|
اخت زوجي تستقبل ضيوفها بيبيتي بعلم زوجي وبشرط عدم علمي
السلام عليكم
بأدخل في مشكلتي على طول لانها مررره قهرتي وحاسه بالظلم انا انسانه عالنيه طيييبه احب الناس خدومه حسااااسه احب زوجي واهله بشهادة زوجي مو امدح نفسي بس عشان ابين الصوره ويشهد علي اللي رفع سبع سماوات بلا عمد بأني احب اهله مثل اهلي ويهمني مصلحتهم واسرارهم احرص عليها وزوجي يعرف هالشي ولو بغو عيوني تفداهم محترمتهم ومقدرتهم وضاربه الميانه معهم معضم تمشياتي خواته معي واكثر خرجاتي للأسواق برضوا معي ولا عمري تظايقت بالعكس احبهم واتمنى الخير لهم وبعض الاحيان اذا كنا انا وزوجي طالعين لحالنا والله اترجاااه يخذهم معي....... نجي للمشكله..... يوم الاربعاء اللي فات قلت لزوجي بكره بأروح مشوار مع عماتي قال خذي راحتك يوم الخميس صحينا متأخر بعد الضهر على طول جهزت الفطور لزوجي وكان فطاير اوقرصان عاد ما ادري اش تسمونه وعلى الساعه ثلاثه افطر وقلي عالساعه اربع الا خمس تكونين جاهزه قلت اوكي بسرعه بسرعه جهزت نفسي والصاله اللي هي مكان جلوسنا وحوستنا والمطبخ قلت لا جيت انظفهم دخل زوجي لمجالس الرجال وقال ماشاء الله المجالس نظيفه قلت ليه بيجيك احد قال لا المهم خرجت من البيت عالموعد تقريبآ ولا رجت الا متأخر وشقتنا على حوستهاااااا بس فيها شي متغير كل حرمه تعرف بيتها واش حصل فيه او تغير لو اش كان سبحان الله لان بيتها على عينها و مملكتهااااااااااااا اول شي ريحت العوده اللي تشمها من باب العماره شكيت قلت احد جاك قال ايه اخواني فلان عنده شغل عالكمبيوتر وجاعندي وجا معاه فلان وفلان وسويت لهم شاهي الامر للأن عادي بس الغرييييييييب بالأمر مافي نحاس غير نحاسي اللي تركته بالضهر وهذا ماهو من عادت زوجي اللي اعرفه عنه انه اذا جا عنده احد يترك حووووووووست الضيوف قلت فلان وين الفنا جين والبراد قال غسلتها لان مافي شغاله واكتشف كم حبه من المكسرات مرميه بالمطبخ وبعدين اكتشف ان فيه قطعت بلستك من علبة تمر جديييييده دوبها مفتوحه وانا ماعندي تمر اصلآ والعلبه مااااااااااهي موجوده يعني انفتحت واتقدمت وبعدين اتصرفت اكتشفت ان فيه حثر قهوه في المغسله وترمس قهوه من اللي تتقدم لضيوف مأخوذه من بيــــــــــــــــــــــــــــــــــــــــــــــــ ــــــــــــــــتي قلت بنفسي الشغله ماهي شغلت اخوان انا اعرف زوجي لا جوله اخوانه بغيابي زين اذا قدم لهم شاهي لكن هاضيوف مدلعهم وقايم بواجب الضيافه معهم وزياده هنا شكيت رحت له قلت فلان انت سويت قهوه قال لا هم جا بوها معهم تعجبت صراحه وقلت له والحثر اللي بالمغسله قلي بكره بكره اقول لك قصت القهوه و سأ لته عن البخور لأنه مبخر بعوده اصليه وهذي مانبخر بها عند اي نااااااس او بأي وقت قال فلان احرجني يقول ريحت بيتك زي ريحت بيت ال..... وفعلآ ريحت الطبخ بالبيت زي ريحت القلي لكن ـكلامه ماااااامشي علييي شكيت ان جوله ضيوف وضيوف مو اي كلام يعني شي صاير بيبيتي اوحركه صايره من ورااااااي بيبيــــــــــــــــــــــــــــــــــــــــــــتي وما يباني اعرفها وخصوصآ ان كل شي مخفي من وراهم صحون التقديم وفناجين القهوه والشاي والبراربد كل شي مغسل ومنضف ومنشف ومرجعينه بالدولاب ولاكأن شي صايرعشان مأعرف غير بعض الهفوات اللي اكتشفتها وهالشي ماهو من حركات زوجي هنا ثااااااارجنوني وبغيت انفجر