|
اسعفوني بأفكاركم لعزومة تمايم مولودي ..تعبت وانا افكر
السلام عليكم ورحمة الله وبركاته
اخباركم جميعا ... بجد انا محتاجه لمشورتكم علي بخصوص تمايم ولدي وان شاء الله بأجازة العيد بنسويها ..العزومه ببيت اهل زوجي بالرياض وابروح اجازه لهم هناك فزوجي بيسويها ببيت اهله ابي وحده منكم مجربه تاجره تسوي توزيعات وكم حبه اخذت وبكم ؟ او ع الاقل تعرف تاجره بلاسم وتوصل للرياض تدلني عليها .. لقيت لكن غااالين مررره ... لعلي اجد ارخص ... .................................................. .. اختي عضوه هنا بالمنتدى تستفسر منكم وانا الكاتبه هنا لان النت منقطع عندهم ..وكلفتني اكتب بنيابه عنها .. طبعا اخواتي 3 الله يحفظهم محتااااااااااااارين جدا جدا واهلي طبعا بيحضرون لعزومة ولدي ..ومحتارين اخواتي يقولون وش نجيب غير فكرة سلة الحلوى ....... ودهم يجيبون شيء جديد وحلو هدايا للمولود ((( امي وابوي جابوا له وانا نفاس عندهم )) وامي تقول لااخواتي ان جبتوا يوم العزومه بينتقدونكم توهم يعني يهدون لولد اختهم ..! ومولودي عمره شهر وشوي امي بتجيب معها للعزومة سلة حلوى اخواتي قالوا بنجيب له هديه كمشااايه ونغلف كرتونتها او هزاز من الجديده الحلوه ونغلف كرتونتها وفكروا يجيبون توزيعات مواليد كاهداء منهم للمولود ولكن لان اهل زوجي زاروني وجابوا ببيت اهلي توزيعات فيقولون اخواتي ماله داعي نجيب نفسهم وكانه تقليد ! ؟ يبون هديه حلوه غير اطقم الملابس وامي مو عاجبتها فكرة ان اخواتي يجيبون هديه للمولود بنظرها ان الكل بينتقد وكأن الهديه متاخره جدا من اخوات ! وش رايكم بوجهة نظر امي .. واخواتي يقولون لازم نروح ومعنا شيء غير سلة الحلوى . عطوني مشورتكم جزيتم خيرا . |
السلام عليكم ورحمة الله وبركاته
اولا الفففففففف مبروك ع المولود الله يباركلكم فيه ويجعله ذرية صالحة ويربى بعزكم ودلالكم يارب والله انا مابعرف شو يعني تمايم بس ما حبيت مر ع الموضوع بدون ما اترك مباركة واذا كان المقصود انها المباركة بالمولود فما بعتقد انو اذا جابو اي هدية رح ينتقدوهم في مجموعات مؤلفة من اربع او خمس قطع سلة لحمل الطفل وغطا مفتوح وغطا الو سحاب وكفر للرضاعة وحقيبة للام لوضع اغراض البيبي فيها الها الوان واشكال كتير ظريفة ممكن يغلفوها تغليف حلو وتثير فضول المعازيم كمان ممكن العاب دباديب كبيرة او حتى طقم مفرش لتخت البيبي يكون غريب وحلو ارجو ان اكون افدتك واذا فهمت الموضوع غلط فبعتذر لان ما بعرف شو يعني تمايم ولا تسبي علي لان فتت ع موضوع مابفهم فيه خخخخخخخخخخخخخخخخ السموحة والله يباركلكم فيه ويحميه ولا تنسو ترقوه دائما من العين والحسد اختكم في الله ينبوع العطاء |
تمايم المولود المقصوود فيه ( العقيقه )..
والله يجزاك الف الف الف خييييير والف شكر عطيتيني رايك في نقطة الانتقاد ان الهديه متاخره من اخواتي .. جزيتي الف خير .. والله يبارك فيك ياقلبي . |
الله يسلمك اختي والله خجلتيني من ذوقك
اما بالنسبة للهدية انا برأي ع العكس لا متأخرة ولا شي هي شغلة وكمان هي كتير حلوة منن انن فايتين وحاملين ومحملين هداية هي لحالها بتخليكي تفرحي وتشوفي حالك بأهلك وأخواتك (هيك بنقول عنا بسوريا) خخخخخخخخ بعدين هنن ما قصروا هدوكي وقت كنتي عندن وكمان هلق جايبين هدايا ما شاء الله ابنك تقريبا بعمر ابن اختي الله يحميهن ويبارك فيهن يارب ويجعلهن ذرية صالحة ........ آميييييين يارب |
اختي بالنسبه للحلويات لاتتعب نفسها اذا تبي ارقام لان اغلبهم غالليين جداا
اذا تبي شوكلاته فيه عندك بيت المذاق عنده افكار حلوه واسعاره مرره حلووه ويسوي توزيعات بس لازم تروح قبل وبالنسبه للهدايا ليه كلها للبيبي :) جيبوا شي لها هي والمجال واسع وبتصير اصلا ملياااانه هدايا للبيبي اذا تبي افكار وشي يواجه فيه في الرياض غاليري كشك عنده عطور يكتب لك الاسم على عالعطر والعلبه كبيره وفخمه اسمه باسم القاسم شوفي صوره بالنت |
يتنبوع العطاء
تسلميييييي ريحتيني .. انفاس العطور ابسئلك عندهم خدمة توصيل (بيت المذاق ) وكيف التوزيعات عندهم حلوه وكم اسعارهم ...؟ رقمهم عندي اخذته من النت وابتصل واشوف لكن قلت ان كان لك علم فتعلميني قبل . جزيتي الف الف خير حبيبتي . |
يتم نقل الموضوع إلى قسم الطفل
|
اللي فهمته ان التمايم في بيت اهل زوجك وانتي بتجينهم مع اهلك؟ اذا كذا معليش خواتك ماله داعي يجيبون مشايه او اي هديه لك مو انتي من الاساس عندهم! اذا تبين السنع راي امك حلو سلة شوكولاته فخمه تكفي + انتي جيبي هديه لأم زوجك من البيبي الجديد قوليلها . جيبي خاتم ذهب و اذا الميزانيه ما تسمح :30: عطر :) |
ماادري بصراحه عن التوصيل
واسعارهم عموما حلوه بالنسبه لغيرهم الافظل انك تروحي لهم وتشووفي بنفسك التوزيعات |
لا حبيبتي
بعيده هناك انا ماني معهم انا عند اهل زوجي العزيمه هناك وابكون عند اهل زوجي قبل يوم العزومه بكم يوم فهمتي حبيبتي . والاخت انفاس العطور تسلمي حبيبتي انا ابدق واشوف لهم . |
| الساعة الآن 08:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©