|
ودي اشـكي لـكـم هــمـي 00000 بـنـت الإسـلام 00000 ؟
في البداية اقولكم اني متزوجة من رجل طيب لابعد الحدود سعيدة جدا معة احبه لابعد الحدود وهو يحبني كذالك وين المشكلة اجل المشكلة ان زوجي جاف جدا في مشاعره - اعرف ان اغلب الرجال كذا - لكن زوجي اكثر من الطبيعي يعني لو كلمة بسيطة مايقولها لي مثال البارح كان عنده ضيوف بعد العشاء الى قبل الفجر وانا بين المطبخ وصياح ولدي - الله يحفظة - يوم راحوا الضيوف الا انا هلكانة من التعب والاخ يجي ويشغل الحاسب ويقعد يتصفح المواقع ولاقال لي كلمة انا مابغاة يكتب في قصيدة - لو بس يقول - يعطيك العافية - الله يقويك - تعبناك معنا - ماقصرتي - كان اعشي قبيلة ومااحس بعمري من الفرحة :23: لكن الله المستعان صرت يثقل علي يوم يقول بيجون ضيوف - تعب بدون فائده بعد الفجر جينا بنام والله ماقدرت انام - مقهوره:19: - يادوب قدرت انام 0 0 0 0 0 وحده من اقرب صديقاتي ولدت قبل شهر ودي ازورها كل يوم مفاوضات - تكفى ودني السوق - استخدمت كل الطرق الدبلوماسية معة في النهاية وداني السوق وشريت هدية بــ100 ريال يوم رجعنا السيارة قلت - مشكوور حبيبي كلفنا عليك - تدرون وش رد ياليتة ماتكلم كان احسن قال - يالله الله يعينني . ( لاتفكرون انة بخيل لا والله لكن كلامة جاف ) احس والله اني كرهت الزيارة والهدية من جد تحطمت . 0 0 0 0 0 0 اقول لكم بصراحة ان عندي مشكلة اكبر من هذي وهذي تهون قدامها لكن اذا ساعدتوني في هذه الامور اقول لكم المشكلة الاكبر وهذا مايقلل من مشكلة جفاء زوجي الغير طبيعي لاني بصراحة ودي احد يساعدني ويريحني اذا لقيت تجاوب منكم راح اقول لكم المشكلة الرئيسية لاني استحي اتكلم في الموضوع وفي النهاية اطلع بدون نتيجة . |
هلا اختي
انا بقولك شي الرجال بشكل عاام معروفين عنهم انهم جافين والتعابير دايم تخونهم لكن انتي حاولي مع الوقت يبعرف انه مقصر مثلا المفروض انتي سئلتيه عن العشا اعجبهم ولالا وش ردت فعل الضيوف وتستدرجينه واكيد بيقول مشكوره وماقصرتي بس يبي لها ووووقت لانه ثقيله بالسنهم كلمات الشكر والعرفان ونصيحه خلي كلمات الشكر دايم بلسانك حتى لو يعطيك علبة المناديل اشكريه بكذا راح يتعود عليها الله يوفقك ويسعدك وخبرينا عن النتايج وبقولك شي ترى الرجل:15: |
هل تبادلينه الغزل والرومانسية .. لأنه اذا رأى منك ذلك قد يستحي وينطلق لسانه وتأجج مشاعره ..
