|
صديقتي تزوجت ولاعزمتني ولاحتى بشرتني!!
السلام عليكم
كانت معاي بالمرحلة الثانوية.. ومن ضمن صديقاتي كنا بمجموعة وحدة افترقنا بالجامعة.. وتخرجت قبلها وتوظفت .. بعد سنتين تخرجت وبالصدفة سبحان الله ربي جمعنا مرة ثانية اشتغلت معاي بنفس المكان.. ورجعت علاقتنا مثل أول وأكثر اكبر مني بالعمر.. وحالتها النفسية مرة تعبانة لأنها تأخرت بالزواج وكانت تعمل المستحيلات بس عشان أحد يخطبها! بعد فترة ماتحملت ضغط العمل واستقالت.. ولازالت علاقتي معاها بالتدريج قلت المكالمات بيني وبينها لكن علاقتنا مثل ماهي ودايم تجي تزورنا فجأة اسمع خبر خطبتها.. اتصلت مرتين (بتقولي عن خطبتها ) وكنت منشغلة ومارديت رجعت دقيت عليها كم مرة ماردت... جاني خبر ان زواجها في القاعة الفلانية في اليوم الفلاني بس ماتبغى تعزم صديقاتها كلهم الا وحدة بس!! ماتتخيلون قد ايش تضايقت وتعبت نفسيتي! صديقتي كان بيني وبينها عشرة ياما شكت لي وياما بكت وياما ساعدتها بأشياء كثيرة والله كلمت خطابة عشانها يوم شفت دموعها! مع اني والله ماكلمت عشان نفسي وقسما بالله.. معقولة خايفة من العين! ولاوش السالفة بيوم زواجها بس انا ظر الساعة واتخيل كيف شكلها وكيف زفتها نفسي أشوفها وهي تنزف وكل شوي ادق على صديقتنا المعزومة و هاه كيف شكلها لايكون خايفة في الزفة! والله بكيت نفسي أشوفها واتذكر كل كلمة كانت تقولها لي لما نتخيل اننا تزوجنا ومشاعرنا وقتها وبنفس الوقت ابكي من القهر ليه تسوي كذا! وبعدها فجأة تغيرت قلت والله اللي مايقدرني والله ماقدره ليه ازعل نفسي عشانها بكيفها الحمدالله ماني بحاجة لها ياكثر احبابي وصديقاتي وانقطعت عني من يوم تزوجت! وتقول لصديقتنا شفيها شوبارد مادقت تبارك!!! << بعد سواتها معاي هذا كلامها! وان شالله اذا ربي يسر لي وتزوجت والله بعزم كل صديقاااااااااااااااتي الا هي :21: <<<<<<< مبين منقهرة:d تتوقعون خايفة من العين ولافيه سبب ثاني؟ |
أختي شوبااارد ما رأيك لو تتبيني سبب فعلها منها شخصياً ... يعني اتصلي عليها وباركي لها وعاتبيها وتبيني السبب حتى لا تسيئي الظن بها فربما يكون هناك عذر لما فعلت.... لأنه لو هي خايفة من الحسد ما كانت اتصلت فيك وحاولت توصلك خبر خطبتها.... التمسي لها الأعذار وحاولي ما تشيلي في قلبك عليها فالعتاب بين الاصدقاء يهدئ النفوس ويصفي القلوب وفي النهاية احتسبي أجر ما تفعلين لله .... وفقك الله لكل ما يحب ويرضى |
صديقتنا المعزومة سألتها قالت ليه ماتبغين تعزمينهم
قالت ان امي تقول مانبي بنات بالزواج!! << هل هذا سبب؟ واذا سألوك قولي زواجي عائلي وماناديت أحد مع العلم ان زواجها كان بقاعة كبيرة حتى طالبات المدرسة معزومات تصوري طالباتها تعزمهم! وصديقاتها لا! امر انها تقولي عن الخطبة عادي بس هي خايفة من الزواج نفسه فهمتي علي؟ يعني زفتها مثلا |
حبيبتي ما اقول لا تنقهري بس ريحي دماغك
التمسي لها الاعذار..والله يا أختي مريت بوقف انكد من موقفك بكتير بس الحمد لله ربي عوضني والحمد لله على نعمة النسيان..بس بصراحه أنا ما قطعتها ظليت اسأل عنها اي احد يعرفها اوكي رجعتلي لما عرفت ان مالها غيري بس بعد ما فات الاوان.. قلبتي عليا المواجع ههههههههههههه امزح ربي معاك |
يمكن لو شافتك بيوم العرس اتذكرينهـا بالأيــام الصعبة التي عاشتها بدون زواج فتسوء نفسيتها ..يعني عندها عذر نفسي ..
