|
كيف تذاكروا لأولادكم ؟
السلام عليكم و رحمة الله و بركاته
حابة استفيد منكم و من تجاربكم .. كيف أذاكر لولدي اللي بالصف الإبتدائي ؟ كيف اتعامل معاه ؟ كيف انظم وقت ولدي ؟ علموني .. و كيف اخليه يحفظ الجزء المطلوب منه حفظه في ( القران ) ؟ و حفظ الأناشيد ؟ و كتابة الواجبات ؟ . . متى تقوموا الصبح - خاصة لو انك موظفة - ؟ و متى تصحي ولدك للمدرسة ؟ و كيف نظام الأيباد مع ولدك في البيت و أيام المدرسة ؟ مع العلم إنه أخوانه الصغار معاهم أيباد ، و اعطيهم عشان لا يزعجوني لما اذاكر لولدي .. لكن ولدي يكون باله معاهم و مع الأيباد .. أبغى ولدي السنة هذه يكون متفوق بإذن الله .. . . باختصار ( ما أعرف كيف اتعامل مع ولدي الكبير ) nhg yyy |
رد: كيف تذاكروا لأولادكم ؟
مو انا الي اذاكر لهم .. لكن انا اتابع واجباتهم وارتب جدولهم .. والمذاكرة على زوجي ..
بالنسبه للقرآن .. نصيحة دخليه تحفيظ القران .. ريحنا كثير .. بنتي كمان عندها لاب توب .. بابا سلام ..تقرأ معاه .. وماشاءالله لما زوجي يسمع لها تكون حافظة .. حفظ الاناشيد .. برضوا عن طريق السي دي او مقاطع باليوتيوب .. تحفظها بشكل اسرع .. بنتي تجي من المدرسة .. على طول تحل الواجبات .. وتجلس على لاب توب بابا سلام .. العصر تروح التحفيظ .. الساعة 6 يذاكر لها زوجي .. تقريبا 7 او 8 بالكتير نايمة.. قومة الصبح مع الازان تقريبا .. بالنسبه للايباد .. السنه الي راحت كان بس في الويكند ولمدة ساعتين ... لكن الفترا هدي محرومين منه من زمان .. الله يعينك .. انا زوجي شديد معاها وقت المزاكرة مذاكرة .. انا عندي تتدلع والوقت يطول .. لكن زوجي ساعة وتخلص .. زوجي حتى بالإجازة يذاكر لها rfegr وان شاءالله تشوفيه من المتوفقين ياارب .. |
رد: كيف تذاكروا لأولادكم ؟
أعرف و اتقن التعامل مع الأطفال لحد سن المدارس ..
لكن أنا مقصرة جدا مع ولدي الكبير ، و صار يبتعد عني و ينسحب مني .. احضنه مرات و اهتم فيه ، لكن ( ما أسمع له مثل زمان ) .. أخوانه كمان مستغليني اخر استغلال .. و كل واحد يبغاني اهتم فيه اكثر من الثاني .. و ما ألاقي وقت للكبير .. و مقررة اني اعطيه اهتمام كبير .. و قبل شوي اسمع محاضرة باليوتيوب عن مهارات في تربية الأبناء لجاسم المطوع يقول ( لازم تسمعوا لأبنائكم .. و إذا ما عندكم وقت ، ليه تجيبوهم و تنجبوهم ؟ ) طيب ( قولولي كيف ؟ ) :'( |
رد: كيف تذاكروا لأولادكم ؟
اقتباس:
. . كوين اعطيني كمان من خبراتك مع أخوانك و أولاد أخوانك .. jyf |
رد: كيف تذاكروا لأولادكم ؟
اصعب شي بتربيه الاولاد الحين المذاكره
مدري المدارس ماعاد تأسس ولا المناهج تصعبت او الجيل اصبح اتكالي اهم مرحله التاسيس صدقيني لو تدخليه ميه مدرسه وتقويه مثل دور الام مافيه استخدمي اسلوب الثواب والعقاب اخوانه وقت المذاكره دخليهم غرفه ثانيه وممنوع يدخلوا عليك وقت المذاكره القران جيبي محفظه للبيت اذا ماجنبك تحفيظ |
رد: كيف تذاكروا لأولادكم ؟
مبتعثة متفائلة ..
