|
اعطوني رأيكم بخصوص التعارف قبل الخطبه
وحشتوني ... بجد.. محتارة في موضوع ابن عم زوجي طلب مني ادور له على عروس بس هو مايبغى زواج تقليدي يعني يبغاني ادور له على وحدة تكون بنت حلال ومحترمة حتى قالي مو مهم الشكل لكني ابغى اكلمها ماسنجر اول انا بصراحة رافضة الفكرة ...انه يكلمها قبل بس هو يقول افضل للتعارف والله هو جدا محترم ومتدين وعاقل بس ماادري بعدين يبغى وحدة من برى العيلة .....قلت له صعبة اشوف لك وحدة غريبة واطلب منها تكلمك وتتفاهموا قبل قال هي لو عاقلة وعارفة الدنيا بتقبل بصراحة انا خايفة مو منه لا بس لو ما اتفقوا ...... بعدين كيف اشوف له وحدة برى العيلة..... حتى قلت له طيب واتعرفت ورضيت بيها اش حتقول لاهلك قال لاحقول انك لقيتي لي عروسه قلت له طيب لو ماعجبت اهلك قال اقولهم انا راضي بيها يعني كذا كذا انا في الوجه اش تنصحوني والله لي يومين افكر اليوم جاء زار ابو زوجي ....وسالني ايش عملتي ..قلت له للان ماشفت احد وانا بجد محرجة حتى صحباتي اللي اعرفهم انحرجت اعرض عليهم يعني الموضوع عادي والا اعتذر له |
والله ما اشوف الموضوع عادي يا رشفة توت ياحبيبتي
ابدا لا توافقيه .. واطلعي من الموضوع ويا ليت تنصحوه بلاش قصة التعارف قبل الزواج لا الشرع ولا المجتمع يسمح ابدا |
دا صار تفكير كل الشباب بصراحه الزواج التقليدي صار معظموا فاشل
طبعا الا يقرا ردي حاينتقدنى وبشدة بس في الاخر دا راي انا اويد بس اذا كان مجرد تعارف على افكار بعض او اراء معينة يبغى يعرفها وطبعا مره او 2 بس |
نقل للمقبلين على الزواااج مكاانة الانسب
|
بس يابنت مكة اذا انتي ماعندك مانع
موكل البنات زيك يعني بعض البنات مستحيل ترضى تحط نفسها تجربة للرجل ياتعجبة او لا وبعدين الرجل الي يطلب هذا الطلب يرضا على اختة هذا الوضع مستحيل وبعدين اش يضمن لك في يوم من الايام يقول لها زي مارضيتي تكلميني بتكلمي غيري والله الي يبغى الزواج والحياة الكريمة يدق ابواب الرجال مو من الشبابيك زي الحرامي |
اقتباس:
ياعسل انا ماارضى بي دا الشي بس اذا الطرفين راضيين براحتهم في كتير بنات بيتزوجوا بي دي الطريقه ومنهم صاحبتى وعايشه مبسوطة الحمدلله انا قلت اختلاف ارااء |
اختي رشفة توت لا تـطاوعـي ابن عـم زوجـك.... وابحـث عنـه عـن طـريـق معـارفـك و صديـقـاتـك.... لـيـضـع مـواصـفـاتــه .... و قـولـي لـه الزواج مـا هـو بـيـعـه غـرض خـاص، ما احد يعـلم فـيـه إلا صـاحبـه والراغـب فـيـه لازم العـائـلـة تدري وتـعـرف،،، فيه امـور البنت لا تصل لها إلا عن طريـق الرجـال من اهـلها وكـذلك الرجـل لا يصل له ما يعرفه عن البنت إلا عـن طـريـق نساء اهـله...... وما كـل واحـد بـيـخـاطـب الثـانــي مباشـرة ، بيـكـون عندهـم وضـوح تجاه الطرف الأخـر... سيـغـلب عليـهـم المجاملـة والدبـلـوماسيـة... لازم نـشـرك الأهـل ونـجـعـلهم زوايـا تـعـيـن على النظـر من عـدة جـهـات... والله يـرزقــه الـزوجـة الصـالحـة.... عزوبي:21: بس:d رجل:30: |
بالنسبة لرأيي
لا توافقي لأني أعرف إن المسنجر يمكنه يسجل المحادثات كاملة من أولها لآخرها فأنا ما أريد أحط في ذمتي أي شي لكن لا توافقيه أبدا على هالشي |
انا شايفاه عادي
لكن المفروض هو اللي يتعرف عليها بنفسه مش انتي تتدخلي خليهم منهم لبعض توافقوا في الافكار اوكي لم يتفاهموا خلاص هما كبار وناضجين لكن بلاش النت ده انا ارتبطت كده بس كنا محترمين جداااااااا والحمد لله هو كويس جدا والامور مستقره |
لا انصحك ان تدخلي بهذا الموضوع
|
| الساعة الآن 02:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©