ضربتها .. وحزنت عليها كثيرا ...
 

لا حول ولا قوة إلا بالله ..


أمس صار موقف بيني وبين زوجتي .. مدري كيف ضربتها في يدها في موقف ما تستاهل الضرب صراحة ..

إلا أتفاجأة .. إنها انصدمت وصارت خايفة .. وتقولي ( طيب .. طيب ) بلهجة سريعة .. وتقول خلاص والله ما أسويلك شي ولا أزعجك وجسمها يرجف ومهي قادرة تتكلم ...


أنا الصراحة ندمت .. وحسيت بالذنب .. رحت أحضنها مهي قادرة تجيني تقول بس طيب طيب خلاص خلاص ...



وهي أصلا تموت في حضني ..


من عارف ايش اللي صاير ..



في الصباح هديت الأمور ولمن اتصارحنا .. قالت أني كنت محتاجتلك مرة )( يعني أفهمها ) .. وكانت نفسيتي تعبانة ..




مني عارف قلبي يعورني وقلت أفضفض لكم ...

قطر الندى ..

الله يهديك ليش تمد ايدك عليها حتى لو على خفيف حرام ياناس "استوصو بالنساء خيرا "..

وبعدين لو من الان اتعودت على الضرب ايدك راح تاخد على كدا وتسير على الطال والنازل تمد يدك عليها ..

الا سار سار ... ولازم تجلس جلسه صراحة مع نفسك ... وتشوف قديش زوجتك محتاجتك ..
والحل الثاني انك تروح تتأسف منها .. وجبلها هديه بسيطة او باقه ورد بسيط وارجعلها ..

ويارب ربي يهديكم ويصلح بينكم يارب

واعتذر لو اسلوبي كان قوي
بالتوفيق للجميع

بصراحه والله انا كتير حزاننه والله اني حاسه حبكي عليها ومن ردة فعلها والله حرام ردة فعلها باينها بنت طيبه وحساسه ومو متعوده على هالطريقة وصدقني يا اخي هاد ابدا مو اسلوب لو حتى كانت خايفه صدقني هالاسلوب بخلق مشاعر جواها بتبعدها عنك وانت بنفسك حكيت حضنتها وما حسيت انها هي بادلتك هالشعور وردت بخوف خلص خلص الله يخليك حاول تكون اهدى من هيك ولا شي بالدنيا بستاهل تمد ايدك على زوجتك هادي امانه عندك اختها من عند والدها معززه مكره فلا تهينها والله صدقني ردة فعلها تعني انها من جواتها مصدومه كتييييير منك وشي مو متوقع وباينها كتير تاثرت حرام عليم استهدي بالله وحاول دائما تضبط نفسك الحمدلله انك حاسس بتانيب الضمير راضيها اكتر وجيبلها هديه صغيره اعزمها بره على العشاء قولها انك بتحبها كتير وما بترجع بتعمل هيك وانك مو عارف كيف طلعت منك الله يخليك انك تفرحها صدقني والله جواتها مكسوره منك الله يهدي بالكم ويعطيك الصبر لما تعصب

الله يسامحك
أظن ماتحتاج كلام باين ندمك
بس لازم تسيطر على نفسك أكثر من كذا

الله يوفقك ويسعدك مع زوجتك

اخي قطر الندى ..

احساسك بالندم يدل على انك انسان متحضر وذو احساس رقيق .. كفاية انك حسيت بغلطتك .. وزوجتك من ردة فعلها يدل على انها تحبك وتحترمك .. بس انت الحين دورك انك تنسيها اللي صار بطريقتك .. وحاول انك ما تخليها (عادة) انك تمد يدك .. لأنك راح تخسر الراحة والسعادة في حياتك ..

اتمنى لك راحة البال والسعادة والتوفيق في حياتك ..

تحياتي لك ولزوجتك ..

خذها واطلعوا اتغدوا او تعشوا في اي مكان فخم....وتأسف لها... وطول الجلسه خلك ماسك يدها وهي حتحس بصدقك
باين عليك انسان راقي جدا .....الله يسعدكم

سامحك الله
 

أخي قطر الندى ،
سامحك الله ! وكان الله بعونها ، ارجو أن تحاول تهدئة خاطرها ولا تضغط عليها في مسامحتك لأنها ستكون مجبرة وغير راضية النفس حاول أن تأخذها لمكان نفسها تروح عليه من مدة او اشتر لها شئ لطالما رغبت فيه واجعلها مفاجأة لها وأرجو أن تتمكن من ضبط أعصابك في الفترة القادمة حتى تتمكن هي من نسيان الموقف تدريجياً وإن شاء الله مع الأيام ستتناسى ويعود الود كما كان ..............الأمر يحتاج منك الآن الصبر والحكمة ولاتنسى أنك كنت البادئ

لا حول ولا قوة الا بالله .....لازم تروح تشتريلها هدية راقية عشان تحبك بعد ما خوفتها