|
طفلي ضاع ... كيف تتصرف ؟
السلام عليكم و رحمة الله و بركاته
امس كنا و زوجي في زيارة مطولة للسوق :d و كالعادة .. تركت ابني مع زوجي في قسم ملبوسات الرجال ..و رحت لحالي لقسم ملبوسات النساء في الطابق الثاني لانعم بتسوق مريح :25: طولت فوق >>>كانت تخفيضات و ما ادراكم ما التخفيضات .. المهم فجاءة التفت و القى زوجي و ابني (في العرباية )) قدامي .. و زوجي وجه الوان ما يتفسر فا قلت له سامحني حبيبي اتاخرت عليك صح ,,, وهو مايرد .. بعد ما طلعنا .. قالي تدري ضيعت يوسف .. كنت اقيس نظارات :23: ,, فجاءة الفت للعرباية ما شفت يوسف \ قلبي وقع و شفت الدنيا سوااد و على طول جرى لباب المحل عشان يمنعه من الخروج و الحمدلله الحمدلله شاف يوسف بطرف المحل يلعب ... اخذت الموضوع عادي .. و قلت له الحمدلله لاقيناه عادي .. خلاص .. لاني شفته جدا متأثر و جلست امزح معاه فا لما روحنا البيت و بعد ما راق مزاجه قلت له تعرف لو كان يوسف ضاع او بالاصح لو انت ضيعت ابني ما كنت بسامحك طوول عمري ...باروح بيت اهلي خلااص ماقدر اعيش معك فقال هذا قضاء و قدر .. قلت ادري بس برضو الانسان يدور اي حد يحط عليه الملامة .. انتهى موقفنا لهنا ..طبعا بعد ماهو علق بمزحة ثقيلة و قال و انا بتزوج وحدة ثانية :29::29: المهم رجعت تذكرت مواقف مشابهه .. مرة ضيعت ماما اختي في مكان زحححمة و الحمدلله حصلناها بسرعة و مرة ثانية بمصر .. طلعنا كلنا و فجأة ما لاقينا اختي الصغيرة كان عمرها سنتين و هاتك يا تدوير بابا كان شوي و ينجن .. و الحمدلله لاقيناها :)>>> ادري بتقولوا مالهم و الضياع :) سبحان الله مادري بس حصلت المهم بعد كل الموضوع الطويل العريض سؤال خطر على بالي و قلت اسألكم نفترض انه لاقدر الله لا قدر الله لا قدر الله .. الشر برى و بعيد و الله يحمي اولادكم بس لو تسبب شريك حياتك بضياع ابنك او بنتك .. ايش بيكون موقفك ؟؟؟؟ مثل موقفي (( الانفصال )) .. او زي موقف زوجي (( الموضوع قضاء و قدر.. و نرجع نعيش سوى عادي ))؟؟؟ الله يحمي اولادكم جميعا و يحفظهم من كل شر ... |
يوووووووووووووووووهـ و الله صعبة :(
ما أقدر أتخيل الموقف الحمد لله لقيتوه بس "" الله يحفظه واحد من أخواني ضاع في الحرم عمره كان 3 سنوات و كانت منتشرة موضة الخطف الله المستعان ;) كنا ندور عليه :eek: و رجولي من شدة الخوف ما شالتني و أجلس أدعي و أبكي آخر شيئ راح للشرطي و كلمه يالبيه قال مالقيت أبوي و الشرطي طلع ولد حلال و طمنه و في الأخير لقيناه الحمد لله أنا ما راح ألومه بلوم عمري ليش أعطيته أبوه لأن الأب بعض الأحيان يفرط ما يكون حريص زي الأم :p الله يستر و يحفظ عيالنا موضوع مهم لكن مخيف يسلمووووو نووووورة |
اقتباس:
امين ياارب يحفظ الوادنا جميعا من كل الشرور ... نوورتيييني حبيبتي .. و اسعدتيني بمرورك العطر .. ربي يجزاك كل خير و يوصلك بالسلام لمامتك بالقريب العاجل و تفرحي بشوفتها و ضمها ياارب وربي يطول بعمرها .. و انا كمان رايحة اشوف حبيبة قلبي مامتي بعد 3 اسابيع.. اعد الايام عد مادري متى بغمض و افتح عيوني و الاقي نفسي بحضنها الله يحفظها ياارب |
ضياع الطفل شي يوجع القلب جدا و لدرجة لاتوصف
