لم استطع نسيان طليقي
 

السلام عليكم ورحمة الله وبركاته

اسمحولي أنا أكثر من مره أطرح هذا الموضوع بس والله اعاني مب قادره انسى هذا الانسان ( طليقي )
وخاصة أكثر من مره يطلب من أبوي أنه يرجعني بس أبوي يرفض لانه أصلا ما تغير نفس ما هو الحاجه الوحيده اللي تغيرت فيه أنه بدأ يشتغل تقريبا ولكن علاقته مع بنته نفس ماهي ما سال عليها طلب مره وحده يشوفها ( عمرها أربع سنوات ) ورفض أبوي ولا عاد سال
بس أخته تقول أنه قال راح ينسى أنه عنده بنت لان أبوي رفض اونه يعاقب أبوي وعلى قولتها الله يعوضج باللي أحسن منه .

المشكله فيني أحسه محفور داخلي مع أني والله العظيم أكره بسبب اللي سواه فيني وفي بنتي مش قارده أتخيل نفسي مع رجل غيره وهذا الشي يخليني أرفض أحد يتقدملي وخايفه منه أنه ياخذ بنتي لانه هو ما تزوج وخايفه أنه يعذبني فيها لانها مريضه ومحتاجه رعايتي.


مب عارفه اتخذ أي قرار وخاصة أنه أهلي ممعصبين يقولون لازم تتزوجين وتنسينه وتجيبين أخوان لبنتج .

ساعدوني الله يخليكم

يا عمري أنتي ما تحبينه أنتي بس مش قادرة تنسين العشرة الي بينكم

لأنك بنت حلال

طيب ايش تبين تسوين

الرجوع له غير مأمون لأنك مثل ما قلتي ما تغير .. وغذا رجعتي بترجعين لنفس الدوامه

يعني ما استفدنا .. وانتي ما تبين ترجعين

انتي بس خايفه على بنتك و كل هذا من عاطفة الامومة الي عندك

وهو محفور في داخلك لأنك جالسة فاضية ما تسوين شي بس تفكرين في الي صار لك

وهذا شي طبيعي انك ما تنسين .. أحنا ما ننسى إلا لما يجي شي ثاني يغطي الأول

مثل رمل الشاطئ إذا بنيتي عليه بيت أو رسمتي رسمه معينه .. ورحتي عنها

بتجين يوم ثاني مراح تشوفينها لأن الموج جاء عليها ومسحها .. ولو الموج واقف وما كان في مد

كان بقت رسمتك على حالها ..

بس المد والجزر ما يوقف والحياة ما توقف .. وحياتنا مالازم توقف ..

أمامك خيارات .. أختاري اي منها بما يتناسب مع شخصيتك

حافظي على بنتك وربيها وخليها عندك طول العمر ولا تتزوجين عشان ما يقدر أبوها ياخذها

بس لا تجلسين فاضية في البيت .. طلعي اشتغلي أو درسي .. حركي حياتك من جديد

ولا تسترسلين في التفكير فيه لأنه ما يستاهل ..

بس حطي في بالك أن العمر يجري وأبوكِ الله يطول بعمره مراح يدوم لك .. وبتحتاجين لرعاية

شخص ثاني .. هل عندك قدرة على الحياة بدون زواج ؟؟

بكرة انتي وبنتك محتاجين للرعاية

بكرة بنتك بتكبر وتحتاج لأخوان يحمونها ويقفون جبنها إذا ابوها مو كفو يكون أب

أو أنك تتزوجين مثل ما قالوا أهلك .. بس هالمرة اختاري شخص مختلف تمام

ولا تقولين ما أتخيل نفسي .. أنتي افتحي قلبك من جديد .. وبعدين قرري

أما أنك تسكرين قلبك على حطام الماضي .. فأكيد نسمة هواء نقية مراح تقدر تدخل قلبك

عشان تنعشك مدامك رافضة هالشي



انتي حرة .. اتخذي القرار الي يناسبك

سبحان الله!!!

أستغرب من استخدام مثل هذه التعابير عميقة المعاني والدلالات .. في حين أن الشخص الذي تتحدثين عنه لا يستحق حرفاً واحداً منها!!!!


محفور داخلك؟؟

على أي أساس يا أختي؟؟؟

على أساس عدم صلاته .. وعدم صومه؟

على أساس تهديده لكِ بالطلاق بعد بضعة أيام من زواجكما؟

على أساس ضربه لكِ وطرده لكِ من البيت فجراً؟ (شخصياً لا أستبعد أنه إما كان شارباً أو متعاطي مخدرات يومها)

على أساس معاندته لكِ التي وصلت إلى حد التلاعب بمصير ابنتكما ورفضه إصدار جواز سفر لها ورفضه سفرها للعلاج إلا بمزاجه؟

على أساس قبوله العيش على أكتاف والدكِ وقبوله بأن يصرف والدكِ عليكما ويتكفل بالشقة والأثاث؟

على أساس عدم إنفاقه عليكِ وعدم حرصه على رؤية ابنتكما المريضة أو حتى السؤال عنها؟



محفور داخلك؟!!!!!!!!!!!

والله إنكِ تقهرين.

ولا أظن إلا أنكِ نسيتِ ما حدث طوال السنوات الأربع الماضية .. لذلك عودي بنفسكِ لما خطته أصابعكِ هنا في المنتدى لتتذكري ما فعله ذاك الذي تقولين إنه محفور بداخلك!!!!!

معنى جميل و في محله أختي باريسا

وفقك الله بافضل منه وحاولي تشغلي نفسك عن التفكير فيه

الله يعوضك خير

الله يسهل اموركم ويلم شملكم إن كان في ذلك لكم خير