|
زوجات الأخوان مامشكلتهم ياليت تشاركوني المواقف
السلام عليكم ورحمه الله وبركاته... يوم قرر اخوي يتزوج وكلم امي تدور له عروسه .. الكل فرح ..لازم نفرح لانه البكر في العائله... وطبعا كانت له طلباته... وما كانت طلبات تعجيزيه كل الا كان يبغاه انها تكون بملامح مقبوله .. شفنا بنات كثير .. وكانو بيرفضوا عشان منطقه شغله بعيده وما يبغوا يبعدو عن اهاليهم رحنا وشفنا البنت .. ملامحها لاهي حلوه ولا هي شينه وقريبه من طلب اخويا.. راحت امي عشان تتفق مع ام البنت .. قالت امها .. لاتسون في القاعه الفلانيه تراها شينه ومو حلوه .. !!! ..و ترا بنتي تبي طقاقه ... قالت لها امي ان شاء الله بس تكون دق اسلامي ومن دون اورج .. قالت لها لا .. مو حلو الاسلامي... قالت لها امي بس انا ماابي اسمع اغاني قامت قالت لها .. مو مشكله حطي قطن على اذانيك!!!!!!!!!!!!!!! وتمت الملكه اللي ياريتها ماتمت... بعد الملكه اتصلت البنت تسلم على امي .. وقالت لها ترا ياخاله بطلت ماابي اللي ماابي اورج وبعدين دقت على اخويا وقالت له تراني ابي اورج .. قالها موقلتي لأمي انك ماتبيه خلاص؟؟ لا انا ماقلتلها ولا كلمتها.!!!! (يعني امي كذاابه ) وسوينالها فرح بقاعه عمرها ماتحلم فيها ...كلفت القاعه لحالها فوق ال75 الف غير التوابع من عشى وضيافه ودق عند الحريم وفرقه عند الرجال لحالها فوق ال15 الف وتصوير سينما وفيدوو وتصوير عند الرجال وربي ليله ولا الف ليله والناس لين اليوم يتكلمو عنها ويقولو ماعمرنا حضرنا فرح زي فرحكم .. ..وهي طبعن ماشاركت بريال ولا مو عاجبتها القاعه وتتفلسف .. المهم ضحكت على اخوي انها مابتجيب الاورج واخرتها جابته وجابت الزيران طبعا مانقدر نتكلم واحنا بالزواج ونخرب فرحه اخوي .. حسبي الله ونعم الوكيل فيها وفي امها .. ورغم كل الي سوته عاملناها كأنها اختنا وامي كانت تقوول انها بنتي ...اول مادخلت بيتنا امي شالت طقمها واهدتها هو ..طبعن غير الهدايا الي من اول.. وانا واختي شرينالها سله كريمات كبيره وصيت عليها صديقتي من لندن ... سكنت بالدور الي فووق ...ووقت ماقرب سفر اخوي للمنطقه الي يشتغل فيها على اساس بياخذها معاه .. الا طلعت التخصص الي تدرس في بالكليه مو مفتوح بالفرع الي هناك..وهم الكذابين قالو لنا قبل الملكه انه عمتهم دكتوره بالكليه الي بمدينه اخوي وانها تدّرس نفس التخصص ...اضطر اخوي انه يخليها عندنا ..لانها رفضت تروح معاه ..وامها قالت دام ولدكم اتزوج البنت احنا مالنا شغل فيها..اتحملوها انتوو.. صراحه احنا استانسنا انها بتجلس عندنا كانت تخاف تنام بشقتها لحالها .. وقالت لي انا واختي ننام عندها.. ومااعترضنا ..