لكن حقيقة مشاعر الرجل لا تتأجج الا اذا رأى من زوجته حسن العشرة والوفاء على ما يقوم به .. فأنت بخدمتك لزوجك وتمنيتي الكلمة الطيبة فما بالك بما يقوم الرجل به وهو أكبر حقا عليك من نفسك ومن والديك فإذا لم يجد من زوجته الوفاء والإعتراف بفضله والقبول به كزوج ورجل .. ولب الموضوع أن المشاعر لا تتأجج بالطلب لكن بإحساس يجده الرجل في نفسه متأثرا بما تقوم به زوجته .. |
غاليتي أنا لست متزوجة
ولكن من ترجبة أختي زوجها نفس زوجك لكن هي صارت تمدحة وتعطيه كلام حلو على كل شي حتى صار هو مثلها وأحسن منها حاولي تعطينه من الكلام الحلو دايما وإمدحيه على أي شي يسوية وإن شاء الله ياخذ هذا الطبع منج ويكون نفسج وأكثر ولاتنسين حبيبتي الدعاء والإستغفار تحيتي إليكِ دمتي بود |
هلا اختي - ro_ro - والله اني ادري ان اغلب الرجال جافين لكن مو بهذا الشكل يعني مهما يكون انا بشر ودي اسمع كلام حلو ودي احد يحسسني بقيمتي والله من جد تعبت مشكووره حبيبتي على مرورك علينا ومشاركتك . |
المفروض أنك صارحتيه وقلتي له شكل العشاء ما أعجبك لأنك ما علقت عليه
وحاولي تتجنبي المواقف التي يكون ردة فعله فيها جافة مثل بعد ما شكرتيه على هدية المولود فإذا عرفتي أن ردة فعله هكذا لا تشكرينه أتمنى أن يفتح الله على قلب زوجك لك |
الاخ الفاضل جمر والله اني ماقصرت في الكلام الحلو معة وينبسط اذا قلت لة كلام حلو وذا رد في لحظتها يكون ببرود يعني اذا قلت له - والله احبك واموت فيك يقول - وانا بعد احبك وبالنسبة للعشرة والوفاء انا ماامدح نفسي لكن الحمد لله ماني مقصره في شي وكذا مرة اساله عن راية في يقول والله ماانتي مقصره في شي معي والله اني ادري انه يحبني ويموت في بعد لكن لية مايقول كلمة ترجع الحياة في روحي مشكووور اخوي على المرور والتعقيب . |
أحييك أختي الغاليه بنت الإسلام
هذه المشكله يعتمد حلها على زوجك ولا يعني ذلك بأن طلبك مرفوض لا ياغاليه لكن على أنك تشعرين منه الجفاء من المؤكد بأنك تترددين في أن تفصحي له بمشاعرك أو قد تتكاسلي عن بعض كلمات المدح والإطراء ماعليك هو بأن تصارحيه بأن تحبين الكلام اللطيف منه وأن هذا لا ينقص من رجولته بل يزيد من حبه ومن إحترامه لأن بعض الرجال يكابر بأن يمتدح زوجته أو يمطرها بكلمات الحب والغزل وكذلك التربيه لها دور إن كنت تخجلين من ذلك فتعبير له جميل في رساله قد يوقظ هذا الشئ فيه ويتعدل بشرط أن تسمعيه بل تمطريه بكلمات الحب والغزل من لسانك وبكل عفويه حتى هو يتدرب عليها ويبادلك بها وتصرفك رائع بأن تشكريه على كل صغيرة وكبيرة فهذا يجعله يعطيك ولو بعض ماتعطيه وأخيرا لا تنسي بأن تبدأي أنت بإغداقه بالكلمات الرقراقه العذبه التي تلين الحجر وأتمنى من المولى بأن يسعدك ويديم السعادة علييكما أختك المحبه لك ،،، كيــــان الشوق،،، |
بنت الإسلام أولاً الله يخليكم لبعض ويجمعكم وعجبني رأيك المتزن فرغم تضايقك من سلوك ( برودة الاحساس ) لم تظلميه في تقييمك ولم تقللي من قيمته لديك مشكلة بعض الرجال ربما يجمع بين برودة المشاعر وضعف التعبير اللفظي ويعبر عن حبه ومشاعره بالهدية والسفر ونحوها وقد يكون تأثر بطبيعة و الده فلا يعرف لغة التعبير عن الحب والتشجيع من المقترحات : - المواجهة متى كان الجو هادئ ومناسب . - كتاب أو مقال يعلم هذه الثقافة ( التعبير ) عن كل شي والتحفيز - ذكر نماذج من الأزواج عن طريقك أو طريق الآخرين . |
اصبري يا أختي فأغلب الرجال هكذا
ممكن هنن ما يخطرلهم كم تؤثر فينا الكلمة الحلوة أو كم نحن بحاجتها لكن أنت اجعليه يشعر بذلك مثلا بعد العشاء خذي رأيه به وقولي له أنت تعبانه جدا و كلمة حلوه منه بأنه مسرور بما قمت به تريحك و تنسيك تعبك يمكن هو صعب شوي المرأة تطلب من زوجها لكن لا حل سوى أن تعوديه بهذه الطريقة و شوي شوي يتعود و يارب يوفقكم و لا تنسي قبل كل شيء الدعاء لله تعالى |
| الساعة الآن 12:54 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©