|
كيف اتحضر نفسيا و جسديا للولاده
سلام عليكم بنات مثل ما انتوا شايفين ولادتي قربت,, ادعولي الله يسهلي... و هذه الولاده الثانيه لي... مع اني مريت بالولاده و مفروض تكون لي شوية خبره,, بس المشكله اني مرعوبه مررررره كل ليله تجيني كوابيس و افكار سيئه و أخاف اكثر لما اعد الأيام و تكون الولاده اقرب و أقرب الولاده الأولى صارت قبل الموعد بأسبوع يعني ولدت في الأسبوع 39 و ما كانت سهله. بدأت بنزول الماء بدون طلق و طالت المده ل13 ساعه و في الأخير اخذت ابرة الظهر,,, الين ما الأميره شرفت و الحمدلله كانت بصحه و عافيه. الحين انا محتاجه نصايحكم عشان ان شاء الله الولاده تكون سهله و تعدي على خير انا آكل تمر و عسل و امشي بس نص ساعه ما اقدر امشي اكثر لأن الظهر و الرحم يوجعوني لدرجة ما اقدر اتحرك ايش اسوي كمان علشان اتحضر نفسيا و جسديا للولاده و الباقي على الله الله يخليكم لا تنسوني من دعواتكم الغاليه |
|
الله ييسر لك ولادتك ياااارب ولاتفكري كثييير
اذا جتك ها الهاوجيس تعوذي من ابليس ونامي فتره وتعدي حبيبتي الله يسهل ولادتك قلبوو |
اقتباس:
اشكرك ماريا على الروابط فعلا مفيده :) |
اقتباس:
اشكرك اختي على المشاركه و الأدعيه الهواجس معي طول اليوم ,,,, بس أحاول اشغل نفسي بأشياء ثانيه |
الله يسهل الولادتك ويقومك بالسلامه
|
لاترهقي نفسك وانتي داخلة التاسع ,,لان الولادة تطلب مجهود!
لكن سويللك حليب مع 7حبات فرنفل تحسي بهدوء وراحة ,, "باذن اللة" وافطري على’’ تمر ’’ ربي يسهل عليك ويفرحك,, وتكوني انتي والمولود بصحة وعافية..:15: |
الله يتمم لك على خير
أنا وانتي ولادتنا مع بعض تقريبا الله يتمم لك على خير يهون عليك وعلى كل حامل ويرزقك واياي و كل محرومة بالذرية الصالحة الطيبة أنا أيضا هذه ولادتي الثانيه وأحس بخوف مع تبلد غريب مرات ما أفكر بالولادة كأني لسه في شهوري الأولى وانه لسه قدامي كثير لحد ما أولد وأحيان اخرى أفكر بالولادة يجيني اكتئاب فوق الاكتئاب اللي عندي وأحس إني ما أبغى أولد ولا أدري ايش أسوي وهل بتتكرر الأشياء اللي صارت في الولادة الأولى وهل بيجي طاقم طبي لطيف ولا متوحش بس يهاوشون زي المره الأولى ولا يعطونك نصائح جيدة الله يعين عموما كثير ينصحون بالتمر هذه الفترة والمشي 20 دقيقة أو على حسب بس بشرط ما ترهقي نفسك بس تحسين بتعب توقفين ولو تقدرين تجيبين ماء زمزم ولا حتى عادي وتقرين فيه تجهزينه لوقت الطلق والولادة تشربين منه وتمسحين على بطنك أنا لسه ما سويته مادري ايش منتظرة ونفسيا مادري ايس نسوي الصارحة الله يعين |
الله يسهل عليكم يارب وتبشرونا
|
الله يقومك يااختي بالسلامة وتيجي تبشرينا عن قريب..حبيبتي مااتخافي ومااتخلي الافكار السيئة والشيطان يتمكن منك...شوفي دائما اول بطن بكون صعب بس الثاني بكون اسهل من حيث الولادة والتربية..هذا كلام امي وجميع معارفي لاني لساعندي بس ولد...وشاطرة ضلك عالتمر والمشي وعلى نصيحة الدكتورة بنت النيل الجماع والقذف بالداخل(عذرا عاللفظ بس للفائدة) لانه سائل الرجل فيه مادة محرضة للرحم..
موفقة |
| الساعة الآن 07:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©