مع انه مافي سرر لنا فوق.. وكنا نساعدها في التنظيف والغسيل والكوي.. والله العظيم لين الحمامات نظفناها لها .. واحنا الي ببيتنا مانشيل قشه والحمد لله عندنا خدم من يومنا..حتى واجباتها نحلها لها وبحوثها نسويها والوقحه يوم نخلص البحث ترجع تقول الخط مو مزبووط او مدري ايش ونقعد احنا الهبل نعيدلها ونكتبلها ثاني.. يمكن تحسون اني ابالغ بس والله العظيم اننا حاطينها في عيونا ... وامي كل يوم تسالها وش مشتهيه ع الغدا وتتطلعلها غداها لين شقتها...قليله ادب ياناس اتخيلو تقعد تورينا قمصان نومها وقمصان ليله الدخله ..وتقولنا ايش النوع الي اخوكم يحبه من القمصان ..ولو اعطيناها وجهه بعد بتتمادى وتحكينا عن ليله الدخله... بعد فتره جا اخوي اجازه ..واخذها للشاليهات الي عمرها ماطبتها وتحلم فيها في بيت اهلها (استغفر الله ) وهو معاها كانت تكلمه عن اخوانها واهلها وحكاوي عاديه..يوم جا يكلمها عننا..قالت له لاتجيب لي سيره اهلك مااطيقهم ...استغفر الله ....... ...... يبان فيه المعروف ..(السالفه هذي عرفناها بالصدفه) وبيوم كنت جالسه انا واختي نتفرج تلفزون ...جات عندنا وقعدت تسولف وتحكي..كانت ايامها حامل بالشهر الاول ..قالت كلمه كل ماحاولت اسامحها ترن هذي الكلمه في بالي تقوول(ولدي هذا ماينتسب لكم ينتسب لااهل امه ) شايفه حالها الاخت مع اننا اشرف منها والحمد لله احنا من آل البيت.. ماردينا عليها انا واختي ولا بكلمه ...! من بعدها ماعد صرت احتك فيها ابدن ولا اكلمها وماعلمنا احد انا واختي عشان الموضوع لايكبر ..لانه مو بنت عرب الي تقول هالكلام .... وووربي مو قادره اتحملها والي ضاغط علي اكثر اني ماعلمت احد ولا اتكلم مع احد عنها يوم الناس يسالوني عنها اقولهم بخيير وطيبه وووو....وتسلم عليكم ..وانا بداخلي انحرق وودي انفجر منها ... مشكورين على تحملكم لي .... والله بس من حر قلبي .... المهم خواتي ... ابيكم تحكوني قصصكم من حريم اخوانكم لانه من الي اشوفه قدامي انه اغلبهم كذا وكارهين اهل الزوج وويبون يتزوجوو الرجال ويقطعوه من اهله :( اذا شفتكم متحمسسين وتحكوني قصصكم ..بكملكم ترى والله ماقلت شي باقي .... |
انا اخواني صغار لسه وانا اكبر واحدة يعني مالي تجارب مع احد ,,
بس اعتقد هذا غلطكم من البداية سبحان الله بانت على حقيقتها واستمريتوا ؟.. الله يهديها ولايجيها يوم تندم ... وماتلاقي احد جنبها . |
اختي انا مرت اخوي بنت خالتي ورتنا الويل طلبت مهر غالي جدا والتكاليف كلها علينا ابوي قال كذا لانها يتيمه دفع كل شي من عنده اهي تاشر واخوي يشتري من عند الوالد طبعا في الاخير كل شي مو حلو وماابقى هذا وتغير على كيفها مافيه شي يعجبها اخوي هدايا يجيب لها بمناسبه او من غير مناسبه ودايما تتذمر تقول مو حلوه وتروح تغيرها لين تم الزواج للحين تتشرط بس الحمد لله سارفو للدراسه يعني موجالسه عندنا
