خطيبي والمهر
 

السلام عليكم اول ما تضيق على الجا إليكم يعجبني ارائكم السديده المهم انا زواجي قرب باقي شهر وزوجي ما كمل المهر وطلب مني اخذه بعد الزواج مكتوب بعقد الزواج قبل الدخول فقلت له أنني بحاجة إليه الآن أما بعد الزواج لا احتاجه فدبر بعض منه ولكن أشعر انه زعل من تصرفي انا علئ علم أنه يتدين حتئ يتمم الزواج ولكن هذا حقي مع العلم كثير من الأشياء تنازلت عنها ولا كلفت عليه بشي الآن كيف اتصرف مع زعله؟؟؟

رد: خطيبي والمهر
 

دامه مكتوب بالعقد فالحق ماينزعل منه

او من البداية المفروض مايوعد بمهر مايقدر عليه ويتدين عشانه

اذا انتي طلبتي حقك بادب فماله داعي التزعل من جهته

كملي معاملتك الكويسة له وتصرفي ولا كان شي صار وكانك مو منتبهة ولا تفتحين الموضوع وتلتين وتعجنين فيه

لانه اذا ولد اصول مايقدر يفتحه بقوة ويقول ليش طلبتي مهرك..

الله يوفقك

رد: خطيبي والمهر
 

وعليكم السلام ورحمة الله وبركاته.

مرحبا عزيزتي إذا متفقين ومكتوب في العقد كما في الإتفاق لا ملامة عليه..

حقيقة أستغرب أن يكون المهر بعد الزواج وموقف والدك كذلك من هذا الأمر، عالعموم كما اتفقتم وتحملي قليلا نتيجة هذا القرار..

حاولي تشتري مايلزمك جدا وبعد الزواج تشتري كل ماتريدي..

كتب الله لك الخير.

رد: خطيبي والمهر
 

لا من حقك طبعا
هالامور الاهل يتفاهمون فيها
اتركي انتي الكلام فيها

رد: خطيبي والمهر
 

مش مستعد للزواج ويزعل !!

اللوم يقع عليه لا عليك .. هو حق والرجل الصح يكون قد كلمته

كيف تتصرفين عطيه طناااش ولو عنده كلام يروح للوالد

رد: خطيبي والمهر
 

هو من حقك وما يزعل الحق،

لكن الظروف احيانا تجبر الواحد، وانتي عارفة انه يتدين المسكين عشان المهر...

ولازم تعرفي ان الدين هم.. واذا خليتيه يتدين اكثر عشان مهرك راح تزيدي همه.. وانتم باشد الحاجة الى الاستقرار النفسي..

بعدين كم مهرك؟ هل مبالغ فيه او بالحد المعقول؟

بعدين يمكن الرجل شاريك وكان المهر فوق استطاعته واستحى يطلب تخفيض المهر وكذا..

رد: خطيبي والمهر
 

ماشاء الله عليكم
بنات اليوم. . .
المهر حق طبعا
بس ماهو لدرجة يتدين ويضغط نفسه
الله يوفقك . . . .

رد: خطيبي والمهر
 

وليش رضى من الاول وبعدين تحايل

يكون واضح من الاول ويبين مدى قدرته الماليه

رد: خطيبي والمهر
 

واضح ان اعتراضنا مش عالمبلغ والمهر بحد ذاته.. البنت خلقة متنازلة حسب اللي قالته

بس الرجال عند كلامهم.. وكله مكتوب بالعقد

فالموضوع دايما افضل يمشي حسب الاصول

الرجال الزم نفسه بالمكتوب عزيزتي.. غير مقبول التنصل حتى من جهة البنت اذا في اتفاقات بينهم قبل العقد

هو اللي راح تدين مش هي اللي قالت له يتدين ويضغط نفسه 😊

او من البداية اما يعطيها مبلغ حسب مقدرته

او انه يأجل ملكته لين يوفي تكاليف الزواج!

بنت اليوم على قولتك عارفة اللي لها واللي عليها

تفكر بعقل مو تنظلم وتبلع موس وتسكت 😊

رد: خطيبي والمهر