|
رجع زوجي للزعل بدون سببب مقنع..كيف اتصرف معه؟
السلام عليكم ورحمة الله
اعتذر منكم ..فقد غثيتكم بمواضيعي..لكن اسأل الله ان يجعلها في ميزان حسناتكم واسأله تعالى أن يتقبل منا الصيام والقيام وأن يصلح احوالنا و يوفق الجميع لما يحب ويرضى اخواني لي خمسة ايام وانا افكر بحل..او مخرج من وضعنا الأخير لكني لم استطيع..فقلت بعد تردد ..ليس هناك مثل عالم الحياة الزوجية والله يعينهم علي.. بالتفصيل الممل ذهبت في 23 /8 /1428هـ إلى أهلي ..كي اقف بجانب اختي المتعبة وجلست هناك تقريبا عشرة ايام..ثم جئت إلى بيتي في اليوم الثاني من رمضان..لآسباب معينة منها ان اكون مع زوجي في رمضان للطبخ والاهتمام به..واختي من قالت لي ان اذهب برغم حاجتها لآن أكون بجانبها..(لا تنسوا ادعوا لها بأن يخرجها الله من حالتها ويفرج همها ويرزقها من واسع فضله).. جلست في بيتي ثلاثة ايام ..ثم ذهبنا يوم الثلاثاء أنا وزوجي إلى العمرة في مكة.. طبعا يوم الاربعاء جلسنا يوم الاربعاء عند اخته في مدينة تبعد عن مكة حوالي 80 كيلو..ثم ذهبنا يوم الخميس ظهرا للعمرة..وكان معنا ولد اخته وهو متزوج..لم انطق مع زوجي بكلمة في السيارة..المهم في الكعبة افترقنا ..ذهبت انا وزوجي لاداء مناسك العمرة..وكان طول الوقت معصب واواااااااااااامر..روحي هنا تعالي من هنا..اذا لقيتي فراغ ادخلي..اسرعي..بطيئة.. هو ما شاء الله..سريع ويقدر يمشي بسرعة وانا لا استطيع مجاراته..فكان يغضب علي..ويقول انتي مربوطة بحبل ؟؟ طبعا انا ضقت ذرعا بأوامره واستغرابه لعدم لحاقي به..وهو كما قلت لكم سريييييييييع جدا واتعبني المشي كثيييييرا خاصة بالسعي و لا تنسوا عامل الزحمة خاصة انه يوم خميس..طبعا لما كان يقول هذه الاوامر..كنت اقول..طيب ..انا بأعرف..ومرة قلت..يعني تبعاااااني ادخل في ظهر الرجال:29: ؟؟؟ خلصنا العمرة ورجعنا إلى المدينة التي ساكنة فيها اخته..طبعا طول الطريق ما كلمني..بس بعذره لآن الرجال كان معنا.. وصلنا بيت اخته وفي ظهر اليوم الثاني..قال لآخته (اني بسافر تبغين شيء..طبعا هي المسكينة انصدمت توقعت اننا بنقعد معها خاصة ان عندنا اجازة خمسة ايام + ان زوجها مسافر لبلد بعيد ..) المهم اخته ..قالت ما رح تسافروا في الظهر استنوا حتى بكرة باقي لك ثلاثة ايام..قال ..لا ..انا ابي ارتاح.. قالت طيب خلاص خلها بعد التراويح..قال اشوف.. المهم افطرنا ..وارسل الولد الصغير يقول لي ..اتجهززززز واطلع الشنطة..عاد انا انجنيت... تو لنا يومين أو اكثر بقليل..واخته لحالها..وثاني شيء حرام ..ليش اخذ الاجازة واخر شيء يعقد في البيت..خاصة اننا ما تمشينا في الصيفية مع بعض.. المهم ناديته و طلبت منه ان نقعد قليلا خاصة اني اريد ان اعتمر عن اخي المتوفى.رحمه الله..ولو ادري اننا بنروح بهالسرعة كان سويت له عمرة هو الله يغفر له..المهم زوجي عصببببببب..علي قدام اخته بس على خفيف..وقال هذه ما وراها لا شغل ولا مشغلة ..اكيد تبغى تقعد (الله اكبر من اشغاله والله ما عنده غير المحمول + وقت التروايح في رمضان ) وقال لها ..