|
يا بنت مكه انا رايحة ان شاء الله جنوب افريقيا
اشتهيكم كلكم معايا ياريت :17: |
رحلة موفقة باذن الله
وتروحي وتجي بالف سلامة حبيبتي . |
اقتباس:
تروحي وترجعي بي السلامة يااااااااااااااارب لاتنسي الهدية :d كده تسيبنا لوحدنا :( اتمنالك رحلة موووووووووفقه وطمنينا عنك |
اقتباس:
يعني تبغي تصيري 46 بس كذا اقل من الطبيعي انا طولي زيك ووالوزن المثالي قالتلي الدكتورة 53 ولو مرة مرة ابغ اكثر 49 اكثر من كذا يعتبر سالب ودون الطبيعي أنا وزني واقف الان وجالسة احاول اوصل لل 55 مو راااااضي افففف من جد الوزن يطفففففش كرهت الدايت والميزان والسعرات بس الاكل ماكرهته عقباله يالله خلينا نتنافس بما اننا نفس الطول |
اقتباس:
هلا والله سمو الأميرة أنا ابغى اوصل ل 47 كيلو هذا هو الوزن المثالي لمن هم بنفس طولي يعني لازم انزل بالضبط 9 كيلو و 300 جرام ياريت والله نتنافس مع بعضنا ونشجع بعضنا كمان ايه رأيك نبدء من اليوم بمتابعة بعض من حيث الريجيم والرياضه يعني كل وحده تكتب للثانية ايش اكلت اليوم وكم سوت ساعات رياضه عشان نشجع بعض ونصحح اخطاء بعض انا ببدء بريجيمي للأسبوع هذا الفطور : تفاحه + كوب حليب خالي من الدسم مع ملعقة نسكافيه الغداء : قطعة دجاج مشوية + فاصولياء خضراء مسلوقة العصريه : كوب شاي + نصف توست خبز اسمر العشاء : بيضه مسلوقه + سلطه ( طماطم + خس + جزر ) الرياضه : ثلاث ساعات مشي ريجيمي هذا غير متعب وانا مجربته عدة مرات وفي كل مره انزل عليه تماااااااااام لكني مااواصل يعني كنت اسوي اسبوع او عشرة ايام واوقفه |
هلا عفراء
طيب لو حسبنا حساب تقريبي الفطور 100سعرة للتفاحة 70 سعرة للحليب الغدااا 100سعرة للدجاج و25سعرة للفاصوليا العصرية الشاهي مايحسب الا اذا فيه سكر والتوست 80سعرة العشاااا 75للبيض ووالسلطة 60وكثير عليها يعني 510سعرات في اليووم مررررررررة قليل انا رجيمي 1500،سعرة وممكن 1200سعرة وكذا واحس اني احيانا ادوووخ واتعب واجوووع ماشاء الله عليكي |
عفرااء من جد ماشاءالله دا رجيم قاتل احسوو مافي اي شي الله يقويكي ياررب وان شاءالله ننحف بي صحة وسلامة
انا الان متبعة التخفيف وبااكل اكل صحي وان شاءالله في نتيجة كوويسة سمو الاميرة يالله بالتووووووفيق نشد الهمة |
السلام عليكم
ان اليوم اتوزنت ولقيت 72.5 كيلو يعني نزلت نصف كيلو اناموقفة ريجيم لكن خففت من الاكل بشكل ملحوظ ولا اتعشى ورياضة . |
السلام عليكم ورحمة الله وبركاته
كيفكم جميعا من شوية كنت عند الدكتورة. طبعا الغدة الدرقية ملخبطة الدنيا في جسمي عندي دهون عالية أعطتني نظام صعب الله يعين بس وأقدر أمشي عليه يارب وزني 80 طلع ونص مع أنو من يومين كان 79 مااعرف أيش صار فجأة لازم سوي رياضه يوميا ساعه كاملة والتزم بس النظام كوويس وقالتلى لازم بعد فترة جلسات تكسير دهون في الأكتاف لأنوا عندي مليانة بس أول تشوف نتيجة النظام مع جسمي كيف الاستجابة وبعد اسبوعين ليا زياره تأتية أن شأءالله حااستمر معاكم بي إذن الله في القروب وانزل وجباتي والرياضه أتمنى تشجيع وأتمنى انحف دعواتكم أحس انئ مهمومة من جد ك [/size] مبرروك النص كيلوووو وعقبال باقي الكليؤهات |
