|
تفكير بعض الأهالي ... اللي أهله زي كذا يرفع يده
مراحب يااهل الداااااااااااااااااااار ......
بقول السالفه على طوووول ...... بعض الأهالي .... بعض بعض بعض بعض ..... تفكيرهم مدري شلون !!!!! .... ياانا اللي غلط ولاافهم ياهم تفكيرهم مااااااااااااااااش!!!!!! بقولكم عدة مواقف شفتها بحياتي وصارت لي وصارت لصديقاتي ومعارفي !! وبليز أبي تعليقكم هل رأيهم وطريقة تفكيرهم صح ؟؟؟؟؟؟؟؟؟؟؟ 1/ شاب تخرج من الثانوية وعمره 19 درس معهد وبعدها قعد يتسدح مالقى شغل ولامشغله !!!! طبعا كثير شباب زي حالته !!! ولما صار عمره 25 صار ناضج واشتغل باعمال حرة وتجارة وكون نفسه ولما صار عمره 27 خطب ....قالوا أهل البنت وش قاعد يسوي طول ذيك السنوات ؟؟؟؟؟؟ هذا مو مضبوط !!! برا اوت مرفوض .... 2/ شاب كسلان بدراسته وتخرج من الجامعة وعمره 26 .... توظف وظيفة حكومية حلووووة ولما صار عمره 33 خطب !!! قالوا أهل البنت ليش متخرج متأخر كسلان غبي وش يشكي منه !!!!!!!!!! وليش ماتزوج إلا متأخر وش قاعد يسوي طول ذيك السنوات وش قضاها فيه بدون مره !!!!!!!!!!!!! 3/ شاب عاقل وظيفته حلوة لكنه مدخن .... دقت اخته على أهل البنت وقالت شوفووووا من الأول يااهل البنت ترى اخوي يتتن (( يدخن )) ,,,, قالوا أهل البنت اخته اعترفت بالتدخين وتعتبره عادي معناتها مخبين بلاوي اكبر !!!!!!!!!!! اوت برا .... 4/ صديقتي جريئة ماشاء الله عليها وتقدر تواجه أهلها صاحت على اهلها قالت حرام ليش ترفضون فلان ابيه ....يمكن هو نصيبي وانتم رفضتووووه ..... قالت امها لو هو نصيبك كان مارفضنا كان ربي الهمنا الموافقة ... !!! ... طيب ربي أمرنا ببذل الأسباب ... 5/ شاب طاير بالبنت ويبيها ويبي يتزوجها لو يمووووت واهلها رفضوووه لانه يحبها !!!! 6 / شاب يبي بنت وعاجبته وشافها وجازت له ورفضها بالأخير ,,,, لأن اخوها يدخن !!!! 7/ أم راحت تخطب وشافت البنت وجازت لها حيييييييل لكن قالت مابيها بيتهم مو حلو !!! 8/ أم لما تنعزم على عرس تجي بدرررري عشان تحجز كرسي قدام المنصة تشوف الرقص عشان تخطب لولدها !!!!!! منصة العرس صارت مكان مناسب للخطبة ؟؟؟؟؟؟؟؟ بالأخير أبي أقول هالقصة وهي ليست للتعميم (( لااحد يزعل )) لي صديقة حبيبة وغالية من إحدى الدول الشقيقة ... فأخبرتني أنها خطبت لأخيها حسب مواصفاته انه يريد فتاة شقراء بيضاء جميلة طويلة رشيييييقة .... قلت لها الجمال سيفنى ياعزيزتي من الأفضل البحث عن الدين والجمال لاسيما أنكم عائلة متدينة ولاتبحثون عن الجمال فقط !!!! قالت حاولت معه لكنه يقول دائما النساء زي بعضضض بأخلاقهن وطبائعهن وتصرفاتهن والإختلاف فقط بأشكالهن ... وان جميع النساء يجلبن النكد لأزواجهن فزوجة حسناء تجلب لي النكد ولازوجة قبيحة !!!! ضحكت على كلامه من كل قلبي ... وقلت هالسالفه لصديقتي البدوية مثلي :26: قالت حتى أخوي يقول زي هالكلام وليس صاحب القصة فقط !! مرت الأيااام فأتت صديقتي وقالت لي أبيك تتعرفين على فلانة خطيبة أخي وتكونين صديقتها أريدك أن تكتبي لي بحثا مفصلا عن شخصيتها فأخي لم يفهمها ولا أنا !!!! لقد تعبنا ولم أجد فتاة أثق فيها من بين صديقاتي غيرك << كبر راسي :26: .... واخي ميت بجمالها ..