ملاحظـــــــــــــــــــــــــــــــــــــــــــــ ه:مو كل حريم الاخوان كذا فيه احسن بس يعتمد على تربيه البنت وطبعها تقبلي تحياتي |
الله يكون بعونكم انا ماعندي احد في البيت مافيه الى اخواني كان فيه زوجت اخوي بس الحمد الله راحت بيت اهله كانت مو كويسه مع ذالك قريبه لن بس الحمد الله على كل حال اخوك عاشق بلاده
|
الله يعينكم حبيبتي ,,,
انا بالنسبة الي اخوي خطب من فترة ... وخطيبته كانت بتحاول انها تتمادى شوي وتشوف حالها ,,, بس انا ما بحب اللي بيشوف حالو علي وبالذات اني الحمدلله مو ناقصني شي .. ومع هيك عمري ما شفت حالي على احد.. حتى خواتي اللي همة خواتي لما يحاولو انهم يتكبرو على احد بصدهم... لانو كلنا خلقة ربنا ,,, انا نبهت اخوي على الشغلة من اول ما حسيتها ,,, وحكيتلها وحكيت لاخوي من اولها ,, انا كويسة وامورة وما احلاني مع الكل بس ............................. ماحدا يشوف حالو علي ولا يحاول انه يكون لئيم معي ,,,, لاني وقتها بقلب شي تاني.. مستعدة ادوس على اللي بحاول يهيني ,,,, وهلا بتعرف من هي ايكو_ايكو ,,, انا ما بحكي اني لاعبة دور بنت الحماة عليها لا سمح الله ,,, هي متل اختي ... وراح اضلني ما احلاني معها ... بس ما تحاول انها تيجي فيني .. وعلشان ارتاح ,,,, راح اكون سطحية معها كتير ,,, وباسلوب راح اخليها هي اللي تيجيني مو انا اللي اروح الها ... باسلوب طيب الله يكون بالعون حبيبتي .. احنا هاي مشكلتنا انو احنا بنتعامل مع الكل بطيب اصلنا .... بس الحمدلله انو احنا واضحين وطيبين ... بس برضو بحدود |
والله يا غاليه عندي حرمه اخوو الله يخليها زي العسل وشاريه خاطرنا فوق ما تتصورين وربي انها اخت مو زوجه اخو صح اهلها مشاكل معهم من الزواج مع انها بنت خالتي لكن كلمه حق هي وربي زي البلسم على الجرح الله يسعدها يارب دنيا واخره
|
ولله الحمد انا زوجتي تقدر امي وحاطتها على راسها
واخواتي )(((( اللي هم اخوات الزوج بالنسبه لها))) يقدرونها ويحترمونها وهي شايفه كذا اهم شي الاحترام والتقدير وعدم التدخل في شؤن الاخرين حتي وان كان ام الزوج واذا هي فهمت كذا كل شي صار تمام |
اختي الحبيبه اتمنى ان الفت نظرك لشي بجوز البنت اخذت عليكم وسارت تحكي معكم عااادي او تمزح وانتم مو فاهمين قصدها احسني الظن اختي العزيزه
اختك في الله |
ربي يصبرك إذا كلامك كان صحيح 100% وايش ردت فعل اخوكي زوجها ليش هو ما يشوف كل هذا لو تتحشين انها كذا وكذا.... لو هي فعلا بهاذا الاسلوب لازم تنصحوها وما تسيبوا الامور تمشي ولا بتزيد... .
