|
حياتي على وشك الانهيار وانا تعيسه
وعدني ووعدني واملني ووفهمني امور مستحيل انها تحصل وبعدين اكتشفت انه كل كلامه كزب بكزب وانه مش قد هالمسؤوليه
تزوجنا من سنتين كانت بداية حياتنا بالسر عن اهله وعن زوجته الاولى هيك كان طلبه وانه بس نخلف اول ولد بنخبر اهله او هو بخبرهم وبكون مهدلهم الامر ولمرته الاولى يعني ضرتي وكنا اسعد شخصين على وجهه الارض لحتى يوم ما ضرتي شافت مسجات مني على تلفونه وصارت تحلف فيه وتساله شو الموضوع ومين انا لحتى ما اعترفلها انه متزوجني وعنده بنت مني انجنت وانهارت والله يكون بعونها بس الايام هاي انا بئول الله لا يباركلها وحسبي الله عليها لانها قلبت حياتي وبدمر فيها شويه شويه وهو تغير معي وصار يخاف منها ومن اهله وبحسبلهم مليون حساب ما بتاخر بعد الدوام ورئسا بروح على البيت علشان ما يفكروا انه عندي ومعه تلفونين علشان لمه تمسك تلفونه ما تشوف انه بحكي معي والتلفون التاني بخليه في السياره يعني بالعربي وللاسف الشديد طلع جبان وزادت المشاكل بينا بطلنا لا نروح ولا نيجي مكان بلاش حد يشوفنا فهمهم انه تاركني لفتره من الفترات وطلب مني نعمل ورقه طلاق بس هو ما بتركني انه مجرد ورقه ليسكت اهله بعدين تغير الوضع وبطل يطلب مني انه نعمل هاي الورقه وصارت مشاكل كتيره بينه وبينها وانا اهدي الوضع بيني وبينه واخد على حالي كتير في سبيل اكسبه وما يصير بينا طلاق وصرت حامل من جديد انا الان بالشهر الثامن بس بينا مشاكل كتيره مش عارفه شو حلها او بعرف انه حلها الوحيد اني اضلني ساكته وما اتنفس ولا احكي ولا كلمه ما بيجي عنا على البيت ولمه يجي بخطف حاله خطف واكتر من ربع ساعه وان كترت نص ساعه ما بقعد وبيجي اخر الليل في النهار مستحيل يجي بلاش حد يشوفه موترني على طول وعلى طول معصبه لانه ما اله لزوم كل هالجبن وكل هالخوف بضلني احكيله يفهمهم اني مرته وما يضله يخبي عليهم ومفهمهم انه تاركني او مهملني لانه مش حل هو بحكيلي انه انا ما بعرف شي ولا بعرف شو حاكيلهم بس انا بحكي انه المكتوب مبين من عنوانه ومن تصرفاته لو بحكيلهم اني بحكي معي وانه وضع طبيعي أقل ما فيها ما بحمل جهازين تلفون وكان بغيب عن البيت بس هو لا يوم العطله بقضيه معهم وبينهم رغم انه مش مرتاح هناك والعلاقه بينه وبين ضرتي سيئه على ذمته والله اعلم بس انا بتصور انها سيئه وبضله يحكيلي اصبري اصبري طيب يا ربي لوينته بدي اصبر انا تعبت من حياتي ومن هالوضع بشهر 2 بصيرلنا شهرين في المشاكل وفي هاده الوضع يعني المفروض ضرتي اقتنعت في هالوضع وانه خلص تجوز عليها وتتركنا بحالنا وبضلني احكيله ما تفكر يوم من الايام رح تسمحلك انك تيجي لعنا وله تسمحلك انك تحكي معنا تلفون وانه ما تخلي حياتنا بين ايديها بس هو مش مستوعب وانا مش عارفه شو اعمل معه جنني ومشاكلنا كترت واعصابي بطلت تتحمل انا بعرف طبيعه شغله ما في عنده وقت الا يوم واحد وهو يوم السبت وكل مشاكلنا بتصير يوم السبت او الاحد لانه يوم السبت بختفي ببطل لا يحكي معي ولا بطلع من باب البيت ولو طلع بكون معه ولد من ولاده او بكون معه حد وانا كل سبت بستنه يحن علينا ويجي لعنا علشان معطل ونقعد مع بعض ولو لساعه وحده متواصله وانه يشوف البنت ويلعبها والله لتشوفه بترمي حالها عليه مسكينه بحزن عليها كيف محرومه منه الله يحرم ضرتي يا الله من السعاده حسبي الله عليها خطية هالبنت مش خطيتي انا وبحكي حسبي الله عليه هو كمان لانه ظلمني ووعدني بوعود غير هاي وبحياة مش هالحياه وكان على طول يحكيلي لو انا ما تزوجتك رح اتزوج غيرك هاده الحكي قبل الزواج علشان اني اوافق واتزوجه ولمه وافقت طار من الفرحه والدنيا ما كانت سايعته بس هالوقت الحالي انا بشعر انه مرات بتمنى لو اني مش موجوده بحياته وشو لي عمله في حاله رغم اني كمان بشعر بحبه الي ولبنته وبراحته معي بس مش في ايده يعني ما ضل عليه الا يحكيلي اياها بالعربي وبصوت عالي مششششششششششش قادددددددر احكم واجي عندك