فضفضه
 

اصحابي كثيرين لكن يظل واحد منهم عزيز علي بالمره هو بالاصل صاحب اخوي واعرفه عن بعد عرفته ايام صياعته لمن كنت صغير ومره من المرات وبعد سنين عده كنت مع اخوي عند بيتهم وقلي بنقابل فلان شفته وهو ملتحي سبحان الله مغير الاحوال تذكرته مباشره في ذاك اليوم وقلت سبحان الله مغير القلوب
تعرفت عليه اكثر لمن جمعتني معه علاقه عمل لمده 4 اشهر انسان لين هين بشوش هادئ تسعدني ضحكاته ومزحاته و قصصه المضحكه وتسعدني توجيهاته لكنه بالمقابل تزعجني فيه صفه انه يجرد بي مرررات :d بس يظل عزيز وغالي على قلبي كان في بيننا تنافس في مجال عملنا لكن ماشاء الله تفوق في الاشهر الميته في السوق حتى شاء الله وقدر انه الشركه تستغني عني زعل علي كثيرررررررر لكن مازلت متواصل معه حتى بعد ماخرجت من الشركه كان لمن يجوني زباين يطلبون بضايع احوله له مباشره وكلي فرح وسعاده وسرور مع انه من الممكن اني احصل عمولتي لو اجتهدت فيها لكن حبا فيه وحبا لاخوته
اذكر في يوم من الايام سار عليه حادث على الطريق السريع بسب انفجار كفر السياره الخلفي لكن الحمدلله سلم الرجل وهرعت اليه مسرعا لاني كنت قريبا منه وجلست معه طول اليوم الى الليل حتى انتهيت معه من اشغاله في نقل السياره الى الورش
علمت في يوم من الايام من اخوي ان صاحبنا يعاني من مرض اللوكيميا وانه تعالج منها حتى استقرت حالته لكنه مازال حامل للمرض وياخذ العلاجات اللي تعمل على ابقاءه بصحه وعافيه
لكن بعد فتره طويله ولان العلاج مكلف غير الدواء الى منتج اخر ومالبث فتره حتى عااد عليه المرض بشكل اقوى من ذي قبل بعدها تعب بشكل غير طبيعي وماستطعت رويته لفتره من الزمن لانه دخل المستشفى لفترات طويله يشكي من اعراض المرض ومابين فتره واخرى يتحسن وينتكس يتحسن ثم يتنكس لفتره اخرى حتى انهم طلبو منه في يوم من الايام بان ينقل له دم جديد فذهب لاحد المستشفيات فزادوه بله على طينه كمايقولو اذ اخطا هذا المستشفا الكبير في اعطاءه فصيلته الصحيحه واعطوه فصيله اخرى فاشتد عليه المرض من ناحيه اخرى وظهرت اعراض اخرى من سخونه وجسم مهدود واسترجاع للاكل وماعرف اي مستشفى ماهي حالته
حتى كتشف مستشفى متطور ان حالته بسبب نقل الدم الخاطئ فسحب الدم من جسمه واعطي دما اخر جديد بفصليته الصحيحه واسترد عافيته
بعدها بفتره استطاع ان يرد على اتصالاتي وهو بصوت جيد وصحه وعافيه وعندما قابلته للمره الاولى صعقت:eek: لشكله ضعف ونزل وزنه بشكل غير معقول فقد من وزنه قرابه ال20 كيلو اصبح قريب للهيكل العظمي
لكنه بصحه وعافيه ويمشي ويتحرك ويسوق وبدا وزنه يزداد وكان مشتهي ياكل مقادم :d عشان يزداد اكثر واكثر .... قابلته مررتان واخر مررره على مافتكر جلسنا عند البحر اكلنا البيك وانبسطت بالحديث معه ومازلت تلك الروح الحلوة اللي اعهدها منه ...وانا ارفع معنوياته وانه مافيك الا الصحه والعافيه وهو يستبشر خير وكنت اوصيه بالحجامه اذا تعافي باذن الله ..... سالته مره وش وضع زوجتك معك وقت المرض كيف هي ... سبحان الله شكر وحمد الله واثنى عليها كثير انها كانت صابره وقت مرضه مسانده له رافعه من معنوياته
اكلنا وغلقنا وافشيت له بسر ذاك اليوم ومازلت اذكر نصحيته لي جزاك الله خير ياصاحبي ....... يتبع