|
ولله الحمد انا زوجتي تقدر امي وحاطتها على راسها
واخواتي )(((( اللي هم اخوات الزوج بالنسبه لها))) يقدرونها ويحترمونها وهي شايفه كذا اهم شي الاحترام والتقدير وعدم التدخل في شؤن الاخرين حتي وان كان ام الزوج واذا هي فهمت كذا كل شي صار تمام |
أختي ... الله يسعدك ويغير حال زوجة أخوك للأفضل
فيه عندنا مثل يقول (( كل مذكور بفعله )) أنا عندي أخوان اثنين والحمد لله من الله علينا بنساء أخوة فاضلات .. وسأذكر أمثلة .. عند سفر والدي (( عادة السفر يستغرق من ثلاثة أسابيع الى شهر )) يستقبلنا أخي الكبير في منزلة في يوم اجتماع العائلة وتقوم زوجتة بتحضير العشاء (( وترفض دايما فكرة الشراء من المطعم أو مساعدتها في تحضير العشاء الا بطبق الحلى ) زوجة أخي الأصغر .لازمتني في ولادتي يوميا من الساعة الثالثة ظهرا وحتى التاسعة مساء ... بالرغم من أنها كانت حامل وفي شهرها الأخير ... والكثير الكثير وما أردت ايصاله أنه ليس جميع نساء الأخوة سواء .. أختك : أم البنين |
بصراحة زوجات اخوي احترمهم وهم طيبات مع امي و اخواتي
مره زرت اخوي بخصوص موضوع والله العظيم زوجته تقول لأخوي شوف اخوك(انتهت حياتي) ايش يحب يتعشى و انا اسويه له وربي احترمها كثير لدرجة اخرت ملكتي علشانها تعبانة ولكن انتهى كل شيء الله ما تتم لي الزواج الله يهدي زوجة اخيك و يصلحها دمتي بخير |
يوووه ماشفتي شي انا الحمدلله معندي االا اخ واحد وهو وزوجته من الزواج وهم بامريكا بس بالفترات اللي شفناها فيها مرررره عسل ونحبها كثيييير مرررررره تجنن وطيبه بس هو متزوجها عن حب ومره حابه اخونا وحابتنا احنا بعد
اما صديقتي ياعمري عليها زوجة اخوهم مرررررررررره حقيره معاهم مره مره وتغار نهم لابعد حد لدرجت تشوه سمعتهم تطلع عنهم كلام مو صحيح وانهم ظالمين ومره حقيرين معاها مع انه مو صحيح طبعا بحكم انها متزوجه وساكنه معهم لا ومن زود البجاحه ماتب يتطلع بيت لحاها كللللل شي هم يسوونه لها كل شي الحين صار عندها 3 اطفال ورازه وججها عندهم وتقول ماني طالعه وتتكلم على زوجها عندهم ومشكال معهاه بنص الصاله مع ان اهل صديقت يناس ذوووق وطيبين وماعندهم هالحركات الحجيه بس هي الله يسامحها مررررررره مكرهتهم عيشتهم الله يكون بعونهم |
أنا الحمد لله عندي زوجة ما شاء الله عليها حبوبه وطيبه
بس فيها شي واحد مو عاجبنا فيها انها مسرفه نوعا ما اما باقي صفاتها ما شاء الله عليها ونعتبرها وحده مننا وكل عائلتنا تحبها مع انها مومن عائلتنها وحتى اهلها ناس طيبين والحمد لله علاقتنا فيهم حلوه والله يهدي زوجة اخوك يمكن هي بما انها عروس جديده تعاملها معاكم كذا وان شاء الله تتغير مع الايام وتكون لكم خوش زوجة اخو واخت ثانيه لكم وصديقيني اول ما بتشوفي الجاهل بتنسي الكلام اللي قالته وانه من وولدكم . |
أنا ماعندي زوجة اخ وحدة عندي زوجاااااات أخوان
تبغين تعيشين بسلام وبدون مشاكل معاهم خذي نصيحتي تراني من لما كنت بابتدائي وانا صايرة اخت زوج عامليها بسطحية جداااااااااا لاتدخلين بأمورها ولاتسمحين لها تتدخل بأمورك انا احاول بقدر المستطاع مااسولف معاهم كثير واذا تكلمت كلامي سطحي وسوالف تطير بالهواء ومااحاول حتى ادخل بنقاش قوي معهم خوفا من انها تقلب راس اخوي علي مثلا.. او تصير مشاكل بيني وبينهم والحمدالله كلهم طيبات وحبوبات معاي ومع امي انصحك طنشيها ولاتقولين هذي مثل اختي وبساعدها وبسوي معها وبسولف معها و وووو غيره!! لاااا ..مهما صار تظل زوجة اخ!.. |
يالله الله يعينكم ان شاء الله
انا ماعندي الا اخ واحد وحامله هم زواجه لنه احس انه زواجه بيأثر على البيت كليا ماادري ليش ؟ الله يعين انا من الحين حاطه في بالي مابي اتكلم معها نهائيا .... ما ادري ليش |
شوبارد صدقتي برأيي أن هذا هو الأسلوب الأمثل للتعامل مع زوجات الأخوة
|
زوجة الأخ وما أدراك ما زوجة الأخ..