السلام عليكم و رحمة الله و بركاته
متفشلة ادخل هنا مالي وش مررررررررررة انا في كيب تاون وصلنا يوم الاتنين و الحمد لله الجو هنا خرااااااااااااافي روعه روعه روقان و اخر بروده و ايش اقلكم على انواع االاكل و الحلويات كل نوع يقول للتاني قوم و انا اقعد مكانك باحاول قدر الامكان اني اخذ جلوكوفاج في مواعيده عشان لا ترتفع نسبة الانسولين و تعمل لي اللخبطة و بامشي كل يوم ساعة ما اقدر اوصف لكم قد ايش المشي هنا روعه بارد في الصباح وقت ما امشي درجة الحرارة ما تتعدى ال15 معظم الاحيان لان من يوم وصلت ما شفت الشمس الا اليوم كله غيوم و ضباب نازل من الجبل عالبلد و البحر مغطى بالضباب بس الاحظ اني لما امشي ما اعرق هل هذا معناه ان جسمي ما بيحرق سعرات مع اني لابسة طويل في طويل و كله ثقيل بس ما اعرق ابد الجو بارد و باقي اليوم اغلبه خروج و مشي في الاماكن العامة اسواق و منتزهات مثلا اكلي دخل فيه النشويات و السكريات لا تقاوم هنا و لكن بمقدار يعني اخذ حتة و الباقي ادفه على صحن زوجي و على قد شهوتي بس ما اطيح فيه و هذا كله بسبب الدورة والله ماني عارفة لها مرات تجي مرتين في الشهر و هذي المرة الدورة مرة اتاخرت هذا تقريبا سادس يوم و هيا ما نزلت و هذا مسبب لي ازمة و عاملي نرفزة طول الوقت و اشتهي الحلى بشكل رهيب و محتبسة السوائل في جسمي و اقلكم في ميزة مرة حلوة في الجو البارد و هي ان الجسم ينشد بشكل يخليكي تحسي انك نازلة 5 كيلو الجو البارد يكمش الجلد و ينعم البشرة روعه يا ناس والله كل بنطلوناتي اللي جبتها معايا من جده كانت يادوب تقفل و ضيقة مرة و شكلها مقزز في اللبس و لكن انا متقصده اخذها ضيقة عشان لا اخذ راحتي في الاكل الا اوصل هنا و افكر اني جبت المقاس اللي اكبر من سهولة اللبس و سهولة قفل السحاب هههههههههه و هو نفس المقاس اللي ضيق و مقزز في جده !! يا ريت جونا حلو و بارد و لكن الحمد لله يلا حبيت اسلم و اشوف اخباركم و انا كل يوم ادخل و اقرا و افصل النت عشان مرة غالي النت هنا و لكن ما اقدر قلبي هنا معاكم اشوفكم على خير و الى اللقاء و ادعولي انحف و تنصد نفسي عن الكربوهيدرات |
الحمدلله على سلامتكم دودي الله يهينكم يااارب السير يادودي في جدة أحلى ???=)) هْـّهَهِـّ????ـّهِهَـّ? ومكة أحلى وأحلى الله يرحمنا بررحمتوووا يااارب ? من الحراره انتبهي من الأكل واتذكري وزنك على طوول سويتى زي لمن سافرت السنة إلا فاتت أخذت البنطلونات أصغر من مقاسي ولما رجعت كانت واسعه من الحركة
الله ينحفنا جميعاااا ياااارب |
