|
زوجي واتهاماته لي
رجعت لكم بمشكله ثانيه
ياليت صدركم مفتوح لي زوجي دايم يتهمني اني مبذره ومصرفه ودايم يهاوشني على هذا الموضوع اتصلت عليه عشان يسدد فاتورة جوالي لاني بروح عمره مثل ما انتوا عارفين الاخ رفض وقال لي مصاريفك زايده ومدري ايش طيب اذا رحت عمره واحتجت للجوال ايش اسوي هذا شي ضروري تخانقت معاه لين قال لي انا راح اسكنك ببيت اهلك واجي واحط لك في بيت اهلك اكلك لمده شهر يعني لين يجي هووو ولا راح اعطيك فلوس كذا احسن لي ولك بعد كذا سكرت التلفون بعد فتره اتصلت عليه وقلت له شوف لي شقه بالمكان اللي انت تشتغل فيه رفض قال ما ابيك سكرت الجوال وبعد كذا رسلت له رساله وكانت الرساله كذا( انا ما احبك اكرهك انت بتصرفاتك تكرهني فيك ولاتتصل لاني تعبانه منك) اتصل ولا رديت عليه ورسل لي رساله (عمرك لاتحبيني واذا ماتبي تشوفيني انا حاضر) وانا مارديت عليه بشي وش اسوي والله تعبت انقهرت كثير |
تكفون عطوني حل لاني افكر بجديه بموضوع الطلاق
|
والله يا أختي ما كان الو داعي رسالتك
صراحة وبلا ماتزعلي بتسد النفس اذا كان ناوي يسدد الفاتورة بعد هالرسالة حقه يعند كل شي بينحل بهدوء اذا فعلا حضرتك مبذرة منو عيب تقللي من مصاريفك واتصالاتك واذا لأ اشرحي له والله يهدي سركم |
أنا من رأيي تطلقون
وتدورين لك واحد يصبر على إسرافك ودلعك وسوء ألفاضك ، وبرضه إذا ما سدد فاتورة جوالك تطلقين منه وتواصلين بحثك عن واحد يتحملك . لا وتبغين تروحين العمرة وهي سنة ، وأنتي أصلا ما قمتي بالواجب وهو حق زوجك . وملاحظة : لو إنك مقتنعة إنك ما أنتي مسرفة كان حطيتي مبلغ الفاتورة وقلتي شوفوا ياناس يتهمني بالإسراف وهذي فاتورتي . ما أقول إلا الله يعين زوجك عليك واعذريني على القساوة لأنك زوديتيها وتبغين ضربة قويه تصحيك . |
بالفعل اختي رسالتك له عجيبة
كلنا ماندري عن فاتورة الجوال وبعدين السبب هذا تافه الله يعينك ويعينه وان شاء الله ترجع المياة لمجاريها ونصيحة تعوذي من الشيطان ترا هو الربحان الوحيد من هالشي |
اقتباس:
سلمت يداك على هذا الرد :17: نستعيذ بالله من هكذا نساء |
اختي الله يهديك .. مو بهذا الاسلوب تتكلمي مع زوجك .. وين الاحترام .. اذا فقد الاحترام اذا قولي على الحياه الزوجيه السلام .. تسنعي اختي و اعرفي كيف تتكلمي و تتعاملي مع زوجك واللا نهايتك راح تكون سيئه جدا .. |
سلاماً من الله عليكم أختي الفاضلة كِلاكما مخطأ في تصرفه أنتِ وأسلوبكِ ، هو و أسلوبه والسبب " عدم الاحترام المتبادل بينكما " كيف تولد هذا الأمر ؟ ا لجواب لديكِ بالنسبة لأمر الرسالة ، فلا أنكر بأنها الجرح بعينه ، ولم أقل بأنه لم يجرحكِ ولكن كان من الممكن أن تبعدي الهاتف عن يديكِ أثناء الغضب ، حت تصلي لحالة الحلم ومن ثم بإمكانكِ التصرف بعقلانية وموضوعية وكسر حاجز سوء الفهم... غاليتي لكِ أن تهدأي من روعكِ وتذكري حسناته ، وبما أنك ذاهبة لبيت الله أدعي من أعماق قلبك بأن يتغلغل الحب والاحترام والتفاهم في وجودكم أنتِ وزوجكِ ويملئ حياتكم بالثقة والتناغم... لدي سؤالين 1- كم الفاتورة؟ 2- هل تجدين نفسكِ فعلاً أمرأة مسرفة؟ ونصيحة مني لا تذهبي وهو متضايق ، أطلبي وبكل بهدوء وجدية إبراء الذمة والسموحة والله ولي التوفيق تحياتي ضيآء القرآن |
اقتباس:
اعتقد شغلتين فالحياة الزوجية مهمة للغاية هي الاحترام والثقة وانا ماادري كيف اوصل لزوجتي الغالية معنى هالكلمتين. تعليقي على موضوعك ابي اعرف كل وحده تجي من بيت اهلها تبي تفهمنا انها بنت عز بصرف الفلوس بدون وجه حق يعني اذا الزوج وفر له مبلغ اكيد راح تستفيد منه انت وعيالك؛؛؛؛ اختي حاولي تعطي زوجك ارقى تعامل وشوفي وش المقابل الحياة ماتسوى اننا نعيشها في نكد :d |
معلش يا اختى لا تزعلى من ردود الاخوة الافاضل ولكن هم يريدوا لك الصالح لانه فى الواقع لا يوجد شىء كبير لكل هذا وكمان توصل لطلب الطلاق لا حول ولا قوة الا بالله الموضوع بسيط جدا يعنى لو زوجك لا توجد معه نقود ولن يصرف عليكى اذن تطلبى الطلاق استغفرى الله ولا تنسى وصية الرسول صلى الله عليه وسلم بطاعة الزوجة لزوحها وان تتقى الله فى ماله ونفسها وربينا يبعد عنكم الشياطين ويألف ما بين قلوبكم ويهديكم لبعض بأذن الله |
| الساعة الآن 11:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©