|
زوجي يهددني بالطلاق و لم افهمة
للرجال بصراحه اذا تكلمت على زوجتك وجرحتها وحلفت لها انك تطلقها
وتتزوج غيرها وتقهرها وتاخذ اولادها وهذا كله بس عشان اختلفت معاك 000 ويومين وانت اتعيد وتزيد بنفس التهديد000 اخذت نفسها ونامت بغرفه ثانيه0000 جيت وراءها تقولها تعالي غرفتك بكلمك وبرضه عدت نفس الكلام بطلقك وبتزوج حلوة وجميله وبنت وبدلعها واسفرها وتسب وتجرح وزوجتك طوال الوقت ساكته 0000وبالاخير قالت براحتك000 وبتخرج من الغرفه قلت لها تعالي نامي عندي000 اول ما حطت راسها على المخده وانتم قريبين من بعض جات يدها بالغلط جنب يدك وتلامست وانت تحسب مقصوده000 وعلى طول جيت تضمها وتبوسها وما تكلمت000وبعدت عنها ونمت 000 واول ماصحيت من النوم ماكلمتها وخرجت000 ارجوكم فهموني الموقف000 |
السلام عليكم ما اكرمهن الا كريم ، وما اهانهن الا لئيم "صدق رسول الله عليه افضل الصلاة والسلام" هذا التصرف مرفوض لان فيه تجريح للزوجه وما لا تطيقه ايضا حرام حرام حرام ، لا اقول سوى الله يهدي زوجك الى الطريق الصحيح واذا استمر معكي بهذه الطريقه انصح بتدخل اهلك في الموضوع او على الاقل يكون اهلك على علم بهذا الامر لانه يجب ان يقف عند حده ، بنات ومشاعر الناس مش لعبه والله المستعان. اخوكم "شمعه تحترق" سابقا |
حبيبتي نمبر ون .. مبارك عليك الشهر و كل عام و انت بخير .. يا بعد قلبي انت .. شوفي زوجك واضح انه عصبي و مزاجي والله يعينك عليه .. معلش اختي اتوقع زوجك مو بس محتاج منك حنان الزوجه .. اتوقع انه محتاج منك ايضا حنان الام الام اللي اذا اخطأ ابنها تسامحه و تعدي المشكله خاصه اذا كانت من هذا النوع .. اقصد الكلام عن الزواج من اخرى .. والله انا اعلم انه كلامه جارح و مؤلم .. لكن تأكدي انه ما راح يتزوج انما زوجك اسمحي لي مثل الطبل .. صوته عالي لكن من داخله فاااارغ .. يعني طبل على الفااااااضي .. لا تزعلي من كلامي اسمعي من هنا و طنشي من هنا .. وانت غلطانه انك تتركي غرفتك و تنامي في مكان ثاني ..خليك قويه و اذا يبي يترك هو الغرفه فليتركها .. لكن طبعا يا اختي مثل ما قلنا لك في موضوعك السابق (الضرب ممنوع ) وانت ماخذه عليه تعهد يعني نفذي اللي مكتوب في التعهد بمجرد ما يمد يده عليك .. فوتي يا اختي و حاولي تحتوي زوجك اكثر .. يعني اذا عصب اتركيه و لا تردي عليه .. الا بكلمه ان شاء الله .. حاضر .. اللي تبغيه راح يصير .. واذا هدأ تفاهمي معه .. تأكدي ان زوجك يحبك لكن بمزاجيه . اختي تقربي الي الله اكثر .. اقرأي سورة البقره يوميا او شغليها في بيتك اكثري من الاستغفار و الصلاه على محمد .. يعني خلي لسانك على طووول يلهج بذكر الله .. |
اميرات هلا وغلا وحشتني 000
كل عام وانتي بخير يهمنني رايك مره مره 00000 |
اقتباس:
هلا بك يالغاليه .. و ما تشوفي وحش يا بعد قلبي .. على قد ما فرحت عندما شفت اسمك على قد ما زعلت حينما قرأت مشكلتك .. بيسطه يا قلبي .. طووولي بالك .. مزاجية زوجك تحتاج الي امرأه ذكيه تعرف كيف تحتوي الموقف وانت قدها يا قلبي .. |
لا الضرب خلاص حرم000
لكن والله انتي صادقة مره مزاجي مره اتقولين ملاك ومره عصبي وكلام جارح000 بس من صحي وهو عند اهله وامس يقول قال لاهله يدورن عروس000انا بصراحه ارتفع ضغطي000 بس قلت الله يهنيك000 |
عزيزتي هدي اعصابك واذكري الله إنتي اكثر وحدة تعرفين مزاج زوجك...فاذا شفتيه بأي مزاج حاولي تتصرفين بذكاء بدون انفعال زوجك يعرف ان بكلام معين يقدر يرفع ضغطك مثلا : بتزوج عليك ، بدلعها ، بطلقك فانتي هدي اعصابك وتعاملي معه عادي قومي بواجباتك على اكمل وجه ولا تهتمين لكلامه حبيبتي ...زوجك مثل الطفل اللي يختبر اهله ومعزته عندهم ..فيتصرف بتصرفات لجلب الاهتمام ومعرفة ردة الغعل فلابد انك تصبرين شوي وتتصرفين بذكاء مثلا : اذا قال بطلقك ..روحي بوسيه على راسه وقولي له : انته حبيبي وتاج راسي ومالي حياة بدونك........اذا قال بتزوج عليك .. امسكي ايده وقولي له : ما في وحدة بتحبك اكثر مني.. او حاولي تغيرين الموضوع وتمدحينه وتسمعينه كلام حلو.. ولا تظنين ان زوجك يبي يطلقك او يتزوجك عليك لانه لو يبي يسويها ما بيقول لك.. والله يوفقك حبيبتي ويسعدكم اختكم ---- لمني بشوق |
لمني بشوق0000
اذا رحت وقلت له كذا وهو معصب يزيد ويقول وخري عني000 اما ليش قالي بيتزوج يقول مابغاك تنصدمين000 وماابغا مشاكل معاك0000 هذا الرجال بيغا اطير عقلي 000 ادعو الله يفرج همي000 |
الله يهون عليك يا قلبي ويهون علي بس وش نسوي هذا
ابتلاء لازم نصبر علية انا شفت من زوجي الوووووووووويل والحمد اني معة لان حياتي بدون زوجي ما تسوى اجتهدي يا اختى وكثير قالولي من الاخوان والاخوات في المنتدى الجميل عليك بالصبر والدعااااااااااء والاستغفار لانة مفتاح الفرج بأذن الله |
يا حبيبتي اللي برفع ضغطك ارفعي ضغطه
انا لو قالي بتزوج عليكي بقوله يا حبيبي بتطلقني قبل ما تتزوج عشان يتزوجني واحد يقدرني واكيد بكون احسن منك بسكت وببطل يجيب هالسيرة.. بعدين زي ما بقول المثل المصري (اللي خدته القرعة تاخده ام الشعور) يعني لما يقولك بدي ادلعها واسفرها ووووووووو............ قوليله كان عملت هالاشياء معي قبلها وزي ما انتي ما عمل لك هالاشياء اتأكدي انه ما رح يعملها لها بس بدو يغيزك وبس.. الله يهديه ويعينك |
| الساعة الآن 08:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©