سفر زوجي للخارج
 

زوجي من اول ما تزوجنا كل سنة يوجع راسي بهالموال انه بيسافر مع اصحابه ويحصل نقاش واطنش واخرتها مايسافر ولاشيء
قبل اسبوع خبرني انه بيسافر مع اصحابه يوم 22من هالشهر تنازعنا بهالموضوع انا انقهرت قلت له اذا بتسافر من حقنا كلنا نسافر ونغير جو انا والله مقهورة متحمله عياله وصجتهم ومسؤليتهم وفي الاخير حضرته يبغى يسافر يقول السفره مع الاهل ارتباط اخوانه مستحيل يسافرون بدون اهلهم وقلت له مو راضيه وكل ماتنفتح السالفة يقلب وجهي

رد: سفر زوجي للخارج
 

طيب هل وعد انه يسفركم بعدين

رد: سفر زوجي للخارج
 

انتي ايش اللي ضايقك؟
يهملكم عند اهلك بدون مصروف
ما ترتاحي لسفراته اواصحابه
ولا قصدك تريدي تروحي معه؟؟

رد: سفر زوجي للخارج
 

زوجه ظروفه المادية صعبة يعني من وين بيسرفنا
وانا قلت له اذا بتسافر بعد ماترجع انا برضه ابغى اسافر وحدي زي منت تبغى تنبسط وما تبغى رجت العيال انا برضه ابغى اسافر وانبسط بدون رجتهم

رد: سفر زوجي للخارج
 

احنا من حقنا نسافر زيه ونغير جو وانا قلت له ما احب الزوج اللي يسافر بدون اهله

رد: سفر زوجي للخارج
 

عفوا مو من حقك تمنعيه , ومو من حقك تقولي انا زيك بسافر لحالي بدون صجة الاطفال ,, ما ادري اذا مجتمعكم وعاداتكم تسمح او لا ,,

طالما مو مقصر معكم ومعطيكم حقكم ومصروفكم في فترة سفره , خليه يروح وينبسط ,, والمرة الجاية اطلعي معه , اي رجال يبغى يطلع لحاله او مع اصحابه كل فترة , اعتبريها فترة نقاهة , مو لازم العناد اللي ماله داعي , طالما انه ما يسويها كثير

رد: سفر زوجي للخارج
 

الاخ أبو بدر استمع لهذا المقطع للشيخ ابن عثيمين رحمه الله https://m.youtube.com/watch?v=qJKSW6JhOS8

بالنسبة لزوجك أنتِ أخبر فيه لو كان الرجل مستقيم وراعي صلاة والدولة اللي بيروح لها زينه خليه يروح برضاك أفضل من يروح غصب عنك لأنه واضح انه مصمم
بالمقابل اجلسي في بيتك عشان مايطول بالسفرة وكل احتياجاتك يوفرها ويعطيك مبلغ للطوارئ وخليه يعوضك بسفره

رد: سفر زوجي للخارج
 

طالما قايم بواجباته وموفر لكم المستلزمات من المأكل والمصروف ، مالكم عليه سلطان ، والكلمه الحلوه تجيب الرجال ، تعاملي معاه زين لاتعاملينه بالنديه ومثل مالك حق لي حق ...!
وبعدين روحي لأهلك غيري جو عندهم وكسر للروتين ...!

رد: سفر زوجي للخارج
 

طريقتك هذي بتكره زوجك فيك.

بدل لا تدعين له انه يروح ويرجع بالسلامه علشان بعدين يفكر فيكم وينحرج منكم ويسفركم اما بالطريقه هذي بتكرهينه بالسفر معكم

رد: سفر زوجي للخارج
 

هذا الموضوع صعب جدا
لان هناك رجال أنانيين بتفكيرهم في هذا الامر
و ما تقدري تخلقي فيه حس العطف او التفكير بك
يعني نعرف ان شرعا مو ملزم و عادي يسافر بدونهم
لكن مثل هالنوع ما راح يقول. لاااااا كيف اسافر و اهلي قاعدين بملل حرام. نفسي ما تستانس و هم قاعدين و انا مسافر. لا راح اقعد معاهم حالي من حالهم😂كل دا خيال عند بعض الرجال
سواء ودعتيه بحنان و قلتي له روح انبسط و الله معاك و انا فرحانة لفرحك
او
تعكري مزاجه و تذكريه انكم محتاجين تغيير جو

كله سيان. هو مايشوف فيها شي لو هو استانس و انبسط لحاله و انتو يكفيكم القعدة بالبيت تحت المكيف. عادي عنده!!
هو اذا ما حس من نفسه ما بيتغير.

انت مو موظفة؟؟

لذا طريقتك جيدة. على الاقل تبردين و تطلعين اللي بقابك