|
ماهي ردة فعلك اذا قالت لك زوجتك ؟؟؟؟
ياليت احد يبين لي ردة الفعل السليمة في مثل هذا موقف ......... ( هذا الموقف حدث معي )
تخيل ان زوجتك طلبت منك توديها بيت اهلها وانت رفضت فجئة بعد فترة قالت لك عيشة تضيق الخلق ((عيشة تضيق الحلق)) بحد ذاتها قوة بالنسبة لي ...... خصوصاً أني عريس جديد يعني صار على زواجنا عشرة اشهر. انا رديت عليها بأسلوب جازم وفوري .... حزين في نفس الوقت يعني قلت لها اذا ما جازت لك العيشة معي روحي لبيت اهلك لا تعيشين معي ما قلت لها هالكلمة الى وكأنها ماصدقت خبر قالت ودني لهالي ودني ... صراحة أنا ماتوقعت منها انها تقول ودني لهلي يعني توقعت منها انها تسكت (قوية بأس) المهم قلت لها أنا ماراح اوديك خلي أحد من أخوانك يجي ياخذك.. يعني السالفة لو أبي افصلها لكم بتطول شوي حبيت احد يوضح لي التصرف السليم في مثل هذة الحالة |
بسم الله الرحمن الرحيم تحية طيبــــــــــة اقتباس:
أخي الغالي هذه زلت لسان فأنت لا تعرف ماذا سيحدث في بيت اهلها يمكن اجتماع عئلي أو قضية يريدون الحاور فيها وأهلها طلبينها ضروري >> لكل شخص ظروفه الخاصه اقتباس:
صحيح هذه الكلمة قاسيه جداً جداً تكسر الصخر فما بالك بأرق البشر وهم النساء فبهذه الكلمة أنكرة حبها لك وجعلتها رخيصه بل عديمة الفائدة وان خروجها من المنزل لا يؤثر فيك >> وجودها وعدمها واحد طيب تخيل كان بينك وبين صديق عزيز عزيز عزيز على قلبك وصار شجار بينك وبيه في بيتهم وفجئه قال لك اذا مو عاجبك كلامي اطلع من بيتي وش ردة فعل بتكون ؟! صحيح أنت لم تتوقع منها ردة الفعل هذه اقتباس:
هي أخطئت وانت اخطائت لـــــــــــــــــكن ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ [blink]الحــــــــــــــــــــــل [/blink] تحايل عليها ومزح معها عديها عديها عديها قل لها كم كلمة حلوه يعني قل لها تتوقعين أقدر اعيش بدونك قل لها البيت لو طلعتي عنه يصير جحيم ومن هــ الكلام الي طيب الخاطر و لك التحية والاحترام صدقني والله يشهد عليا أن أحسست بألم لما قراءة كلماتك لني عني شك يقارب اليقين انها تحبك وأنت تحبها لكن الشيطان استغل الغضب وأشعل الحرب بينكم أتمنـــى لك ولها السعادة أينما كنتما والســــــــلام |
اخوي اتصل فيها وفهمها ان اللي تسويه غلط وان اللي قلته انت مجرد زله لسان ماكنت تقصده خلها ترد بيتها خصوصا انكم متزوجين توكم ما خذتو سنه حتا وهذي الحركات تصير بين الازواج (شكلها تبيها من الله هي )
الله يوفقك ويهدي سركم تحياتي |
ينقل الموضوع لقسم الثقافة و التوجيهات الزوجية تحيتي |
تصرفك يااخي الكريم خطأ...انت المخطئ..وزوجتك مااخطأت..لان صراحه كلمتها ردة فعل عااديه ..لفعل منك..انت..يعني البنت تبي تروح بيت اهلها وانت رديتها ..وجت عقب شوي وقالتلك ..عيشه تضيق الخلق..تبي تفضفض عن شي بقلبها تبي تكسر خاطرك..تبي تحسسك بتأنيب الضمير..تبي تحرك فيك شي..تقوم ترد عليها اذا مو عاجبتك العيشه روحي بيت اهلك..؟؟؟ شهالكلام..يااخي ليش تكبر الموضوع..شنو المشكله عندك..؟؟ يعني شنو فيها اذا قلت حق زوجتك..اذا مو عاجبتك هالعيشه ..طقي راسك بالطووفه ..بضحك..شنو فيها حتى اذا طنشت ..ومارديت عليها ..يعني شنو يااخي ..جرحت كراامتك..؟ اعرف شي وااحد ..ترى خلااص انتوا شخص وااحد ..كرامتكم وحده..ومافي فرق بينكم..واذا كان هذا تصرفك للامور..فمستحيل راح تعيش بزوااجك بطريقه طبيعيه ..ترى الزواج..لازم تطنش وتغض النظر..وتسكر اذنك عن شغلات كثيره تافهه ..عشان تسير الحياة بينكم..وصدقني ..اذا طنشت وفوت الحركات وصبرت زوجتك راح تقدر هالشي وتذكره ..لك..لان الحريم يحبون الرجل اللي صدره وسيع ..ويتحمل..والحريم يتذكرون كل كلمه ..غلط وتصرف غلط انت تسويه لو مر على هالتصرف سنين كثيره ..وطبعا بعض الحريم ماينطبق عليهم هالكلام..يا لأنهم عظيمات ..او بالعكس....الموضوع عندك يااخي الكريم ..مكاابره وعنااد..بايخ وماله دااعي بالعربي ..ووصل لمرحله قبيحه ..وبايخه..وانت الحين فكر اشلون تصلح وترد الامور لمجاريها عقب ماطينتها ..لان بعض الافعال اذا سكت عنها ..تربح اما اذا رديت عليها تخسر..وانت الحين صراحه خسرت ..والله يعينك..