من الغيظ وانتم ياحريم اكيد تحسون بالنار اللي كان فيني ياااااااااااسلااااام شي يقهر وعلى ايش اكون شريكت حياته وست البيت هذا هنا زعلت ومن حقي ازعل ياعالم بيتي مملكتي الخاصه وخصوصآ ان البيت كان مكركب شوي وماهو مهيئ لأستقبال الضيوف والمجالس صحيح نضيفه بس سراميك بدون مفارش ولا دعاسات لفيتها عشان التنضيف وفيه مسجل واشرطه دينيه خااااااااااااصه يعني ماهو مهيئ للضيوف وصالتي مكركبه وفيها كثييييييييير من خصوصياتي والمطبخ مكركب يعني شي يقهر ويفشل ومافي اي حرمه ترضى ان اقرب الناس يشوف البيت بهال حاله لان البيت يمثلها هي ولا انا ارضاه على بيتي بس مستعجله واجلت التنضيف لرجوعي واصريت على زوجي يعلمني ايش اللي حصل بيبتي وبغيابي لأني مرررره انقهرت وزعلت وقام يلف ويدور الين اعترف بأن اللي جو خطيب اخته واهله... واخوان زوجي... واخته عشان تقوم بواجب خطيبها وضيوفها دخلين البيت من وراي واخته مستخدمه مطبخي وبعدين نضفت كل شي كان وراها ورجعته بالدواليب عشان ما اعرف بجيتهم كلهم انا زعلت وحزنت وصعبت علي نفسي وعاتبته ليه يسون كذا معاي وهو عارف قد ايش انا عاقله وامينه عاالسر وقد ايش احب اهله وابغا لهم الخيروالله لو كان بعلمي لسويت لهم اللي مايتسوى ووقفت معهم كأخت حريصه وفتحت لهم بيتي متى مابغوا لأنهم اهلي ليه اخته تتجرأ على بيتي من دون بيوت حريم اخوانها لا قدروني ولا حشموني ولا حشمو خصوصية بيتي و مايبوني اعرف وهو ولا فكر فيني وهذا كله اللي مزعلني وقاهرني صراحه مررره اخذت بخاطري وهو تأسف ومشيت الامور وصرنا نتكلم مع بعض ونضحك ونسولف وامورنا رجعت عسل خرج وجا معاه مقاضي وقال سوي عشا انا بأحروح لأمي اسلم عليها على بال ماتجهزين العشا قلت طيب راح ولما رجع قال عاجبتك اليومين هذي اللي كلها مشاكل قلت انت جبتها قال اسمعي البيت بيتي والضيوف ضيوفي طيب موضيوفك ضيوفي ولا على ايش جايبني بهالبيت وعلى ايش اكون شريكتك وزوجتك... وقلي ا نا ادخل اللي ابا وملازم تعرفين مين الداخل والطالع انتي بتستعبديني وتبيني ادخل اللي تبينه واللي ماتبينه لا وبعدين قصت اختي كانت تصريفه وكلام كثييير يزعل انتي ماتدخلين ومعرف ايش صراحه تضايقت من هالحاله اللي متمنيتها موجوده بحياتي الزوجيه..... ياعالم موانا اللي استعبد زوجي ولا من حقي اقبل او ارفظ ضيوفه الامر والنهي بالأول والاخير له انا زعلت من الطريقه اللي صارت انا زعلت على نفسي لانها صعبت علي زوجي كياني نصفي الثاني يبي يعاملني كغريبه ومالي اي حق بالبيت مملكتي الخاصه...... اش ريكم باللي حصل مو لي حق ازعل انتم ياحريم حطو نفسكم مكاني ايش بيكون ردة فعلكم وانتم يارجال ترضونها على شريكات حياتكم |
معك حق
اما الضيوف يدخلو واهل البيت موجودين ثم خفي وقت تخرجو انتي وزوجك اذهبي انتي وهو وحدكم من غير احد كل مده اخصصي لهم مشوار خاص انما الخروج لوحدكم اللي حصل غلط المفروض رح يسألو اين ست البيت ما كان الجواب ازعلي انما مش كتير ما تشدي نص نص اذا اول مره حتى ما تتكررر وعاتبيها وهي مخطوبه هل ترضى لنفسها ما فعلته في منزلك وهل منزلهم لا يليق بالضيوف ام يتفاخرون بمنزل اخوهم ما الداعي للزياره ؟؟؟؟؟؟؟؟؟ المنزل منزلك انتي وزوجك هناك محاضره جميله جدااااااااااااااااا للشيخ خالد الجندي عن هذا الموضوع يا ريت اقدرر اوصل له اعجيني كثيرااااااااااااا آآآآآخ لو اقدر اضع العنوان في اليوتيوب ابحث عنه واشوف |
