومش عاوزين يضيع وقتى تانى تشجعى ابنتى الغالية وان شاء الله ربنا معاك وانا تحت آمرك وجنبك لحد ما اشوفك فى بيتك ان شاء الله واشوف سارة الصغيرة بإذن الله تعالى وان شاء الله يكون ده على عيد رمضان بعد القادم بقدر الله انه سميع قريب مجيب الدعاء واستمرى على الصلاة على الرسول صلوات الله عليه وعلى والورد القرانى اليومى والاستغفار وقول لا حول ولا قوة الا بالله |
رد: محتارة اعمل ايه ممكن تساعد
اقتباس:
وربنا يباركلنا بعمرك يارب بتمام الصحة والسلامة من كل سوء اتمنى من الله ان حضرتك تكون احسن حاليا وكل يوم بإذن الله انا موجودة بكل وقت حضرتك حدد المعاد وبإذن الله هتلاقيني |
رد: محتارة اعمل ايه ممكن تساعد
اقتباس:
تسلمى ابنتى الغالية ربى يحفظك ويرزقك من حيث لا تحتسبى طيب خلاص خلى موعدنا غدا الخميس ليلا ان شاء الله على الساعة العاشرة والنصف بتوقيت المنتدى يعنى 22:30 وتوقيت المنتدى موجود اسفل النافذة انزلى تحت هتلاقيه فوق القائمة اللى بنختار منها تصميم المنتدى |
رد: محتارة اعمل ايه ممكن تساعد
اقتباس:
تمام هكون موجودة بإذن الله في المعاد غدا ويارب حضرتك تكون بخير وبحال أفضل يارب |
| الساعة الآن 11:29 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©