ولايريد أن يخسرها .... فهي ساعات تكون قمة واحيانا تكون حاقدة طويلة اللسان ... وقامت صديقتي بدعوة خطيبة أخيها للدراسة معنا بالتحفيظ دعوة عفويية ومنها نعرف شخصيتها حج وقضيان حاجة ....ودرسنا سويا وكنا أجمل ثلاثي نقضي نصف النهار سوى ..... كانت فتاة قمة بالأخلاق رغم قلة دينها لكن تحب القرآن ... جدا بشوشة ورائعه لسانها طويل لكنها مؤدبة ....وهذا ماكان واضحا طيلة السنة (( خطبتهم استمرت سنة )) ولم تكن الخطيبة على علم اني بدرس شخصيتها ,,,, خليت اخواتي يتعرفون عليها والكل احبها ... اخبرت صديقتي بكل شئ وانها فتاة لم أرى منها القبيح قط !!!! إلا شئ واحد لكني لم أخبر صديقتي لانه شئ عادي ولايسوى ...وقلت لصديقتي اللي شفته انها قمة لكن علاقتي معها ماراح تبين جميع جوانب شخصيتها وطريقة حياتها فتعامل البنت مع بنت يختلف عن تعاملها مع زوج !!!!!! ....... وصديقتي ألقت علي مسؤولية صعبة .... لكن عشان مااحط بذمتي البنت بنظري ونظر اخواتي توب وانا مالي الا الظاهر .. وقلت لصديقتي لاتجعلين رأيي ورأي أخواتي يرجح كفة موافقة أخيك !!!!!! فوجهة نظري تختلف عن وجهة نظركم !!!!!! مرت الأيام ووصلني كرت فرحهم وحضرنا فرحهم ... وقدمنا الهدايا والتهاني ...... بعد عدة أشهر حصل الطلاق ....فالفتاة الكل انصدم منها انقلبت رأس على عقب ... وظهرت الأخلاق التجارية !!!!! يعني كانت تمثل علينا لكني بالسابق صعب اقدح بنية البنت واقول احتمال تمثل إن بعض الظن إثم ... أتت صديقتي وقالت أخي يشعر بالندم الشديد على أنه بحث عن الجمال ولم يهتم بقلة دينها ...... وقال ليتني سمعت نصايحكم يااخواتي ... لكن أنا محاكيتكم مازلت أشعر إن رأيه أن الحريم زي بعض هو رأي طبعا خاطئ لكنه معشعش بعقول بعض الرجال هل شعوري صحيح ؟؟؟ لكم المايك ولكم ودي .. الذوق |
أهلا بك ..
اسمتعت بالقراءة جدا .. ومع الأسف هذا الحاصل عندنا .. اقتباس:
من أبسط حقوقها !! |
اقتباس:
أنت واعي وغيرك واعين .... لكن فيه ناس مو واعين !!!! بعض الناس عندهم عيب البنت تقول ابي اتزوج !! أنا بمحيطي اللي تقول زي صديقتي جريئة ...:11: وبعض الأهل يقولون وش هالبنت ماتستحي !!! للأسف هذا الواقع .. مامنه مناص !!! ... فيه عوائل عادي يتقبلون كلام بنتهم ورأيها وفيه ناس لا ..... دمت بخير |
عندنا و عندتس خير >> فيس متشقق من الوناسة و لا هوب جايبن خبر
|
اقتباس:
طيب وش الحل ؟؟؟ نقعد نتفرج وهم يطردون فلان ويرفضون فلتان !!!:( |
اقتباس:
أنا بصراحة ألوم البنات في هذي الأمور ، مرت علي قصص كثيرة كذا ، والسبب سكوت البنت .. وأسباب تافهة كثيرة يلغون الأهل بسببها الخطوبة والبنت قاعدة تتفرج ! في وحدة في آخر الثلاثينات وما سبق لها الزواج ، قبل سنتين خطبها رجل الكل يتمناه ، وكان مندفع مرة ومتحمس ، ووافقوا عليه وعقدوا وكل أمورهم زينة ، بس واحد من أخوانها سفرياته كثيرة بسبب العمل وقال مستحيل تتزوج بدون ما أحضر فقال نؤجل الزواج إلين نشوف ، والبنت تبيه ومتحمسة بس ساكتة ، الرجال بعد فترة قال خلاص لازم نعجل بالموضوع _ ومن حقه _ لأنهم أخروه ، يوم حددوا وتكلف الرجال وجهز كل شيء وبقى على الزواج أسبوع قال أخوها عندي سفر ونؤجله مرة رابعة ! الرجال رفض ، قال له أخوها بكل بساطة الله يستر عليك ! والبنت ساكتة ولا قالت شيء ، قال أكيد ما تبيني وتركها ! وأخوها هذا محد وقف في طريقه يوم تزوج ، لا وناوي يتزوج ثانية .. وأخته المسكينة الحين جالسة .. آسف على التطفل ، بس جايني حماس هاليومين أكتب ، وبصراحة شيء يقهر أنكم تضيعون مستقبلكم بسبب الحياء ! |