ياهلا بأختنى الحنوووووون يشهد علي الله بأني احبك فيه الله لايحرمنا منك
الضيوف بس رجال وهي ماهي مملكه ولاتقابل خطيبها بس تجهز ضيافتهم يعني انتي عارفا عداتنا بالخليج |
ترى راح اخلي زوجي يقراء الردود
|
دام زوجك بيقرأ الردود فبصراحة حركة سخيفة و غير لائقه وش فيها لو أنت تتولين الضيافة وبدون علمك بتفاصيل هالضيوف .. إحنا بيتنا ع قولتهم بيت العيله ... وإذا سافرنا ( أمي وأنا وخواتي واخواني العزابيه ) يجتمعون أخواني و أخواتي المتزوجين كل خميس وكأننا موجودين وما يطلعون من البيت إلا و شغالاتهم منظفين كل شيء و ع أنه بيتهم بالأول والأخير وما يستخدمون إلا الدور الأول مجالس و مطبخ .. بس نزعل و نتضايق قووة حتى مامتي تتضايق .. :29: فما بالك بيتك أنت وضيوف أغراب و الدعوة كلها بالخفية .. ومع إحترامي زوجك بدل ما يراضيك ويستسمح منك جاي يعطيك تعليمات وأوامر .. يعني بالعربي شين وقوي عين :) شكلك طيوووبه مررره .. بس ترا الطيبة مو زينة دايم ^ـــ^ الله يصلح أموركم يارب يارب أني ما شيشت البنت .. بس الحق يقال يا زوجها :22: |
قبل كذا زوجي سواها جابهم وان اللي اخدمهم بس موراضي يعلمني من الضيوف وانا زعلت الا لاااازم اعرف اخدم مين يمكن اكون غلطانه بحركتي هذي
بس انا احب الوضوح بيني وبينه مافي داعي للخش والدس اكره هالحركه لاني ما استاهل ومعتبره نفسي منهم وفيهم عشان كذا ازعل |
زوجي كان كذا لدرجه اخته اخذت بيتي يوم عرسها صار فندق لها:( والضيف ما يقلط الابيتنا بدون انذار:23: بس فهمته وقلت له فيييه خصوصيات :25: مثلك يستقبلون الضيوف في بيتي وانا اكون عند اهلي وحاولت معاه وفهمته والحمد الله صار يقولي قبل لايجون واكون ع استعداد:22: حاولي تتفاهمي معاه لازم يفهم ان هذا بيتك مثا ماهو بيته عشان تكوني على علم و تقومي بترتيب واستعداد لضيوف وان شاء الله مراح يقصر معك فهميه بطريقه للطيفه ^_* |
اسمحي لي زوجك ابد مو حاط لك اعتبار
ليه خير يدخل ناس من وراك وكأنها جريمه طبعا ماله حق ابد في اللي سواه لانه بيتك وانتي بعد لاتكبرين السالفه مره شويه عتاب ونبهيه ان الموضوع ذا مايتكرر وخلاص لا تكبرين السالفه وهوه يمكن مو عارف انك بتزعلين لانك جدا طيبه |
المشكله بموضوعك مو انهم دخلو البيت وكذا
المشكله انه فيه استغفال لك يعني بعدها على طول يمكن ياخذك زوجك لبيت اهله وتقعدون والامر عادي لكن هم يعرفون هالشي وزوجك يعرف يعني مو كويسه بحقك وش يضر اخته لو دقت عليك وقالت ان بيتهم مو جاهز وراح يستقبلون الضيوف ببيتك عالعموم موضوعك مو كبير وبنفس الوقت مو صغير ونصيحه اخيره واقولها بالفم المليان وانا واثق من هالشي علاقة زوجة الابن مع اهله علاقة واجب اكثر من كذا غلط لانه بالاخير انتي مو منهم يعني انتي زوجة الابن وبأي لحظه ولأي سبب يمكن تخرب هالعلاقه فأقول الرسيمه كويسه لان الرسميه تحط حواجز وهالحواجز تقلل من نسبة المشاكل يعني لو هي ماتمون عليك كان استحت ودقت عليك وقالت كذا وكذا الله يوفقك |
الصراحة صعب يدخل احد بيتك وفي مطبخك وبين جدران بيتك ولكن
الآن حدث ماحدث وحدثي زوجك ان ماحدث لن تسمحي ان يتكرر وقولي له أنني استقبل كل من تريد من اهلك بوجودي اصلح الله حالكما |
| الساعة الآن 09:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©