|
الحرمان العاطفي
السلام عليكم وكل عام وانتو بخير
انا اشكر كل اللي ساعدني بمشكلتي انا غيرت من نفسي بفضل الله ثم بفضل نصايحكم وكلامكم الحلو بس المشكله الحين ان زوجي دايم يشكي مني من جفافي معاه انا عمري ماقلتله كلمه حلوة او ناديته باسم حلو بس اقوله باسمه الله يعين من كثر المشاكل وتصادم الشخصيات واختلاف الفكر والاسلوب وحتى الكلام ومشاكل لاتعد ولاتحصى احس مو قادرة احبه من قلب صحيح بديت اتقبله بس مو قادرة احبه واذا قلت راح احبه مع العشره الزوج الحين محتاج وانا صرت مثل الثلج ماقدر اقوله كلمه حلوة والا احضنه احس اني انافقه واذا خليته احس اني ظالمته مرات ودي اعطيه بس مشاكلنا واسلوبه يمنعني صحيح البعض يظنها مشكله بسيطه بس انا انثى وبنت صغيرة وعروس وهو بعد يحتاج ويبي كلنا نشكي من الحرمان العاطفي والمضحك المبكي من كثر الضغوط والمشاكل اللي مريت فيها لو قالي كلمه حلوة صرت ماحس فيها لو يلمني ما حس بالحنان ياناس هل انا مريضه نفسيا والا انا طبيعيه بس محتاجه توعيه الله لا يحرمكم من كل غالي ويجمعني فيكم بالجنه |
انتي فقط ماخذه موقف
انصحك انك تعطينه وبقوووووووووووه عطيه ترى مثل ما انتي تحتاجين هو يحتاج اكثر منك خاصة بعد العلاقه الحميمه كثرة التصادم والمشاكل صدقيني هي فاكهة الحياة ولو انتم ماتتصادمون كان ماتحابيتوا اكثر ... انصحك غاليتي بعد تقرأين على نفسك قبل النوم وتتحصنين ولاتنسين انتي تراك حصن له من الفتن ... احضنيه واحضنيه واحضنيه وسمعيه الكلام الحلو وخاصة في الفراش |
حبيبتي،مو ضروري تحبينه عشان تقوليله كلمة حلوة ،،هذا اول شي..
ثانيا انا بصراحة ما اعرف مشاكلك السابقة معه بس انصحك : اولا اظهار حبك له مع انه ليس حقيقيا بالداخل ليس نفاقا،وليس حراما حتى،،،يا اختي ربي حلل الكذب بين الزوجين لتليين العلاقة بينهما،، ثانيا انت لازم تنسي المشاكل السابقة او تتناسيها شئ فشئ حتى تستمر حياتكما بهناء وتغيرا عيشتكما للاحسن،، اما ان بقيت هكذا مقنعة نفسك ان خلاص راح احبه مع العشرة،وان طول ما انا لسا ما حبيته ما راح اسمعه كلام حلو بحجة ان هذا نفاق،،فتأكدي ان حياتكما لن تستمر معا كثيرا،او انه يكمن يخليك بس راح يدور على زوجة ثانية تشبع حواسه واولها السمع... اذا كان هدفك في الزواج هو الاستمرار مع زوجك بسعادة وهناء،فعليك التغير و فورا.. المرأة= الانوثة و الدلع بالدرجة الاولى،، والا فلن تسمى امرأة ومن الاحسن ان تضع شارب،،، دربي لسانك على الكلام الحلو،،والله اللسان اكبر سلاح للمرأة وطبعا هو سلاح ذو حدين،،فاستعمليه فقط للكلام المعسول والدلع ،،لا لغير ذلك اذا داومتي على مناداته بلقب حلو يوما بعد يوم و الله بتتعودين و تطلع منك بدون ما تحسييين وبهذا تكونيي قد ضربتي 3 عصافير بحجر واحد اولهم: رضا ربك لانك اسعدتي زوجك.. وثانيا رضى زوجك وهو من رضى الرب..وتذكري انه جنتك ونارك وان رضي زوجك عليك عيشك عيشة سعيدة هنية وبهذا تكوني كسبت رضى نفسك ويكون هذا هو العصفور الثالث بالتوفيق حبيبتي |
اقتباس:
|
اختي انا مريت بمرحلة كذا لما كان قاسي معي وغيور لدرجه الجنون ويتحكم فيني لاتطلعي لاتلبسي لاتتكشخي لا احد يشوفك لاتقعدي عالنت وووو الخ
