اريدها مدرّسة ووالدتي رافضة أن تكون مدرّسة
 

ياهلا فيكم جميعاً

طبعاً مشتت البال محتاس متكدر ضايق صدري كرهت كل شي كرهت شي اسمه زواج

السالفه

في عمر الزهور قالت الوالده نبي نزوجك طبعاً بدون ما اطلب منها وانا رفضت لان البنت لا تناسبني لا فكرياً ولا حتى الشي الي اتمناه في شريكت حياتي المهم زعلت وعدت السنين

المهم بعد ما تعديت عمر الشباب في نظري لقربي من الدخول في العقد الثالث
فاتحت الوالده برغبتي في الزواج واني ابي وحده مدرسه قالت مدرسه هذي عجوز وش تبي ومن الكلام هذا

المهم قفلت الدينا في وجهي وعرفت انها تبي تزوجني البنت الي في بالها

انا محتار اخذ البنت الي في بالها وطموحي واحلامي الله يخلف عليها و اعيش وانا كاتم في قلبي ولا
اكون على فكرتي الثانيه اني الزواج يكون على سن الاربعين حتى تتعب وتمل من عزوبيتي

ثاني شي ودي اعرف ياناس ياعالم المدرسه كم يكون عمرها يعني بدايه التدريس كم يكون عمرها

بجد اكتب وانا منقهر وفي راسي اشياء الله يستر بس منها

لا احد يقول لي خذ وحده مو مدرسه لان الوضع نفسه اهي تبي البنت هذي



تكفون والي يرحم والديكم دعواتكم لي بأن الله يفرجها علي ويفتحها في وجههي

الاشراف : عذراً تم تعديل العنوان ,بالتوفيق.

انصحك تبعد عن المدرسه

صدقني دراهم الحرمه مافيها بركه

..... لا تعليق .....

اللي تكمل دراستها بنجاح وبدون رسوب او اعادة سنه تتخرج من الثانويه العامه وعمرها 18 سنه ... زيد عليها 4 سنوات في الجامعة .... يعني 22 ... اما كم العمر لما تتوظف ... فهذا يعتمد على حظ كل وحده ونصيبها ... بس المتوسط 24 سنه !!

.... كلام الوالده على العين والراس ... بس تزوج اللي انت تبيها ... لأنك انت اللي راح تعيش معها مو امك!

بالتوفيق مقدما ً

وش دخل دراهم الحرمه في السالفه

لا تتوقع اني باخذها عشان فلوسها

بعدين ترى لكل شخص تفكيره

شاكر مرورك

شاكر مرورك

يعطيك العافيه اختي على التوضيح

شاكر لك والله ييسر الامور

لازم تقنع الوالده

انك انت اللي بتعيش معها



ولا تاخذ الا اللي انت تبي

طيب سؤال (والله بريء) ..

وش تبون بالمدرسة ؟؟؟

يعني إذا ماتبيها عشان تعينك على المصاريف أجل وش تبي بوحدة تقضي ثلث يومها برا البيت وثلثه نايمة ومايبقى لنفسها وزوجها وأولادها إلا الثلث الأخير ؟؟!

اول شي اخي ادعي الله ان يسخر بنت الحلال المناسبه الصالحه ويسخر امك كما سخر البحر لموسى عليه السلام
الثاني في حل وسط
روح شوف البنت اللي ترشحها الوالده
بالشوفه الشرعيه راح تقدر تحدد مبدئيا ان كانت تناسبك اولا
لو لا قدر الله طلعتما تناسبك وسط ناس قريبين من امك ان تجعلها تختار بنفسك
بس اكثر من الدعاء والصدقه
الله يسر الحلال لك ولنا ولكل المؤمنين والمؤمنات يارب