صرنا طيبين تمادوا.. حطينا حدود.. أختك تحسسني إنها أحسن مني.. والأخ يصدق !! ويعامل اخته على أساس إنها المفترية المستقوية!! المهم في الأخير على قولة الوالد.. الفرس من خيالها.. أنا اخوي من النوع مرة يدلع ويهتم بحيث يخلي الناس تستغل وتتمادى.. بس له عيوب أكيد.. بس تعرفي في الأخييييييييييير راح يكتشف !! وهي راح تندم أشد الندم.. يعني إيش راح تفيدها الغيرة ؟ ما أدري.. عموما البنت لمن تتزوج تطرأ عليها مشاعر جديدة منها الغيرة وحب التملك خصوصاً إذا كان زوجها عاجبها فتريده لها فقط.. وبنت عن بنت تفرق في التعامل مع مشاعرها الجديدة.. الله يحفظنا ويثبتنا. بابا يقول زوجة الإبن نحبها لو اعتنت بنا وعاملتنا كأحد أبويها فعلاً.. ولا نحب تواجدها حولنا لو أرادت إبعاد إبننا عنا.. أحس قلة عقل لمن البنت تتصرف بهذه التصرفات الرعناء.. يعني إيش استفادت غير بعدكن عنها !! وكرهها ماذا لو قدرت صنيعكن لها وشكرت وتصرفت بأدب وتقدير.. الله يهديها.. بالعكس يجب أن أقدم العون والمساعدة لأهل زوجي كأقل تقدير وشكر لهم لأنهم تعبوا بتربيته وهم من سهروا على راحته حتى شب ونجح في حياته.. ولست أنا.. أنا أخذته جاهز!! وفي المقابل أتمنى أن يعاملوني بالمثل.. وإلا على الأقل أحترم نفسي وأتصرف بأصلي. الله يعينكم.. بس كأن أخوك خارج الصورة ؟ تصرفاتها تدل على أن أخوكي فالت زمام الأمور !! لذلك تمادت !! أنا عن أخي كان كاشفها من أول يوم بس ما عرف كيف يتصرف.. مرة وحده قالت له زوجتك شكلها مرة طيبوبه قلها إي شكلها من برة بس من جوة تخربش !! عن نفسي اكتشفت أن الزوجة اللي من هالنوع تتحمس في بجاية الزواج أول سنة سنتين بعدين تنشغل ببيتها وأولادها وتروح الفورة!.. والزوج يتعود عليها بحيث يقلها اللي في باله فوجهها بدون ما يخجل مثل بدايات الزواج.. بس الصراحة المفروض الوحدة ما تحوج نفسها من البداية تتصرف بالمعروف حتى لا توصل لدرجة أن تنزل من عين زوجها.. معادلة صعبة تلاقي الأهل طيبين والزوجة تتلائم أو الأهل لؤمة والزوجة طيبة.. ونادرا ما تجدي أحد مرتاح.. أهل الزوج يشعروا أن الزوجة خطفت إبنهم والزوجة تريده لها فقط ! وفي البداية الجميع فرحان بس لمن يتم الموضوع تظهر المشاعر الحقيقة للسطح.. وهنا يأتي دور الرجل الحكيم والحليم في إعطاء كل ذي حق حقه بحيث لا يشعر الطرفين بنقص في أي جانب فيحدث الوئام. الله يهديهم.. أختي أصبري وطنشي وتعلمي منها حتى لمن تتزوجي إن شاء الله تتصرفي العكس. |
الله يعينك اختي على زوجه اخوك انا من رايي
انتو غلطانين حاولي من الان وصاعدا ان المعامله تكون سطحيه معاها سواء منك او من اختك او من امك وابيك حتى تحس بالنعمه الي كانت عندها الله ييسر اموركم ويهدي النفوس |
