|
من هو الزوج الذي ينطبق عليه حديث الرسول عليه الصلاة والسلام
السلام عليكم ورحمة الله
هذي الايام الطلاق صار بنسب كبيرة وغير واقعية يمكن يكون دلع البنات بشتى انواعه ويمكن يكون بسبب الزوج مابي ادخل في اسباب الطلاق بس عندي سؤال مين هو الزوج اللي ينطبق عليه الحديث الشريف قال صلى الله عليه وسلم: "لو كنت آمرا أحدا أن يسجد لغير الله، لأمرت المرأة أن تسجد لزوجها، والذي نفس محمد بيده، لا تؤدي المرأة حق ربها حتى تؤدي حق زوجها كله، حتى لو سألها نفسها وهي على قتب لم تمنعه". رواه أحمد وابن ماجه وابن حبان عن عبد الله بن أبي أوفى رضي الله عنه وحسنه الألباني. ازواج هذي الايام لهم شروط احيانا مثلا واحد يبي يتزوج بس يبي اللي بيتزوجها تشتغل وتجيب راتب وتصرف على نفسها وتودي وتجيب نفسها يعني كثير من الازواج هم اصلا مو موفيين حريمهم حقوقهم ومو متحملين مسؤولية زواج وخصوصا وقبل كل شي المعاشرة الجنسية كثير من الازواج انانيين في المعاشرة الجنسية لكن هل مثل هذول الازواج يستحقون ان يقال عنهم هذا الحديث ؟؟ اكيد المرأة لازم تطيع زوجها بس مو معناها ان الزوج مايكون موفي واجباته تجاه زوجة وبس يبيها تطيعه وخلاص كلن له حقوق وواجبات والرجال قوامون على النساء وهذي الاية مو تشريف للرجل هي تكليف على الرجل للمرأة يعني الواجبات مفروض بالاول الزوج يوفي بواجباته لزوجته وهي راح تستجيب وتكفي واجباتها معاه ... الا في حالات طبعا انا سؤالي : هل فيه رجال في ايامنا هذي يستحقون ان ينطبق عليهم هالحديث ؟؟ اتمنى تكون الفكرة واصله |
يا حبيبتي لا تتعقدي اصابعك مو زي بعضها
بصراحه وماشاء الله لاقوة الا بالله والله اكبر زوجي يستحق هذا اللقب منتهى الرجوله والقوامه الله يحفظه رغم انه صغير في السن (23 سنة فقط) |
مو متعقدة والله
انا شفت رجال بسن 19 سنة متزوجين بس الاغلبية مثل اللي ذكرتهم فموضوعي انا اتكلم عن الوضع العام هذي الايام مشكورة اختي الله يحفظ لك زوجك ويسعدكم دوم |
اختي حاولت وماقدرت
للاسف كثير من الازواج لايستحقون فالحين الرجال حافظين ايات التعدد ولزوم طاعة الزوجة للرجل ويتغنون بانا جنتك ونارك وللاسف ماحفظوا احاديث وجوب صلاتهم بالمسجد ولا عرفوا من اسلوب تاديب المراه سوى الضرب ولاعرفوا من القوامه غير الاستيلاء على مال الزوجه وحريتها وكثير من واجباتهم اهملهوا ونسوها ظانين ان المراءة مخلوقه لنعم فقط ليس عليها التفكير وفي الاخر يطلبوا منا نسكت ونكتم علشان ماتنهدم الاسره واذا تطلقنا قالوا اكيد الغلط من الزوجه لو انها صبرت عليه احنا يااختي بمجتمع رجولي قليل منه يعترف بحقوق المراه ولو عرفوا حقوق المراه ماعترفوا بها خوفا انه المراه تكبر راسها عليهم والنتيجه وحده الله يعينا نحن النساء من جد تحياتي |
اعتقد اللي ينطبق عليه هذا الحديث
هو اللي حاط الله امام عينه يعني ما يخطو خطوة صغيرة ولا كبيرة الا على علم وبينة من حكمها وهذا الكلام في جميع معاملاته : مع اهله ، مع زملاءه بالعمل، مع زوجته وعياله، مع الكل وكما قيل لو خليت خربت |
هذا ينطبق على من يؤدي حق الله في زوجته كما شرعها الله
|
خطيبي والحمد لله ينطبق عليه حديث الرسول عليه الصلاة والسلام وبجدارة
وانا عندي استعداد اني اركعله بعد الله لو هالشي بيجوز |
أعتقد أن الحديث هو (ما معناه) " لو كنت آمرا أحدا أن يسجد لغير الله، لأمرت المرأة أن تسجد لزوجها"
|
اقتباس:
رأيي من رأي اختي موهبة الكويت بارك الله فيك ... اختك --- لمني بشوق |
اقتباس:
هم ما يعرفو نالشرع الا في مصلحتهم او كنهم بيدخلون الجنة مع الصابرين بغير حساب انا زوجي احيانا يعصب على شي ما يسوى واذا عصب يقول كلام قبيح جدا ومؤلم وفيه اهانة وبعدين يقول لا تاخذين بخاطرك ... حد قال انه قاعد يعصب على جدار ؟؟ انا انسان لي مشاعري وكياني لكن بالاخير نطلع حنا ناقصات عقل ودين ونطلع حنا اللي غلطنا مشكورة اختي الله يوفقك |
| الساعة الآن 04:20 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©