اكره زوجي بدون سبب
 

السلام عليكم ورحمه الله
انا اخواني واخواتي جديده عليكم وهذا اول موضوع ليه معاكم وارجو منكم الرد واعطاي النصيحه او الاخذ بيدي ايلا طريق يكون فيه راحتي
انا لي متزوجه 24 سنه وعندي ولله الحمد سته ابنا ثلاثه اولاد وثلاث بنات فيهم الكبير والصغير والمشكله الي متعبتعني اني اكره زوجي جدا ومو شي جديد لاني من يوم تزوجته وانا رافضته ولا ابغاه ولاكن ابوي الله يسامحه هو الي غصبني وبعد الزواج رضيت بنصيبي وقلت هذا مكتوب الله وخلفت طبعا وماعاد لي الا الصبروكنت صغيره جدا وكان فيني طاقه اتحمل واصبر واداري الحياه بطول والعرض والان وصلت لمرحله ماعاد اقدر اتحمل العيش معاه والله ثم والله اني اشوفه يدخل البيت وكانه الشيطان داخل ماابي اشوف وجهه ولا عاد لي خاطر اخدمه او اطبخ له او اعطيه طلباته ماودي حتى اناوله كاسه مويه سعادتي لا توصف اذا سافر راحه نفسيه ماتوصف واذا رجع تضيق بي الدنيا واذا سافرت لم اهلي اكون قبل ارجع بسبوع متنكده وطفشانه لاني برجع له يعني تعب تعب تعب نفسي مااحد يحس فيه والحين والمصيبه العضمى الي شاغلتني اني اخاف عقاب الله بتقصيري ولاكن شي غصب عني مو بيدي والحين افكر اني اطلع من حياته حتى مااكسب ذنب لاني خايفه كثير من غضب ربي وارجع افكر في عيالي وش بيكون مصيرهم لو رحت وخليتهم وياليته يتزوج ويطلع ويخليني معهم في البيت لاكن مستحيل يرضى وانا والله محتاره مدري وش اسوي بين خوفي من ربي بتقصيري وبين قلقي على عيالي لان ماعندي شهاده ولا وضيفه اقدر اتوضف واصرف عليهم ارجو منكم النصيحه وارشادي الي الطريق السليم الي يكون فيه مرضات ربي وارجو من الي يقرا موضوعي اذ ماعنده نصيحه اقلها لا يحرمني من دعاه لاني والله في كربه وهم مايعلمه الا الله وارجو المعذره على الاطاله وجزاكم الله كل خير

,
,

طيب ماهي اسباب هذا الكره ؟؟


لابد أن لكل شيء سبب ..


,
,

اتفق مع ابو فلان ما اسباب الكره؟؟

و الله يسهل عليك..

عزيزتي ..كان الله في عونك
ماأسباب الكره
إن كان رجل ديّن وطيب معاك حرام عليكي

السلام عليكم ورحمة الله وبركاته

ياختي جزاك الله خير انت صبرتي ورضيتي بنصيبك

وقت ماكان عندك اطفال تضحين عشانهم

الحين بعد ماربي رزقك واكرمك بذريه بتتركينهم وتطلعين

احتسبي هالشئ لله وخليكي معاهم وادعي الله يحببك فيه

الله يوفقك ويسخرلك زوجك يارب

اللهم اجعل لها من هم فرجا ومن كل ضيق مخرجا وارزقها من حيث لا تحتسب

طيب ليش ما تدورين له بنت الحلال عشان تصونه!!!!!
ولو كان رافض أنت دوري له غصب شوفي له وحدة صغيرة وحلوة وفرفوشة وتدخل القلب أغريه بهذي المواصفات وحطيه أمام الأمر الواقع,,,
صدقيني راح يفرح ويستانس معاها وراح ينساك ويتركك بس بالأسم عشان تربين الأولاد

أختي أذكرك بكلام الله عز وجل حينما قال في كتابه الكريم ( وعسي أن تكرهوا شيئا وهو خير لكم ) وايضا انا مع الأخوة في طرحهم لأسباب النفور من زوجك وهل حاولتي مع زوجك في تفهم اسباب هذا النفور ولا هي حالة نفسية وكرهتيه بدون سبب وسكرتي كل الطرق الي قلبك وعقلك أظن الابناء يستاهلوا منك اعادة النظر في حكمك علي زوجك ومحاولة معرفة الاسباب ومعالجتها بدلا من الحكم القاسي هذا علي الابناء وعلي الزوج ايضا,,,,,,,,
وان شاء الله ربنا قادر علي ان يؤلف قلبك وقلب زوجك