لما اذاكر للكبير ، أخوانه يجلسوا جنبنا و في يدهم الأيباد .. أولادي الصغار اهم شي ( يكونوا جنبي ) .. هما كذا .. حتى شغل البيت ما يبغوني اشتغل ، بس يبغوني جالسة معاهم .. فلما اذاكر للكبير و الإثنين معانا ، أتوقع انهم يتأثروا و يلقطوا المعلومات و يتعودوا على الدراسة من أخوهم الكبير .. لإنه ولدي الصغير عمره سنتين ، صار يفتح عالأيباد و يفتح ايات قران لما شافني احفظ ولدي القران من برنامج في الايباد .. و ماقدر اخليهم برة الغرفة ، المشكلة إنه الكبير يكون باله معاهم ( لازم اعصب عليه .. و يبدأ يركز معايا ) . . و جبت معلمة قران ، تاخد 90 عالساعة .. و الأستاذ ياخد 100 ريال .. و أنا ولدي في مدرسة خاصة .. و المعلمة نص الوقت أحسه يضيع كذا معاها .. و ميزانية الصراحة ،. اقساط بيت و مدرسة و راتب شغالة و سواق ووو إلخ أنا ممكن احفظه ، لكن أبغى أعرف ايش الطريقة اللي يدرسوا فيها الأمهات أطفالهم ؟ :( . . أمس تركته ينام و يصحى براحته ، و تركته يلعب ايباد طول اليوم .. و قلت له ، باقي الأسبوع ( مافي ايباد ) أول شي تذاكر .. أنا اتفقت معاه من الأسبوع الماضي اني ما انقله من المدرسة لمدرسة حكومية بشرط ( إنه يذاكر و يصير متفوق ) .. . . حاليا قبل لا يروح المدرسة ، أحضنه و أقول له ( انت ذكي و شاطر ) .. عشان تثبت بعقله الباطن .. |
رد: كيف تذاكروا لأولادكم ؟
لا تخليه ينام أول ما يجي من الدوام، أو خليه ياخذ غفوة ساعة فقط .. بعد العصر مباشرة يكون هو اتغدا من الظهر ف انتي امسكيه ورتبي على جدوله وابدأي معاه مادة مادة حقت بكرة .. حلوا واجبها وراجعوا الدرس السابق .. واشرحي له الدرس الجديد ع الخفيف ..
بالنسبة للآيباد أنا أقولك ع طريقة اشحنيها لهم كلهم مرة وحدة في الأسبوع وفهميهم إن عشان مايخلص الشحن بسرعة ويقعد معاهم اسبوع كامل لازم كل يوم مدة محددة يجلسوا علييه، ووبس اللي يدرس خليه الظهر يجلس على جهازه حق نص ساعة ساعة بالكثير، والبقية لا تعطيهم آيباداتهم إلا العصر لما تبدأي مذاكرة لأخوهم .. عشان يكونوا متعادلين مو ناس تاخذه بس الظهر وناس ظهر وعصر .. الحفظ / استخدمي معاه اسلوب الترديد انتي اقرأي وخليه يقرأ وراك بس أهم شيء خليه يناظر معاك ف الكتاب عشان يركز .. وفيه برامج تقدري تنزليها ع الآيباد مثل جزء عم للأطفال .. تلاقي كثيير نزلي اللي يناسبك تساعد الطفل ع الحفظ .. اخواتي بعد ما يخلصوا مذاكرة ع بال ما تجهز العشا لولدها تخليه ع الآيباد يحفظ قرآن بعد العشا تسمع له ووخلاص عقبها نوووم .. وترى يعتمد ع المدرسة ألاحظ فيه تفاوت بين عيال أخواني وأخواتي فيه بعضهم مدارسهم حتى كتب ماتعطيهم لما يرجعوا البيت بس المذكرة والكتاب اللي عندهم فيه اختبار .. كل شيء ع المدرس مايرجعوا البيت إلا حافظين كل دروسهم .. وفيه مدارس متوسطة .. لكن إذا ولدك ف مدرسة خاصة ( حرام ) تضيعيه في مدرسة ماتبذل أقصى مجهودها مع الطالب .. لأن كثيير مدارس وخاصة الكبيرة الطالب مايحتاج ذاك المذاكرة ف البيت إلا ع الخفيف .. يستاهلوا كل ريال يندفع لهم . وفيه مدارس الله بالخير بس تبلع بدون مميزات تذكر .. واسلوب الثواب والعقاب مرة كويس ف التربية لما يجيب درجات كويسة اشتري له حاجة يحبها، وأعطيها له قدام أخوانه وامدحيه قدامهم بعد، اوعديه إذا خلصتوا مذاكرة بسرعة