دودي حبيبتي صوريلي الجووو
هههههه ياريت تصوري وتسويلنا تقرير لما ترجعيلنا بالسلامة بخصوص الأكل حااااااولي حااااااولي وادعي وقد ماتقدري امنعي نفسك عن الأكل أنا عارفة صعب وخصوصا إنك مسافرة وتبغي تنبسطي والجوع حينكد عليكي لكن انا أقول لك لا تجوعي نفسك زيادة كوني وسط والكربوهيدرات لازم تاكليها لكن كلي حصتك فقطططططط أنا والله أمس كنت في عزيمة وبصعوبة قاومت بدأت في الكيوي وبعدها السلطة وبعدين حسيت أكللي خف يالله عاد ايش نسوي إن شاء الله مأجورين لا تنسي زي ماقلت لك صووووري المكان والزمان هههههه |
السلام عليكم ورحمة الله وبركاته
كيفكم وايش اخباااااار الرجييم مانى شايفه احد في القرووب |
هلا بنت مكة والله انا وزني ثابت مو راضي ينزل بالرغم استمراري في الحمية
وجالسة اسوي بحث كسر تبوت الوزن يقولو لخبطي وغيري الرنامج وعدد السعرات واوقات الوجبات واكثر موية امممم وانا روتينية ونظامي نفسة كل يوم ومواعيد اكلي مااغيرها ابببببببببدا مدري راح احاول والموية فعلا انا مااشرب موية الا قلييييل هذه اخباري يمكن احد يستفيد من اللي كتبته |
السلام عليكم ورحمة الله وبركاته
اخواتي اخباركم واخبار الوزن ايه والله جالسه اخفف واشرب شاي اخضروزنجبيل ،واحيانا امشي على السير لكن بصراحة احس اني اتعب بسرعه واترك وانزل من عليه بسرعه طيب عندي مشكلة اتمنى الاقي لها حل انا احب الحلى !!!!:26: يااخواتي ممكن احد يعطيني نوع من انواع البسكويت سعراته الحرارية قليله . وكمان سمنتي احسها متكدسة في كرشي :( انا ماعملت تحليل الغده والوزن الى الآن ماوزنت بخليه نهاية الشهر بأذن الله |
السلام عليكم ياحلووووووووووووين
كيفكم شوو اخبار الداااااايت عندي اخباار حلووة بس ماراح اقول الا يعد ماارجع الدكتورة الخميس ان شااءالله بعد بكرره:25: |
السلام عليكم
كيف حالكم اليوم وزنت صار وزني 70.650 ان شاء الله قربت لهدفي باقي 2 كيلو لغاية اليوم مافي ريجيم رياضة ولكن اكلي خف بشكل ملحوظ عقبالكم يا بنااااااااات . |
اقتباس:
ماشاءالله تبارك الله الف الف مبررررررررررررررررررررررررروك:14::14: عقبالنا جميعاااااااااااااااا ياااارب انا نقصت كيلو ونص خلال الاسبوعين بي ميزان الدكتورة وميزانى 2 كيلو ونص يعنى الان 78 يالله ربنا يسيرها وانحف قريباااااااااااا وارتااح من السبيعنات بي اذن الله |
مرحبا بنات كيفكم زان عن الدايت والرياضة شكلى برجع معكم من بكرة والله حاسة حالى زدت 10 كيلو من المنشطات وعملية الحقن وقدر الله وماشاء فعل شكلها فشلت
|
هاي بنوتات رشوقات
الله يعين عالرجيم مع الاجازة والله صعب مبروك بنت مكة انا نزل وزني نص كيلووو صاير التزول بطيييييئ اتوقع كل اسوع ينزل نص او اقل يالله مو مشكلة المهم مايزيد ولا يثبت اكلي متوازن ولكن بكمية مناسبة اول كنت اكل اووفر لحد احس بالشيع وزيادة اعطتني الدكتورة فيتامينات وقالت لي تتخن لكن على مين مااستخدمتها للان هههههه وبأشرب شاهي الرجيم اسمو رويال قرات عنه في النت ومدحوه الناس كتير دي اخباري ياحلوين ياأغصان الباان |
