|
أخاف على خطيبي من خيانة قريبتي
السلام عليكم ورحمة الله وبركاته كل عام وانتم باالف خير وصحه وسلامه
تكفون انا مالي غيركم بعد الله انا مشكلتي مع بنت خالتي الله يستر عليها وعليه وعلى بنات المسلمين هي من النوع الي ماتخجل من احد الي براسها تسويه يعني تبي تكلم من وراء اهلها تكلم الي تبي تسوي ماعندها مشكله وياويل احد يتكلم عليها تسب وتصايح وتضارب هي اكبر مني ومو مخطوبه انا احسها تحبني بس مرات عليها تصرفات غريبه انا مخطوبه وانا خايفه منها تخوني مع خطيبي مره دخل هو ايميلي وجت هي تسولف معه وهي داريه اني مو انا الي متصله انه خطيبي وسولفت وقالت كم كلمه مالها داعي انا اخاف منها او تسوي مشكله او تطلع كلام عني انصحوني وش اسوي انا عمري 19 ولااعرف كيف اتصرف هي عمرها 24 |
غير ايميلك ولا تعلمينها عنه ابدا
وحاولي ما تتكلم معها عن خطيبك او اي شئ يخصك يعني لا تعطيها وجه |
انتي اعطيتي ايميلك لعريسك يدخل منه او كان جالس قربك
مكانك اغير الايميل واعمل واحد جديد ولا اضع احد عليه الا عريسي من خاف سلم انتبهي مش ضروري قريبتك هذه ,اي انسانه اخرى من اللي عندك بالايميل تعملها مبارك الخطوبه |
اختي انتبهي تتكلمين عندها فيه يعني تمدحينه او او
وبعدين وقفيها عند حدها قولي مااسمح لك تسوين كذا لان الغيره والحسد تجي من قريب الله يوفقك ويسعدك يااارب |
طلعيها من حياتك بالتدرج ولاتحدثيها عن خصوصياتك والله تعبنا من هالغيورات يخربون مايصلحون
حاولي ان زوجك مايشوف ايميلك وقولي انا الغيته نهائي وعسى الله يوفقكم ويجمعكم بالخير |
انك تغيري ميل مش حل لأن خطيبك يعرف الباس وورد وهذا أهم
شوفي طريقة تسكري أو تلغي الميل تماما بحيث لو تدخلي عليه ما ينفتح بلوك أو امسحي ميلها من ايميلك و ساويلها بلوك بس غلطتي ما كان مفروض اعطيتيه باس ووردك تصدقي أخوي وابن عمي ياخدو جوالي اتنرفز لان مسؤولية في أرقام بنات لو أخدها و اتصل على وحدة اكيد انتي المذنبة مش بلومك بس أحيانا ثقة الزايدة سذاجه مع احترامي الشديد ليكي الله يوفقك و يبعد عنك شر الحاسدين |
اقتباس:
هي الابتعاااااد عنهم ( ومو شرط تكون راضية عنك ) . . بكيفها . . عساها ماحبتك وعساها مارضيت عنك لأنو النوعية هذه من الناس . . إذا سمعتي كلامها . . تحبك . . وإذا اختلفتي معاها . . راح تقلب الدنيا فوووق راااسك يعني لاتخرجي معاها ولا تجلسي معاها ووقت الضرورة لو شفتيها كلميها عادي باحترام وسوي نفسك مشغولة ربنا يوفقك ومبروك ^_^ |
و الله أكثر مشاكل المتزوجات صديقات العمر .. ابتعدي بالتدريج عنها من غير ما تبيني لها أنك تريدين الابتعاد عنها ,, ما أستغرب عليها تاخذ خطيبك .. عادي تصير .. تعرفين وحده متزوجه من واحد شوي كبير بالسن و هي صغيرة 22 و هو 40 .. شافت واحد ب30 و هو متزوج و عنده عيال ,, حبته و كان راتبه أحسن من الأول .. و إقتربت من زوجته و كانت طيبه و على نياتها .. و عرفت عن زوجها من زوجته .. خلعت الأول لأنه يريدها و يحبها كثيرا .. و كتب بها شعر عندما تزوجت .. و تزوجت