|
كيف أبني حياتي من جديد ؟
السلام عليكم و رحمة الله
باختصار شديد .. وجود الشخص هذا في حياتي .. هو دمار لي .. و كفاية الي خرجت فيه من حياتي معاه .. ثلاث اطفال مثل العسل و الحمدلله هو جالس يخرب تربيتهم .. و يدمر الي انا ابنيه .. المهم .. مصلحتي و مصلحتهم في الانفصال النهائي عنه .. و انا خلاص وصلت للقناعة هذه .. و قدامي باْذن الله دراستي و بعثتي .. و مستحيل اكمل دراستي و اتغرب و هو معايا .. و الله راح يبهدلني في الغربة و انا ماني مستعدة اخسر مستقبلي عشانه يكفي بهدلني في الغربة زمان .. و ما راح أعطيه الفرصة هذه من جديد .. . . كيف اقدر أنساه !؟ ابغى عبارات و ابغى نصائح اني أنساه الي تجي تقول أعطي فرصة و نصائح .. لا احد يجي ينصح بالشئ هذا ابدا أعطوني امل في الحياة .. خاصة مع ظروفي .. انا كل شي اعمله لأولادي اخواني و اخواتي و أقاربي علاقتي بهم كويسة الحمدلله .. لكن كل واحد يا دوب نفسي نفسي لو احتجتهم ما راح يقولوا لا .. و اولادي مالهم احد غيري بعد الله .. و اقتنعت انه وجود ابوهم راح يدمر تربيتي .. انا ما ابغاه خلاص .. مستقبلي و مستقبل الاولاد افضل بحياتنا بعيد عنه و جربت الشي هذا الحمدلله و شفت كيف .. بس ساعدوني أنساه .. هذا يعلمهم الكسل و الكذب و الأغاني و الدخان و الاستهتار و اللامبالاة و يفرق في التعامل بينهم و كل ماله يشيل الاحترام بيني و بينه .. بيستخدم الفاظ وسخة امام اولاده حتى يعمل حركات ...... لي امام ابنه الكبير و ولدي الكبير يخجل ولدي جريئ لكن عنده ( حياء ) و الحمدلله و مؤدب مع الآخرين .. زوجي يعلمه كيف يكون وقح و انه الحياء عيب .. هو ابوهم اصلا يبغاله تربية من جديد .. |
رد : * كيف أقدر اوقف على رجولي من جديد *
عطيتيه فرص كثيييرة ..
وصبرتي كثير .. وضغطتي علي نفسك وكله علي حساب نفسيتك وصحتك .. وكل مرة تيجعين له وانتي علي يقين انه ماراح يتغير .. وبالفعل مايتفير .. تبين نقنعك انك لو انفصلتي ماراح تندمين ..؟ طيب لو قلت لك اني انا اقتنعت منك ان طلاقك لا ندم عليه .. عيشي حياتك .. وانسي سنين عمرك اللي راحت هدر .. |
رد : * كيف أقدر اوقف على رجولي من جديد *
انتي انسانة ماشاءالله عليك ماعليك خوف .. متعلمة ومثقفة وموظفة واعتمادك كلي علي نفسك بالرغم من كونك متزوجة ..
ايش اضاف لك الزواج؟ لا استقرار ولا راحة نفسية ولا قوامة ولا يعين في تربية الابناء ولا وفر لك مسكن ولا ولا .. احيانا ايجابيات الطلاق اكثر من سلبياته .. |
رد : * كيف أقدر اوقف على رجولي من جديد *
ام الدانة
سنين عمري معاه باْذن الله ما تكون راحت هدر .. لانه اولادي أغلى شي عندي .. كانوا نتيجة السنوات هذه .. لكن لو كملت معاه دحين .. فعلا اكون أضيع كل دقيقة معاه هدر .. . . المشكلة ام الدانة انه .......... و والله تمثيلياته تمشي كانت عالملحقية و مشيت هنا على كم واحد .. و ناس مدراء مشيت عليهم تمثيلياته فأنا خلاص صرت كاشفته .. بس ابغى أتخلص من الرواسب الي بقيت عالقة بداخلي خاصة انه دحين انا فعلا بديت استغنى عن وجوده جربت انه يجلس عاطل و خلاص كفاية يجلس بالبيت و يمسك الاولاد و انا في العمل .. و شغلي ما أطول فيه .. ساعتين و لا ثلاثة و اخلص و ارجع .. اهتم فيهم يوم .. يومين .. ثلاثة بالكثير و خلاص .. كفاية شغالة و ادفع لها .. سواق و ادفع له .. و هو !؟ ترك الشلة القديمة و دخل في شلة جديدة .. و مستأجرين غرفة عزابية يلعبوا ورق و تدخين و تلفزيون يبغى يعيش عزابي .. خليه معاهم .. مشكلتي معاه ( الكذب و جاهزة بقوالب عنده + التمثيل بطريقة فنانة ) و ما راح يتغير ابدا ابدا ابدا .. لانه متأصل في جذور اهله .. اخوانه و أخواته و امه .. اذا الى الان ابوهم عايش مخدوع بالام و أشوفها كيف تكذب عليه قدام اولادها و اولادها كل واحد يتفنن بالكذب على ابوه .. يجي عند امه و اخوانه و يفتخر انه الكذبة مشيت على ابوهم و زوجي تغلب على اهله في الكذب .. و ماحد يقدر عليه .. ممكن يكذب و يقول انا في شغلي و هو بيعمل مصيبة لا سمح الله .. ممكن يكذب و يقول انا توظفت و يمثل انه يروح و يجي يوميا و هو كذاب .. كل شي ممكن .. و انا لحد هنا و كفاية يكذب باليوم اقل شي عشر مرات ابغى ينتهي الي بيني و بينه قبل لا اسافر برة و اكمل دراستي ابغى اقطع الي بيني و بينه نهائي و اسافر خلاص لا احد يقول لي نصائح و أعطي فرصة مليون الف فرصة اعطيت و انتهى بس نفسيتي لازم تستقر .. انا لو رحت للقاضي بكرة .. راح يفسخ عقد النكاح بسهولة و بسهولة الاولاد اكون وصية عليهم باْذن الله و يسافروا معايا .. الحمدلله اخدت احتياطاتي و ضمنت الامور هذه .. لكن ابغاه يخرج خلاص من دماغي نهائي .. أبغى طاقة عقلية تخرجني من الحفرة هذه .. |
رد : * كيف أقدر اوقف على رجولي من جديد *
وايش اللي يمنعك ؟
|
رد : * كيف أقدر اوقف على رجولي من جديد *
اقتباس:
بس هو عارف نقاط ضعفي .. و انا جالسة اقفلها كلها يعرف اني ارحم الضعيف و المسكين فيجيني من الباب هذا .. .............. أساعده و هو يخطط كيف يغدر بيا .. بس لانه ماهو ذكي بالقدر الكافي .. فدائما ينكشف لكن يرجع يكذب و يمثل صار يدخل لي من باب الاطفال .. يحاول يكسبهم و يخدمهم .. لانه يعرف انه هي الورقة الوحيدة الي بقيت في يده عشان أتراجع عن اي قرار |
رد : * كيف أقدر اوقف على رجولي من جديد *
استغرب من الانسان اللي يظلم نفسه بنفسه ..
|
رد : * كيف أقدر اوقف على رجولي من جديد *
ام الدانة
الي يمنعني .. هو السبب الي خلاني اجي هنا .. و اطلب المساعدة منكم لو قدرت أتخلص من الشي الي واقف في طريقي راح ارتاح نهائي و ما افكر ابدا .. حياتي بعيد عنه انا و الاولاد افضل بكثير .. و خاصة دحين و الحمدلله اولادي بدأوا يكبروا و يريحوني مو مثل قبل سنة .. كانوا كلهم في سن حرجة .. و معتمدين علي اعتماد كامل .. واحد كان في الصف الاول ما يعرف كيف يذاكر و الثاني ما كان يمشي و كان نونو لسى .. و الوسطاني كان يخجل من الناس و متعلق بيا جدا دحين الامور الحمدلله صارت افضل و صاروا يختلطوا الصغار مع الناس و عادي والكبير خلاص بدا يتعلم القراية و يساعدني في تربية اخوانه .. و اقدر اقدم على شغالة و سواق باسمي بس مابغى استعجل عشان ابغى اتفضى للمراسلة و الابتعاث بس لازم اشيل الحجرة هذه الي واقفة في طريقي و مسبب لي أزمة بحياتي و نفسيتي مضطرة افضفض و اكتب هنا حتى أوصل لقناعة تامة انه خلاص ( انتهى ) |
رد : * كيف أقدر اوقف على رجولي من جديد *
ام الدانة
باقرأ ردودك كل مرة اكثر من مرة .. لا تتركيني .. |
رد : * كيف أقدر اوقف على رجولي من جديد *
الله يختار لك اللي فيه الخيره
هي مو مسألة كيف يخرج من عقلك وتنسيه لكن من راح يسد مكانه كرجل البيت ومحرم لك في بعثتك و واجهة قدام الخلايق اللي ماتخاف الله انتي قلتي كل اخوانك في حالهم ولو انفصلتي ماراح يساعدوا يعني من راح يقوم بدوره تدري انتي عقلانية ماشالله عليك بس رقيقة و حساسة مرة من داخلك وحاسة بالوحدة بسبب اللي حواليك يمكن تكون المسئولية شوي كبيرة عليك ماتقدري تستني لحد مايكبرو اوﻻدك لحد المراهقة عالاقل |
| الساعة الآن 09:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©