كاميرا المراقبه تسجل الخيانه صوتا وصوره... وآآآه ياقلبي
 

السلامــــــــــ عليكم
كيف حالكم جميعا
----------------------------------------------------------------------------

زوجه منكوبه ترا خيانة زوجها صوتا وصوره مع الخادمه!!
قسما بالله اني احتريت عليها واحترق قلبي!!
خاصة ان الزوج منصبه محترم .. ووهيئته توحي بالثقل والرزانه!!!
لكن هيهات !! يظل الرجل عبدا لشهوته!! مهما كان!!
اما بعاده سريه او افلام اباحيه او الانحطاط الكلي والوقوع بالمستنقع!!

اللهم لاشماته . اللهم لاشماته ,, يارب لاتمتحنا ولاتبتلينا

----------------------------------------------------------------------------

سبب كتابتي للموضوع اختلافي مع عمتي على مافعلته الزوجه المنكوبه حيث نشرت الفيديو مع اسم زوجها الكامل ووظيفته!!!

عمتي تقول المفروض الزوجه ماتفضح زوجها .. اذا ماتبيه تطلب الطلاق وخلاص بلا فضايح!!
وآنا اقول لا من حقها تسوي اللي تبيه وحده مصدومه بزوجها اللي يخونها في بيتها مع خدامتها!!
ويمكن يكون متشدد معاها ومنغص عليها عيشتها وبالمقابل ماخذ راحته مع الخدامه!!

انتو اشرايكم يحق للزوجه تفضح زوجها الخاين!!



اللهم غفرانك وعفوك


تحياتي

لا أتفق معها بالنشر
وأتفق مع رأي عمتك .

وعليكم السلام ورحمة الله وبركاته

الآدمي ربي ستر عليه ويجي بني آدم يفضحه ..أنتي وش رايك ..؟؟


دائما نرفض التعميم ..إللي بيكتب رأي أرجو ما يعمم فيه ..
وكأن جنس النساء منزهات ومعصومات .. ما ودنا ندخل في نقاشات تكشف حقائق ..

قد يكون التعميم باطل لكنها الحقيقه المره!!


اتوقع لو في ابناء ماكانت تشرت لكن ساعة الصدمه كل شي يصير

أنا أشوف إنه عيب عليها تفضح زوجها أولا هاذا أبو عيالها بكره عيالها وين يودون وجيههم من الناس وفي المدارس وإحتمال يتم تداول هاذا المقطع بين زملا ئهم وطبعا العيال نفسياتهم راح تتأثر وراح تسبب لهم إحراجات في مجتمعهم وثانيا الناس بترد الملامه عليها هيه زوجته بيقولو لوكان زوجته مكفيته كان ماراح لشغالتها وما خانها إلا لتقصيرها معاه وفي النهايه هو رجل لو يخون ألف مره وتقدم يخطب أي بنت بتوافق عليه ماراح يعيبه شئ بالذات حنا في مجتمعات تدين خيانة المرأة أ كثر من الرجل ودائما خيانات الرجل يلاقون لها مبررات وأعذار لاكن المرأه لا مستحيل في نظر البعض تستحق الإعدام لشناعة فعلتها فكان من الأولى أن تستر زوجها
وتواجهه بفعلته وإذا نفسها عافته تطلب طلاقها لاكن ترو ح تفضحه بين الناس هاذا عيب عليها وين حق العشره وين حق كرامة عيالها وكرامتها بين الناس الحين كل ماطلعت مكان مع عيالها الناس تسولف فيها هاذي فلانه إللي زوجها طلعوا له مقطع فديو مع الشغاله وذولي أولاد فلان إللي أبوهم مسوي فضيحه مع شغالتهم
بصراحه أحسها شرهه وفضيحه للعائله بأ كملها وكان بدل ماتجلس تصوره بالكاميرا كان دورت على أسباب خيانته لها أفضل من تصويره ونشره على خلق الله والناس ماراح تحاسبه على فعلته كانت سترت عليه ورب العباد هو بيحاسبه بعمايله الله المستعان ونسأل الله الستر والعافيه .