|
زيارتي انا و زوجي للمريضة المسنة ..
مرحبا للجميع ..
أكيد الكل يذكر حكايتي مع المريضة المسنة و زعل زوجي و نصائحكم لي بزيارتها ... و لما طلبت من زوجي رفض رفضا قاطع و قال كلام كثييير ما له داعي اذكره ... المهم اليوم رحت لخالي بعد خروجه من المشفى و ما شاء الله حالته بتحسن كبير و خلص العلاج الكميائي و ما بقي الا شوية فحوصات و مراجعات روتينيه ... قلت لزوجي شفت انه بخير و ما فيه الا العافية .. طالعني نظرة شك ..! فقلت له لا تفسر كلامي عاد ..و بلاش مواعظ تري ما قصد شي .. قال و الله ما دري عنك .. فقلت له أني إنسانه محترمة و طيبة جدا جدا لكن عفوية و اذا يتأكد يوديني الحرمة المريضة اللي صار بينا سوء تفاهم .. تفاجات صراحة انه و افق ...!!! كنت بقول تكفي قول لا ... لكن ما يمديني أتراجع ... جلست أتأخر شوي و امر على المحلات مو لاااازم أخذ عربون صلح و حسيت ان زوجي بدات تفلت اعصابه ..فتداركت الوضع وقلت له حبيبي خذلها حاجة على ذوقك ... و اندمج بالموضوع و تأخر يادوب طلع من المحل لما قلت له يا طيب الزيارة بتخلص و إحنا ما وصلنا ... بس طلع مو هين .. ذووووق تحفة .. باقة ورد نااااعمة و شوكلت مرتب بطريقة راااقية .. وانا اللي كنت اظنه ما يعرف ..! ياخي بما انك فاهم ليش حارمني من الهدايا الرومانسية كذا ...؟!! فاسريتها بنفسي للمصلحة العامة ... المهم رحنا و للأسف ان المريضة طلعت المشفي لها مدة .. يعني ما عاد نقدر نشوفها ... تضايقت صراحة و حسيت بالم ...! لكن سويت اللي علي .. و قابلت نرجس صديقتي عاملة نظافة كانت تونسني و أنا بالمشفي و تخدمني باخلاص .. طبعا بمقابل مو مجانا فقلت لزوجي خلني أعطيها الهدية ... لكن لزوجي نظرة اخري ... و خلانا نزور مريضة اخري مسنة بعد لكنها تتكلم .. فرحبت فينا و سولف زوجي معها شوي ،، و أعطاها الهدية و دعت له و لي و حكت لزوجي ما ساتها مع بنتها .. صراحة امر موجع ...!! ما دري اي سبب يقسي قلب الابن على امه ...!!! و ايش الشغل اللي يمنعها من زيارة أمها .. و خلصت رحلتنا و تصالحنا لان نفسية زوجي تحسنت بعد الزيارة ... و انبسط كثييييير ... و حس انه قام بعمل بطولي ...!! و اول مرة يتكلم معي بانشراح بعد الموقف اللي صار و اشكر الجميع لنصايحكم السابقة ... |
ماشاء الله عليك عزيزتي شوووووجي
أبدا أبدا أبدا ما تخيلت انك راح تبادري بالموقف هذا .. و أنا أتراجع عن حكمي السابق و اقول لك انه لك قلب بالفعل .. لكن القلب هذا بحاااااااااجة الى شخص مثل زوجك عشان يخليه ينبض من جديد .. زوجك ماشا الله تبارك الله، باين انه جدا حنون و عطوف .. ربي يخليكم لبعض .. شفتي كيف يوم جلستوا مع الحرمة هذه و حكت لكم عن بنتها، كيف قلبك بدات تتحرك مشاعر العطف اللي بداخله ؟ ليت تتفقي مع زوجك، تعملوا نفس الشي بكل شهر مرة وحدة .. :) |
اسال الله ان يتقبل عملك ويغفر ذنبك والحمدلله انكم تصالحتم وان شاء الله كسبتي اجر زيارة المريضه بالنيه موفقه ان شاء الله |
ماشاء الله عليكم
الله يتقبل منكم هالعمل الطيب والبادرة الخيرة الله لا يحرمكم من الاجر.. اتمنى تداموا على عمل الخير ولمحت انك ذكرتي تحسن نفسيه زوجك بعد الزيارة سبحان الله اختي دائما بعد فعل اي فعل خير او التصدق يشعر الانسان بطمانينه وراحه بال.. الله يديم الخير وفعل الخير ويكثر اصحاب الخير |
أنتي يآ شووجي جوآتك خييير كبير و طيوووبة الله يسعدكـ
طلعيه يختي ليش تخبي هالكنز اللي فيكي نوووري علينا و على اللي حولك من حنيتك http://www.66n.com/forums/images/icons/tongue3.gif الله يجزآك خير ويكتب اجرك يآرب (= |
وما عند الله خيرٌ وابقى ..
افرحت قلوبنا ،، بقلبك الحي .. الله يسعدك ويهنيك ،، |
شوفتي كيف
لما قلت لكِ إنك لما تكوني على الوضع الهادئ تكوني طيبة وممتازة وقلبك كبير خلاص .. إستمري دائماً على كده ولا تنسي أن تدعي للمرأة العجوز وتتصدقي عنها ربنا يوفقك ويسعدك |
ماشاء الله
ان شاء الله في ميزان حسناتك انت و زوجك فرحت لك كثير و احس بداية خير بعلاقتك العاطفية مع زوجك .... |
الحمدلله
الانسان بطبيعته فيه خير ولازم ينقب عنها الله يكتب لك الاجر ويعينك على ذكره وشكره وحسن عبادته. |
اقتباس:
بس الكل ظالمني :rolleyes: لكن صعب كل شهر لأن صراحة ما احب اسمع كلام و حكايا حزينة .. و سعيدة انك غيرتي فكرتك عني .. |
| الساعة الآن 05:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©