اني دايما نايمة..وصراحة انا اسهر بالليل وانام خمس ساعات يوميا وقد توصل سبع من النهار....المهم عصب وقال ..بسررررعة جهزي اغراضك..انا ماشي.. لو تبغي تجي معاي ولا انطقي هنا.. عاد انا انجنيت وانحرجت من اخته وعيالها الصغار..ورجت على طول اتجهز والبس العباية في السياااااااااارة ما تكلمت معه لآني كنت مخنوووووقة وهو ما نطق ولا بكلمة ..مشينا حوالي 3 ساعات ما تكلمنا ابد..إلا بعدها ..قلت ترانا في الصيفية ما تمشينا مع بعض ..وانت وعدتني بذلك.. قال انتي ما رواك سالفة..لا تتكلمين؟؟ المهم استمر السفر (سبع ساعات واكثر ) دووووون كلالالالالالالام .. طبعا في الطريق كنت اناوله بعض الاكل حتى يأكل..فكان يقول ما ابغى شيء..فكيني بس؟؟ اقول له تبغى طيب ماء..يقول..لالالالالالالا وصلنا البيت وشرب الماء وبعض الأكل..ونا في غرفة وهو في غرفة..لا يتكلم اليوم الثاني سكوووووووت وصمت مطبق ..قلت له ابغى اروح معاك صلاة التراويح في المسجد قال لي ...ولا اشوف وجهك..روحي لحالك؟؟ اليوم الثاني..استمر الصمت المطببببببق مع تكشييييييرته المخيفة..لما اقول له تبغى اكل احضره..يقول لا ااااا ...ما ابغى منك شيء..روحي عن وجهي..تعمل نفسها طيبة؟؟؟؟.. كمان رفض اني اروح معه التراويح برغم اني لبس العباية وقال ..لا اشوفك ولا تقربي مني اليوم الثالث نفس اليوم الثاني ورفض اني اروح معه التراويح..وقال نفس الكلام.. لكني استجمعت شجاعتي وذهبت للمسجد لحااااااااالي ورجعت البيت قبله.. لما رجع البيت جهزت له بعض الاكل الخفيف..ثم بعدين سويت له شاي .. وحطيته عنده..وهو على المحمول(الاب توب الذي لا يفارقه) المهم قال..ما ابي منك شيء..روحي وفكيني من وجهك.. وقتها انا قلت..اذا تبغى تزعل ازعل على شيء يستاااااااهل...ولا تنسى اننا في رمضان..لا تتعبد من هنا وتخرب كل اللي بنيته بمعاملتك.. فال اسكتييييييي وفكيني منك ..طبعا لا ننسى النكهة (التكشييييييير ة المخيفة + رفع الضوت ) انا خرجت من الغرفة وانا حاليا بينكم بعد تررررررررررد كبيييييييييييير في الكتابة لآني بصراحة تعبتكم معاي) كتـــــــــــــــبت لكم اللي صااااااااار بالتفصيل الممل لسببين 1ـ هل ما جرى في الايام الماضية يستاهل ان يستمر الزعل لهذه الفترة خاصة اننا في رمضان 2ـ هل غلطت في كلمة قلتها له ..يمكن جرحته على الرغم..من اني سويت نفسي طول هالايام عااااااااااااااااادية واتكلم عادي واصحيه للسحور ..وما اكلمه كثيييييير وما حرقت نفسي زي ما كنت اسوي المرات اللي فاتت.. بس اللي مزعلني اني اخاف ان الله يغضب علي..وان لا يرفع اعمالنا إليه ونحن متخاصمين.. واخاف ايضا ان تتدهور علاقتنا ويصير يكرهني ..انا احبه ولا اتمنى الطلاق.. والله العظيم اني محتاااااااارة جدا مع هالادمي الله يهديه.. تكفوووووووون لا تبخلوا علي بأرائكم خااااااااااصة المشرفين واكيد الاعضاء انا بحاجتكم ادعوا لي معكم ان الله يهدي زوجي ويهديني ويصلح بينا ويشفي اختي ويرزقها من واسع فضله عارفة اني تعبتكم بس من جد احتررررررررررت مع زوجي احتررررررررررت ..ولا اعرف هل ما اتصرفه صحيح ام خطأ يهمني جدا رأي الرجاااااااااااال ما رأيهم.؟؟؟؟ خاصة ان زوجي اغلب وقته تعبااااااان طفشاااااااان مكشررررررررررر يضحك مع الناس ويحسن معاملتهم وانا تعامله معي غير..(مع العلم انه غير اجتماعي وشبه انطوائي) اسأل الله العظيم رب العرش الكريم ان يهديه و يشفيه من هذه الامراض ويرزقنا الذرية الصالحة لا حول ولا قوة إلا بالله |