انا محكدب عليكم انا ما احب الرجيمات ولا احب اسويها انا مشكلتي قلة الحركة بل تقدرو تقولو انعدام الحركة اذا جلست ما اقوم وزني80 وطولي 156ونفسي اوصل ل60 في حل ولا انتحر وماعندي ارادة ابددددددددددددددددددددددددددا والمشكلة ان الشحوم متوزعة في كل جسمي حتى وجهي:(
|
بلسم مشكلتنا وحده تقريبا يلا نشد الهمه ونشمر الساعدين ونمسك ايدينا ونتابع مع اخواتنا هنا وان شاء الله نوصل
حتى انا ودي اوصل لـ 60 |
هلا باخواتي
في الانتظار بلسم نفس المشكلة تقريبا:( خلاص ادخلوا وبقووووووووووووووووووووووة وشدوا الهمة نفس حالتي مااعتمد الريجيم بس اخفف اكل وابعد عن النشويات مؤقتا !!! شوفوا لو ينزل الوزن 5ك قبل رمضان شئ طيييييييييب لأن برمضان بأذن الله ينزل بالراحه الوزن .:) اسأل الله ان يبلغنا رمضان ونحن في احسن حال |
اقتباس:
هلا بطموحه آآمين الله يبلغنا رمضان ونحن بأحسن حال أنا ناويه قبل رمضان انزل 12 كيلو باذنه تعالى وفي رمضان 5 كيلو بديت الريجيم والرياضه من السبت اللي طاف واليوم كملت اسبوع ولما وزنت المفآآجاه :17::14: خسرت كيلوين ونص وعقبالكم يلا شدو الهمه ونزلوا يومياتكم علشان نتحمس |
سلام يا رشيقات
عدنا لكم من جديد و معايا 2 نفسي احرقهم 2 كيلو طبعا اقول الحمد لله انه مع كل الاكل اللي اكلته هناك ما مسك جسمي اكثر ما اكذب عليكم اول ما رجعت البيت وزنت و لقيته 115 ذهلت و بديت اخفف من الفجعه و الحمد لله كان كله سوائل و فضلات و اليوم زنت و لقيته 113 قدامي مشوااااااااااااااااار و الله كريم يوم الاربعاء عندي موعد مع دكتور جديد للغدد الصماء دعواتكم سلام عليكم |
ازيكم يا حبيباتى وحشتونى جدا وعايزه اعرف اخباركم ايه اتمنى تكونوا مستمرين ومتحمسين للسير نحو حياة صحية
|
انا كذا دايم اجي متأخر
يخساره |
في الانتظاااااااار الف مبرررررررروك وعقبال الباقي ياارب
[ QUOTE=dodi_dabdoobi;2633]سلام يا رشيقات وعليكم السلام ورحمة الله وبركاته عدنا لكم من جديد الحمدلله على سلامتكم ان شاءالله انبسطتى في الرحلة و معايا 2 نفسي احرقهم 2 كيلو طبعا اقول الحمد لله انه مع كل الاكل اللي اكلته هناك ما مسك جسمي اكثر ما اكذب عليكم اول ما رجعت البيت وزنت و لقيته 115 ذهلت و بديت اخفف من الفجعه و الحمد لله كان كله سوائل و فضلات و اليوم زنت و لقيته 113 قدامي مشوااااااااااااااااار و الله كريم يوم الاربعاء عندي موعد مع دكتور جديد للغدد الصماء دعواتكم سلام عليكم [/QUOTE] الله يسيرلك ياارب انا رحت عند الدكتورة في السعودي الالمانى ونزلت معاها 2 كيلو وشوية حاليا 78 بس طفشت من المواعيد زحمة تجلسي 3 ولا 4 ساعات عشان تدخلي دا بي حجز شي مقررف بطلت اروح عندها خلاص ماشيه على نفس النظاام بس الرياضه مرررررررره مكسلة :( اقتباس:
