|
أسئلة أهل الزوج الزائدة
أهل زوجي الله يهديهم يدخلوا بكل شئ أشياء انا ماأفكر فيها ويسألوا حتى عن أخواني وزوجاتهم أو خواتي مع أزواجهم أهلك ايش يسو أشياء ماتتوقعو حتى لو دق جوالي وأنا عندهم قالو مين أيش عندة
حتى بلبسي ليش هذا وألسي هذا ويشتكولو كمان ليش تخليها تلبس على كيفها كييييف أتصرف أرجووووووو المساعدة من غير ماأسوي مشاكل |
السلام عليكم
انصحك نصحية لوجة الله حطي زوجك في عيونك ولاتقصري عليه في أي شئ أما أهل زوجك فطنشي ولا تتأثري بكلامهم . |
وإذا زاد الوضع أختي أخبري زوجك بهدوء
وقولي له انظر بنفسك |
ماني مقصرة معاة وهو عارف ويقول هالشئ بس يحطون الفكرة براسة الحق معاهم ولأني أسكت وأطنش كلامهم وماأكثر بالسوالف يقولولة متكبرة علينا
أنا ودي أعلمة بس أخاف تصير مشاكل وماني عارفة كيف أبدأ |
اتعلمي الدهاء وطرق الكلام منهم
يعني أعطيهم إجابات مبهمه لو سألوك مين اتصل عليك؟ قولي لهم هذي وحدهـ وطالعي فيهم وابتسمي.. << رح يسكتوا لو سألوك عن أهلك؟ قولي طيبين لو سألوك عن شي فيهم قولي مادري أمي ماتقولي الله يهديها أو غيري الموضوع اسألي عن أي أحد من أقاربهم أو قولي بروح الحمام أو إذا كنتي بمجلس فيه حريم كثير وكلام وكذهـ سوي نفسك ماسمتعي أو قولي لهم ليه ما تتصلوا على أهلي تسألوهم أنا مشغووله بعيالي والا دراستي أو بيتي أو أي شي المهم تعلمي طرق التصريف... كحي بقوهـ والا خذي منديل وسوي إنه تبغي تطلعي فيه عجمة التمرهـ من فمك رح يقلبو وجههم وبعدين غيري الموضوع ومع الأيام صدقيني رح يتعودون عليك يعني مرح يفكرون فيك لمن يبغون ياخذون الأخبار هذي نصيحتي لك وتقبلي تحياتي |
شكلك توك متزوجه ...
عادي لاتتضايقين السؤال اللي ماعندك مشكلة تجاوبينه جاوبي يعني عادي لو قالوا لك مين اللي اتصل تقولي زميلتي وبس .. اما الأسئلة اللي تحسين ماتعجبك او ماتبغين تجاوبين عليها صرفي باستخدام طرق الأخت كريمة وكراميل ... وبالتوفيق |
نصيحتي لك
اول وقبل كل شي ان تكون لك شخصيه في بيت اهل زوجك صدقيني بعض الناس تعودو على التدخل في خصوصيات الغير ولكن لاتستطيعين تغييرهم في يوم وليله مع الايام ان شاء الله بتتيسر لاتخلينهم يتمادون في اسئلتهم دئما قولي لااعلم ولبسك دامه معجب زوجك وبرضى زوجك لاتحاتي ولكن اذا طلعتي عندهم لابد ان لاتكوني شاذه عنهم باللبس على قولة المثل البسي مايعجب الناس واكلي مايعجبك مثلا اذا انتي عادي عندك تلبسين البنطلون اوقصير وهم موعايدي عندهم حاولي تلتزمين عندهم وانتي اعرف بهذي الامور اكثر واخيرا اتمنى ان ييسر الله امرك ويفرج همك |
اقتباس:
|
مشكووووووووورين بصراحة أفكار حلوة وراح أجربها
وأنا لي سنة ونصف من الزواج ياسيدة برتقالة وإللي عندة أفكار أمانة لايبخل علي |
لا مفر من الاجابه بس حولي تطنشين واذا ماقدرتي حوري الموضوع
|
| الساعة الآن 12:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©