وعليكم السلام
غلاتي غلا 2005 ولك فقده بالمنتدى ومن يومين افكر فيك؟ وفرحت بعودتك .. حبيت اسجل تواجدي ولي يرجعه ان شاء الله للتعليق |
حياك الله وبياك..وجعل الجنة مثواك
اشكرك على كرم اخلاقك بانتظااااااااااااااااااااارك الله يهدينا جميييييييييعا لما فيه الخير رب إني لما أنزلت إلي من خير فقير |
حبيبتي غلا
كيفك؟ وكل عام وانت بخير أنا من رأيي اتركيه كم يوم يروق لأنو باين انو معصب وماراح يتقبل منك شي استنيه كم يوم وحاولي تتكلمين معاه بعدين الله يهدي لك زوجك ويسخره لك |
هلا اختي غلا
انا ما انكر انة غلطان ولا احملك الخطا انتي ماصار منك شي ولابدر اي خطا منك ولكن مهما كان هذا زوجك اذا ماتحملتية من يتحملة سايرية عسى الله يهدية واحتسبي الاجر وصدقيني راح يتندم على معاملتك لة وواصلي الامر هذا ولاتبيني شي وراح تشوفين .......وعسى الله يقوم اختك بالسلامة ويهدي زوجك وطمنينا عن اختك عسى الله يشفيها امين امين امين امين امين امين امين امين امين امين امين امين امين امين امين تقبلوو تحيات أخيكم المحب دائماً ...لندكروزر |
السلام عليكم ورحمة الله وبركاته
أختي الكريمة أسأل الله ان يفرج هم اختك ويسعدها وان يفرج همك ويرزقك انت وزوجك الذرية الطيبة بداية ياختي الكريمة عندي بعض الاستفسارات وهي : 1 ـ هل تعتقدين ان غضب زوجك بسبب العشرة ايام التي كنتي فيها عند اهلك ؟ وهل وافق على سفرك بنفس راضيه ؟ 2 ـ ما طبيعة عمل زوجك ؟ 3 ـ اثناء سفرك كيف كان يقضي وقته ؟ 4 ـ سفركم الى مكه كان منه او طلب منك ؟ تحياتي |
الله يعين على هالرجال
عندنا وعندك خير اعتقد هذي حالات طبيعيه تجيهم ولازم نتحملهم ممكن انتي اهون مني شوي انا قصتي اغرب من قصتك والله وهي اني امس طلبت منه اروح للسوق اشتري فساتين للبنات للعيد ماقال شي ابدا على طول قال اركبي دخلنا السوق وبديت اختار توقعين وش قال؟؟ قال ماراح نشتري ولا قطعه وهو زعلان وطلعنا من السوق وانتهت القصه وللان وهو زعلان حتى الفطور افطر برا مالنا الا نقول اللهم لك الحمد الحمد لله الذي عافانا مما ابتلاهم به وعلى قولتك موااااااااااال زعل بدون سبب مقنع وياليت احد يفسر لنا اسباب هالحالات الغريبه |
بارك الله فيكم جييييييييييييعا فردا فردا والله لا يحرمني منكم