اهلين ياام عمار وحشتينا فين الاختفااااااااااااء دا كلوو صراحه راح الحماس بعد خروجك انتى وام جماااااانة وغياب كثيررين انا وزنى طالع ناااااااااازل كل ماانزل اسيب الرجيم ارجع ازيد لازم طول العمر رجيم شي ممل:30: اقتباس:
اهلين بك منووووووووووورة عادى اتفضلي معانا |
السلام عليكم اناعندي 27 سنة
وطولي 156 وووزني 90 اقوم بعمل رجيم يحدث لي هبوط واشعر بالم في ظهري إذا مارست الرياضة وطبيعة عملي تمنعني من ممارسة الرياضة اليومية والدكتور قال لي إن نسبة الكوليسترول 6 على الرغم من أني تقريباً لاأكل لكن وزني لاينزل الكتورة قالت لي عندك نسبة مياه عالية في جسمك هل المياه المخزونه تحت الجلد هي السبب وكيف اتخلص منها ؟؟؟؟؟؟؟؟؟؟؟؟؟؟؟ اني اخاف امارس الرياضة لاني اتمنى الحمل واخشي دون ان ادري الرياضة تسبب لي ضرر ماهو الحل المناسب ؟؟؟؟؟؟؟؟؟؟؟؟؟؟ |
كم انا سعيده جداً لإشتراكي في مثل هذا المنتدى العظيم
ولكن ارجوكم كيف اعلم الرد على إستفسارتي التي ارسلها هل أحد يجيب علي هل هناك احد يقرأ رسالتي إني جديدة ولا أدري كيف التواصل ومعرفة الرد الرد على رسالي إن في حيره من أمري |
هلا يابنات
كيفكم وحشتووووني كللكم ..بنت مكة كيفك ؟ أخباري تمام ولو إني شغاااالة غش في الرجيم بس الحمد لله الى الان الأمور تحت السيطرة لكن نزولي بطيييييئ يمكن في الشهر كيلو واحد شايله هم رمضااان وسفرة رمضاان وماني عارفة كيف راح يكون النظام الله ييسر خلونا نحط أنظمة مقترحة لرمضان أنا سمعت بنات يقولو يفطروو بس والسحور زبادي فقط .... مدري كيف يستحملووو احس كدا اووفر لازم في وجبة عالساعة 12 في الليل صح ؟؟ دمتو جميعا بصحة وعافية |
السلام عليكم ورحمة الله وبركاتة
انا والله ماشتركت فى المنتدى الا عشان ادخل فيتحدي الرجييييييم معاكم الإسم : انا واختي توام العمر:22 سنة الوزن :110 كيلوا الطول : 160 المشاكل الصحية :خمول في الغدة الدرقية. ابي انزل مبدئيا 10 كيلوا اتمنى يكون وزني 75 كيلوا انا ان شاء الله ببداء الرجيم يوم الخميس وان شاءالله رمضان بكون مكملة الررجيم باذن ربي ابيكم يابنات اتشجعوني |
تعديل
اليوم الخميس - التاريخ 28\ 7\2011
اليوم الأول انا اليوم بديت الرجيم يابنات رجيمي كالتالي: الفطور: شاي - جبنة حلوم الغداء :صحن سلطة - ربع كيلوا مشاوي تكا (7 قطع صغيرة) العشاء :بيضتين مسلوقة . وينهههههم البنات الي بيتحدوني؟؟؟؟؟؟؟ |
السلام عليكم و رحمة الله و بركاته