تعطيه الآيباد نص ساعة قبل ما ينام ك مكافأة له .. إذا مر اسبوع وهو منتظم معاك ف المذاكرة وما طفشك .. بالويكند خرجيهم وخليه هو يختار المكان اللي يحبه وقوليله هذا لأنك شاطر بدراستك، وووهكذا .. السنوات الأولى ف الإبتدائي صعبة ومتعبة للأم .. دائما التأسيس مرهق بس اللي يبنى على صح راح يكون النجاح حليفه ع طول إن شاء الله .. ع فكرة ممكن الآيبادات يقرب يخلص شحنها انتي اشحنيها من وراهم .. عشان تقعد اسبوع كل يوم اشحني شوي لا تفلليها لهم .. الهدف إنهم ما يجلسوا عليه طوول اليوم .. |
رد: كيف تذاكروا لأولادكم ؟
فرح تايه
ماشاء الله تبارك الله عليك .. جدا أسلوبك عجبني و ناسبني .. و دحين شحنت كل الأيبادات لحد 100% .. و شلتها ، خبيتها .. طيب عندي سوال .. أخوانه الصغار ، لسى ما يفهموا كثير .. أطفال اعمارهم 2 و 4 .. خلال ما أذاكر للكبير ، كيف اشغلهم عننا ؟ |
رد: كيف تذاكروا لأولادكم ؟
اعتقد عندك خدامة يا روح .. وقت ما تذاكري لولدك خليهم في غرفتهم ودخلي الخدامة عندهم تنتبه لهم ولا تقوم عنهم طول ما انتي مشغولة مع أخوهم وانتوا روحوا غرفة ثانية، وأعطيهم آيباداتهم وهددي أبو أربع سنوات لو لحقتني بأخذ الآيباد منك وماراح تشوفه إلا بكرة وبتروح عليك ساعة اليوم وخليك قد كلمتك لو سواها وجاء خذي الجهاز منه وقسي قلبك عشان يحسب لكلامك ألف حساب .. قوليله لا تجيني إلا إذا فيه شيء مهم .. أما سوالف ولعب عندي لا .. وإن شاءالله إنهم بينشغلوا عنك .. تعرفي الشيء لما يكون بيد الواحد ع طول ما يحس بقيمته لكن لما تنظمي لهم جلستهم ع الأجهزة حقتهم وتخليها وقت مذاكرة أخوهم راح ينشغلوووا عنك لأنهم ماصدقوا طاحت بيدهم هذا في حالة إنهم مدمنين آيباد ويحبوووه مرة ..
الزبدة هو إذا الكبير سمع الكلام أبو سنتين راح يجلس معاه ف الغرفة ومايطلع وكمان الله يخلي الخدامة تمسك هالصغير لين ماتخلصين .. |
رد: كيف تذاكروا لأولادكم ؟
عزيزتي روح اطفالك 2 و 4 الله يخليلك ياهن واعيين وبيفهموا ولازم يعرفوا انو وقت مذاكرة ابنك الكبير الله يحميه لازم ينشغلوا بشي تاني
ان كان رسم او اللعب بالمكعبات وبناء اشكال بحبوها او يشاهدوا رسوم بغرفة تانية بمراقبة الشغالة ولازم تسمعي لابنك الكبير اكبر غلط انك تقولي هوي كبر واخواتو صغار بحاجة لوقتي اكثر ممكن تفهميه انهن بعدهن مش واعيين متلو هوي ولا فيكي تعتمدي عليهن متلو كرمال هيك بحاجة لتابعيهن وبنفس الوقت لو عشر دقائق اسمعيله وركزي معو كتير كتير مهم العلاقة بيناتكن تكون قوية قبل فترة المراهقة وبالنسبة للدراسة حبيبتي روح اذا اي مادة حاسة ما عم يفهمها بسهولة ارويها بشكل قصة والاسلوب يكون في تشويق انا اخي الصغير كان يضل يطلب مني حفظه التاربخ يقلي اسلوبك متل قصة وسهل الفهم ويجلس يتصورها وللتحفيظ اسهل واسرع طريقة هيي عن طريق الايباد او السي دي واعطيه استراحة بين كل مادة وواجب هالشي بيجددلو نشاطو واذا بتقدري تنظمي نوم الصغار بوقت تدريس الكبير بيكون كتير روعة ودايما اذا شخص عم يدرس ويكون حدا تاني معو بالغرفة بيعملو تشتت وقلة تركيز باي حركة بيقوم فيها المتواجد معو بحس اصعب مهمة هيي تدريس طفل لانو بدها القصة صبر وطولة بال الله يقويكي حبيبتي |
| الساعة الآن 11:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©