منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   العلاقات الأسرية والإجتماعية (http://www.66n.com/forums/forumdisplay.php?f=91)
-   -   معاناتي مع المتطفلين بالله تساعدوني (http://www.66n.com/forums/showthread.php?t=132820)

toti_froti 27-06-2007 02:55 PM

معاناتي مع المتطفلين بالله تساعدوني
 
اخواني واخوتي كرهت حياتي لدرجه صرت اتمنى الموت والسبب
المتطفلين
حياتي صارت لا تطاق
الكل يبغى يعرف كل شي عني ادق التفاصيل وين رايحه من وين جايه لدرجة التجسس علي ومراقبة طلعاتي
وللاسف محاطه بشكل تام بالتطفل الاسرة الصديقات زميلات الدراسه الكل يبغى يعرف كل شي عني
مو معقول انا مااطيق هذا الصفه وياريت اني ارد بالمثل بالعكس عمري ماسالت عن خصوصيات احد
والمشكله احب ان اتبع الحديث الشريف استعينوا على قضاء حوائجكم بالكتمان وانا مؤمنه به جدا لانه فعلا تتعسر الامور لو حد درا عن شي :21:
امثله على التطفل لو بروج الجامعه ليش بتروحي مو خلصتي دراسه ؟ارد امكن بسجل صيفي ؟طيب حد له شي عندي اوووف تخيلو كنت مسجله صيفي وفجاءة سكروا الشعبه بموووت قهر :29:

مااعرف كيف ارد عليهم مااحب الكذب ونفس الوقت مااعرف وش ارد ؟

وحدة تتصل علي في منتصف الليل وانا نايمه تتوقعون ليش تبغى تسالني وش راح تلبسي في العرس :23: ؟

ارجوووووكم ساعدوني كيف اتعامل مع هذي النوعييه من البشر خاصة انه لو كنت ناويه على شي وحد درا عنه قسما بالله يتعطل بشكل غريب واتعب تعب مو طبيعي

حاولت اجرب حل امكن ينفع معهم قلت بسال مثل ماهم يسالو تتوقعوا ايش يتهربو من الاجابه طيب ليش ما يعاملوني بالمثل انا بعد مثلهم لي خصوصيات مااحب احد يدرى عنها

وايــفــــاي 27-06-2007 02:59 PM

ههههههههه
الله يعينك

ابد اللي تسأل عن شي ما يخصها

قولي يالغالية
ترى هالشي ما يخصك

babylady 27-06-2007 03:01 PM

و الله يا اختى الله يعينك بس حاولى ان اجابتك تكون مراوغه قليلا و ليس كذبا بمعنى مثلا لو واحدة سالتك ماذا ستلبسى فى العرس قولى لها مثلا لسه محتارة او لم اثبت على راى معين حتى الان او اقلبى الموضوع لسؤال لها مثلا قولى لها اه و الله فكرتينى بالعرس طب انت ماذا ستلبسين و هكذا اعلم تماما ان هؤلاء الاشخاص يكونوا مزعجين بشكل غير طبيعى الله يساعدك على حشرتهم

toti_froti 27-06-2007 03:08 PM

اسير اشكرك على المرور
مثلا لو حرمه كبيرة تسالني استحي اقولها مايخصك

وبايبي ليدي شكرا لمرورك
اعمل كذا ماينفع معاهم اهئ في اسئله ماينفع فيها مراوغه لو مباشرة زي رايحه وين ؟وليش ؟

الفرويه 27-06-2007 03:30 PM

الله يعينك حبيبتي والله مشكله
بس اذا احد سألك عن لبس او وين تتصلحين او من هالقبيل
قولي(( لسى ماقررت ))حتى لو قررتي
وصعبه تقولي مالك دخل .....
والله يعينك على ناس مثل كذا

أم _حمزة 27-06-2007 03:50 PM

السلام عليكم ...

اختي الحبيبة ...

زمان لما كنت أستشير أمي في مثل نوعية هالبشر اللي مر علي منهم كثير ،، كنت أتضايق منهم جدا وفعلا أحيانا أعطي جواب صريح أو أكذب علشان فك منهم بسرعة ...