رمضان مبارك عالجميع و اهلا و سهلا بالعضو الجديدة انا و اختي و راح اناديكي تومة معليش اسمك طويل بنات فينكم لا يكون اكلتو سمبوسة لا لا لا و ابدا لا تمدو ايدكم على السمبوسة او اي شي مقلي دخيلكم راح تودو نفسكم في دهية انا و كما هو واضح في وزني زدت مع الاجازة و اجتماعات اهلي ما شاء الله كل يوم حلويات و طبيخ و معجنات و اكل في اكل كنت قبل السفر 112 و بعد الاجازة صدمت و لقيت ان وزني صار 117 و اخدت التدابية اللازمة و خففت و صار 116 قبل رمضان و الله المستعان بس هذي السنة انا و زوجي مو ناقصين اكل كلنا تخننا و اتفقنا ما ناكل الا في العزايم بس و يكون اكل خفيف و في البيت يكون الفطور مثل السحور و برضو بيكون خفيف مثلا خضار مسلوقة و دجاج او سلطة تونة او جبن او اي شي خفيف و اكل فاكهة بكثرة عشان الالياف و تعويض للسوائل بدل العصيرات و الله يقوينا و نستمر و ننحف ما عاد عندنا في الحياة انا و هوا الا ناكل و نتخن و نرجع ننحف و ربي طفششششششششت خلاص نفسي انحف الين يوصل وزني على الاقل 80 بس و بعدها يصير خير الله يكرمنا و يكرمكم |
السلام عليكم
رجعننننا من جدييد .. اخ ياقلبي يالله نشد الهمة سوى ويارب يجي العيد و نكون خسينا شوي .. انا حابة انزل 10 كيلو ... بس مشكلتي بالرياضة.. لازم اعمل رياضة عشان تنشد العضلات بس كسلااااااااااااااااااااااااااااااااااااااااااااااا اااااااااااانة نويت باذن الله اخفف اكل في رمضان و اكثر من السوائل ويعد رمضان ابدا الرياضة |
السلام عليكم ورحمة الله وبركاته
كيف حالكم جميعا يارب تكونو جميعا بألف خير والله وحشتوني كلكم وانتم عارفين الاوضاع في ليبيا وخصوصا مدينتي مصراته بس الحمدلله لقيت مكان فيه نت فدخلت عشان اطمنكم واطمن عليكم مش عايزة ادكر اسماء عشان مايسقطش اسم سهوا بس ابارك لكل من نزلت وزنها وعقبال الباقي وسلامي لكم وبوستين لكل وحدة وبطلب منكم طلب الدعاااااااااااااااااااء الدعاااااااااااااء لنا واخر شي يارب توصلو لحلمكم جميعا وبحبكم جميعا في الله واستودعكم الله الذي لا تضيع ودائعه |
السلام عليكم ورحمة الله وبركااااااته
كيفكم جميعاااااااااا وايش الاخباار زمان عن الموضوووع انا اشتركت في عالم الحميه فترة شعبان اول اسبوع نزلت 500 جرام نص كيلو وبكيت يومها قهرر كنت بدي اكتر:( الاسبوع التانى نزلت كيلو و600 جرام كانت فرحه لاتووووصف :17: كنت حاازغرط من الفرحه الاسبوع ال 3 كانت الكاااارثه :29: زدت كيلو بدون اي لخبطة الاسبوع الاخير كان في رمضان كانت كااارثه اخرى زدت برضوا 300 جرام :30:مررة زعلت بدون لخبطة وكنت ماشية كويس على الرياضه والدايت مااكل غير اكل المركز بس كانت نسبة الدهون واشياء في الجسم كتير متغيررة قالت الاخصائية مرضى الغدة الدرقيه هيا الغدة الا تتحكم في وزنهم انتهى الاشتراك ورجعت لدكتورتى مرة اخرى بس واضح عليا انى نحفت الحمدلله |
كل سنة و انتو طيبين