عندنا وعندك خير كأنك تتكلمين عن مرت اخوي صار لنا متحملينها اربع سنين وساكتين كل يوم من مشكله في مشكله
انسانه غيوره حقوده الكذب يجري بعروقه لا وفوق هاذا تقول انا جنوني والواحد يكذب على قوله اختي تشوف النقص فيها وتحكيه ان قربنا منها وصرنا زي خواتها غثتنا بكذبها تكذب في كل شي تقارن بين مجتمعنا والمجتمع اللي كانت عايشه فيه فتقوم تكذب عشان ماتحس بالنقص وان تحاشيناها قالت لاخوي خواتك وخواتك وتقعد تطلع سوالف مافيها اي شي من الصحه عشان كذا اكتشفت شي: 1- ان الواحد ماياخذ الا من نفس مستواه 2 - ابي اي واحد يتزوج يمشي على هالمقولتين * قبل ماتضمها انشد عن امها ( لان امها تقول قم يإبليس وانا اقعد مكانك ) انسانه متسلطه * خذ مدلعه ولاتاخذ مليعه ( يعني خذ وحده مدلعينها اهلها عشان تكون مليانه عينها ولا تاخذ وحده اهلها مليعينها ماشافت عندهم الخير) نصيحتي لك سوي زيي لاتحتكين فيها طنشيها طنشيها طنشيها خلي بس اللي بينكم سلام عشان ماتكثر المشاكل بينكم وسوري من جد طولت عليكم بس الله لايوريكم اللي نشوفه منهم |
اهلين كبريائي...
صادقه المفروض كان انتبهنا ومااستمرينا في الموضوع بس كل شي صار مثل الحلم.. كأننا مسيرين ..!! والله لايبليكم بوحده مثلها ان شاء الله.. . . هلا يالحايره كأنك تتكلمين عنها ... وياليت يعجبها الا تتريق وتعايب .. وتقلل في قيمته.. عارفه ان مو كلهم كذا .. والله ان عندي زوجه خالي لو تطلب عيوني ماأبخل عليها فيها بنت محترمه واخلاق ..ومستحمله جدتي كبيره وبدت تخرف..وخالي يموووت فيها.. والله انها قمه في الصبر ولاتحب نقل الكلام ولا التخريب .. كل اللي نعرفهم حاسدينا عليها.. بكل اختصار اهلها عرفو يربونها صح.. . . هلا اخوي عاشق بلاده.. والحمد لله انه بعدها عنكم تسلم ع الرد . . ايكو _ ايكو كل الكلام اللي قلتيه عين العقل بس وش الحل في وحده تكلمينها يمين ترد عليك شمال .. والله ساعات احسها عندها عاهه اوضمور في عقلها.. واهلها ضحكوا علينا.. استغفر الله بس.. . . امل الحياه الله يخليها لكم ان شاء الله ولا يغيرها عليكم تسلمين ع الرد |
اهلين abadi+ الاخ علاء عادل
الله لايغيرها عليك وعلى اهلك بس ترا مو فضل منها انها تعاملهم بالطيب.. هذا مفروض عليها وواجب.. وبالذات امك .. المفروض تحطها فوق راسها ...يكفي انها عطتها ولدها.. الي تعبت عليه وسهرت له الليالي ..وحتى لو امك غلطت ..مالها حق زوجتك تغير معاملتها معاها ...واسمع الاشرطه الدينيه وتفهم هالشي مضبووط ..(امك ثم امك ثم امك ) اما موضوع اللقافه والتدخل ... الحمد لله واحنا ساكنين بالدور الي تحتهم ولا عمرنا اتدخلنا ولا سالناهم عن شي ولا رمينا نفسنا عليها.. بس هي الي ماشالله تعرف تدخل اهلها وامها الي كل شوي ناقزه عندها بالشقه ..