ونحن لمه نتزاعل انا وياه بسمعه كلام كبير انه بلا منه هالخوف وبلا منه هالجبن انت ما عملت شي غلط وليش هيك بتتصرف وليش هيك محكوم للصغير قبل لكبير في عيلتك شو دخلهم فيك موترني على طول وكل هاي العصبيه بتطلع على بنتي ولي في بطني ومش شاعر معنا اليوم ولعت بيني وبينه وحكالي كل واحد فينا بطريقه خلص انت عيشي انت وبناتك وانا بعيش بحالي وطبعا هاده لي بدها اياه ضرتي ولمه بطلب منه غرض يناولني اياه مستحيل يرضى بحكيلي معك سياره اطلعي لحالك اشتري شو ناقصك بحكيله طيب الدنيا برد حرام اطلع في البنت ناولنا انت دايما رده مش فاضي وبقدرششششش رغم انه مرات بقدر بس خوف وجبن بلاش حد يشوفه تعبني وكرهت حياتي وانا مش قادره اني اطنشه وما اسال فيه ولمه نطاوش انا وياه بهددني ياخد البنات مني ويحرمني منهم ويحرق قلبي عليهم الله يحرق قلب ضرتي على ولادها ازا بدها ضلها دايره وراي وطلقني حسبي الله عليها بطلت فاهمه وبطل عندي اعصاب حتى اني اتعامل مع امي وله ابوي وله ايييي شخص ولا حتى بنتي الطفله اهلي بحكولي اصبري لانه ما في حل او انه بتطلقي وخليكي هيك احسن الك ولبناتك لانه مش طالع في ايدنا اشي وطلع من زلمه وطلع انسان جبان شو بدك نساويلك ما بنقدر نغصبه انه يجي عليكي يوم يوم ولا بنقدر نغصبه انه يعمل اي شي وله ياخدك اي مكان تحملي وبس بس يا رب انا مش قادره بكفي تعبت الي سنه في هالموال هاده وبعدين واخرتها اطلق وله اضلني ماكله ..... وساكته وله شو في حل تاني انا بطلت قادره افكر وكل ما احكيله رح اساوي ورح اعمل بصير يهددني انه ما رح اخليكي تتهني في حياتك ورح ادمرلك حياتك وانا بكون اكابر واحكيله اكتر من هيك دمار شو بدك دمر واكتر من هيك ندم على شو بدك تخليني اندم وبس اسكر التلفون معه بنهار في البكا ومرات بنهار قدامه وبصير اساله ليش هيك بتساوي معي وانا شو دخلني وليش هيك بتتصرف وانك ظالمني وهو بعترف انه ظالمني بس ما في شي في ايده يعمله وبضله يقلي مساله وقت مسالة وقت طيب هالوقت ليجي بكون انا منهاره وخلص وقرفت والحياه بيني وبينه بتخرب كل يوم وبتسوء رغم انه انا وياه كتييييييييييير مبسوطين مع بعض ومتفاهمين وبنحب بعض بس هي القصه من وقت ما عرفت ضرتي خربت بيني وبينه حسبي الله ونعم الوكيل وانا من النوع لي ما بحب اتنازل ولا ابين اني ضعيفه يعني متلا بكره خليني احكي معه بهداوه وبصير ابكي هو بهدى وبتراجع عن كل كلامه انه نترك بعض وانه كل واحد في حاله وما نحكي مع بعض وووو وكل هالامور وبتهدى الامور اسبوع اسبوعين شهر شهرين وبترجع بتولع لانه مش عم بقدملي اي شي وانا كل هالفتره بكون استنه فيه انه يقدم شي بس لا حياة لمن تنادي حسبي الله ونعم الوكيل هاي هي حياتي التعيسه |
أختي ، زوجك لو ما يحب زوجته و مرتاح معها ، ما كان عمل لها خاطر
و لا كان حساب لها ألف حساب إنت رضيتي تتزوجي بالسر ، ليه قبلتي من البداية و النتيجة معروفة ؟ لو إنه يقدر يعلن عن الموضوع ، كان أعلن عنه من زمان و لييييييييييييه تدعي على زوجته الأولى ؟ ادعي عليه هو ، ماحد ضربه على يده إذا ما كان قد المسؤولية اليوم ولعت بيني وبينه وحكالي كل واحد فينا بطريقه خلص انت عيشي انت وبناتك وانا بعيش بحالي وطبعا هاده لي بدها اياه ضرتي لا تخلي ضرتك ، شماعة ،، لإنه مافي رجال تزوج و زوجته الأولى راضية ،، و لا كل الرجال كانوا عملوا مثل ما زوجك عمل الغلط منه هو و إنت رضيتي من البداية بالحياة هذه و أهلك رضيوا ؟؟؟؟؟؟؟؟؟؟ مادري كيف أهلك قبلوا بالزواجة هذه ؟ اللي بالسر ؟ الحل بيده هو ؟ |
الله يكون بعونك ..ويزيل همك ويفرج كربتك..زي ماقالت اختي روح الطير..انت واهلك رضيتوا بالسر..وهو وعدك عند ولادتك الاولى يعلن زواجكم..يكون قدها ويواجهم بالعدل خلاص عرفوا بزواجه وين شخصيته ..ليه مايعدل..ووين ابوك واخوانك ليه مايتفاهمون معه الدنيا سايبه على كيفه يقول مش قااادر احكم..لالالالازم اهلك يتفاهمون معه...او مع ابوه..بالتوفيق..
