|
لكل من طفش وما حصل زوجه خذ قصتي
بسم الله نعم لكل من طفش وزهق ومرض وما حصل بنت الحلال خذ قصتي عزيزي لو اقولك قصتي بتقولي كذاب وتبالغ لكن لا يهمني صدقت ولا لا هذي قصتي بداءت ابحث عن عروس تسترني وبدء هذا المسلسل ووسعت نطاق البحث واشركت جميع الاطراف من اهل واصدقاء وجيران وخطابات جمعية مساعدة الشباب على الزواج وكل واحد اقوله ابحث ولا اشترط لا موظفه ولا انسانه فاحشت الجمال ولا لها اوصاف كذا ولا كذا انسانه عادية لها جمال مناسب مع عمر لا يتجاوز 26 سنة اوصاف بسيطه صح وكنت مبسوط مره قلت اكيد مع العوانس الي جالسين في البيوت اكيد باحصل الف فوالله اني حست وبرمت ورحت اكثر من مدينة في بلدي وجاني شبه انهيار مع ان وظيفتي كبيره لعلمك وليه في منطقتي الي انا فيها كلمتي وكل ما ادخل بيت يقولوا انت وظيفتك بعيده مانقدر نعطيك بنتنا ولا يجيك يقولك لا والله مانزوج الا من الجماعة جاوزت طبعا عشرين بيت وانا ابحث خلاص طفح الكيل بكت الوالده قالت لي يا ولدي ايش فيك احد دعاء عليك صرت شماته للاخوان والجماعة ليش ما زوجت لا اكيد فيك وفيك وفيك تخيل خلاص جاني انيهار طفشت مليت تخيل معد احد يبزوجني جاتني صدمة قوية ومرضت حتى بان في جسمي خلاص ايش بعدها معد فيه الا الحرام جلست اوزع الفلوس الي عندي على الرحلات السياحية للخارج وبدية اجمع ارقام لبنات خلاص خربانه خربانه لكن الله كريم لما شاف اخويه الكبير وضعي وكيف الاهل تعبوا قلي ايش رايك اشوف لك أجنبية وقتها انا خلاص طفشان ومنهار وفي نفسي اقول ايش يعني هذي مثل هذيك تدور وترجع في الوجه قلتله روح شوف الجماعة ورد خبر سبحان الله ربك كان كاتبها لي جاتني لين عندي ما دورت لها وافقوا الجماعة والله سبحانه ستر وطلعت التصريح والملكه بعد اسبوعين بإذن المولى نسيت امر بنات البلد ولا عد فكرت في وحده منهم هذي قصتي فانا ارجوك اذا طفشت من بنت البلد لا تضيع نفسك روح مباشرة للأجنبيه فيهم من هي افضل من بنت البلد بكثير وهذا وسلامتكم |
اخي الكريم كونك لم تتوفق بالزواج من بنت بلدك فذلك لا يعني انهن غير مناسبات او ان الاجنبية افضل ، انه نصيبك وقدرك ان تتزوج من أجنبية لذلك لم تنجح كل محاولاتك مع بنات بلدك .
|
تفاءل
* * * كتبته من غيضك لن ألومك لكن فكر بأخواتك ومن حولك كل شيء نصيب ونصيبك هناك وليس لعيب فيك في كل الأحوال أسأل الله لك الخير ... دمت بخير |
حاشا لله ان اكذبك مافيه مثل بنت البلد .. بس المشكله عندنا الشروط وبعدين لو انك صابر شوي ومااستعجلت : يمكن لعل وعسى خاصه وانك ما تتشرط ! بعدين وشهي الاوصاف البسيطه اللي تشوفها ..؟ وبالنسبه للملكه نصيحه صل استخاره قبلها ... اسال الله العلي القدير لك التوفيق والسعاده معها .. |
تعال عندنا ونزوجك بشرط تكون مستقيم ولك عمل............ياشيخ حرام عليك تترك بنت البلد المتعلمة المتدينة المزيونة
المستورة كل الصفات المطلوبة موجودة........البيوت ملئ بالبنات كل وحدة تتمني الرجل يطق بيتها.......يمكن قريتك محدودة إذهب الى مدينة اخرى............اعرف بيوت مليانه بنات كل حدة احسن من الثانية.........لاتسافر اجل ........ أكيد تحصل وكل الصفات فيها نعم أقولها مرة ثانيه وثالثة................أنا ما اقول بنات الدول العربية ماهي كيسات لا لا ممتازات وجميلات وحلوات وملكات جمال.........ولكن بنات البلد أحق بك............................... أعرف بنات عوانس كثيرات كل ليلة ترطب وسادتها من الدموع...........والحزن والغبن ..........تريد رجل......تريد طفل.... ما اقدر أكمل أكيد كثيرمن العوانس يقران كلامي ويزدادن حزنا............تحياتي الى هولاء البنات وقلبي معكن |
اذا هجر الشباب البيوت التي تضم بنات بلده المستورات فمن يتزوجهن؟ ايلجأن ايضا هن للزواج من اجنبي؟ قصة في الحياة لاتستطيع تعميمها على الكل وان عايشها اكثر من شخص فليست قاعدة الله يوفقك ويوفق شباب كل بلد مع بناتها تحياتي حائزة الأمل |
اخي الكريم
اسمحلي اقولك ان المشكله ليست فيك وليست في وظيفتك وبناتناااااااااا فيهن الخير ويقبلن بالرجل الكفؤ ولكن مشكلتك مشابهه لمشكلتي الا وهي : طريــــــــــــــــــــــــــــــــــــــــــ ـــقة الــــــــــــــــــــــــــــــــزواج فأنت لا يتوفر لديك ( مصادر معلومات ) وألية بحث جيده مثل البعض من الشباب فالشاب في بلدنا هذه اذا كانت لديه اخوات او امراه صادقه تقوم بالبحث له فانه يتزوج سريعا بل يحصل جميع المواصفات المطلوبه بل واحيانا يكون اقل من زوجته بكثير اما انا وانت وامثالنا ليس لهم الا ان يرضوا بالواقع او يشوفولهم دبره ولا وشوله يعرسون محد فكر فيهم |
اقتباس:
بسم الله اختي الكريمة انا جلست قرابت سنتين ابحث اظن سنتين ايش اريك فيها اوصافي هي الاتي : اولا : تكون متعلمة ، ما اشترط تكون دكتوره ولا مدرسة ولا شي انما متعلمة تعرف دينها وحقوق زوجها ثانيا : تكون مابين 17 الى 26 سنة ثالثا : تكون دينة رابعا : تكون جميله جمال معقول لا فاحش ولا شي ما اطلب انها تكون ملكة جمال ولا ابغا شعرها كذا ولا لونها كذا ولا شي انما جمال معقول حتى لو يظهر مع الابتسامة فقط |
اقتباس:
اقسم بالله ياعزيزي اني ما ودي اخذ غيرهم تامن بالله واني وانا باملك على هذي البنت اني نفسي في بنت البلد لكن ايش اسوي ايش الي صبرك على المر الا الامر منه لما تحوس سنتين وتمر على 8 مدن ايش تبغى بعدها |
اقتباس:
اختي اقدر وضعك لكن برضوا قدري وضعي واحب اسالكي اذا رفضتم الخطاب من وين يتزوج هم ؟ |
| الساعة الآن 04:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©