نفسي اروح اصلي العيد بس خايفه ..
 

السلام عليكم يااعضاء المنتدى ..


مثل مو مكتوب بالعنوان ودي اصلي العيد بالمسجد لكني خايفه..


خايفه اشوف اهلي طليقي وزوجته بصلاة العيد .مع اني مااعرفها لكن بميزها .. واخاف كمان اشوف طليقي برا وترجع الذكريات المدفونه .. ويصير يومي وعيدي كله نكد وحزن ..


انا ماقد قابلتهم من بعد الطلاق ولي سنه ونص ..

ومدري كيف بتصرف لو قابلتهم لاني من النوع الخواف .. وفي هذي المواقف ارتجف رعب .. اخاف يسولي حركه او يعطوني نظره تقهرني لأني عارفتهم زين ..



كان ودي اني اقابلهم وانا متزوجه عشان اغيظهم كلهم واغلط كلامهم يوم قالو (مين اللي بيرضى فيكي) ..


امس قلت لأمي شكلي مابروح اصلي .. قالتلي بتروحي وان شالله ماتشوفيهم ..


علموني كيف اتصرف لو قابلتهم .. لحد يقول روحي سلمي عليهم .. لانه من سابع المستحيلات ..


علميني ياشوبارد اعطيهم من نظراتك واقهرهم فردا فردا ..

ابويا مابيرضى ولا راح اخلص من كلامه وبيقول بلا دلع بنات... ولانه المسجد هذا لاصق فينا ..

واقرب مسجد بيصلو فيه العيد لازم نروح له بالسياره ..


ومن جد هذا مو دلع لكني جبانه ..

اختي جزاك الله خير ، هل ستظلين تحبسين نفسك في سجن الطلاق ؟ هل انت اول أو اخر امراة تتطلق ؟ لماذا هذا

الخوف من اهل طليقك وكانك اقدمت على جريمة لا تغتفر ؟

والله اني انزعج جدا من بعض اخواتنا المطلقات عندما تسترجع شريط ذكريات ماضيها مع طليقها وتعيده على ذهنها

يوميا مما يسبب لها حالة من الكابة والتشاؤم .

اختي كوني على ثقه بان الذي رزقك بذالك الزوج قادر على ان يرزقك بخير منه فلا تيأسي ، وارجوا منك ان تبتعدي

عن التفكير في الانتقام اوالرد عليهم مهما صدر منهم من نظرة او حركة ساخرة ، وانصحك بالصلاة في هذا المسجد

واجعلي الابتسامة والبشاشه تعلوا محياك .

ثقي بالله وتوكلي عليه

وروحي وصلي العيد بالمسجد ولا على بالك

ولا كأنك تعرفينهم

واقري على نفسك المعوذات واسة الكرسي

وايه ( وجعلنا من بين ايديهم سدا ومن خلفهم سدا ........) صدق الله العظيم

وانشاء الله ما يجي عيد الاضحى الا والعريس قبله قولو آآآمين

طالما انت واثقه من نفسك لا يهمك احد
انت واثقه ان كلامهم عنك مو صحيح

تبين الصحيح ..أقولك الصراحة ..أنا لو ماكانت وعندي شك اني بشوفهم ..ما أروح ..

أنا نفسيتي كذا ..بس بعد انتي شوفي نفسك ..