|
بنتي ماتنام الليل ابي مساعده
من غير مقدمات ولا كثره حكي ماكتبت الا بعد ما فاظ كيلي وتعبت من بنتي الله يهديها ويصلح حالها اخواني واخواتي الكرام ارجو المساعده في حل مشكلتي
اولا بنتي عمرها الان حوالي سنه وعشر شهور وتنام معي بنفس الغرفه من ولدتها الا صار عمرها سنه وهي نومها طبيعي وزي باقي الاطفال العاديين (يعني البكاء اللي يكون من مرتين الا ثلاث في كل نومها وفقط اهزها واتمتم عشان تنام) بس من صار عمرها سنه وهي ماتنام الليل الا وهي في حظني وما قدر اشيلها الا وهي مستغرقه في النوم ونومها متقطع يعني تصحا بدون مبالغه ممكن عشر مرات في الليله الواحده بكا فظيع لازم اشيلها واحظنها واعطيها مصاصتها ومن حاولي 3 اشهر زادت معها هالطريقه حتى لما اجي انومها اقعد معاها من 3 الى 4 ساعات وانا انومها وطبعا تكون في حظني وما اقدر اتحرك اي حركه ولا بتفز وماراح تنام تجلس تبكي بكى فضيييييييع وتكون متنرفزه جدآ تعبت معاها مرة مرة ليلي كله يكون بس احاول اونم فيها يعني في رمضان احسبو من وحده الى ثلاث او اربع الفجر وانا انوم فيها زوجي تظابق وانا تعبت ومليت بس الله يصلح حالها لا اقدر اطبخ ولا اقعد مع زوجي ولا اسوي شي وش الحل ؟؟؟ اطلب من اصحاب الاختصاص والخبره ان يساعدونييييييييييييييييييييي ولان زوجي يطلب مني انها تنام في غرفه لوحدها طبعآ الغرفه قريبه وماراح اسكر الباب وابحط الجهاز بس اتوقع ماراح ينفع على فكرة هي تنام القيلوله طبيعي جدآوبدون اي تعب ومده القيلوله ساعه فقط يعني ممارح تردها عن نوم الليل !!! |
الله يعينك حبيبتي
اكيدفيه شي موطبيعي يمكن حصل لهاموقف صارسبب لانهاتكون خايفه ومتوتره بهذاالشكل اناانصحك بالرقياالشرعيه صدقيني مدامهاماتعاني من شي طبي فهذا افضل شي وتحصلي هذي الرقيافي الانترنت ابحثي عنها وحمليها على موبايلك وشغليها لها قبل تنام وان شاءالله تجيب نتيجه |
طيب اقري عليها لما تجي تنام اقعدي اقري الين ما تنام..
ومثل ماقالت لك شروووق ارقيها وانشاء الله بيتحسن حالها.. |
عزيزتي مرت الرجل ان شاء الله يفيدوك اكثر الامهات ياليت تساعدونها بالطرق والنصائح والله معك
|
مشكووووووره اختي شروق على النصيحه الله يجزاك خير عندي رقيه شرعيه مخزنتها بجوالي للشيخ السدحان ولكن سمعت انه ماتنفع الرقيه كذا والله اعلم مو متأكده
مشكورة اختي رباط على النصيحه ولكني اقرا عليها احاول دايمآ ان اقرا عليها في الليل ولكن بعض الاحيان ماتخلي لي فرصه من كثر البكا وتستغيث باي احد بالشغاله او بزوجي او امي واذا ماكنت موجوده عندها طلبتني وبكت بكا شديد الا ان تستفرغ اعزكم الله |
مشكوووووة اختي متابعه 2 الله يجزاك خير على اهتمامك الله يوفقك
|
يمكن اتكون جوعانة ؟؟ أو الغرفة اتكون مظلمة وهي تخاف ؟ أو حتى يمكن انتي اتعصبين عليها وقت النوم ؟
عموما اقري عليها قران حزت الي اتنومينها .. الله يحفظها ... |
ما عليها شر إن شاء الله وديها لشيخ يقره عليها الله يحفظها إن شاء الله ويخليج لها
|
خذي بالأسباب ووديها لشيخ ثقة يقرا عليها
وانتي كمان اقري عليها وشربيها من ماء زمزم مقري عليه ترى الطفل لما يكون عمره سنة يزيد تعلقه بأمه خصوصًا الله يريح على قلبك |
البنات همه بهالشكل
يتعبو الاهل الله المستعان احتمال تكون جوعانه و انت ترضعيها و صايمه وحليبك ما يكفيها فترضع بالليل تعويض هذا ما تقوم به ابنتي عمرها سنه او تنام لوقت متاخر في الصباح و تاخذ قيلوله في العصر الحل اكليها وشبعيها جيدا و ارضعيها و اعطيها حمام و تنام و نظمي نومتهاما تخليها تنام خلال اليوم و خلي نومها بالليل و ان شاء الله ما بقي شي على رمضان ويرجعوا بناتنا لطبيعتهم تقبلا لله صيامكم و قيامكم |
| الساعة الآن 10:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©