اقتباس:
القصة مؤلمة مرة ..... لا عادي مافيه تطفل بالعكس عطنا حلووووول ... بس لما تشجعت وجيت أسوي زي صديقتي من باب العمل بالأسباب لأني شوي وانفجر وقعدت أناقش أمي صارت تناظرني شزرا وتقول بنات مايستحن !!!!!!!!!! وش رايك ياأخي ؟؟؟ غير نظرة أخواني الشباب اني بنت أبي الزواج !! وكأني أطلب أمرا محرما !!!!!!!! لما وحدة تدق تخطبني ولاتعجب امي على طول امي تقول لا مافيه نصيب ولاتعطيها مجال !!! وتسكر وبعديييييييييين ادري بالسالفه وش أسوي ؟؟؟ أرجع أدق عالحرمة واقول لا ابي اتزوج :14:!!!!!!! والا اقول لامي ارجعي دقي وقولي لا نبيكم ؟؟ مافيه حلول بهالصدد ... عطنا حلول واسعفنا وش ممكن نسوي ؟؟؟؟؟؟؟؟؟؟ نحتاج مثل هالنصايح .... |
والله البنت باخلاقها مو بجمالها ابدا
الجمال نحصله في كل مكان لكن وين نحصل صاحبه الخلق والدين واهالينا مايعرفو ماغير يشوفو البنت ياحلوة يا لا مانعرف كيف هي تفكيرها اخلاقها ووووو الخ انا تقريبا مريت باغلب حالات الرفض يايكون الام موافقه وتتمناني لبنتها والبنت موافقه وتغير رايها في الاخير والاب مو موافق يايكون الاب والام موافقين والبنت خايفه ومعارضه ومو موافقه ( اقارب ) يايكون الاب موافق ومرحب في وبقوه لكن البنت ماهي موافقه ( وياريت تتكرر هذه الحاله معي ان يرحب فيك الاب ) يايكون الاهل موافقين لكن ماناسبوني للاسف والله يوفقها يايكون الام وابنائها العشره موافقين والبنت مستاءه وتبكي لاجل رفض وعناد ابوها بانه مالها نصيب من جد مدري وش فيهم الاهالي معاااااااااااااناه والله خلاص تعودت على الرفض باقي لي الحاله الاخيره وهي رضاء جميع الاطراف الله يبلغنا يااااااااااااااارب |
موضوعك رائع خيتو ذوووق وأسمحيلي أرفع لك يديني الثنتين بعد هاه شفتيهم ههههه
أسباب تافهه وفيه عندنا الي أتفه منها بعد وبعقب على موضوع التدخين تقريبا حنا صارو عادي يقبلون مدخن لأن شعبنا أغلبه يدخن ولو بنرفض عنسنا,,وأصلا أحسه مو سبب قوي لرفض,,, تعقيب ثاني تدرين حنا ياالبنات بحكم ان الأخوان أو الأهل هم الي يتولون مسألة السؤال ولو جابولك سبب رفض تافه مثل ماذكرتي يكون مابيدك حيله لأنهم يقنوعنك غصب ولو ماقتنعتي وزرع الوساويس براسك تخيلي لو وافقتي وصار تسذا!! فمالك الا تستسلمييين من جد موضووووعك |
اقتباس:
طيب هذي معاناتنا ولازم نتكاتف وندور حل !!! مو معقول نتفرج هيك !!!! أحس إني إنسانة بلا عقل عندما يتم الرفض أمام ناظري ولااملك حل !! وان أصريت وقالوا عني ماتستحين وطنشت كلامهم ... يحاوروني ويعطوني جوووي ... ويسلكون لي وبعدييين يدقون على أهل الولد من وراي ويعتذرون منهم !! بالله الحل !! |
| الساعة الآن 03:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©