|
بنتي تجيها نوبات عصبيه غير طبيعيه
ياجماعه الخير
قبل كم يوم اخذت بنتي لموعد تطعيمها هنا اكتشفت انو وزنها اقل من الطبيعي وانو الفروض تزيد 5 كيلوا ع الاقل واعطتني الدكتوره انواع من الحليب والمأكولات الصحيه اللي تساعدها ع السمنه بس المشكله انو بنتي تجيها نوبات عصبيه لها اكثر من اسبوع ومو فاهمه من شنوووو فجأه نشوفها تبي تضرب اي شخص قدامها وفجأه نشوفها تبكي من دون سبب وفجأه نشوفها تبي تطلع برا البيت وتظل مصره انها تطلع بس احنا مانخليها حاولت اقلل من عصبيتها بمعاقبتها اني ادخلها الغرفه 10 دقايق ومافي فايده وصرخت عليها ومافي فايده حاولت اضربها بس ماقدرت مابي اعيشها نفس الشعور اللي عشته انا بسنها وكمان لها شهر تبكي في الليل وهي نايمه وش السر ماندري انا تقربت منها بشكل اكبر من قبل لدرجة اخذها معي بالسوق واخليها تشتري اللي هي تبغاه وعلى ذوقها وابوها كان يقول لي ذوق البت احلا من ذوقك وكان يقهرني بهالكلمه ام زوجي تقول لي نظرات بنتك مو طبيعيه وانا اشوفها عاديه دلوني بالحل وش اسوي مع عصبيتها؟؟؟؟؟ |
بنتك محتاجة للحنان
احضنيييييها حييييييل ضميها لصدرك انسي العقاب بنتك تجيها نوبات عصبية وانتي تعاقبيها؟؟؟؟؟؟؟؟؟؟؟؟؟؟ احضنيها واهمسي في ودنها بكلام حلو قليلها انا احبك انتي شاطرة ومايكفي انك تخليها تشتري اللي تبيه في نظري حضن الام يغني عن مليون لعبة او شي مادي ونوبات الفزع الليلي دليل ان البنت تمر بحالة اضطراب وقلق وخوف في اثناء اليوم ويطلع وقت نومها جربي تحضنيها على فترات متعددة في اليوم وبالاخص اثناء هانوبات |
اختي سعاد
انا على طول احضنها وادلعها قبل كانوا الخدم يحممونها ويلبسوها وياكلوها والحين كل هذا اانا اللي اسويه ومن تصحى من النوم احضنها واقول لها احبك حيل ترد علي (كودر هبس وازد)يعني كوثر تحبك كثير واخذها على طول للحمام واحممها واحضنها والعب معها والبسها وادخلها معي المطبخ اخليها تكسر لي البيض صحيح ان البيض اللي تكسرها تكون في الزباله بس اخليها معي على طول واجهز لها فطورها وااكلها بيدي واخلص كل امورها واتطمن عليها بعدها ادخل غرفتي عشان اذاكر وبعدين هي تجيني اذا تبي تنام انا ما اقول عن نفسي مثاليه لان الدراسه ماخذه وقت طويل مني بس احاول اعوضها |
مسكينة ليش تعاقبينها جذي , عورتي قلبي
آنا بالعكس احس العقاب في وقت بكائها وعصبيتها راح يزيد الطين بله ويعقد المسألة أكثر ارجوك انسي سالفة الحبس حتى لو كانت عشر دقائق , لا يصير للبنت شيء http://www.66n.com/forums/images/icons/icon9.gif آنا ما عندي خبرة كبيرة بهالمواضيع ... بس البنت تحتاج إلى أكبر قدر من الحنان http://www.66n.com/forums/images/icons/icon7.gif |
زديها جرعات حنان وعطف ....أكثري ضمها حتى لو ما كان فيه حديث بينك وبينها الضم لوحده كافي .... قبل لا تنام وهي على فراش ضميها وأقرأي عليها الفاتحة والمعوذات وأمسحي على رأسها وصدرها ،،، حتى تهدأ...واعمليها كل ليلة.... جربي هاليومين تطلعيها لحوش بيتكم وخليها تلعب بالطين ... أو عند البحر إذا كنتم بمدينة ساحلية... الظاهر على بنتك القلق ..... والله يحفظها لكم عزوبي:22: بس:d رجل:30: |
كم عمرها ؟
|
اقتباس:
حبيبتي انا مانفذت هالاسلوب الا شايفه برنامج غربي يستخدمون هالاسلوب |
اقتباس:
|
اقتباس:
|
افضل شي تعرضيها على طبيب اطفال او اخصائي نفسي متخصص بالاطفال لو وجد
وربنا يحميها |
| الساعة الآن 01:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©