بس حاولت احبه وحبيته بجنوووووووووووووون وللحين الحمد لله واتمنى تشوفي موضوعي بخصوص شخصيات الرجل زوجك احتمال انه جنوبي يحب الدلع والرومنسيه والكلام الحلووو تقدرين تسوين اختبار الشخصيه لزوجك بنفس هذاك الموضوع بصفحه 5 اخر ردين وانصحك حبيه بنفاق ....لانك بعد النفاق بتحبينه من قلب صدقيني ... ناديه باسم دلع بس لاتمصخينها علطول ومره قولي له احبك ..... ومره اكتبي له كلام رومنسي وقولي له كنت متغيره عليك بسبب معاملتك وكلام حلووو... طيعي كلامه ولاترفعي صوتك عليه ولاتراددينه بالكلام خلك هاديه اغلب الوقت وساكته ولاتكشرين في وجهه ..... وسوي الاختبار وبلغيني |
معليش يالجرح العميق كان لك علاقه قبل لا تزوجين .. يعني كنتي تحبين واحد وكان بينكم مكالمات والا شى ؟! لان من كلامك احس ان بقلبك انسان ثاني غيره .؟! يمكن احساسي صحيح ويمكن خاطئ لكن حاول واجتهدي وصدقيني راح تتسهل امورك وبتكون حياتك سعيده ان شاء الله وعسى الله يوفقك ويسهل آمرك |
الحمدلله على التقدم وكن ماتريده انتي طبيقيه عليه وسوف ترين نتيجة مذهلة
|
ولد حايل مشاكلنا موبسبب علاقه مثل ما تفكر
المشكله ان زوجي كان هاجرني 6 شهور وانا عروس الحين بدخل الشهر ال7 لانه ضعيف جنسيا وهالشي اذاني نفسيا وجسديا كان يكذب ويمثل انه انهى المشكله وكان ما يكمل وهالشي اذاني جدا جدا ومشاكل ما يعلم فيها الا الله والمشكله يبيني اتغير واضحك واسولف بسرعه كاني عديمة احساس والله مرات اقول ياليتني ماتزوجت ما استفدت الا الذبول ونقص الوزن والتعب النفسي مرات احس اني متزوجه بالاسم فقط ومستحيل اجيب عيال |
حبيبتي الله يعينك والله صعبة بس كان لازم تشرحين من الاول عشان نفهم كويس،،
طيب يا عمري ليش زوجك ما تعالج من الضعف؟وهل اخبرك بذلك قبل الزواج او لا؟؟ آسفة اذا كان ردي الاول فيه قسوة شوي،، الله يكون في عونك حبيبتي،ولا تيأسي فانت لسا في بداية المشوار والحياة لسا طوييييييلة... في انتظار اجاباتك يا الغلا |
لا حبيبتي عادي
المشكله من البدايه اني تزوجت وماعرف ان في شي اسمه ضعف جنسي وعجز جنسي والله ممكن تضحكين اني ماعرف شنو يعني انتصاب عفوا ع الكلمه وزوجي ماقالي ولا اعترف ان فيه شي وانا كنت عروس واستحي اقول ليش ما تنام معاي بغرفه وحدة بعدين صارحته وكان يحاول يعاشرني ومايقدر وانا على بالي مني لاني مازلت بكر وهو يقولي السبب فيج مو فيني وانا ساكته وصدقته بعدين صرنا كل يوم مشكله ورحت لاهلي وقال ان مافيه شي بس مايدري ليش مايقدر يعاشر؟ انا رجعت بعد اسبوعين غصب وبالكره وكنت مو طايقته وهم حاول يعاشرني وكل محاولاته فاشله لحد ما تعبت وانفجرت وصارحني بمشكلته رحنا الطبيب قال ما في اي مشكله رحنا لشيخ قال مافي مشكله مو عارفه شنو اسوي مرة قلتله خلاص انا بعطيك حقك مرة بالشهر لاني تعبت وصرت انفر من العلاقه واخاف من الفشل فيها والاحباط والمصيبه حتى مرة بالشهر مو قادر يقولي خلينا كل يوم نجرب وحتى لو نفشل عادي والله وبالله انه حاول تقريبا 30 مرة وكل محاولاته فاشله واشعر باكتئاب واحباط وتعبت ونقص وزني وانسدت شهيتي عن الاكل بتاتا وكل يوم اذبل والكل يلاحظ بس انا طبعي كتومه واكتم لحد ما انفجر الحين مو عارفه شنو وضعي هل زوجي طبيعي هل هو ضعيف عاجز علما بان اعمارنا 22 سنه والله المستعان |
| الساعة الآن 07:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©