|
اخر مستجداتي (في الرد74)
السلام عليكم ورحمة الله وبركاته كيف الحال إن شاء الله بخير طبعا لا تخفاكم مواضيعي : خرجت من بيتي و لم تخرج من عقلي 170 رد زوجتي ذهبت من ورائي (انا الأن اعيش المشكلة) 150 رد و إلكيم : اخر المستجدات : بسم الله الرحمن الرحيم الوالدة كلمت من وراي على امهم وشافت الوضع متكركب بزيادة القصة : امي : عطني جوالك ايها الأبن البار انا : ليه << يا خي امك عطها بدون اسئله وين بار معه امي : محتاجة نغمات لجهازي . انا : غريبه وش الطاري لا و توها مسلمه من الصلاة << طبعا في نفسي . جاها الجوال زحفا يمشي طبلونه بحكم البعد بيني و بينها و عشان تشوفون البر . خذت الجوال من الارض و قلبت فيه شوي و مع العلم اني ما سمعت النغمات و لا شي و جلس معها اقل من نص دقيقة و رجعته لي . امي قامت تصلي و انا ابحر في هالمنتدى الحلو و سلمت و طلعت من الغرفة و جلست ما يقارب الربع ساعة و جتني طايرة بوهتها انا : يا ساتر استر و ش فيك . امي : نعنبو بليسك انت وش مسوي بالبنت ؟ << اها خذت الجوال عشان رقم امها . انا : و الله ما سويت شي و قسم بالله . و الله يا اخوان و ايا اخوات اني قلت اكيد ان الوسنه جتني و انا نايم في ذلك اليوم الكريه اللي طلعت فيه و قمت عليها و سويت بها شي ما ينتسوى غريبه . امي : ياولدي و ش انت مسوي بها علمنا . انا : كلمتي الام امي : ايه كلمتها و منقهرة و طاير قلبها و فيها العبرة . انا : تعدلت و قلت ردوا عليك امي : ايه ردوا يا ابن اللذينا . انا : و ش قالت ؟ امي : تقول انك موريها الويل و ان الام شايله عليك وودها تسحنك و لا علموني و ش انت مسوي بالبنت و قالوا هذا امور كبيره مره مره و لا زم يجي الولد وراه مطنشنا<< كله منك ياعلو النفس . وراه ما يجينا ليه ما همه اللي صاير . أنا : طايرة بوهتي و اقول يا مصيبتي << بالمصري . وش قالت لأهلها ذي بعد الله يستر شلكها مكبره الموضوع وهو صغير . امي : الحين وش تبون ؟ امها : حنا نبيه يجي و نتفاهم معه و خليه يجيب ابوه معه لازم << طبعا انا ولا شي :15: انا : قوليها حلمي اجيب ابوي معي و الله ما يجي خير ان شاء الله بزران . نبي رايكم يا عضاء الشدة << علو النفس و يا اعضاء اللين << احاسيس متناثرة و ما يهونون الباقين وش الحل الحين البنت حطتني من طائفة اليهود واشد عند اهلها و طلعت فضايحي عندهم و اكيد قالت شي ما ينقال عني < الله يسامحها بس . و اكيد انها خلطت العبارات بالعبرات لأنها ابلغ في التأثير في الجمادات فما بالك في الأب و الأم و تقول امها انها تعبانه مره مره و وضعها متردي ياناس تلوموني يوم ما اروح ؟ و الله لاروح ضحية بين يديهم ذولي متحمسين و شكلهم يبوني حي او ميت لا تقولون خايف و منيب رجال إلا رجال ولكن من خاف سلم مثل ما يقولون والمؤمن كيس فطن . شفتوا و الله اني حاس ان البنت قايله عني شي كبير كبير و انا واثق انها عطتهم البير و غطاه و اكيد ادنى كلمه مني ادنى تصرف ادنى نظره ادنى اي شي عندهم خبر عنه لا و مكبرينه بعد مره مره و المشكلة انهم ما حاولوا يتصلون فيني عشان يسمعون مني بحكم ان حالتها تعبانة لكن المهم انهم الآن يطبخون على نار هادية و بيحترقون ان شاء الله عن قريب و يطيح اللي في روسهم بس المسأله محتاجة صبر في رايي و خلهم يذوقون الويل و الويلات و اقسم بالله ان هذا من دعائي يوم يخوفوني بشيلتها من البيت و قسم بالله طار عقلي بس خلوها على الله ابي ارائكم |
خلاص يافارس رجعها
يالله اكثر من كذا والله حرااام وتبي رأي كمان اشك فيك هالولد مجنني في حياتي>>>>>اعتبرك ولدي لانك على اسم ولدي فارس:) |
اقتباس:
لأنهم محترقين يبوني باللي هي به |
اخي الكريم اذهب الى اهل زوجتك وشوف الموضوع ..
