اللي ما ترضى بالزوجه الثانية فقد كرهت ما انزل الله
 

سلام..
ودي افهم بس هذولى الحريم اشلون تكون الوحده مسلمه و على ملة الاسلام و ترفض التعدد !!!!!!!!!
هذا شي احله الله حتى و ان كانت الزوجه مخلصه و ما فيها قصور الا ان الرجل يحب الثنتين و الثلاث حلااااااال

قصتي اني توفقت بوظيفة في شركة بالمنطقة الشرقية و زوجتي مدرسة عند اهلها و رفضت تنقل معي

عاد انا امي ما عندها دلع بنات قامت خطبت لي و زوجتني الثانية :22:
الاولي طلبت الطلاق و ما تركت عم لها و الا خال الا و سحبته لين بيتهم و رفظت الصلح لأني معي اربعة عيال منها صعب اشتتهم............... اخيراً طلقتها و اخذت بناتي الثلاث و تركت الولد معها

بعد 5 سنين جاتني الاخبار انها رفضت كل من تقدم لها رغم كثرتهم اكيد ورا راتب المعلمة .. المهم شرهوا على الناس و ارغموني على الصلح رغم ان حياتي كلها شهر عسل اخاف احسد نفسي

قمت اصلحت بها بغت تطير من الفرح يوم كلمتها .........و كل ما قلت لها شي قبل لا اخلص كلامي قالت موافففففففففففقة على اي شي موافقه.

سبحان مغير الاحوال!!!!

قلت زين و كالعادة اسحب الشيبان و قمنا بالصلح ومن اول ليلة طلبت الطلاق:(

قال لي اخوها لا تطلقها و الآن لنا سنتين كل ما اكلها تقفل بوجهي و رسايل الجوال ترد بكلام ما يصبر عليه احد.

شيروا علي يا ناس اطلق و الا ما اطلق؟


..

؟؟؟؟؟؟؟؟؟؟؟؟؟؟؟؟

بعد موضوعك هذا عرفت أسباب مشاكلك مع زوجتك

إسم الله علينا وعلى أعمالنا وش فيك أخوي داخل علينا عرض وعليها كمان إن شاالله تحبط أعمالنا ليش وش سوينا لو فيه وحده حبت تحافظ على مملكتها وبيتها شئ عادي ترفض زواج زوجها بالذات إذا كان زوجها موبكفؤ ليعدد أنت شكلك تتوقع كل معدد صار من الملائكه
بعدله بين زوجاته وأمانته وحسن أخلاقه ياخوي حنا مارفضنا التعدد ولا أعترضنا عليه بقدر ماشفنا من حولنا من ظلم وتسلط وعنجهيه من بعض الرجال الذي كل همه راحته وسعادته على حساب سعادة ومستقبل بنات الناس وماهمه إلا سعادته وأسمحلي ترى كلمة إن شاء الله يحبط أعمال النساء الآتي يرفضن التعدد تراها ماهي بمحلها أبد وبعدين كيف تبغى النساء ترضى بالتعدد وبعض الأزواج فاشلين في زواجهم وفي حياتهم وعلى فكره يمكن زوجتك وافقت ترجع مو علشان حست نفسها خسرتك لأ نها أصلا خسرتك من يوم تزوجت أتوقع رجعت علشان بناتها وخل زوجاتك يتجمعون تحت ظلك وشوف كيف يصير العسل بصل من الأولى والثانيه
بس ماعليك خوف دوم الوالده موجوده الله يحفظها لك بتخطب لك الثالثه وترجع لك أيام العسل ماعرفنا لكم يرجال الواحد في التعدد يتحجج بشرع الله وآية التعدد شكل المعلمين يحفضونها لطلاب من أول إبتدائي علشان كذا لوسألت رجال في التعدد دائما رده الشرع حلل أربع وهم بعضهم الواحد مايعرف حتى طريقة سجود السهو لاكن مانقول إلا حسبنا الله ونعم الوكيل والله يعينك على إللي بتشوفه هنا بعدكتابتك لهاذا الموضوع .

حنا مانعرفك وداخل تدعي علينا
هي عرفتك ومن حقها عافتك وهذا لسانك

خير ماسوت والله يرزقها بواحد يبرد القلب بلسانه وفعاله، وحلااااال عليها
وع فكرة في اخت زوجة ثانية في المنتدى الله يصلح لها زوجها المتزوج قالت" أشعر بالقرف منه"
يعني ممكن زوجتك بعد من اول ليلة قرفت منك!

الواضح جدا ان زوجتك رجعت من اجل بناتها
ولو كانت راغبة فيك ما طلبت الطلاق
خاصة وانك مازلت رهن اشارة الاخرين فيما يتعلق بقراراتك الشخصية
حيث يبدو ان الوالدة هي من تدير لك امور حياتك
وعليه فليس هناك ما يدعو زوجتك للبقاء !!

ايش متوقع وحده تشوف زوجها وحبيبها في انسانه ثانيه تشاركها فيه ماتبيها تحس تنقهر تغار
لاتكون مو بشر !

انصحك تغير العنوان لانه مو مناسب للموضوع
وانا لازلت ضد التعدد
وارجو ان لا تحدفو كلامي كالعادة