|
شكراً لكل من تفاعل مع موضوعي ... انا معاكم في اغلب الى قلتوة
لكن انا في وجهة نظري انه مهما كانت الدوافع والظرف والحالة النفسية الي هي فية ما يبرر لها انها تقول عيشية تضيق الخلق .... تراعي مشاعري واحسيسي مهما كان الأحاسيس والمشاعري ماهي عند النساء بس عند الرجال ايضا ........ يعني كلمة مثل عيشية تضيق الخلق لها مدلولتها ماهي كلمة تقال في الهواء وخلاص انسى الي صار ممكن أتقبلها من زوجين صال لهم عشر سنين على الأقل . اما بخصوص ردي عليها يمكن لو قلت لها اذا ما جازت لك العيشة طقي راسك بالجدار افضل من اذا ماجازت لك العيشة معي روحي لبيت اهلك . |
يووو هدا انت مو سامع ولا شايف شيء
هدا اول السيل وتالاله الستات بحكو اكتر من هيك طول بالك ورووق والله يعينك |
اخى الكريم
الامر بالسهل عليك بان تكون احسن حالا من ذلك واصلح الامر بسهوله وتقوله انك كنت مثلا مضايق من شىء حدث معك او ما فى هذا من قبيل خالص تحياتى |
أخي الكريم هذا زواج وراح تصير معاك أشياء أكثر هالشئ بكثير والطريق في أوله والمشاكل في بدايتها يعنى اذا هالمشكلة البسيطة سوت فيك جذي وش بيصير فيك بعدين والحياة الزوجية فيها الحلو وفيها المر وهالموقف اللى صار معاك ما بيكون آخر موقف يزعلكم من بعض لالالالالالالا فلازم أنت تتحمل وتصبر ووتنازل لأنة التنازل في الحياة الزوجية مهم مرة أنت تتنازل ومرة ثانية هى بتتنازل يعني اذا بتم جذي ما بتقدر تعيش000
وبالنسبة لزوجتك يمكن اللى سوته غلط بس ردة فعل لرفضك لطلبها والكلمة اللى طلعت منك بعد ردة فعل لغضبك من كلامها يعنى تعادلون 000 صح؟؟؟؟؟؟؟ بس روح صالحها وأنسى الموضوع وفي الحياة الزوجية ياما بتشوف مثل هالمشاكل وأكثر 000 أنا أقول لك هالكلام وانا مخطوبة 0 |
ليش ماكلفت خاطرك تسألها شنو اللي مضيق خلقك بعيشتنا ، شنو اللي مو عاجبك ، ليش ترد على كلمة طلعت منها بلحظة ضيق بكلمة اقسى وأصعب منها ، يعني إزا هي باعت إنت بايع وإزا شارية إنت شاري ، طيب لحظة الغضب مين اللي يتحملها ، ليش ماتعتبر العلاقة بينكم مثل الشعرة لازم إزا شد واحد الثاني يرخي على شان ماتنقطع هذا لو كنت حريص إنها ماتنقطع ، وصدقني هي ماراح تنسى وقفاتك معاها وتحملك إلها وصبرك وبالمقابل تردلك تصرفاتك الرجولية بكل محبة وحنان ، بعدين بقولك شي ، حياة المتزوجين غير حياة العزوبية ، يمكن وحشتها حياة اللامسؤولة شوي ، يعني كان المفروض تعطيها إجازة مو ( طردة !!!! )
|
| الساعة الآن 01:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©