|
^
ليه اذكرها بالأيام الصعبة؟ بالعكس كنت اهون عليها كثيييييير فرق بيني وبينها مع اني اعاني بمثل ماتعاني بالضبط الفرق الوحيد بيني وبينها اني ماكنت اتكلم وابين رغبتي بالزواج واللي عزمتها صديقتنا يعني الحال من بعضه وصديقتنا مطلقة بعد وعندها طفلة ماشافتها من اربع سنوات يعني اشد منا كلنا بس هذي اقرب صديقة لها (ردك أخوي آلمني كثير ) اختي سيسبال انقهرت وقتها والحين ريحت على الاخر بس فيني فضول ابغى اعرف السبب اسأل عنها صح الى الان وانا اسأل لكن اكلمها مستحييييييل الله يوفقها وبس |
وعليكم السلام ورحمة الله و بركاته
عزيزتي شوبارد... نعم لو كنت مكانك سأحزن و أتألم كما تألمتِ... ولكن غاليتي... وعلى الرغم من صعوبة الأمر إلا أنني أقول لك و باختصار.. قولي كما علّمنا ديننا ...." لعل لها عذر لا أعلمه "... حتى وان سمعتِ أسبابا تافهة في ظاهرها... إلا أن الغيب يبقى غيبا لا نعرفه و ان كثرت التخمينات... فإن قدر الله لك التحدث معها فاسمعي منها و اسأليها ان كانت علاقتك بها تسمح بالسؤال.. وإلا... فأريحي ذهنك فلن يعيد حزنك و همك أمرا قد مضى و انقضى... أيا غالية حنانيك...وهوني الأمر عليك... وفقك ربي لخير الدارين... ،، ،، أختك |
لا تنقهري غاليتي ..
التمسي لأختك العذر .. ربما كانت هناك ظروف قاهرة وخارجة عن قدرتها.. ربما .. كانت الأمور سريعة جدا ... أو ربما .. طلبت من أحدهم إخبارك .. لكنه نسى ...!!! ربما .. غاليتي شوبارد ,,, ادعي لها بالتوفيق .. و النجاح في حياتها الزوجية .. وأظهري لها عدم حزنك من هذا الموضوع ... لأنها إذا كانت متعمده في ذلك .. فستنقهر هي.. عندما تراك وأنت لم تتأثري بالموضوع بتاتا ... وعندما تجدينها .. أو تحادثينها .. ادعي لها .. وبكلمات هادئة ..القي عليها عتاب بسيط .. وتبسمي لها.. فستعلم حينها .. بأنها هي الخاسرة ... بارك الله فيك .. ووفقك الله ..ورزقك بالزوج الصالح .. اللهم آمين |
أم حور
اول شي كيف حالك.. من زمان عنك يالغالية ثانيا صدقيني انا راح اسوي مثل ماقلتي وفعلا هذا رايي في البداية تضايقت بعدين خلاص ومن ناحية الاعذار مااعتقد لأني عارفة كل شي al ameer ياعزيرتي تعرفين من سبب الزعل؟ صديقتنا المعزومة! صديقتي اول مانخطبت كانت تقول كل شي لصديقتنا المعزومة مثلا: لاتقولين للبنات اني تملكت.. لاتقولين لهم ان زواجي بقاعة كبيرة لأني ماراح انادي احد ايش ردة فعلهم يوم عرفو اني انخطبت! قولي لهم زواجي عائلي! وصديقتنا تجي وتقولنا مع انه يفترض انها تستر على الغلط وتسكت! وانا اتصلت عليها اكثر من مرة ايام خطبتها وماترد ابد وانا الحمدالله لازلت ادعي لها وربي اني فرحانة انها تزوجت لكن بقلبي شايلة عليها واذا شفتها ماراح افضح صديقتنا وابين لها اني عارفة بسكت وبس! وبكون جدا طبيعية لكن بصراحة تغيرت كثير مشاعري تجاهها ع فكرة سمعت هاليومين انها حامل مسكت الجوال ادق ابارك وفجأة جا صوت بداخلي يقول اهم ماعلى الانسان كرامته واللي مايقدرك لاتقدرينه ومادقيت:22: |
عليكم السلام ورحمة الله وبركاته
أكــــــــره كـذا وماألومك ياشوبارد لو تضايقتـي بس صدقيني لو أنا مكانك حتى ماأبين لها ضيقتـي اللي ماقدرني مـاأقدره ولاأحسب له حســاب الخطأ منها ولاتقولين يمكن خايفة مني أو خايفة علي !! النقص فيها هي ومش فيك ويااااكثر ماراح نقابل مواقف مثلها وأكثر صدماااات دائما ً توقعي أي شيء من أي أحد معك حتى لو أقرب قريب علشان ماتنصدمين بعديـن ، أصعب شي إنك تحطين كل إهتمامك بشخص معين وبكره تنصدمين وتندمين خليك دائما ً معتدلة في كل علاقاتك ولاتتوقعين إنه فيه من بيكون مثلك أو حتى مثل ماتتمنين ، للأسف أنا أول مره أقول مثل هالكلام لكن يعلم الله وش كثر انصدمت بأقرب القريبين مني ومن بعدها تعلمـــــــــت حافظي على مشاعرك وحتى إهتمامتك بالآخرين ، قلبك وراحتك أهم من أي أحد والله يخلي لك أمك هي الوحيدة اللي تستاهل منك كل شي ولاّ الباقي ماعليك منهم |
| الساعة الآن 10:31 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©