وتدخل ومسويه نفسها تتفاهم مع اخوي.. وامي الي ساكنه تحت وسامعه الزعاق والخصام ..ماعمرها اتدخلت ...وياليت عاجب..!والام حتى لو تدخلت ماتسووي مرت الولد هذي الحركات ..والمفروض ماترد عليها لانها مهماا كان حرمه كبيره ومجبوره تعاملها بالطيب ..طبعن هذا الكلام لبنات الاصول والمتربيين .. . . فتحي الباب ... كيف اخذت علينا وهي تسبنا من ورانا وتاكل بلحمنا ... وبعدين مافي احد عاقل يمزح بموضوع النسب.. وبطريقتها الاستفزازيه ..الحمد لله انا بنت متربيه ..ولا كان عرفت كيف ارد عليها ..واسكتها .. عن جد محد يحس بالنار الا واطيها .... . . اهلين والله اختي ..ظلم الناس ..! بالنسبه لموضوع اخوي تلاقي ردي بعد شووي .. مشكووره ع المشاركه .. |
اهلين اختي أم البنين4...عسى الله يخليهم ويحفظهم لك ..ويرزقهم بزوجات صالحات متربيات ماشاءالله الله يخلي لك حريم اخوانك .. ويديم الود بينكم يارب ..اما حكايه بيتهم..هذا وهي ساكنه بالدور الي فوق.. ماكنا نطلع لها الا بالشهور الاولى لانها هي تنادينا يوم يطلع اخوي وتكون خايفه من الجن..! لين امي علمتها ان القرآن يحفظ البيت صارت تشغل المسجل ..واستغنت عن خدماتنا .. آخر مره طبيت بيتها ذو القعده ..كانت بتلبس ملابس ومهي قادره تقفل السحاب لانها برميل..فدقت علينا نطلع نقفله لها.. انتهت حياتي... ماشالله عليها مرت اخوك ..والله لايغير عليهم ..كل شي راجع للتربيه كذا بنات الاصول .. والله يرزقك بوحده مثلها واحسن ان شاء الله ... هلا والله بااختي Salwa_20 كذا حريم الاخوان الصح من حبهم لاازواجهم يحبوو اهاليهم ..مو ودها تشيله من اهله .. وتاخذه لها لحالها.. اما صديقه الله يعينها على مرت اخوها نفس الي عندنا ..تخاصم وتزعق على اخونا ومهي محشمه الرجال الشايب تحت ومرته..تسب ولدهم وتخاصمه ..وتسمعهم ..الله ينتقم منها ..بس الفرق ان الي عندنا ماتبي تسكن بالبيت الي فوق ..لا بتحوول وودها تهج حتى من البلد الي احنا فيها هلا والله بااختي أخت محمود... الله يهنييكم بمرت اخوكم ويهديها ياناس والله كل من قال صفه شينه موجوده فيها :( وربي يشهد ماكذبت اما حكايه انها عروس جديده..فهي كانت اول شهرين ولا احلى ..وزي العسل معانا ومع امي وهذا الي خلانا نغض النظر عن حركات امها وكلامها ..نقول دام البنت طيبه ..ليه نقطع نصيبها الا بعد الشهرين ذي تنقلب وينقلب حالها ..طلع كله تمثيل ..وحركات.. ماقدرت تكمل اكثر وبخصوص الولد ..هو ولدنا ولحمنا ودمنا ..رضت ولا مارضت .. ويجي اليوم الي مرت ولدها تقولها نفس الكلام..وكما تدين تدان اهلييين بااختي شوبارد وربي كلامك عين العقل .. وهذا الي بنسويه فعلا .. هلا والله ب نجود9999 احس قويه انك ماتتكلمين معها نهائيا مهما كان هي بنت دخلت بيتكم غريبه .. كلميها كلام سطحي ولا تحاولي تساليها عن شي ولا تسمحين لها تسالك عن شي ولا تتدخل بااي من خصوصياتك..وان شاء الله تطلع بنت حلال وتحبكم وتحبوها يارب ماهي نور.. نورتي المتصفح... |
