|
مقبل على الزواج وخوفتوني بمشاكلكم^^^
اذا قريت مشاكل المتزوجين واسودت الدنيا بعيوني
وش حل مشكلتي زواجي بعد كم شهر ان شاء الله ولاكن عندما اقرأ المشاكل التي تحدث بين الزوج وزوجته وش حل مشكلتي زوجتي تقول مابيك تزعلني ابد ابد وانا مادور زعلها ولا ابيه ولاكن اقرأ الشي العجاب هنا وكل ابن ادم خطاء وش حل مشكلتي ابي نصايحكم يالمتزوجين فأنا ادخل هالقسم ابي استفيد ولاكن عساه ماعدت دخلت هالقسم الا انواع المشاكل فيه مشاكل تخوف وتبكي اللي مابكى تخلي الواحد يحسب الف حساب لكل خطوة بيخطيها يالمتزوجين من كلا الجنسين نورونا بنصايحكم وقولو لي (وش حل مشكلتي) الاشراف تم تعديل العنوان |
اخوي لا تعمل مشكله من لا مشكله ..
خليك واثق من نفسك و من رجولتك ..وتصرف بشكل طبيعي جدا معها .. ايش يعني تقول لك زوجتك لا تزعلني ؟؟!!! خلي عندك شخصيه يا رجال من البدايه ما اقول لك صير جلف معها .. لا .. لكن بعد ما تتركها على كيفها تتحكم فيك وترهقك بطلباتها و دلعها .. وقت الدلال لا تقصر معها دللها .. لكن وقت الجد خليك رجال و كلمتك هي اللي تمشي .. ترى الحرمه اذا شافت الرجال رخووو هين تراها تركبه و تستهين فيه و تصير هي الرجال .. انتبه اخوي .. كل واحد منكم له دوره في الحياه الزوجيه .. انت الرجال وهي الحرمه .. والاحترام المتبادل و التنازل المعقول والتضحيه المتوازنه بين الطرفين مطلب اساسي بين الزوجين حتى تسير حياتهم بكل هدوء .. وحط في بالك ان الزواج مو بس حب وغرام و رومانسيه و مطاعم و سفرات مثل الافلام الهنديه او افلام عبدالحليم وشاديه .. الزواج حياه عمليه مشتركه وواقعيه لكنها لا تخلو من شوية رومانسيه .. اذا بكتب لك عن هذه الامور راح اعبي لك صفحات .. اترك فرصه لبقية الاخوان .. ومبروك مقدما و لاتشيل هم يا عريس وربي يهينك .. |
اخوي
جزاك الله خير على كلامك الواقعي والعقلاني انا اعرف تفكيرها وعندي ثقه بتكون لي كما اريدها ان شاء الله لاكن انا من خلال اطلاعي على اغلب المواضيع هنا انتابني القليل من الخوف فنحن متفاهمين على كل شي ولله الحمد لاكن محد يعلم وش بيواجهون الازواج اتمنى من الاخوة والاخوات النصح والارشاد لاخوة لهم هم في حاجه ماسه للنصح وبارك الله فيك اخوي لاهنت يالطيب تحياتي لك |
الشومي...
السلام عليكم.... الاخت اميرات ما قصرت قالتلك كل اللي ودي اقوله لك... وازيدك (((((((((((( كن حازم وقت الحزم ))))))))))))))) لا تدع الحبل على الغارب ... فيختلط الحابل بالنابل... زوجتك وانت في فتره الملكه وبصراحه اقولها لك... الملكه فتره المثاليه كلن يقول انا مابي احد يزعلني وابي حب ولا ابي مشاكل ومادري ايش..........؟؟؟؟؟؟؟؟ لذا وقت الزواج يبدأ البنات تضع لبنه فوق لبنه انت تكون أسره للمجتمع... انت القائد... فهل تقبل أن تترك القياده !!!!!!!!!!!!!! :: ايضا لماذا تقول تحطمت وبكيت وماادري ايش من المشاكل اللي هنا ؟؟؟؟ بل اقول لك خذ عظه وعبره ...واعتبر .. السعيد من اتعظ بغيره والشقي من وعظ بنفسه ... لذا هذه المشاكل استفد منها ولا تقل تحطمت لا تسبق الاحداث... باذن الله غدا تتزوج وتنبسط ولكن اقول لك لا تحسب الزواج مثاليه مطلقه ... وبالتوفيق .. |
يعطيك العافيه اخوي السيف المهند
اكيد القياده للزوج فقط ومثل ماقلت السعيد من اتعض بغيره لاكن ياحبذا لو الاعضاء وخاصه الرجال يعطوننا افكار عن التعامل مع الزوجه خاصه خاصه خاصه ان كانت زوجتك تزوجتها عن قصه حب اتمنى تعطوننا خلاصات عن كيفية التعامل مع الزوجه؟ ولكم فائق احترامي وشكري |
اخوي انصحك بقراءة كتاب (رجال من المريخ و نساء من الزهره)
|
نفس الخوف بالضبط صايرلي.. الله يستر
|
وليه خايفين .. ليكون داخلين على حرب ؟؟!!!
|
فيه عندي حل لكما
وشرايكم ما تدخلون القسم هنا الا اذا تزوجتم على خير ان شاء الله ؟؟؟ ولا خلي عندكم ثقه بانفسكم وقدره على التعامل مع الحياه الزوجيه والحمد لله ... |
يا جماعة ليش تخافون لما تتزوجون وتيجى المشاكل ما لكم غير هالموقع ادخلوا واعرضوا المشكلة وبتنحل ان شاء الله
|
| الساعة الآن 02:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©