احترت مع زوجي هل هو بخيل أم لا ؟؟؟
 

احترت والله معاه
ابغى اقولكم طريقة بالمصاريف وانتم احكمو هل هو بخيل او لا؟؟

اولا انا متزوجه من خمس سنوات ولم انجب اطفال ..وبيتي كبير وحلو
واثاثه فخم ..نسافر الخارج بس مو كل سنه مرات ومرات ..ولما نسافر نروح نتمشى
ويصرف ومطاعم وملاهي وكل شئ حتى اذا ماسافرنا في بلدنا نروح مطاعم
وكل مكان ......

**طيب راح تستغربو فين المشكله .....


المشكله معايه انا لما اطلب منه فلوس يقولي فلوس مافي ايش تبغى فيها...
نسيت اقولكم انو حالة المادية ممتازة كويسه مره مره ماشاء الله ..
المهم لما اقوله في السفر ابغى اشتري هدايا لاهلي يقولي مو لازم
وبعد زن عليه يشتري اشياء رخيصه وبسيطه..
لما اقوله ابغي اشتري ملابس يقولي عندك ملابس كثيره الدولاب مليان ملابس
لما يجي العيد اشتري ..
ولما اقوله ابغى اقص شعري يقولي مصاريف على الفاضي ..
ولما اقوله ابغى اجيب للبيت تحف واشياء ناقصه يقولي كل شئ
كامل في البيت ...
ولما اقوله ابغى مصروف ليا لما اروح عند بيت اهلي او أي مكان
يقولي ايش تبغى فيها الفلوس احنا لفلوس مانجيبها من الشارع..مايبغى
يكون في يدي فلوس واذا عرف معايه فلوس يقولي هيا اعزمينا على مطعم
اواشتريلي كدا اوكدا المهم مايبغي يكون عندي فلوس...
واذ رحت السوق مع اهلي بعد زن يعطيني فلوس بس ماتكفيني ماقدر اقول
كم يعطيني بعدين تشفقو عليا المهم لما ارجع يقولي ايش اشتريت وبكم هذ وهذا
وكم بقى معاكي ..
ايش الحاله هذ انا بصراحه طفشت من الاسلوب هذ ؟؟:(
واذا قلت له انت ماتعطيني فلوس زي الناس وانا في اشياء ناقصتني
ابغي اشتري عطور مكياج ....تعرفو يرد عليا ويقولي انت تحبي الفلوس
انت همك الفلوس بس فلوس وصرف زايد حرام عليك ..


هيا ابغى اسئلكم بكل صراحه زوجي بخيل او لا؟؟:(
وكيف اتصرف معاه ؟؟
دائما يقولي انا مو منقص عليك ولا شئ اكل وشرب وصرف
ومطاعم ...
ياربي والله طفشت من الحاله هذا ايش اسوي؟؟

في نظري طبعا بخيل, الله يعينك اختي

من كلامك اختي نقدر نقول بخيل بس الاتزان بكل شين زين لا اسراف ولا تقتير

كما امرنا الله عز وجل .. وحب المال غريزه في البشر ولكن بدرجات

متفاوته بس الرجل مفترض مايبخل على بيته واسرته

لان كل شئ زائل ... عليك بنصحه والدعاء والله يوفقك ويسعدك ويوسعها عليك في الدارين,,,,

شوفي يا أختي إذا كان زوجك عنده تجارة فهذا طبع أغلب التجار تجيدونهم ما سكين الفلوس ويصرف بقدر محدد ليس بخل بالمعنى المشهور بل هو حرص على المال لأن لو بخيل ماوداك وسفرك ومطاعم إلخ

بعدين انتي أكتشفتي السر بنفسك ما شاء الله عليك

المهم مايبغي يكون عندي فلوس...

يبدو أن زوجك لايريد أن يكون معك فلوس حتى تبقي محتاجة له

والله العالم هذا تحليلي

الظاهر ان زوجك بخيل عليك
بس عليه مو بخيل زي ما قولتي بالاول سياحة وسفر ومطاعم
الله يعينك

زوجك فيه طبع البخل في ناس ما يحبو يكون حريمهم عندهم فلوس
عشان يحس انك محتاجه له
الله يعينك

والله مشكله وش هالحاله اكيد انك ودك يكون معك مصروف الدنيا تبي اروح لاهلي اعشيهم اهدي اعطي مو لازم كل شي يعرفه خاصه ادا كان مايايد حاولي تدخرين القرش الابيض لليوم الاسود خاصه انك ماتتكلين عليه بس يضل كل شي اهون من شي

بصراحة زوجك محقق أنا أعرف الواحد إذا أعطى زوجته فلوس ما يسألها عن الباقي


لكن الله يعينك اللي يقهر إنه مبسوط ما شاء الله


بس المصاريف مهمة في يدك مو كل شوي رايحة عنده أبي فلوس * ملل *

والله انك اقولك حاولي تجمعي من وراه هو موبخيل هو يحب نفسه وبس وبخيل عليكي انتي ..... حاولي تخليه يعطيكي مصروف شهري ولو مرة مارضى ازعلي بس لاتدخلين احد في الموضوع وتمسكي بمصروفك وكل شهر زني عليه حتى لوبسيط جمعي منه ...

مشكورررررررررررررررره على وجهة نظرك