منتدى عالم الأسرة والمجتمع - الكنافة النابلسية من مطبخي وبالصور خطوة بخطوة

السلام عليكم ورحمة الله وبركاته

بسم الله الرحمن الرحيم

http://img34.picoodle.com/img/img34/...3m_5d7c2b9.gif

بما انه الدنيا برد :24: والحلو مطلوب بهاي الايام :D علشان الواحد يدفى

زوجي اقترح علي نعمل كنافة وكان عنا عجينة كنافة بالفريزر وجبنة محلية

بلشت احضر اغراض الكنافة الا زوجي بحكيلي ما بدك تنزليها على المنتدى :D قلتله

لا خلص علشان غلبة التصوير قام حكالي لا انا بصورلك هههههههههه

وانا عم بعمل الكنافة زوجي سالني

انتي ليش بتنزلي المواضيع بالمنتدى ؟؟ :rolleyes:

صرت افكر قبل ما اجاوب لانه زوجي ما بسال اي سؤال هيك لله فلله ههههههههه

بعدين قلتله علشان تعم الفائدة ونستفيد من بعضنا ، الا هوي حكالي ما في اي سبب تاني ؟؟؟ قلتله لا بس علشان هيك !! قام حكالي يعني مش علشان كل زوجة تخلي زوجها يرضى عليها لما تعمله مفاجاة الكنافة :17::17:

اكيد طولت عليييييييييكم

هلاء رح ابلش معاكم بالمقادير والطريقة والصور

بسم الله نبدأ

المقادير :

كيلو كنافة
كيلو جبنة بقري محلاه قبل بيوم (تقطع الجبنة وتحلى بالماء قبل بيوم)
سمنة بيضاء
قطر
فستق حلبي

الطريقة :

1- المقادير هاي هي :

http://upsarab.com/uploads/fd2d4b2b3a.jpg

2- نضع ملعقتين سمنة على الصنية الي بدنا نعمل عليها الكنافة

http://upsarab.com/uploads/c2016d8ebc.jpg

3- نبلش نفرك بالعجينة وهي على نار هادية بايدينا ما بنفع بالملعقة لازم بالايدين علشان العجينة تتفتح

شكلها قبل التفتيح

http://upsarab.com/uploads/f602f5f3e6.jpg

شكلها بعد التحميص

http://upsarab.com/uploads/2bf118bf2d.jpg

4- نضع ملعقة سمنة ونرش عليها نتفة صبغة من صبغة الكنافة نتفة صغيرةةةةةةة
وندهنها على الصينية ( راعي انه تكون الصينية اكبر من الصينية الي بدك تقلبي فيها )

http://upsarab.com/uploads/4a355ba703.jpg

5- نضع اول طبقة من الكنافة بس ما تكون كتير الافضل انها تكون رقيقة

http://upsarab.com/uploads/e562e3175c.jpg

6- بعديها نفرك الجبنة ونجهزها للفرد كطبقة تانية

http://upsarab.com/uploads/9ec6fb8149.jpg

7- نضع الجبنة فوق الكنافة

http://upsarab.com/uploads/4e8af925de.jpg

8- نضع طبقة خفيفة من الكنافة فوق الجبنة بتكون اقل بكتير من الطبقة الاولى

http://upsarab.com/uploads/ff271f4619.jpg

9- نضعها بالفرن على نار هادية نوعا ما ونغطيها علشان الجنبة تسيح من البخار وبعد ما نحس انه الجنبة ساحت نرفع الغطا عنها ونكمل شوائها ولما نشوف الدواير تبعونها احمروا ونحركها بالصينية وكلها تتحرك نقلبها

http://upsarab.com/uploads/490f74e458.jpg

لاحظوا كيف الجبنة سائحة

10- نجهز القطر ويجب ان يكون سخن جدا

ومقادير القطر 4 كاسات سكر
2 كاس ماء

http://upsarab.com/uploads/aa5ebd9294.jpg

http://upsarab.com/uploads/f3e8d18b49.jpg

11- نطحن الفستق الحلبي

http://upsarab.com/uploads/20ffdcf8b2.jpg

http://upsarab.com/uploads/5e641e48c7.jpg

12- نقلب الكنافة ونقطعها ونحط القطر ونضع الفستق

وتكون بهذا الشكل

http://upsarab.com/uploads/a41f60d71f.jpg

http://upsarab.com/uploads/c7c17adf5a.jpg

http://upsarab.com/uploads/e502152588.jpg

وصحتين وعافية