لكن أنا أمي نبهتني على طريقة(نبهها عليها أبوي لما سألته تاخذ رأيه في مثل هالناس من النوعية اللي مر عليها منهم)

قالها أعطي جواب الواحد ما يفهم منه شي محدد ,, مثلا ...

كيف اختباراتك؟؟ (اذا لا قدر الله كنت مخبصة شوي)قولي الحمد لله_ في كل الاحوال طبعا _...

السؤال اللي مر عليك _أيش بتلبسين في العرس_ لسا ما فكرت ،، او مفاجأة ،، مع اني الجواب موجود مثلا ..

يعني لا تعطي جواب محدد ،، واذا حسيت التطفل عليك زاد عياره غيري الموضوع على ل واستمري في تغييره كثر ما لف ودار عليك اللي يبغى يعرف الأجابة ...

هذا في حالة الأغراب او المتطفلين ،، أما الأهل المقربين(أبوك، أمك)أكيد يبغوا يتطمنوا عليك يعني مو تطفل ..

والله يوفقك ...

وأسفة على الأطالة ...

أم حمزة

لما بابا ينام 27-06-2007 04:59 PM

اقتباس:

المشاركة الأصلية كتبت بواسطة toti_froti
وبايبي ليدي شكرا لمرورك
اعمل كذا ماينفع معاهم اهئ في اسئله ماينفع فيها مراوغه لو مباشرة زي رايحه وين ؟وليش ؟


حبيبتى كل الاسئلة ينفع معها المراوغة حتى هذا السؤال

رايحة وين؟
الجنة ان شاء الله :25:
مشوار ساعة كده وجاية على طول :21:
رايحة مكان .. ليه؟ (واقلبى عليها السؤال) :25:

الموضوع بس يعتمد على بديهتك وقت السؤال

سلامات يا قلبي 27-06-2007 05:09 PM

رايحة وين:d
تروحي معي تقبريني بلكي نتسلى وهيك بتحرج :)
سألتك شو بتلبسي :d
يا حزرك شو بلبس
عاملت الكن اياها مفاجأة وضحكة هيك صغيرة بتستحي معها البنت
ان سألك حدا عن حالك:d
بتقولي من الله الحمد الله ومن عباد الله ما ادري

لاتشيلي هم ناس فاضية ما الها شئ
يسلم لي هالقلب الطيب

sarroura 27-06-2007 05:14 PM

لا تجعلي منها مشكلة و حاولي قدر الامكان تجنب هؤلاء الاشخاص

toti_froti 27-06-2007 05:14 PM

اشكركم على تفاعلكم معي هذين النوعيه من الناس مالهم حل
طبعا ابوي وامي يحق لهم عادي ماعندي مشكله معاهم
المشكله من الثانيين والله صرت احاول ارواغ ولو انه مو طبعي احب الصراحة لكن مليت طاحت على راسي
ولكن في اسئله بجد مالك مفر منها انتو مو متخيلين لاي درجه التطفل واصل معاي
مثال اخر حرمه كبيره تقرب لي كنا مارين عليها بنوديها مكان تخيلو قبل ماتدخل السيارة بتسالني رايحه الجامعه ليش تجيبي الشهادة و لا ايش(حتى قبل لا تقول السلام عليكم )؟
هنا ايش ممكن اجاوبها
تخيلو لو قلت لها معاي شغله بخلصها بتقول ايش هي ايوة واكثر بعد ولو غيرت موضوع والله ماتطلع من السيارة الا وعادت السوال الف مرة الى ان اجاوب عليها او اني طول الطريق مااسكت من سالفة لسالفه عشان تنسى :(
صرت ماارد على تليفونات ولا احب اطلع من البيت اخاف احصل متطفل من اياهم يستلميني

وهاتك يااسئله ومرات اذا بنات اعمل نفسي سرحانه هههه او اغير سالفه بس لمتى الا مانرجع للموضوع


الساعة الآن 01:37 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©