اريد مشورتكم الله يبقيكم
 

السلام عليكم ،،،،
اخواني ، قبل اربعة ايام تقريبا جاني اتصال من رقم ما اعرفه رديت لكن المتصل
كان ساكت و سكرت الخط ، بعد يوم اتصل نفس الرقم وصار نفس الشي ما احد تكلم
ارسلت رساله سألت المتصل من يكون ؟
وجاني الجواب (( انا بنت عمك من بعيد ، وانا من زمان اسئل عنك وعن اخبارك )) ،
المهم طلبت اني اكلمها وصار اللي بغيت ، لكن اللي فاجأني انها صح بنت عمي لكن بنت
عمي لزم يعني ابوها اخوي ابوي والبنت اكبر مني بسنه وحده ، وكانت تاخذ اخباري من
عمتي – عمتنا – اللي انا متأكد انها ماعندها خبر بالموضوع ، المهم قصد البنت واضح ومثل ما كنت متوقع ( طبعا هي ما قالتها صريحه) اللي هو الزواج .
الكلام هذا كله صار امس الجمعه ، انا احس اني مصودم وما ادري وش اقولها انا ما عمري
فكرت اصلا اني اتزوج من قرايبي ، و انا مش رافض موضوع الاقارب .
من يوم اللي صار الموضوع وهو شاغل تفكيري 100% و ما ادري وش اسوي ، ابي
نصيحتكم الله يخليكم .


اخوكم / الفصول الأربعه

والله نصيحتي لك اذا كنت تعرف أخلاقها وادبها وواثق منها ومن اهلها
فتوكل على الله

أنصحك بالإستخارة قبل إتخاذ أي قرار

شكرا على مرورك اخوي ابو باسم .

واطمع بالمزيد من النصائح .

Meeso55 جزاك الله خير و شكرا عى المرور

بانتظاركم .

هذا رأيي
 

البنت طايحة عليك فلا تخذلها بس تأكد من دينها

تحياتي

انا من رأي فواحة الامل بالاضافه عليك بالاستخارة

وياخي بما انها قصدتك فلا تردها ما دامت على دين وخلق والله بيوفقك وبالنسبة لفارق العمر مو مشكلة فرق سنة
وياخى الشرع احل ثلاثة يعنى تقدر تزوج ثانية وتعيش حياتك عادية
الله بيعينك ولا تنسى الاستخارة والاستشارة من اهل الخبرة

اسال الله العظيم ان يسدد خطط