اخوانى واخواتى ..
من وسط حالات الاكتئاب التى وفرتها لنا مشاكل اعضاء المنتدى احب اخرج الاعضاء من المود شويه ..
طبعا كلنا بنتكلم عربى .. حتى الارض بتتكلم عربى ولكن لكل منا لهجته فأى اللهجات تحبها وليس شرطا ان تكون لهجتك لذلك سؤالى
ما هي اجمل لهجة عربية

1-الأردنية
2-الفلسطينية
3-المصرية
4-الخليجية
5-اللبنانية
6-السورية
7 - التونسيه .
8 - الليبيه .
ولهجات بلاد كتيره
ولكل لهجه مفرداتها وانا شخصيا احب اللهجه الخليجيه وخصوصا الكويتيه بس مش عارف حرف الجيم بيودوه فيه .. الظاهر بيقفش فى الحلق ومابيخرجش .. ووايد .. وحيل . لا لهجه جميله بالنسبه لى ..
ممكن اعرف منكوا بقى ايه اجمل لهجه تحبونها .

استنى ماتاخدنيش فى دوكه
ايه الجنوبيه الحجازيه ؟ تقصدى السعوديه .. ايه الكلمات المميزه اللى تعجبك فيها

انا احب العنصريه دى علشان كده نتفق اللى يشترك يقول بلده وايه اللهجه اللى بيحب يسمعها .. عارفه النصريين ماعتدهش قاف يعنى آل بدل قال بعكس التونسى كل حروفه قاف .. غيره ..

يمكن علشان انتى سكر ؟
بس ماقلتيش انتى منين

نعمل ايه ياحاجه الواحد من كتر المشاكل اتهيأله ان مافيش حد كويس لدرجة انى بدأت اشك فى نفسى ..
انا بقى احب الخليجيه من البنات واللبنانيه من الرجال .. ماانا لازم يكون لى شخصيه برصه

هم عندهم غير دخيلك وتقبرنى والباقى دلع .. عموما تكرم عيونك علشان السعوديه
انا لى اصدقاء لبنانيين برضه ..

ايوه .. ايه بلدك الام بقى وبعدين الشعب المصرى ولا اللهجه المصريه ..
لعلمك انا تعاملت مع السودانيين طيبين جدا ولهجتهم برضه لطيفه لكن لما باسمع اللهجه الخليجيه بالمسلسلات باحس بطرب اكتر ..

من كتر شرب مية النيل المصريين دمهم خف ..
ياخوفى يشربوا اكتر يبقى ماعندهمش دم .!!

ياهلا بالكوايته والامارتيين .. اجدع ناس .. بيقولوا كلمة الحق وبيقفوا مع المظلوم وانا اكن لهم كل تقدير واحترام ..شوفى ان كانت اللهجه المغربيه والجزائريه تتشابه الا ان التونسيه غير مفهومه اطلاقا وشوفى معلق الكوره وهو بيصف ماتش .. الليبيه بتحسسنى بلهجة اهل مطروح .. بدويه وليهم مفرداتهم انما غريبه ان الشعوب متواصله ومع ذلك تختلف اللهجات فى البلد الواحد ..
شكرا ام ربى وسلامى لاهل الامارات والكويت ..

ماشى اخى ابى عقيل هو فيه حد يقدر يغلبك وبعدين مين يشهد للعروسه ..
على العموم انا حااحترم نفسى لانى مسافر نهاية الاسبوع للسعوديه ومش عاوز الاقى مظاهره فى المطار

حااكون بجده يوم الجمعه القادم ..
لما تلاقى واحد حليوه ماشى رايح يصلى فى عز الضهر اعرفى انه انا

بصى اختى روح
انتى اول مره تتعاملى معايا
حااقولك
انا اختى طبيبه بجامعة الملك عبد العزيز بجده .. وعاملالى اقامه معاها محرم ..
زوجتى بالفاهره طلبت منى شراء ملابس عرايس لبنتى .. اختى تركتنى بمول قريب من الحامعه اسمه باندا ولا ايه اتفرج واشترى على ماترجع ..
احترت فى المقاس والذوق قلت اسأل البنات اللى حواللى .. حصل زى ماقلتلك .. انا عمرى ستين سنه وعندنا بمصر طبيعى اسال اى واحده عن شئ خافى عنى مش بيعملوا كده ..
اعمل ايه يعنى ..
اولع فى نفسى يقولوا الراجل اتجنن ..

الترحيب واجب واشكر مداخلتك وانا فعلا احب اللهجه الخليجيه عموما لكن مش باعرف افرق زيكم نجدى وحجازى .. شمالى وجنوبى .. انا اعرف وايد وحيل بس ..