حيث تشعرين أن قلبك بدا فارغا..و ينقصه مايملي فراغه فسبحان الله ,,, لم يحدث لي موقف و لا أتمناه لكل قريب و بعيد الشر عن كل قارئ لكن قدر الله , لايمكن ان نحمّل شريكنا المسؤولية , فهو والده و لن اضع الملامة عليه ... أما كيفية التصرف ففي أماكن الزحام , و التجمعات او خارج البلد , يفضل ان يكون مع الطفل بطاقة باسمه و عنوانه و رقم الهاتف باللغتين لأن الأمر يحدث بلحظة,, تحدثني ابنة خالتي عندما كانت مسافرة مع زوجها لدولة أجنبية و معها ولدها ابن ال5سنوات لا اذكر الدولة جيدا ربما فرنسا او النمسا , هي اللي راحوها بسفرتهم المهم , كانو رايحين مجمع , و دخلوا محل العاب و كان ولدها لسة نفسه يشتري لعبة لكن قالوا له راح نشوف محل ثاني ..يمكن فيه أحلى , و دخلو المحل اللي بعده , ,, اكسسوارات كانت بنت خالتي واقفة مع زوجها و ابنها و لفت نظرها شي عند البائع . الطاولة اللي عليها زجاج و قالت لزوجها شوف هذا,, و بس رفعت رأسها ,,في ثواني بس , اختفى الولد زوج بنت خالتي طلع من المحل يجري جررررري . و يطل المحل اللي جنبه و ما لقاه:24: و يدور زي المجنون يسأل و يسأل المشكلة المجمع كبيييير جدا و فيه كذا طابق مش طابقين بس, وهم كانوا في نص المجمع و ما يدري هو يركب فوووق و إلا ينزل تحت ...:24: تقول هي تجمدتتتت مكانها ماهي عارفة شتسوي,,, الحمد لله سمعوا النداء من المجمع باسم الولد ,, الولد مايعرف انجليزي ,بو هو كان يبكي بس لما سألوه الأمن باللغة الإنجليزية عن اسمه ..ابن بنت خالتي يقول , انا مافهمت بس أكيد هو قالوا اش اسمي و قال لهم الإسم الرباعي بعد ما اعرف كيف فهموا عليه , :22: ابن خالتي دمه خفيييف ...تقول امه لما شافووه يبكي قال ,,,انا خلاص حسيت اني ما راح اشوفكم بعد , فشفت رجال باين عليه طيييب حيل ينفع يصير ابوي فرحت اناديييه بابا بابا و,,هو يبكي ههههه :23:بعدين الرجال الله يجزاه خير وداه لأمن المجمع و الحمد لله ,,, |
نورة اااااااااااااااااااااااااااااااالله يسامحك خرعتيني والله حرام عليك لمى شفت العنوان الحمدلله انك لقيتيه وديري بالك عليه حبيبتي اما عن سؤالك والله احس بسوي واحد من تلات اشياء لاسمح الله اذا ..................................ز لاسمح الله ممكن اقتله او اتركه اواموت من الحسرة وبجد بتكلم لاسمح الله يارب احفظلي اولادي يارب يارب واولاد المسلمين اجمعين والله شفت الموت لاجو لهالدنيا الحمدلله
|
اقتباس:
الله يحميه شكله عسووول .. اسعدني مروورك غاليتي .. و ربي يحميك و اسرتك من كل شر |
الله يحفظ عيالنا ويخليهم لنا ولايفجع أم في ولدها أنا الله لايقدر لو ضاعت وحدة من بناتي أول شئ بأنجن وبعدين بجد ماراح أتحمل أشوف زوجي لو كان السبب في ضياعها ومابأسامحه طول عمري الله لايقدر هذا الشئ
|
اقتباس:
سامحيني حبيبتي ماقصدت اخوفك ... اكيييد داايرة بالي عليه و عيني ما تغفي عنه باذن الله و صدقيني لما قال لي زوجي القصة ما خفت عاادي يمكن لاني عارفة ابني الله يحفظه مو من النوع الشقي او الفوضوي او اللي يسيبنا و يجري و انما عارفة انه اكيد شي لفن انتباهه و قام من عربايته يشوفها يعني ما بيطلع برى المحل بس برضو الحذر واجب .... و ان شاء الله ربي يحميه لي و يحمي اولاددكم اما بالنسبة لاجايتك :24::24: اقتباس:
نورتيني ياقلبي و عسى ربي يحفظ اولادنا جميعا ياارب ..و ربي يشفيك يااااارب و يعافيك لاولادك |
اقتباس:
آمييييييييييييين يارب .... رد فعلك مثلي .. بس زوجي مستنكر يقولي لاا هذا قضاء و قدر .... صح قضاء و قدر .. بس برضوا ما بقدر اشوف لوجهه الله لا يكتبها على حد يااارب ... نورتيني يا جنوبية و ربي يحفظ لك بنااتك ياارب و يحميهم م ن كل شر و عجبتني صورة ساللللي :) .. رجعتي ايام الطفولة :) |
أختي الفاضلة نور حصلت معي مرتين مع أني من أول ماأدخل المول لحتى إطلع وأنا على أعصابي وياعمر تعال هنا وياسحاب امشي هنا حتى زوجي يعصب مني يقولي والله مااعرف أتكلم معك كلمتين وإنتي كل شوي ياعمر ويا سحاب المهم أول مره حصلت معي كنت واقفة على الحساب أنا وأبو عمر وكان خارج المحل في ألعاب زحليطات وبيوت بلاستيك وكان عمر يلعب فيها وأبو عمر قال له إحنا هنا حنحاسب ونطلع لا تتحرك طبعا أنا اعترضت بس على قولة أبو عمر إنتي حتخلي الولد يطلع خواف وشخصيته ضعيفة من خوفك الزايد وعلى مضض تركته المهم عمر في أولاد ضربوه وماخلوه يلعب فخرج يبحث عنا وطبعا ضاع نحن خلصنا حساب ورحنا لعند الألعاب ومالقيناه وهات ياخوف وهات ياتدوير وأنا جالسة أدور وأجري ولقيت أبو عمر واقف قربت قلت له ليش واقف دور عليه فمارد علي فتركته وبدأت أجري هنا وهناك لأتفاجأ بعد دقيقتين ثلاثة أبو عمر يتصل ويقول عمر معي المهم لما ركبنا السيارة قلت له كله كوم وحضرتك واقف تتأمل بالناس كوم تاني فضحك وقالي ماكنت أتأمل كنت جالس أفكر عمر فين آخر مره شافنا وعلى هالأساس رحت وبالفعل لقيته بدور علينا جنب مكان المحاسبة طبعا هذه المرة أبو عمر تمالك أعصابه وفكر بمنطقية المرة التانية كمان عمر كنا بمول وواقفين بدنا نطلب أكل عمر بدو مكدونالدز وإحنا كنا واقفين عند مطعم آخر نطلب لي ولأبو عمر أنا كنت واقفة بعيدة مترين عن زوجي من أجل الزحام ومعي سحاب وزوجي وعمر واقفين جنب بعض في الدور المهم انا لما لقيت زحمة ناديت أبو عمر وقلت له خلي الأكل سفاري مرة زحمة بلاش ناكل هنا خلال هالثواني اللي حكاني فيها التفت وإذا عمر مختفي وهات ياتدوير وعاد أنا بدأت أبكي وأنادي عمر عمر عمر وقاموا الناس يسألوني عن شكله وصاروا يبحثوا عنه معي وتقريبا عشر دقائق على أعصابي وبالأخير لقاه أبو عمر واقف عند مكدونالدز وطبعا أنا لما شفته انهرت بالبكاء أكتر وأكتر وتركنا الأكل وعلى طول على البيت سبحان الله مواقف ماأنساها من بشاعتها بس بالموقف الأخير على طول بلغت الأمن عشان مايطلعوا أحد من البوابات وكما قلتي أختي بعيد الشر بعيد الشر ولد ميت ولا ولد ضايع يااااااااااااااااااااااويلي لقيت نفسي كاتبة كتير تقولي عم إحكي قصة حياتي :29: عالعموم بالنسبة لردت فعلي مع أبو عمر ممكن يصير الموقف معي أو معه فهل أرضى إنو يحملني المسؤولية لو صار معي :11: فالموضوع كله قضاء وقدر وبالذات إن لم يكن هناك تقصير أختي نور أشكرك على هالموضوع رغم إنو وترني الله يحفظلك ابنك ويحميه دمتي واسرتك في حفظ الرحمن تحياتي |
| الساعة الآن 12:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©