|
عملت أول جلسة ليزر < ماتغير فيني شي !!
السلام عليكم ورحمة الله وبركاته :
أنا عملت ليزر لوجهي عند دكتورة قبل 11 يوم الجهاز اللي عندها اسمه ااي بل على ماأظن المهم ... بعد يومين من الجلسة صار الشعر بوجهي كأنه محلوق وملمسه خشن ! بعد 6 أيام طلع الشعر عادي ... وكانت عندنا مناسبة فرحت حلقته بالشفرة واليوم طلع الشعر بنفس كثافته !!!! أخاف أكون مااستفدت من الليزر .... أو يمكن لأني توني جلسة وحده بس مايمديها تؤثر ...؟ طبعاً الدكتورة قالت لي ضروري .. تيجين عل الموعد كل شهر جلسة لغاية ماتخلصيهم 6 جلسات ... وقالت لي : انتي راح يناسبك الليزر تماما لان الشعر اسود وبشرتك فاتحة . سعر الجلسة 300 ريال ,, والدكتورة بصراحة جديدة ومركزها جديد ... كان ودي اروح لمراكز افخم منة كذا بس امكانياتي ماااتسمح والحمدلله على كل حال .... أتمنى أحد يفيدني وجزااااااااااااااااااااكم الله خير ... |
ما تظهر نتيجه إلا بعد ثلاث جلسات او اكثر ..
لكن ؛؛ بعد كل جلسه بعشر ايام هناك جلسة رتوش .. ضروريه ... |
عزيزتي.. بما انك لسة في أول جلسة .. لا تستعجلي الجلستين الأولى محا تحسي بفرق كبير.. بالعكس الشعر يحاول يطلع و مو قادر و يسير زي النقط.. لانه البصيله لسة ماضعفت مزبوط وأتوقع شعر الوجه تبان نتيجته أسرع لانه اخف من شعر الجسم.. بالنسبة لإسم الجهاز.. الي اعرفه انه جهاز جنتل ليز هو للبشرة الفاتحه بالتوفيق.. |
عادي خليه
بعد عشرة أيام يطيح خلاص من نفسه المهم خليك ع الشفرة و ابعدي عن النتف نهائي و لا بد من علاج هرموني مع الليزر>>>> ركزي على هالنقطة تكفين |
الله يسامحك هذا الشعر مقتول خلاص
ما تقتربي للشفره بتاتا هذا الشعر بليفة الحمام ينزل تحفيه والمفروض اسألي الطبيب كل جلسه بعد اسبوعان جلسه تابعه لها بالتوفيق وقت الليزر خلاص ما تعملي شي تاني ابداااا بالتوفيق فرحت لك من ثالث جلسه رح تلاقي الفرق تابعي معهم ولا تهملي نفسك ابداااااااااا تعالي شوفي وجي الحمد لله رب العالمين ولا عاد شفت شي ابداااااااااا والالم رح يخف جلسه ورا جلسه رح تدعيلنا صدقيني بعد كل جلسه ووقت تشوفي الشعر عم يطلع بليفة الحمام شويه وبيوقع لان هذا اصلا الشعر مقتول من البصله بالحف بيوقع |
توك الجلسة الأولى مارح يبين معاك إلى بعد أكثر من جلسة
واستمري على الحلق وانتبهي تسوي نتف بالشمع لإنه راح يروح شغل الدكتورة على الفاضي انا قريت بمواقع كثير إنه أكثر اللي يستفيدوا أصحاب البشرة الفاتحة والشعر الغامق أو السميك بمعنى آخر موفقة |
طيب اختي
تقدري تخبريني عن اسم المركز لو كان بالشرقية ودي اسوي ليزر لوجهي و خبرينا عن النتايج بعد الجلسات |
الله يعينك حبيبتي
ان شاءلله قدرو الاعضاء بفادتك =) |
جزاكم الله خير جميعاً ,,,
اليوم صار لي أسبوعين بالضبط ومازال الشعر يطلع !!! يعني يوم أحلقه بالشفرة ويوم لا ,,, الجلسة الثانية بعد اسبوعين ,, ان شاء الله يارب يكون في نتيجة ... |
حبيبتي
المفروض ولا تحلقي وبعد اسبوعان جلسه ثانيه اصلا وقت يحرق بالليزر يحرق اصل الشعر واللي يخرج ليس الا شعر ميت ويزال كل ما دخلتي الحمام بالليفه على وجهك توقفي عن الحلق فورا استحملي مره وانتي تلاقي النتيجه مرضيه المفروض وقت تدفعي على الجلسه يلحقها جلسه مجان بعد اسبوعان ومن ثم ك ما يظهر الشعر انتي تتصلي وتحددي موعد استفسسري منها جيداااااا والمسداني تسأل اين المحل بالشرقيه |
اقتباس:
مشكوووورة أختي الله يوفقك ياارب ... بس أنا جربت كلامك اللي تقولي افركيه بالليفة وهو ينزل لحالو !! فركت وفركت مانزل ... وبصراحة ماااااااااااااااااااااأقدر أتركه بوجهي وأخرج للناس والشعر بوجهي لأنو كثييييييييييييف عندي ومحرررررج ... وأنا سألت عن الحلاقة بالشفرة قالو لي عاادي ,,, النتف هو اللي غلـــط لانه يحفز بصيلات الشعرة من جديد أما جلسة الرتوش اللي تتتكلمو عنها الدكتورة ماااذكرتها لي نهــــــائياً ... !! وأعطتني كرت موعد بعد شهر فقط ,,,, ,,,,,,,,,,,,,,, أختي المسداني ... لاوالله أنا مو من الشرقية ... واذا إنتي عندك امكانية تسافري للرياض أنصحك بمركز الزلال ... ماشاء الله ثنتين من صديقاتي عملو بس ثلاث جلسات وانقطع الشعر نهائياً .... صار وبر نااااااااعم بنفس لون الجلد ماينشاف غير بالشمس ... لو ضروفي تسمح كان رحت لهم بدون اي تردد ... بس الحمدلله على كل حال .. |
اقتباس:
اختي وين مركز الزلال بالرياض؟ وبالنسبه لليزر انا اختي عملته بلبنان من زماااااان ومثل ما قالو البنات المفروض الشعر يطيح من لحاله او اذا فركتيه يطيح .. انتي اصبري وامشي على تعلميات دكتورتك يمكن لها طريقه خاصه واذا عندك اي شكوك الافضل في موعدك الجاي تساليها واهم شيء انك تمشي على نصايحها بالضبط عشان لا تقولك انك خالفتي والشعر ما طاح لانك عملتي كذا وكذا .. ياليت تطمنينا بعد جلستك الثانيه.. |
والله أحس ضيقة بصدري ... ماعمر أحلامي تحققت ...
وكل أمنياتي تبعثرت ,,,, على كثر مافرحت بالمبلغ اللي ربي رزقني فيه ,, وقلت خلااص جاني الفرج واخيراً راح أعمل جلسات الليزر وأتخلص من الشعر الكثيييييييف المخييييف اللي عرقلني فحياتي لكن هالدكتورة خيبت آمالي ,, الشعر صار يطلع كثيييييييييف مااستفدت اي شي من الجلسة الاولى !!! موعدي يوم السبت مو الجاي اللي بعده ,, دعواتكم لي ,, |
اتصلي فيها واخبريها
ومن ثم اتصلي بمركز ثاني واستشريه واسأليه ما تخافي كلنا في البدايه خفنا مثلك ومن ثم الحمد لله رب العالمين اعرف ما تشعرين فيه عشته قبلك وكل من عملت لايزر نفس الشعور اتصلي بمركز ثاني واستشريه وقارني الفرق بينهم ان شاء الله تبشرينا قريبا ثالث جلسه رح تحسي بفرق كبير جدااااااااااااااااااااااااا |
ليش حبيبتي تحلقينه يوم وترك !!
هل عندك مشكله هرمونات ؟ ترى الليزر حل فتاك للشعر الغير مرغوب فيه أنا عملته من زمان الحمدالله لجسمي ومرتاااااااااااااااحه بس خذى مني وقت حتى بانت النتيجه المرضيه بالنسبه لى ... طيب عندي لك أقتراح حلو اذا عالجتي هرموناتك اذا عندك لخبطه فيهم اشتري لك جهاز ليزر منزلى أوفر وأفضل وتقدرين تستخدمينه لكامل الجسم ... أنا عملت بحث عن أفضل الأجهزه وقريت كل الريفيو <التقيمات من المستخدمين> الأفضل والى يجيب نتيجه من بين كل الأجهزه المنزليه أسمه ايوسايكا eosika جهاز فكرته ألمانيه تنفيذه كورى الأفضل على الأطلاق بالنسبه لـ أجهزه الليزر المنزليه أطلبيه من الأنترنت كتبي اسمه بقوقل ويطلع لج موقعهم أو أبحثي عن وكيله بالمملكه كان عندي رقمه وأتصلت عليه بطلب أنا بالكويت وقالي السعر وماطلبت وقتها بعدها ضيعت رقمه دورى عليه بالنت راح تحصلينه ان شاءالله :) متابعينج حبيبتي ولاتتظايقين لكل مشكله حل |
أهلين أختي ,, أنا موعدي يوم السبت إن شاء الله وراح أكلم الدكتورة عن كل شي
وان شاء الله وبقدرة الله انو يخف الشعر اكثررررر بعد الجلسة الثانية ياااارب راح أخبركم بالنتيجة الاسبوع الجاي ان شاء الله |
بس أتوقع اختي انو لازم تحلييييييييييييييييل هرمونات قبل كللل شي
والشي الثاني انو بعد الجلسة الاولى غاااااااااااااالباً مايبان أي نتيجة ! |
حبيبتي انا كنت بالرياض سويت 3 جلسات ليزر لمنطقة الابط عند مركز صبحي بــ 300 الجلسة
