منتدى عالم الأسرة والمجتمع - حكاية عن قريبتي .. للعظة

منتدى عالم الأسرة والمجتمع (http://www.66n.com/forums/index.php)

- العلاقات الأسرية والإجتماعية (http://www.66n.com/forums/forumdisplay.php?f=91)

- - حكاية عن قريبتي .. للعظة (http://www.66n.com/forums/showthread.php?t=256475)

حكاية عن قريبتي .. للعظة

السلام عليكم و رحمة الله و بركاته

عندي قريبة درجة أولى ، كانت طيبة زمان و هادية .. يمكن أنا اللي كنت أشوفها و أحسبها كذا ؟ fgf
ما أعرف إيش اللي غيرها بعد ما أنا رجعت من بريطانيا ..
و لا شكلها أخدت راحتها لما أمي المرض أكل جسمها و هد حيلها و ضعفت .. hg

اتوقع إنها من الناس اللي ( ساكت و سمه ناكت ) .. glh
و كانت من الناس اللي افترت علي ( بعد موت أمي الله يرحمها ) .. hgh

لإنها ظاهريا تبان هادية و عاقلة و كتومة جدا ،.
و أنا ظاهرياً اجتماعية و اختلط مع الجميع و أرد على أي شي من وقته و خلاص ما يبقى شي بنفسي ..
يعني أنا أبان إني قوية ، مع إني و الله ضعيفة و غلبانة gfn .. و هي العكس .. fgf
فطبيعي راح يصدقوها ، اللي سمعوا لها ..

كذبت علي أكاذيب .. و المشكلة قدامهم قالت لي إنت كذا كذا عملتي ( لماما ) .. bgh
قلت لها أنا ما قلت ، و هي قدامهم عشان تثبت إنها صادقة .. تقول لي ( لا تنكري ) ..
و ألفت قصص من راسها ، لكن العيب مو منها .. من اللي يسمع و يصدق بدون ما يتأكد .. bfd

براحتهم ، هم اللي خسرانين hg

.
.

المهم يكفيني كلام و شهادة أمي الله يرحمها ..
أمي قالت مرة ، ( عمري ما حسيت إنها بنتي ، تعاملني كأني ( ضرتها ) )
إذا كذا بتعامل أمها ، كيف راح تعاملني أنا ؟ yjuf

.
.

الحكاية :

إنها كانت تحب تأذي زوجة خالي ( هما عايشين بمكان بعيد ) و أمي الله يرحمها زارتهم مرة ..
و كانت قريبتي تحضن خالي و تلصق فيه و تطنش زوجته بشكل مستفز ..
مع إنها تعرف إنه زوجته ( تغار عليه )
و كانت كمان تحرض أخواتي و أمي على زوجة خالي .. و لدرجة إني صدقتها ..
( عندها اسلوب الاستكانة و الإستضعاف ) <-- ماعرف صح المصطلح ؟ fgf

و لما زرت زوجة خالي ، دافعت عنها قدام أهلي بعدين و قلت لهم أي وحدة مكانها ما ترضى اللي
زوجها يعمل فيها ، يعاملها كأنها شغالة .. و وضعت نفسي بمكان زوجته و حزنت عليها فعلاً ..

قريبتي أو بالأصح أختي ، عارضتني وقتها .. و بنفسها اعترفت للكل إنها كانت تعمل حركات عشان تقهرها ،
و تلصق في خالي و تحضنه و تتمشى معاه و تطنش زوجته و زي كذا .. و كانوا كلهم يضحكوا ..
و تقول زوجته نفسها تاكلنا و تستاهل و أنا بالقصد أخليها تنقهر وووو إلخ

جات بعد موت أمي ، و جلست مع زوجة أخوي و نفس الشي عملت حركات ..
مرة أخوي وصل بينها و بين زوجها الموضوع للطلاق ،.

و كلمتني مرة أخوي وقتها لما بيتها كان خلاص بينخرب ، و قالت لي ..
دامها خربانة خربانة .. خليني أقول لك ..
إنه أنا بس راح أدعي إنه أختك تتزوج و تحس بنفس أحاسيسي و يصير لها كل اللي كانت تعمله معايا ..
( طبعا ما علقت على كلامها ، و لا قلت لأهلي عن اللي قالته )
و الحمد لله أخوي و مرته الآن وضعهم ممتاز ..

.
.

قبل كم يوم ، قريبتي أو أختي العروسة ..
^
ما أحب أقول أختي ، لإني اتضايق من نفسي كذا ..

أختي حاليا تشتكي من ( بنت أخت ) زوجها ..
و سبحان الله ، إنه زوج أختي هذا ، عمره ( نفس عمر خالي في الوقت هذاك ) ..
و بنت أخته ، عمرها نفسسسسسسسس عمر أختي بالوقت هذاك ..

أنا ما دققت بالحكاية أبدا و لا ربطت بين الحكايتين ..

لكن أول مرة أشوف أختي زي كذا .. تغار على زوجها بشكل ملفت للأنظار ..
و لدرجة ما تبغى بنت أخوه أو أخته تركب معاهم السيارة .. مع إنهم مو قاصدين يقهروها
بس تقول خلاص خليهم يبعدوا عنه ..

نصحتها طبعا ، بس ما أبغى كمان مشاكل منها و بكرة تتبلى علي و تقول خربت بيتي ..
عشان كذا ، سمعت الحكاية منها بالصدفة .. لإنها كانت تحكي لاخواتي و كانها من زمان تعاني من الشي هذا
و لإني ما أحب اتدخل ، فما عمري كنت أسألها .. و لا أتدخل ..

.
.

طيب الواحد اللي ما يرضاه على نفسه ، لا يرضاه على غيره ..

هي كانت تقهر زوجة خالي ، و مرة أخوي ..
و كل مكان تروح معاهم ..

و دحين تشتكي من أخوات زوجها و بنات أخواته ، كييييف لاصقين في زوجها ..
و لدرجة زوجها لاحظ و قالها إنت تكرهي أهلي ..

.
.

بصراحة ، اللي جاب الموضوع براسي ..
إني حبيت أواسي ( Queen ) و كل وحدة تتعرض للأذية من أخت زوجها أو قريبة زوجها ..
و إنه الدنيا دوارة ..

.
.

و أنا سلفتي ( زوجة أخو زوجي ) كانت تتعرض للأذية من أهل زوجها و أخواته قبل لا يتزوجوا ..
و تقول كنت ادعي عليهم ، و دحين لما تزوجوا و ذاقوا كيف أذية أهل الزوج ..

صاروا يقولوا لأخواتهم الصغار ، لا تضايقوا مرة أخوكم ..
نحن ندمانيين فعلا و ما حسينا غير بعد ما جربنا ..

.
.

لو كل وحدة فكرت بالطريقة هذه ..

( الدنيا راح تظل بـ خير ) .. dfffdgrg