هنا تفضفض المحرومات
 

السلام عليكم ورحمته الله وبركاته



في البدايه ترددت كثيير قبل اكتب الموضوع ما ادري كيف انزل موضوعي وكيف اصيغه ..

وما ادري هل الاقي قبول او لا .........


طبعا موضوعي مفهوم من عنوانه (هنا تفضفض المحرومات ) ............

ولاني محرومه ولكن انتظر الفرج من رب رحيم قادر على كل شي كتبت الموضوع ..

ولان بعض المحرومات مالهم احد يشكون له او بالاصح ماتلقى اللي يحس فيها الا الي مثلها وعلى قولة

المثل ( مايحس بالنار الا اللي واطيها)

وتمر عليك مواقف وحالت ولا تدرين وين تشكي ووين اللي يسمعك

يعني موقف حصلك وانتي عند ناس او مع زوجك او عند اهلك او في عزيمه وخلاك تبكين وتنزل دموعك غصب عنك....





انا راح اكون اول وحده افضفض لكم واتمنى كل من يقرا موضوعي يدعيلي ربي يرزقني اطفال عاجل غير اجل ويجعلهم قرة عيني و انسى سنين الحرمان اللي عشتها


.....

يوم من الايام كنت طالعه عزيمه والحريم ماشاء الله كل وحده شايله ولدها وتسلم

على الحريم ( الله يخليه لها ولا يحرمها منه) وانا كنت جالسه جنب وحده وجنبها بنتها تلعب وتنطط

ضربتها امها بقوه وخلتها تبكي وقلتلها حرام عليك هذي صغيره قالت انتي ماتدرين بالتعب اللي اتعبه

معها لانك ماقد جربتي ولا عندك اطفال والا كان ماقلتي هالكلام ........ انا عارفه ان الحرمه ما تقصد وعلى نياتها

وفي بعضكم راح يقول مافي شي غلط بكلامها


لكن انا اتضايق لما يجي طاري هالموضوع

واضافه على كذا انا حساااااسه بهالموضوع ..


وبعد ما قالت الحرمه هالكلام تحجرت دموعي وماقدرت امسك نفسي ورحت لدورة المياه( وانتم بكرامه)

وانفجرت وجلست ابكي وكأن احد ضربني


وبعد ما هديت طلعت وحاولت انسى الكلام ... لكن ..........



(التفكير بالاطفال شي محزن جدا) ياااارب ارزقني

..........


هذا موقف من مواقف كثيره تحصل تقريبا كل يوم ...


فانا كتبت الموضوع لاني متاكده ان في وحده مثلي وتبي تشكي وتفضفض

واذا فضفضتي عن اللي في قلبك راح ترتاحين واذا قريتي ردود وهموم غيرك راح تحسين ان في احد مثلك

بالدنيا وراح يخفف من معاناتك باذن الله

ويكفي اننا راح نواسي بعضنا ونكون اخوات قبل كل شي

..

فهنا راح تلقين اللي يسمعلك ويفهمك ويحس باللي تحسين فيه واكيد مر بمثل موقفك


واخيرا



نتمنى كل من يدخل الموضوع يدعيلنا بالذريه الصالحه عاجلا غير اجل الله يرزقكم جنات النعيم ولا يوريكم مكروه

الله يرزقك الذرية الصالحه أنتي وكل محروم من الأطفال وبالأخص الأخت الغلا

الله يجزاك خير حبيبتي

مشكوره على مرورك ودعاءك

الله يجزاك الجنه وكل من دعالي ولكل محرومه يا ارحم الراحمين

الله يرزقك الذرية الصالحة يارب

ويرزق كل محروم ومحرومة

باكا

جزاك الله الجنه



ربي يسعدك مثل ماا اسعدتني بهالدعوه

همه عاليه

الله يسمع منك يا حي ياقيوم ويرزقني ويرزق كل محرومه وانتي تتزوجني وينعم الله عليك بالذريه الصالحه

...

يا اخيتي حنا هنا نفضفض عن كل همومنا اللي تواجهنا بالحياة و ارحب فيك معنا وشرفني مرورك يا غاليه

الله يرزقك بابن الحلال وينعم عليك بالذريه الصالحه يااااا حي يا قيوم

ااااااااااااااااااااااااااااامين يارب يرزقك الذريه الصالحه ويسعدك فيهم

اختي انا ايضا كنت مثلك ومن اي احد يجيب طاري فلانه حامل احس نظرات الشفقه كلها تتوجه لي وماسمع الا صوت جدتي - الله يحفظها- تقولي "الفال لج"

لين الحمدلله حملت وانا بالشهر الرابع اسئل الله ان يثبته ويرزق جميع المحرومات بالذريه الصالحه يارب

دوائي كان كثرت الاستغفار وقيام الليل

كان الله في عونك ورزقك وزوجك بالذريه الصالحه عاجلاً غير آجلاً يا أرحم الراحمين