اهلين بنت مكة .. يا شيخة انا فقدت الامل في القروب دا انتي لسة فاكرة انا اشتركت في الشي دا اللي انتي اشتركتي فيه من زمان و لسة ما طبقت اسبوع و اشوف صرصار سغنطوط في علبة الاكل نفسي لعبت منهم و بهدلتهم و في الاخير بس ادوني فلوسي الباقية و الباقي حسبوه و خلاص عرفت كيف طريقة طبخهم و انا فلست اصلا من الفلوس اللي يلهفوها و بطلت منه المهم انا زي ماهو باين في التوقيع رجع وزني لركزة جديدة انا كانت ركزتي عند 112 او 111 دحين مدري ايش نفخني و مرة خايفة اني ازيد اكثر صارت ركزتي غلى 115 او 116 !!! نزلت ايام رمضان ل 113 خلاص اديت نفسي هواها و زيادة في العيد لغاية ما رجع تاني لل 116 اللي حتجيب لي الاكتئاب و فكرت انا و كم وحده في العيلة نفس حالتي بس على خفيف اننا نتشارك و نتعاون و ننتبه لبعض و نشجع بعض و عملنا قروب الرابح الاكبر بين بعضنا في البلاك بيري و امس اول يوم و ماسكة نفسي بالقوووووووووة و لو اني اول ما صحيت فتحته على اكل ملغم و لكن شفت همة البنات باقي اليوم استحيت و خصوصا اني اتخن وحده فيهم و انهم من اهل زوجي و اتكسفت بصراحة لا ينقال انو ما مني فايدة و اني حالة ميئوس منها و انا اصلا من زمان طفشششششت و خايفة من الامراض الله يكفينا شرها و اهي فرصة انو انتهت العزايم و لغاية الحج فرصة للاختفاء من الجمهور تحياتي |
رووونا الف مبروووووك على النصر
ربي يحميكم و يولي عليكم من يخاف الله بنت مكة .. مبروووووك ياعسل اهم شي يبان ي الثياب لا تهتمي للرقم كثير لانه احيانا تستبدل الدهون بعضلات فمايتغير الوزن دبدووبة ... حلووو الجروب اللي سويتوه استمري معاهم . وان شاء الله يارب تنحفي بصحةو عاافية شفتو ردي الاول قبل رمضان ماطبقت منه و لاحرف:) .. نازلة اكل اكل اكل زوجي نحف 4 كيلو يعاندني فيهم وانا زدت كيلوين :( مااني قاادرة اسكر فمممممي من الاكل اي اسويييييييييييييي امس بديت و قلت خلاص ببدا بقوووة وفطرت على بس رغيف و بيضة و هاتك ياشغل بالبيت لما وجعتني بطني وقعدت بلا اكل من 10 الصبح الى 4 العصر.. اجا زوجيي و جاب لي شاورما لا تقاااوم طبعا اكلتها :) و بس تشوفوا الدهن يسيل و انا اتلذذ :) و بعدها الساعة 6 قام ابو الشباب يشتهي كبسة لحم :) اخلي بنفسه شي؟؟ طبعا لا . قمت سويت و طبعا اكلت صحن معا المهم انتهى اليوم و انا ماكككلة و مو مخلية شيي خلاااص قلت بكرة اثننين اول الاسبوع عندنا .ببدا من جد .. شجعوووووووووووووووني |
دودي يالله ضميني في قروب البي بي:d
بالنسبة للاكل الحمدلله كان نظيف وماقد شفت شي مو كويس دحين موضة الناس كلهم عملية التكميم للمعدة بنات في العيلة فجاه في شهر شهرين صروا انحف مني :( وكانت اوزانهم مره كبييييرة الله لا يبتلينا وماحد يقول يجي العيد وتتفاجي بي ناس ماتعرفيهم فجاه واحده نصحتني بي حبوب اسمها لامي في محلات الاندونسين تنحف مرة نحفتها نوررة يالله شدي الهمة وانحفي بلاش الاكل الا مالوا لازمة والله ينحفنا واحنا بخير ياارب |
| الساعة الآن 04:48 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©