واذا ابوك يروح معك خير وبركه مافيها شيء وحاولوا تتفاهموا بكل هدوء وبإذن الله ترجع المياه لمجاريها وترجع زوجتك وشريكة حياتك لبيتكم المصون وتعيشان احلى حياه اخي الكريم يعلم الله عز وجــــل انني دعيت لك عند الافطار وامس الجمعه بعد العصر ولاخوه واخوات في منتدانا العزيز على قلبي .. اخي الفاضل الان ساعه فضيله استغلها بالتقرب الى الله والدعاء الدعاء الح على ربنا الكريم الجواد انه يحب عبده الحوح ثلث الليل الاخر وقت نزوله سبحانه وتعالى نزولاً يليق بجلاله فيقول هل من سأل واعطيه مسئلته هل من مستغفر فاستغفر له ... انه الله الرحمن الرحيم ارحم بالطفل من امه .. وفي رمضان شهر القران شهر الغفران وايضا في افضل ليالي السنه العشر الاخير الله اكبر .. اخي تضرع الى الله ربك وخالقك ورازقك تضرع اليه في سجودك .. اسال الله الفرد الاحد الصمد ان ييسر رجوع زوجتك إليك وينزل في قلبيكما الموده والمحبه والقبول ويهديكما |
ماشاء الله تبارك الله
أخوي في أحد ردودي قلت لك أحس إن مشكلتك قرب انفراجها والحمدلله على كل حال المشكله الحين انفرجت وانحلت أكبر عقده فيها وهي العناد وتجاهلهم لإتصالاتك واتصالات أمك حدد موعد مع أبوها لزيارتهم والتفاهم معهم واعتذر على كل غلط سويته لها وعاتب على كل غلط فعلوه بك <<< عتاب محب وليس تجريح ولا تبين لهم إن حياتك ما تمشي إلا مع بنتهم عشان ما يستغلونك بشروط أنت بغنى عنها وبصراحه ما أقدر أقول لك متى الموعد المناسب إنك تروح لهم لكن العلم الأكيد لايجي يجي ثاني أيام العيد إلا هي ببيتك ومنتهيه مشكلتكم لكن قبل تروووووووووح لهم اشتر لها هديه واشتر لأهلها سلة حلاو أهم شي لاتروح خالي اليدين رجع زوجتك وتفاهم أنت وياها إنها ما تطلع أسرار بيتها ولا تدخل في صدامات مع والدها ولا ترفع صوتك دايم اللي يرفع صوته بالحوار يكون ناقص اكبت غضبك في صدرك وتحمل هذه ليست نصائح فأنت أكبر من أن يقدم لك أمثالي نصيحه لكن مجرد تذكير الله يرجع لك زوجتك عاجلا غير آجل |
اقسم بالذي لا اله الا هو اني فرحتلك فرحه كبييييييييييييييييييييره
يابن الحلال روح اعتذر وتعذر شوف انا بحط نفسي فمكان البنت ماتبي الا اعتذااااااااااااار وحبت راس هذا وانا اقولك ومشكلتي مازالت قائمه واكيد ماحيتصلوا وليش يتصلون مثلنا هو غلط علينا هو يعتذر مو احنا نتصل ونقول تعال ادعيلي ضاقت علي |
الظاهر أن الله استجاب دعائنا .. الكل دعا لك
المهم .. تبي شوري بس بسألك سؤال أغلى انسان في الدنيا على أمك وأبوك مين ؟؟ أكيد انت .. ما يبي لها كلام عشان كذا اقولك رح عند أمك وأبوك وأحكي لهم على الي صار بينك وبين زوجتك أو أختار من بينهم أكثر واحد تقدر تتكلم معاه بصراحة .. مع أني أنصحك تتكلم مع أبوك وتقوله عن كل شي .. لأنه رجال مثلك لا تضيع خبرتهم وحكمتهم عنك .. في تاصيل كثيرة هم أخبر منك ومنا يعرفونها أحنا كل واحد يشور عليك على ضوء خبرته وتجاربه وبيئته وتربيته وشخصيته .. لكن أمك وأبوك غير صدقني مراح يقولون كلمة إلا يدورون مصلحتك قبلها وبعدها ووراها وقدامها يا فارس أنت قطعه من قلبهم .. أنت أول ولد يجي لهم .. مارح يقولون لك اعمل شي وهو يضرك ومثل ما أنا شايفه أن أمك وأبوك ماشاء الله في عز شبابهم يعني في لغة حوار بينك وبينهم استهدي بلله وروح عند ابوك الله يطول بعمره وتكلم معاه بالي صار و قوله عن كل شي واطلب شوره مو تقعد تقول له ما سويت شي .. قل كل شي .. واسمع رايه .. خله بالصورة ويعرف كل التفاصيل مو يتفاجأ خله يسمع كل شي منك أحسن .. تراه أخبر بالدنيا منك .. لا تقول انا مو بزر .. أدري انك رجال .. بس مثل ما يقول المثل ( أكبر منك بيوم أعلم منك بسنة ) بالاضافة إلى أن أهلك أدرى بالبيئة الي انتوا عايشين فيها وأدرى بهالناس الي انتوا مناسبينهم ويعرفون شنو ورا تصرفاتهم .. لا تستهين فيهم إذا في شي ورا تصرفات البنت أو امها .. تأكد أن أمك بتلقطها وهي طايرة .. ترى النسوان ادرى بالنسوان وأمك مستحيل تشوف شي يضرك وتبقى ساكته .. وأبوك بعد بس ليش أنا أقولك روح عند ابوك .. عشان نبتعد قد ما نقدر عن العواطف وصدقني مهما أخطأت تأكد ابوك مارح يسوي شي خلاف مصلحتك وبعدين لا تخاف من ابوها .. شنو يضربك وخرابيط .. لو كان ناوي على ضرب كان دخل عليك من ذاك اليوم و برد قلبه فيك .. لأن مافي واحد محترق قلبه على واحد ينتظر عشان يضربه لأنه لو انتظر خلاص بردت النار الي بقلبه أنت صحيح غلطت لما ضربتها لكن لا تنسى أن عندك مستمسك عليهم وهو شيلة ابوها لها من غير علمك وهذي نقطة ابوك راح يخليها منفذ لمصلحتك أمك وأبوك قدامك روح لهم وأعمل بشورهم وإن شاء الله خير |
اخيرا صار شي معاك نصيحه مني لا تثقل كثير ويشيلون عليك اكثر من كذا وتكبر المسأله بس اهم شي اذا قابلت ابوها خبره انزعاجك من حركته انه ياخذبنته بدون ما يخبرك وكمان لا تنسى حركة بنته وهي خروجها من بيتك من غير ماتدري هذا اهم شي
والله يوفقك يارب ويصلح حالك |
مبرووووووووووووووووووووووووووووك عليك
بس تحرررررررررررك روح لهم كلم ابوك يكلمهم واشتر لها هديه ..خاتم ذهب مايزيد عن 200 ريال وكيكه حلوووه من بيت الكيك وروح لهم مع ابوووك وحلق وتكشخ وتعطر وحب راس ابوها واعتذر واوعدهم انك بتحطها بعيووونك واطلبه يناديها تعتذر منه وقول لو تبون اكتب لكم تعهد اني ماضربها انا مستعد ..... خلك مطاوعهم لانك انت اللي غلطت وضربتها ياااااااااااااارب ترجعون لبعض |
يا اخي تراك غلطان
طاقهاتعرف انت وش مسوي يعني لاتقول اعتذرت ومدري وش انت غلطان لا تقول طلعت من بيتي ومدري وش لا تكبرها تراها هانت روح واعتذر وقول حقي برقبتي وهي ادبها بينك وبينها وقول لها اخر عهد بيني وبينك لو طلعتي سر برى البيت لو وش تغدينا زهب عذر لسبب طقك لها وتنتهي السالفه |
| الساعة الآن 02:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©