|
ينقل الى مكانه الانسب -المتزوجين-الاشراف
|
الله يفرج عليك
كنتي تعرفي انه متزوج وعنده اولاد.. ووافقتي ع زواج السر.. اللي يبدي زواجه بسر معناته خواف ومو قد المسؤوليه..!! المفروض من هاذي المعطيات تكونين متوقعه المشاكل بعد الاعلان.. الا اذا زوجك مصورلك الوضع بشكل ثاني !! مالك الا الصبر والدعاء..!! |
معلش حبيبتي طولي روحك
الحق على زوجك والشرع حلل ان الانسان يتزوج اربعة بس بشرط يعدل وازا لم يتحقق شرط العدل فواحدة اعلمي انه محاسب امام رب العالمين على عدم عدله،، وانتي ممكن زايدة عندك العصبية شوية لانك حامل الله يقومك بالسلامة.. ع العموم انا اقترح انه ازا بتقدري تقوليله بدي منك فترة ما اشوفك ولا تشوفني (اعتبريه طلاق لا سمح الله) عشان يحس كيف رح تقدري تعيشي بدونه او لا وهو ازا بيقدر يعيش بدونك ام لا.. وازا حس انه رح يفقدك رح يرجع يتمسك فيكي اكتر وفهميه انه انتي لك حقوق وازا بنفع يوقف له ابوكي ويفهمه .. بس بصراحة حبيبتي بالعموم الزوجة الاولى دائما حقوقها اكتر لاني بلاحظ بنت عمي زوجها كان عنده زوجة واولاد واتزوجها وانجبت منه ولد لو تشوفي صحيح بيجي عندها يوم وعند الاولى يوم بس بالاعياد بتقولي بختفي وببطل يرد ع التليفون ولو كان اول يوم العيد دورها بلغي دورها وبعيد عند الاولى والاولاد وبطنشها وبتاني يوم بتصل ببنت عمي بعيد عليها بتقوله بدري منيح اللي اتزكرت وهذا طبعا غيض من فيض وما خفي اعظم ف بدك تتحملي يا بنت الناس وما بقول الا الله يعينك |
إنت رضيتي تتزوجي بالسر ، ليه قبلتي من البداية و النتيجة معروفة ؟
وهوحاب يتهنا على حساب غيره شوفي رجع لحياته معاها وانتي في هم ونكد |
حبيبتي دانا غبتي غبتي وبالاخر رجعتي بهالكلام زعلتيني والله
بس انت غلطتي من الاول ليش تجوزتي بالسر واهلك كيف وافقو كان مفروض من الاول الكل يكون عارف وبصراحة الزوج الي بدو يتجوز تاني مرة وماعندو جراى يواجه الاولى والعيلة ويعني بعملها بالسر فهادا نقص رجولة و جبن منو شو بدك تعملي انا مابعرف بس من الاول غلطتي كان مفروض تعرفي انو زواجة السر دليل ومؤشر جبن الرجل و عدم تحمله المسؤولية ... وين احنا فلم ابيض واسود يتجوز بالسر عشان خايف من العيلة ؟؟؟ الحق عليه هوة الغلطان كمان وانت شكلك ماخليتي شي ماحكتيه لهيك من رايي روحي بيت اهلك يحلو الموضوع بشكل عائلي و بشكل جدي هيك مابنفع شو هالجبن الي عليه خايف من مرتو الرجال الحقيقي مابخاف لا من مرته ولا من عيلته والرجال مابعيبو الزواج الثاني طالما في الحلال فامر زوجك غريييييب مو قدها ليش عملها روحي لاهلك يحلو الموضوع اما هيك مش عيشة حرام :( زعلت عشانك كيتر |