نسيت اسم الدكتورة وربي ماسوى الليزر لي شي نفس الكثافة يعني بعد شهر يطلع ,, المهم بثالث جلسة قلت لها ابي تشيلين لي الشنب والايدين كامله مع الابط المهم كلفني 2300 ريال ,, وبرضو بعد شهر طلع شعري عادي بس نقلت للشرقية وما كملت جلساتي ,, عاد مدحوا لي غسانة صادق بالدمام والله من اول جلسة شفت الفرق وبعدين حرارة الليزر مرة اقوى ,, وكلفتني ايديني مع الابط ورجولي كاملة 2500 والله جلست شهرين ويالله طلع الشعر وأخذت رتوش مجانآ بعد شهرين وعليها الحين لي سنة و8 شهور بس شعري خفيف بالرغم من اني ما كملت الجلسات ,, وبعدين الدكتورة شافت وجهي وقالت مايستاهل اشيله بالليزر لانه وبر وقالت لي احمدي ربك ما كملتي عند الدكتورة ولا كان صار لك شعر طويل وغامق بوجهك ,, هههههههههه ادري قرقرت عليك بس تلقينها لاعبة عليك ,, غير الاستشاريه |
غيري الاستشاريه
|
اقتباس:
يعني ماعندنا الا هالمركز هذا بس !! وماأقدر أسافر لاي مكان .. لكن الدكتورة طمنتني ان راح يكون نتيجة حلوة باذن الله .. بالنسبة للجهاز اسمه على مااظن" ابل " او حاجة كذا وحرارته مرررة قوية لدرجة اني انتفضت من اول لسعة وصرت اشم ريحة الشعر يحترق !!! واليوم هو موعدي مع الجلسة الثانية ولكـــــن رحت للمركز وقالولي الدكتورة ماخذه اجازة اسبوعين !! راحت لجده عندها مؤتمرات !!:( والله لو في غيرها ماكان رحت لها بس الله يعين .. ضروفي ماتسمح لي .. |
والله بديت أحس انو خيره لي سفر الدكتورة !!!
لاني بكره ان شاء الله أفكر أروح أعمل تحاليل هرمونات ... وأشوف النتائج .. |
طلع فيني تكيسات على المبايض !!!
أخواتي ,,
أنا رحت لأخصائية في أمراض النساء اليوم .. وقلت لها عن مشكلة الشعر في جسمي فقالت لي : انتي واضح انو عندك تكيسات على المبيض وواضح من شكلك وجسمك ! المهم : عملت لي تلفزيون .. وقالت التكيسات باينه وكثيره اوي ! رغم ان التكيسات ماتبان الا بالسونار الداخلي .. ولكن انتي بنت ماينفع اعملك سونار داخلي ... ورغم ذلك التكيسات باينه بالتلفزيون العادي وواضحه جداً وقالت لي تعالي ثاني ايام الدورة اعملك تحاليل هرمونات شامله وكتبت لي على علاج اسمه : Dialon _ ( Metformin HCL 500mg رغم انها قالت لي انو اسمه كلوفاج بتاع تنظيم هرمون الانسولين .. لكن اللي مكتوب عليه غير هالاسم .. فسألتها هل ممكن العلاج هذا يساعد في تخفيف وزني لاني كثير اعمل حميات وريجيم ومافي نتيجه فقالت : ممكن يساعد لو حالتك متوافقه معاه ... |
سلامات اختي
اذن خلاص اجلي جلسات الليزر الى ان تتشافي باذن الله لانه الان لو عملتيها مارح يكون لها فائده.. |
حسب كلام الطبيبه اللي رحت لها
ان الليزر للوجه جدا فااااااشل |
أهليتن إختي
نتائج الليزر رائعه حتى من أول جلسه كثير اللي استفادوا منه. ومثل مإقالت الأخت قلبي حنون جهاز جنتل أفضل شيء الله يسهل أمورك ولايخسر عليك يإرب |
هذا الدوا لمرضى السكر ولكن يستعملونه للتكيسات
يفيد على مده ولكن يرجعو مره تانيه وهو ينزل الوزن روعه لان اعتقد 3 حبات في اليوم ومن ثم تفضلي دايخه كل اوقت الليزر يجنن وناجح كتير وانتي حره |
أهلين أخواتي ...
أنا خلصت 3 جلسات ليزر والحمدلله بديت ألاحظ الفرق .... الشعر صار بطيييييء في النمو ... وراح اخبركم بالنتيجه بعد ماأنهي الست جلسات كامله ... وبالنسبه لحبوب ديالون .. ماارتحت عليها ابداً .. وتركتها ... |
الله يسهل امورك وكم كلفتك الجلسات الست واذا كنت بالرياض وين عملتيها
|
اقتباس:
الحمد لله فرحتلك والله... الله يشفيكي |
| الساعة الآن 04:02 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©