الثاني أسال الله العغو و العافيه ... استغفر الله .. مجتمع الحريم ما يطمن .. بعضهم ثعابين بالتفكير .. سرقاات الأزواج موجوده .. ابتعدي عنها .. أهم شئ خطيبك .. لا تخليها تاخذه منك .. و لا تخبريها أنك مشاركه هنا .. و سوي إلغاء للإيميل .. و لا تثقي ثقه عمياء بالزوج حتى إن كان يحبك .. ابتعدي عنها . .. الندم ما ينفع أبدا .. ماشئ حب عند النساء ... عاي متزوجه و تحب زوجك . .. ما كل الحريم يخافون الله .. تعلمي زوجك و أسرار بيتك ما تطلع لحد .. ما كل التاس ع نياتهم و طيبه .. حد يحسدك و حد يبغى نعمتك .. ما شئ اسمه قرابه .. أهم شئ خطيبك .. لا تمدحي هالإنسانه أو غيرها أمامه .. الرجال بعضهم تفكيرهم مجنون .. يمكن بمدحك لإنسانه معينه يحبها .. حدثت قصه مدرسه ب 30 من عمرها أحبت مديرتها بالمدرسه و دائما تمدحها ,, المديرة عمرها ب 40 يمكن 42 و لم تتزوج .. و دائما تتزين و ما تتغشى مرة وصلتها المدرسه و زوجها .. و زوجها أعجب في المديرة يمكن زوجته أحلى بس من مجرد المدح .. تزوج من المديرة .. هل المديرة رفضت لأن صديقه العمر ما يجوز أتزوج من حبيبها ..؟؟؟ لا تزوجت الزوج .. و طاف للصديقه .. ماشئ وفاء بين الحريم إلا اللي يخافون الله ... تخيلي عمر المديرة كبير بالنسبه للزوجه الأولى .. أكيد الأولى أحلى و إن كانت مديرة جميله مثلا .. بس الأولى أشب .. و ع فكرة أختي تقول الأولى اجمل و أصغر .. بس الرجال بعضهم مجانين .. لازم الحصار عليهم .. خاصه الناس االعاديين بالالتزام .. الحين بالمنتدى تعلمت أشياء كثيرة ,,, و شفت أن هالصنف من الناس موجود ذكور و إناث .. الدنيا خربانه بشكل فظيع .. لازم تحمي نفسك و خطيبك .. ما أعرف ليش الناس تحسد بعضها ,,... مثل الغابه القوي يأكل الضعيف .. إلا ما رحم الله .. ذكرت القصص من باب العبرة .. ( سبحانك اللهم و بحمدك أشهد أن لا إله إلا أنت أستغفرك و أتوب إليك ) |
الف مبروك وربنا يحفظك انتي وخطيبك إن شاء الله
بصي حبيبتي انا هقولك تجربتي ف الموضوع ده احنا اول يوم رمضان اتعزمنا ف بيت عمي وطبعا المفروض خطيبي معايا بس انا لا قلت له تعالى ولا غيره ولما رحنا بيت عمي وسألوني عليه قلت لهم عنده شغل ومشغول ودا لان عمي عنده بنت جريئة شوية يعني تحب الضحك والهزار ولا يهمها قدام مين وانا اثق ف خطيبي جدااااااا وفيها والله هي بنت عمي ومحترمة وكل حاجة بس تحب الهزار وانا مكنتش هستحمل هزارها قدامه فأفضل طريقة الابتعااااااااااااااد فعلا زي ما الاعضاء قالوا لك ابعدي خطيبك عن اي احتكاك او اختلاط بمكان فيه بنات قريباتك حتى عشان تفضل صلتك بيهم قوية ومحترمة وايميلك الغيه وانا مش عارفة ايه السبب اللي تعطي عشانه خطيبك باسوردك لازم يكون ليكي خصوصية ومش لازم يطلع ع كل حاجة تخصك والله يهنيكي ويفرحك حبيبتي موووووفقة |
الله يجزاكم خير
شكرا على ردودكم حسيت ان في احد يوقف معي ويعلمني وش اسوي الله لايحرمني منكم يااخواني واخواتي |
| الساعة الآن 11:28 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©