الله يسعد مساكم جميعا وتسلموا على ردودكم انا رضيت بالسر علشان بدي اتزوج وبدي الستره يعني شو جابرك على المر الا الامر منه ما في انسان كان عاجبني وانا كنت مطلقه وهو انسان طيب وحنون بس وقت ما عرفت زوجته الاولى انقلب حاله وهو بتمه يحكيلي انها بس مسالة وقت وانه اصبر ورح تتغير الامور بس اتا تعبت يعني كم بدها اكتر من سنه فكر انها رح تسمحله انه يصير يجي عندي يوم وعندها يوم مش فاهمه كيف بفكر الانسان بشعره انخبط في راسه وبطل يعرف يتصرف مكنتش بعرفه جبان لهاي الدرجه ولا كنت بتوقع هيك تكون حياتي حسبي الله ونعم الوكيل واهلي يعني شو في بايدهم شي يعملوه بس نروح عندهم وهو يجي ويفتحوا معه الموضوع بصير يحكيلهم انا بعرف اني ظالمها ومش معطيها حقوقها بس مساله وقت زهئت حالي من كلمه انها مساله وئت لانها طالت وخلص ئديش بدي اتحمل انا تعبت من حياتي ومن حملي ومن بنتي لي لحالي عايشه معها وبدي اعوضها عن كل شي نائصها رغم انه كل عصبيتي طالعه عليها مسكينه والله بكتب وانا ميته قهر عليها وعلى وضعها وحياتها من حئها تعيش متل اي طفله ليجي ابوها ويحملها لو تشوفوا شكلها كيف بتكون طايره من الفرحه وما بدها تتركه وبشعر كانها بتئول اتركوني وما حد يحكي معه وخلوني معه وبحضنه حسبي الله عليهم اهله وعليه حسبي الله عليه والله رح اموت ئهر عم بكتب وببكي ومش متحمله ومش عارفه كيف اتصرف وله شو اعمل وهلي شو بده يطلع في ايدهم يعني يا بطلق يا بدي اسكت واتمني هيك عايشه ليصير رجال ويئدر يواجهه
حسبي الله ونعم الوكيل عليه |
كان الله فى عونك
بصى حبيبتى انا مش هقولك انتى رضيتى بالسر ولا كل الكلام ده لسبب انك بالسر بالنسبه لاهله هو ودى مشكلته مش مشكلتك انتى اتجوزتى جواز شرعى سليم قدام اهلك والجيران عارفه بالمكان اللى انتوا ساكنين بيه ان فلان جوزك وعندك منه بنات........ الغلطه عنده مش عندك صدقينى وعندى تعقيب بس على كل الردود اللى قبلى هل المفروض الزوجه التانيه تشترط على الزوج انه يعلم الاولى ؟ أو انه يعلم أهله ؟ دى مش مشاكلها اكيد ........ نرجع لك انتى ، هل هو مستمر فى الصرف عليكى وعلى اولاده منك؟ لو مستمر فى الصرف هقولك اصبرى لفتره تحدديها انتى فى راسك بينك وبين نفسك على الاقل انتى دلوقتى فى امان مادى ، انا عارفه انك فاقده الامان المعنوى بس على الاقل لحد ما تشدى حيلك وتقومى من ولادتك بالسلامه اكتفى بالامان المادى وبالنسبه للامان المعنوى وانه يرجع يديلك حقوقك والله انا لى تفكير مش عارفه اذا كان يفيدك وللا لاء........ انتى طنشيه خااااااااااااااالص وكأنك منفصله عنه ولا تبعتى له الا على المصروف بس ..... انسيه لفتره كده وشوفى بيتك ونفسك وبنتك وحطى همك فيهم .........والله لو حن ورجع لك يبقى الحمد لله لو مارجعش اعملى صلاه استخاره وارفعى طلاق للضرر لانه معلقك ......... كل ده فى حاله انه بيصرف وماديا مش مقصر انما لو ما بيصرفش كمان انا اسفه مش هيبقى موت وخراب ديار برضه استنى لحد ما تولدى وتصلبى عودك وارفعى دعوى طلاق طول ما انتى مش متجوزه ما يقدرش ياخد منك عيالك لو وقف على شعر راسه وغصب عنه هيصرف عليهم لان ده شرع ربنا وهتاخدى حقوقك كامله .......مؤخرك ونفقه متعه وسكن واجر حضانه ونفقه الولاد ونفقه العده كمان ما تخلعيهوش لانك هتخسرى كل شىء ، انتى كده كده بتخسرى فعلى الاقل قلصى خسايرك انتى ما غلطتيش صدقينى هو اللى ربنا يسامحه على ظلمه ليكى |
| الساعة الآن 01:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©