اخي رأي سدييييييييييد ..صراحة كنت منتظرة رأيك السديد اجاباتي كالتالي : 1 ـ هل تعتقدين ان غضب زوجك بسبب العشرة ايام التي كنتي فيها عند اهلك ؟ وهل وافق على سفرك بنفس راضيه ؟ لالالالالالالالالالالا..انا جيت وهو راااااااااضي عني وعادي جدا ..صحيح اني رحت وانا ابكي ومتأثرة على اختي كثير لكنه في الاخير وافق اني اروح..وقلت له قبل ما تقلع الطيارة..يسامحني .. 2 ـ ما طبيعة عمل زوجك ؟ عسكريي 3 ـ اثناء سفرك كيف كان يقضي وقته ؟ عمل في الصباح يعود قبل العصر ثم انترنت ثم راحة قبل المغرب ثم انترنت حتى النوم بالليل (الكمبيوتر اغلب وقته وحتى لما اكون معه ) ـ سفركم الى مكه كان منه او طلب منك ؟ هو قد قال لي في الصيفية انه ان شاء الله بنروح الطايف..ومنها نعتمر...لكن لما جيت من عند اهلي ..قال لي من قبل كم يوم..ان استعد لآنه رح ياخذ اجازة ونسافر وانا ما صدقت وفرحت كثير.. باقي الاعضاء جزاكم الله خيييييييييرا انا رح اترك زوجي كم يوم ...لآنه اصلا يبغى كذا بس إلى متـــــــــــــــــــــــــــــــــــــــى ؟؟؟ زعله رح يستمررررررررررررررررررررررررررر انا عاجنته وخابزته واخاف تكبر الفجوووووووووووة ولن لنننننننننن يأتي ليراضيني والله اني خايفة من عاقبة زعله الله يستر بس.. |
بعض من الصراحه !
بعض من الصراحه ! والله يا غلا2005 احترت وش اكتب رد وتعليق لكن خطا من الزوجه تسافر وتترك زوجها اكثر من يومين ! زوجك يبدو لي انه مو مرتاح وراضي معاك وبداخله اشياء كثير حاولي تناقشينه وتسولفين معه خليه يفضفض الي بداخله وايضا يبدو لي انه انسان حساس جدا جدا ويكتم بداخله ويظهر زعله وغضبه بدو ن كلام بس بالسلوك والافعال مثل ماقلت من تصرفاته وكلامه الي ذكرتيهم !! ولا تعتقدين ان حالكم كذا عشان ماعندكم اطفال لا والله يسخر لك زوجك ويسعدك معه فيه ازواج عشره عمر 10 سنين واكثر وفيه وحده 20 سنه وفيه اقل 7 سنوات وبصراحه ح ياتهم اللهم صلي على محمد ماشاء الله سعيده ومستقره وحب واحترام بينهم ولدرجه انه مافكر انه يتزوج عليها او هي تطلب الزواج يعني فيه حالات السبب من الزوج مثلك وفيه السبب من الزوجه إلخ المهم لا تتعبين نفسك ولا تحاولين تسمحين له يتعود ينام بغرفه وانت بغرفه خطا ! انتِ ماغلطتِ عليه بشيء لكن ابعدي عن اسلوب النقاش والرد عليه خاصه إذا طلب منك شيء مثل الأوامر يافلانه سوي كذا قولي لبيه وتامر ومايكون خاطرك إلا طيب .. إذا هو مايعجبه انك تردين عليه وتقولين ليه او تعترضين حاولي تخفين من هالناحية عشان ترتاح نفسيته لان كلامك اشعرني انه هو يعاني! ما اعرف وش انصحك لكن لا تلؤمين نفسك كثير واستعيني بالدعاء ترى كثير ننسى امر الدعاء واهميته بحياتنا وكثير امور تتغير وتتعدل برحمه الله وبفضل الدعاء اسال الله لكِ السعاده والتوفيق |
الله يوفقك يا ام خالد ويعينا عليهم ويعينهم علينا
انا لو اقول لزوجي ابغى السوووووووووووووووووق.. رح ينفجر بركان اخرررررررر..عشان كذا من الحين موطنة نفسي ان ما في ملابس جديدة هالعيد زوجي زي زوجك ما يحب طاري السوق ابببببببببببببد ابدددددددد ولا يحب اقول له ابغى شيء معين إلا مقاضي الاكل وعلى خفييييييييييييف .. استغفر الله العظيم الله يهدينا واياهم ويجعلنا قرة اعينهم ويجعلهم قرة اعينا |
| الساعة الآن 07:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©