|
عصير الليمون وسحره !!!!
السلام عليكم ورحمة الله
بصراحه انا اكره المقدمات خاصه اذا طولت عليكم عموما كيفكم ان شاء الله طيبين بصراحه قصة الليمون قصه سحرتها وخليتها تطيب من المرض بدون قصد هذا يا اخواني اليوم كانت زوجتي مريضه مثل باقي الناس خاصه بهذا الوقت حلقها وراسها وعضامتها كل شي المرض المعتاد وجالسه عللى الكنب وتعرفون الواحد اذا صار مريض نفسه بطرف خشمه يعني الاخلاق تصير سيئه وحنا جالسين بعد صلاة المغرب كل واحد في جهه وشكلها يضيق الصدر والبيت سكوت ونا جالس اقلب بالقنوات وهي يا تكح ماسكه راسها يعني الوضع كان مزري جدا فجاةه جى موضوع عن الفواكه برنامج من الطبيعه وشفت الليمون قلت يا ولد خلني اروح اجرب قوتي واقوم للمطبخ قلت يار ب القى ليمون لاني بصراحه ما افتح الثلاجه ابد ولقيت دورت العصاره اليدويه بما ان الليمون مو مستاهل وقلت خلني اسوسع صدري خلني اعصر واطلع اربع ليمونات واعصرها بصراحه انبسط مره ونا اعصر احس بكل ليمونه تخلص انجاز وكلمت ولله الحمد عصرها كلها رحت وسويت عصير ليمون وخلصت ما ادري بصراحه وش الي خلاني اسويه الي اعرفه اني اقطع الوقت خلصته وحطيته بكاس ورحت للصاله وهي تناظرني مستغربه ونا في طريقي لها تقول هذا لي قلت ايه لك وش فيك خايفه ترا ما حطيت سم ولا شي ترا الليمون مفيد لمثل حالتك يلا اشربه المهم الابتسامه واصله اذنها وحسيت انها فرحانه جلست واخذتنا السولف وهي مبسوطه وبعد مرور ساعه حسيت اني ما سمعت كحه او قالت راسي او اي اعراض المرض قلت شفتي شلون الليمون مفيد وفجاه والقى كاس الليمون في الطاوله الي جنبها ما شربت ولا شي منه قلت سبحان الله وش الموضوع وراك انقلبتي اخبرك مريضه ضحكة وانتهى الموضوع وبعد كذا سوت العشى لنا عاد سؤالي لها الدرجه ممكن تفرح بالشي الي انا اشوفه عادي جدا جدا اذا كانت الاجابه بنعم فسبحان الله نحن الرجال نغفل عن اتفه الاشياء ممكن تكون سبب في سعاده الطرف الاخر ولا تاخذ مننا دقيقه واحده فقط اذا كانت الاجابه نعم |
شايفين يالرجال افهموا زين شوفوا وش سوى نايف مسكين حاجة جدا بسيطة لكن لها اثر يقعد سنييييين في قلب الزوجة
ماشاء الله عليك الله يخليكم لبعض ياااااارب بكرة سويلها عصير برتقال وبعده اشتريلها كابتشينو وشوف وش بتسويلك :23: |
الأجابه نعم..
و الله اشياء بسيطه تعلي البسمه في قلوبنا ... ذكرتني بزوجي اليوم اتصل اول ما رديت قلت الو قال احبك بنره صوت رائع و الله اثر في و دمع عيني على طول ...الله يطولي في عمره يا رب.. الله يجزاك خير اختكم روح زوجها |
الله يخليك لها ويخليها لك ويرزقكم الذرية الصالحة ...
والله ياأخي احنا يالحريم بسيطين ومايبيلنا شي كلمة تودينا وكلمة تجيبنا :d نفسياتنا مع أزواجنا في تقلبها كأنها الأسهم بالضبط حركة ترفع المعنويات فوووووووووق وحركة تخلينا في أشد حالات التحطيم !!! كثّر وأنا أختك من هالحركات ترى هاذي هي سحر الحياة الزوجية وبتخلي زوجتك خاتم في يديك ... |
اكيد
اشياء بسيطه تدخل الفرحه لقلب المرأه بس للاسف اغلب الرجال يغفلون عنها |
ماشاء الله تبارك الله
طبعا اكيد ان اي شئ بسيط في نظر الرجل يعمله لزوجته تراه المرأة عظيم وشوف كم تقعد وهي فرحانه باللي سواه زوجها لها سواء كلمة حلوة او بطاقه صغيرة او وردة او شكولاته من اللي تحبها........ |
الله يكثر من امثااااااااااااالك يانايف :22:المشكله بالرجال بس لو يفهموا الحريم والله كان الدنيا بخير لان الحريم كلمه توديهم وكلمه تجيبهم:)
|
الله يخليك لها ويخليها لك ويرزقكم الذرية الصالحة المعافاة
(: |
لو كان العنوان ( عصير ليمون غير حالة زوجتي ) .. لكان أفضل .. أنت الظاهر مايطلع منك شيء الله يهديك لأن عصير ليمون سوا هالشكل .. هي زينة وشينة يعني اذا عودت المرأة انك تخاف عليها وتساعدها يصير عندها هالشيء عادي مع الوقت أما إذا أمسك الرجل فلم يقوم بشيء فتجد أقل شيء يسويه مما نراه نحن تافه يؤثر في الزوجة .. وفقك الله لما يحب ويرضى وأدامك لزوجتك وحفظك من كل شر .. |
ماشاء الله تبارك الله .. الله يخليكم لبعض يارب ويهنيكم ..
بالنسبه لي كمرأه .. يؤثر فيني ويبسطني اهتمام الزوج معنويا كالاحساس اكثر من الاهتمام المادي كالهدايا اختي الفاضلة . . هذه هي الطريقة الصحيحة لكتابة ( ماشاء الله ) .. |
| الساعة الآن 03:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©