اعود لكم مرره اخرى
نعم افشيت له سري لاني وجدت ذاك الشخص اللي يسمعني ويضحك على قصصي ومن ثم ينصحني بقلب فيه كله رحمه وشفقه وخوفا على اخوه الصغير
اذكر ذاك اليوم اني كنت اشكي له الفتن والمصائب من حولي في مكان عملي وسردت عليه القصص والقصص فكان يتندر بي تاره ويضحك علي تاره وكان يحثني على الزواج واقنعني بالمضي قدما وان لااتاخر كثير وان استمر في عملي حتى وان كان غير مناسبا كنت محتاج واحد بس يدفني حتى اقتنع بالفكره وكان هو سبحان الله
حتى فجرت تلك القنبله على اهلي راغبا بالزواج :) سويت الهوايل على مايقولو :)
كنت اعتبره اكثر من اخ لازم كل ما انقطع عنه فتره الا واتصل عليه اعرف اخباره واخبار عمله والسوق من حوله واقله دايما ودايما دق علي متى تحب انا بفضي نفسي لك وبقابلك
عااااااااد تعروفون المتزوجين مايفضون فكنت مقدر ذا الشي باللمناسبه ماقلت لكم انه عنده بنت صغنونه لها سنه ماشاء الله يخليها لاهلها ..... يتبع ( حتى اتذكر احداث اخرى )

اذكر انه درس فتره جامعه لمده 3 سنوات ولكن لسبب ما ماكمل مدري ليش
زعلو عليه كثير اهله لانهم صرفو عليه وماقدر يكمل مثل بقيه اخوانه فاظطر يشتغل بشهاده الثانوي ويعتمد على نفسه وبدا براتب زهيد جدا وبوظيفه عاديه وكان مبتعد عن اهله حتى لايشعر بتانيب الضمير والظاهر تلك الفتره كانت هي الفاصله في حياته لمن شفته تغير لاول مررره
كافح كثير واشتغل في اكثر من شغله وجازف مرررات كله في تحصيل لقمه العيش وانه يكون نفسه للزواج وحكاني على قصص المجازفات تبعه كانت تضحكني بسرده للقصه ومن القصه نفسه
قدر يجمع ذاك المبلغ الطيب حتى يقدر يكمل نص دينه وربي وفقه مع ناس ماشاء الله عليهم تبارك الله مرتاحين ماديا لكن وعارفين وضعه لكنهم كانو شارررررررين رجال وبالفعل والله نعم الرجل وماهمم حالته الماديه ولاوظيفته ولا جنسيته حتى خبرني بسر انه مهره اللي دفعه ماستخدمو منه ولا شي بل ابقي لزوجته
والله يجزاه الف خير هو اللي جمعني معاه بتلك الوظيفه وجات عن طريقه والله يحكيني ذاك اليوم لمن عرف انه الراتب ذاك المبلغ الفلاني والله يقول ماتمالكت جلست ابكي ومو مصدق من الفرحه كنت فين وسرت فين
يتبع ايضا ... لتذكر تفاصيل اخرى

صح اذكر كنا نلفلف كثير في المعارض عشان هو كان يدور سياره واذكر مررره ضربته مشوار عشان نشوف سياره سوى
وانا لسع معرفه لدوار الكره الارضيه لكن ماشاء الله هي نفس الروح الحلوة وانا لسع محتكيت فيه كان ادمي خدوووم جدا وحبوب في نفس الوقت فاي شي كنت اسويه كخدمه له حتى لو اش ماشيل هم لانه انسان يستاهل وانسان يقدر ويحفظ لك الجميل ويرده لك في يووووم زنقتك وماشاء الله تبارك الله وبعد طول عناء طلع له سياره جديده ماشاء الله تبارك الله الله يعطيه خيرها ويكفيه شرها باركت له من كل قلبي عليها ذاك اليوم لمن طلعت معاه البحر وتعشيت معه البيك بعد ماخرج من المستشفا
مواقفي معاه كثيره وذكرياتي معه اكثر لي لكن للاسف ماني قادر اتذكر اكثر من اللي كتبته
اصحاب كثير من حولي لكن مثله نادر والله تمنيت لو اللي حولي كلهم مثله لانه عمله صعبه في ذا الزمن قله من تجد يضحك معك ويفرفش معك لكن يصدق معك القول وينصحك بس باسلوب راقي تختفي معها الضحكات وينقلب حديثه معك ذاك الحديث الجاد خوفا عليك من الوقوع في الزلات والاخطاء ..... وللقصه بقيه

ربي يشفي صديقك ويشوف بنته عروسه ويلزم زوجته الصبر ويرزقك بالزوجه لصالحه اللي تسعدك .....

