|
قال لي كلميني او انشر رقمك للشباب ..ساعدوني
الســلآم عليكـم ورحمـة الله وبركــآته
مســـــآء البـــرد :24: ياجماعه في رقم مزعجني مره كل شوي يتصل وانا مطنشه لاني ما ارد على ارقام غريبه اليوم الصباح اتصل ومن كثر الازعاج رديت بس ما تكلمت وهو جالس يتكلم بس ماعرفت من يكون جيت قفلت الخط بوجهه وارسل مسج كاتب يافلانه كيفك ..؟ أنا انجنيت شلوووووون يعرف اسمي بس طنشت ونمت اليوم بالليل اتصل الف مره وكل شوي اعطيه مشغول ويوم رديت كان كانه محشش او سكران الله لايبلانا ونفس الشي ما تكلمت وقفلت بوجهه الخط قام ارسل رساله وكاتب فيها يافلانه كلميني ولا انشر رقمك عند الشباب :( عطوني الحل الله يجزاكم الجنه وش اسوي معه هالـ ..... خايفه وانا على وجهه زواج الحين |
اذا دق عليك عطي الجوال ابوك او احد من اخوانك
خليهم يكلمونه ولازم تخلين خطيبك في الصوره قوليله في رقم مزعجني ويقول اسمي عشان يكون بالصوره ولاتردين عليه ابد احقريه وتحسبي عليه بس اكيد مدام عرف اسمك انه قريب منكم وعارفك او احد مرسله عليك |
وعليكم السلام ورحمة الله وبركاته أختي الكريمة / لاتخافي ومثل هالأشكال ماينخاف منها أبدا.. وعندك خيارين / إما تبلغي أحد أخوانك ويتصرف معه بالحسنى ويوقفه عند حده .. أو تغيري رقم جوالك وترتاحي من الإزعاجات .. الله يوفقك ويحميك ويتمم لك زواجك على خير.. |
خبري احد اخوانك يتكلم معه
وبعدها افصلي الخط تماما وجيبي رقم جديد واشوف اذا كان شاطر يقدر يطلعك ثاني !!! |
من رأيي انك تغيري الرقم
|
الله يستر علينا وعليك يارب ,,
طاحين لهم في ذا الحركة !! من جد شلون يعرفون اسامينا ؟؟ قد صارت لي هالحركة !! بغيت اموووووت ياليت احد يفيدنا !! الله يحفظنا واياك والمسلمين يااااارب ,, ! |
اختي هو قالك يا فلانه كلميني ولا انشر رقمك بين الشباب
ردي عليه وقولي له يا فلان الزم حدود ولا انشر اسمك بين السجون لا تضعفي ابدا ً وكلمي اهلك اياكي ثم اياكي ان تسكتي له ولا تعطيه راحته ردي عليه بأسلوب قوي وواثق وعلمي اهلك الله يحفظك ويحفظ جميع بنات المسلمين ^_^ |
اعطي الجوال لاخوك او ابوك
غيري رقمك اياك ثم اياك تردي على مكالاماته لو ماسكت الجوال ابدا فردك يعطيله امل انك ممكن تليني اتصلي على خدمة الجوال وسوي بلاغ براقبوا الجوال وبسوا حظر للرقم المزعج |
اقتباس:
او ممكن وانتي فتحتي الخط سمع احد ناداكي وانتي ما انتبهتي ولقط الاسم عموما لا تردين على اي رقم حتى المشغول لا تعطينه خليه يدق لين يمل وحطي لك نغمة تونس الصدر لاي رقم غريب :d عشا ن اذا احد اتصل منهم تستمتعين للنغمة ويتوسع صدرتس:d << حركتي المفضلة وخل ينشره .. كل ماجاك رقم غريب اضيفيه للقائمة المتميزة بالنغمة اللي توسع الصدر :d دامك واثقة من نفسك وماغلطتي بشي خليه يهدد من هنا للصبح .. :18: |
اذا انتي موظفه فهذي وحده متسببه لك عطت واحد حقير الرقم
عموما حطي ابوك في الصوره ... وغيري الرقم ولا تعلمين فيه احد الا زوجك او والله اعلم احد موظفي الاتصالات نفسها يلعب على الارقام اللي بأسماء حريم وهم موظفين الاتصالات يشهدون بهذا على بعض عشان كذا دايما من الأسلم استخراج ارقام بأسماء رجاليه طمنينا |
| الساعة الآن 07:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©