غرفة بنتي واستغلال المساحات ..
يسعد مساكم
بنتي كبرت وأغراضها كثرت وقررت افصل لها غرفه .. للي عندها خبره بتصميم غرف الاطفال .. ابغى استغل مساحة الغرفه بقدر المستطاع وكمان ابغى أتجنب الأخطاء اللي وقعتوا فيها بغرف اطفالكم .. يعني تنصحوا بسرير كيف مساحته صغير ولا كبير ؟! والادراج ابغاها كثيره بمساحه صغيره والارفف .. يعني ادوني افكاركم ودعموها بالصور .. وشكرا كثيرا مقدما |
رد: غرفة بنتي واستغلال المساحات ..
مكانه الانسب
|
رد: غرفة بنتي واستغلال المساحات ..
لي عودة عزيزتي منفردة لأعطيكي بعض الافكار
بس لجبلك الصور لانو عندك خيارات كتير ممكن تعملي السرير فوق وتحته مكتب وادراج ممكن تشتري من عند ايكيا سرير بيتصغر وبيتكبر ممكن خزانة كمان من عند ايكيا حجم صغير بس فيها رفوف كتير وتعملي ادراج بجنبها بالطول وقليلة العرض ما بتاخذ مساحة فيكي تجيبي متل مكتبة بالطول وتشتري صناديق ملونة بتحط فيها اغراضها والعابها بقلب المكتبة وكمان تخصصي رف للكتب او القصص جايبة لاولادي منها ان شاءالله بكرة برفقلك الشرح مع الصور احترامي |
رد: غرفة بنتي واستغلال المساحات ..
وئديش مساحة غرفتها لانو اولادي عاملتلهن الغرفة مساحتها 3ونص ×3 ونص
وحاطة سريرين وخزانة ومكتب وكنبة ومكتبة |
رد: غرفة بنتي واستغلال المساحات ..
انا شفت صور كثير وأثناء شرحك فهمت عليكِ ..
مساحة الغرفه اربعه ب خمسه انتظر الصور علشان انا راح افصل افضل علشان يكون كل شي ع ذوقي شكلا وقياسا |
رد: غرفة بنتي واستغلال المساحات ..
كمان اللي يفهم بالالوان والنفسيات يقولي ايش افضل الألوان ..
والسرير اوقات اقول ابغاه كبير وأوقات اقول صغير افضل ايش رأيكم |
رد: غرفة بنتي واستغلال المساحات ..
الله يحفظ بنتك ويخليها لك
الابيض مع اللون الزهر بدرجاته اجمل شيء لغرف البنات بالنسبة للسرير ما قلتي كم عمر بنتك مش شرط يكون كبير او صغير في احجام تجي وسط تناسب اعمار محددة |
رد: غرفة بنتي واستغلال المساحات ..
اذا الغرفة 5×4 معناتها كبيرة ماشاءالله وعندك خيارات كتير
فيكي تستغلي المساحة وتعملي 4×3 للسرير والخزانة والكومود والزاوية التانية 4×2 استغليها لتعملي جلسة للبنوتة مع مكتب للكتابة ومكتبة للكتب والقصص وصناديق الالعاب وهيدي بعض الافكار من النت هيدا التخت من ايكيا بيتصغر وكمان بيتكبر بالطول لمترين وقت تصير الطفلة بعمر المراهقة http://www13.0zz0.com/2016/09/30/02/965918551.jpg هون عجبتني الجلسة الزاوية بتلعب فيها بهالعمر وبس تكبر ممكن تدرس بنفس المكان ولون الزهر مع البيستاش حلو او الابيض والفوشيا كمان الابيض والزهر وفيكي بالاكسسوار تدخلي اي لون عليهن وتعملي حركة بالغرفة http://www4.0zz0.com/2016/09/30/02/217736607.jpg وهون كمان مثلا الادراج جايي بالطول وكمان فيكي تعملي الجلسة بالنص وعالأطراف المكتبة للكتب وصناديق الالعاب وكمان ممكن تاخظي فكرة لداخل الخزانة ممكن تعملي فيها رفوف ومكان للصناديق بتوضعي فيهن ثياب او اي قطع تانية http://www6.0zz0.com/2016/09/30/02/464540438.jpg انا كان عندي صالون تقريبا بنفس حجم غرفة بنتك قسمته غرفتين للاولاد 3 امتار ونص ب 3 امتار ونص وللبنوتة 3 امتار ونص ب مترين فكرمال عندي المساحة صغيرة استغليت كل زاوية لقدرت حطيت تختين ومكتبين ومكتبة وخزانة صغيرة وكنبة وسط متل ما شايفة بالصورة هون http://www14.0zz0.com/2016/09/30/02/356576688.jpg اما بنتي ما قدرت اعمل اكتر من هيك لضيق المساحة فحاطتلها بهيدي المكتبة كتب والعاب وصناديق كرتون فيهن العابها وبالخزانة نفس الشي حاطة بداخلها صناديق وبعد بدي غيرلها التخت واعمل فوقه رفوف واعملها جلسة عالارض صغيرة http://www2.0zz0.com/2016/09/30/02/546521116.jpghttp://www4.0zz0.com/2016/09/30/02/740949709.jpg [url=https://www.0zz0.com]http://www12.0zz0.com/2016/09/30/02/298085650.jpg http://www9.0zz0.com/2016/09/30/02/321118011.jpghttp://www14.0zz0.com/2016/09/30/02/306397835.jpghttp://www13.0zz0.com/2016/09/30/02/596230580.jpg هلئ الموديلات اخترتهن موديل اوروبي ناعم فإذا حابة الغرفة تكون شرقي فبرجع بنزلك صور وافكار ممكن تفيدك وكمان فيكي تعملي رفوف بالغرفة للاكسسورات وصورها |
رد: غرفة بنتي واستغلال المساحات ..
صباحكم خير
بنتي عمرها سنه واربعه شهور استفدت مرا من الأفكار والديكورات وكمان الألوان بارده وجميله وحبيت الستايلات الناعمة يديك العافيه ماقصرتِ ياقمر |
الساعة الآن 04:50 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©