|
فكرة في بالي محيرتني ابي نصيحتكم في هالفكرة
السلام عليكم ورحمه الله وبركاته
أنا لي فتره يمكن من شهر ما زرت بيت أهل زوجي وهم وبكل صراحه مثل اهلي لأني ما شفت منهم الا كل خير طبعا أقصد بالكلام أم زوجي وجدته يعني يعاملوني مثل بناتهم واكثر وأحس فشيله لي شهر مازرتهم بحكم اني والله كنت مريضه وتعبانه في بيت اهلي أسبوعين ويوم خفيت وتشافيت والحمدلله رحت انا وزوجي نعدل أثاث بيتنا يعني ندور اطقم كنب جديده للصاله ويعني شويه تعديلات ويوم خلصت هجمت الاختبارات وصعب ان الواحد يزور أحد وقت اختبارا يعني بيكنون مشغولين ,,, فا جاتني فكره وودي أشاوركم وأخذ رايكم فيها قررت أني أعزم اهل زوجي أمه وجدته وخواته ثنتين وعمته هذول فقط أهله قلت أناديهم في بيتي عشاء بما ان البيت طلع الان حلو وأشتري لخالتي ام زوجي وجدت زوجي هديه (( عطر + قطعه قماش )) وش رايكم فكرتي حلوة والا غبيه هل تنصحوني أني أنفذها والا لا أنا فكرت مع نفسي وقلت أبي أرآئكم حتى أشوف أقول لزوجي او لا أبي تفاعلكم ومشورتكم ونصايحكم... |
ماشاء الله............ هذا عين الصواب....
والله يوفقك.............ياحليلك انا اهل زوجي اذا طولت ماعزمتهم ....اتصلوا علينا واعزموا انفسهم..ههههههههه |
مشكوره اختي حنين _500
على مشاركتك وضحكتيني على أهل زوجك اللي يعزمون نفسهم |
فكره حلوه حتى زوجك اذا قلتيله هذه الفكره بيزيد اعجابه وحبه فيك لان الزوج يحب اهله ويحب الي يحبون اهله والله يوفقك ومبروك الاثاث الجديد
|
فكره حلوه والله يوفقك ومبروك الاثاث الجديد
|
ربنا يديم عليك نعمة العقل والدين ، ويسعدكم دنياواخرة
|
اتوكلي على الله واعزميهم
والله يوفقك ويسعدك دنيا وآخره |
فكرة رائعة او زوريهم وقدمي لهم الهدايا
تحياتي |
الله يعطيك العافيه ... عين العقل يا اختي الفاضله ... اعزميهم و اكرميهم الله يسعدك
|
فكرتك اكثر من رائعة
اولا صلة الرحم واجبه وهي رائعة بالذات انها جاية من رغبتك انتي لاسعاد زوجك واهله وفكرة الهدية جيدة جدا اطبخي اكله يحبوها او استعيني بعشاء من الخارج عشان تكوني جاهزة لاستقبالهم بس لاتنسي تزيين السفرة بطبق من ايدك الحلوة |
| الساعة الآن 07:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©