اعود لكم مررره اخرى
حاولت اتذكر احداث اخرى لكن ماستطعت تذكر
لكن في يوم من الايام وفي يوم الخميس بالتحديد وبعد اخر لقاء مع صاحبي قبل شهر تقريبا
ماكان عندي دوام ذاك اليوم فخرجت في امور اقضيها فمررت بالصدفه على المحل مستودع الشركه اللي يشتغل صاحبنا فيه فسالت صاحب المستودع عن السوق واحواله وسالت عن صاحبي فقال لي : انه صاحبنا دخل المستشفى مرره اخرى وله اسبوعين
بصراحه استغربت لانه اخر مرره كان بصحه وعافيه ثم كلمت اخوي انه صاحبنا في المستشفى فقلي انه عارررف
فتوقعت انه تعب ودخل المستشفا مررره تانيه للعلاج او شي كذا
وانقطعت اخباره عني من بعد ذاك اليوم
واخوي على تواصل مع اخوه الكبير فتره وفتره وحتى الجمعه الذي مضى الاسبوع الماضي جاااااااني الخبر اليقين
دخل علي اخوي وانا على الجهاااز قبيل صلاه الجمعه دخل علي ووجهه متغير بالمره
لينقل لي خبر ان صاحبنا فلان قد توفااااااه الله والصلاه عليه اليوم والدفن في يوم الجمعه بصراحه شعرت بالصدمه من الخبر ماتوقعت ان صاحبي ماااااااااات ذهبت للصلاه وانا مذهول مصدوم وبدات عندها استذكر اخر لحظاتي معه على البحر وتلك الايام ذهبت لصلاه الجمعه وفي صدري ضيقه ماسك نفسي عن البكاء
رجعت للبيت بعد الصلاه حاولت ان ارتاح قليلا والهي نفسي حتى لااذكر تلك اللحظات الاخيره
جهزت نفسي انا واخي للذهاب للحرم مبكرا حتى نحضر الصلاه والدفن في الحرم ومازلت ماسك نفسي صلينا العصر وصلينا صلاه الجنااااازه وقابلت احد اخوان صاحبنا والدمع يجري في عينيه واحوه الاكبر يبكي بشده والله مستطعت ان اقول له عظم الله اجرك بسبب البكاء اللي ماسكه كل الذي فعلته اني اني حضتنه بشده
صعدت في سياره نقل الموتى وانا ارى جثه صاحبي ممده تخيل لي لحظه انه سوف يقوم من مكانه ويضحك لكن هيهات انه الموت ولما جاء وقت الدفن خلااااااااااااص وانا على راس المقبره لم اتمالك نفسي وانهرت وبكيت عليه بكااااااااااء مريراً لم ابكي على احد من قبل مثله
وانا انظر لجثته النحيله تدفن امامي وويوضع عل كتفه الايمن ويوجه لجهه القبله توقعت اني سوف اراه النظره الاخيره لمن تحل الاربطه لكن لم ارررره واستمر البكاء طويلا والناس من حولي يظنون اني من اهله وهو اكثر من اهل والله لم استحي ممن حوولي .... عرفت بعدها انه كان في غيبوبه يصحى منها ويرجع لغيبوبه اخرى حتى توفى دماغيا في يوم الاربعاء واعلن وفاته رسميا يوم الخميس الماضي
يعلم الله ذاك اليوم الجمعه لم اذق طعم النوم حتى الثالثه فجرا ونفسيتي تعبت كثير
وانا افكر فيه وفي اخر لحظات حياته اللي جمعتني معه
اسال الله ان يغفر له ويرحمه ويصبر اهله وامه وزوجته على فراقه
ادعو له ياخواني بالمغفرة والرحمه
انتهى