هلا والله بMiss Hawaii اقتباس:
بس مستحمل المسكين الله يعينه ويعوضه يارب :( وياليتها تغار من شي .. اخونا مانتكلم معاه كثير ولا نقعد معاه الا بالنادر .. وبرضها تغار اخوي دوامه بمنطقه بعيييده.. مايجي الا كل شهرين اسبوع بالكثير .. ومسكيين يوم يجي هالاسبوع ماتهنيه ومشاكل ولا يوديها بيت اهلها كذا مره كان بيطلقها بس ابوي يهديه... واحنا من يوم مايجي مانجيب له سيرتها ابدن وماعمرنا قلنا له سوت ولا قالت ..وامي نفس الشي مابنكد عليه مسكين ..هي الغبيه تقعد تشتكي لو مو مننا من اي شي ..اشياء تافهه زيها .. مره قلبت البيت عليه حريقه ..مشتهيه بيك (للي مايعرف البيك مطعم بروست) وهو كان تعبان وجاب لها كباب لانه قريب من البيت ..الله لايوريكم دقت على امها وخلتها تجي.. اخوي عصب وخلاها ترجع مع امها ذاك اليوم ... ودايم يزعل منها وهو مسافر تنكد عليه كم مره يقدم السفر يومين ثلاثه ..ويقطع اجازته ويرجع للدوام ..ويقفل الجوال ولايرد عليها تخلي اخوانها يدقو عليه يطنشهم.. يقومو يرسلون له مسجات انه بالمستشفى وان الجنين بيموت ولازم ينزل ومدري ايش ..حركات بايخه وكذب مايخلص.. مجنونه ..حتى اخوي الصغير 8 سنين حاطه نقرها من نقره مره اخوي اشترا له شريط سوني قومت له الدنيا وقعدتها .. وصراخها شي موطبيعي والله انه يوصلني لغرفتي وانا تحت ومشغله المكيف بعد.. اتخيلي .. مااتراعي انه ام زوجها تحت .. تحرق قلبها على ولدها..!! وربي صرت لاتلقائي اول ماسمع صوتها اشغل مكيفات البيت والتلفزون عشان امي لاتنقهر .. ولدها الكبير اللي كلمته عمرها ماصارت اثنين والكل يمشي على شوره .. اخر شي تجي الشرشوحه ذي وتسويله حركات الغجر!! ومع ذلك سكتنا .. لاننا مالنا دخل بينهم هم متزوجين ويحلون مشاكلهم بنفسهم... اقتباس:
تعلمك كيف تتجنبي كل شي غلط تسويه مرت الاخو ..ماشالله مو مقصره ..مبذره غيره..حسد..كذب حتى على المصحف استغفر الله..نقل كلام..جحد المعروف ..نكر الجميل..سطحيه لاابعد الحدود.. ..ماتراعي مشاعر احد..ماتحترم كبير..مافي شي عاجبها مع انها من عيله متواضعه بالمره.. عويله ماتشيل القشه من مكانها..ماتقدر الزوج ولا تحترمه ..وتطوول اللسته ويارب مااقوم من مكاني ان كاني اتبليت عليها..ولا كذبت عنها .. مشكووره على ردك . . اهلين اخـ/تي jeans وهذي طريقه تعاملي الجديد معاها.. لانها عمرها مابتشوف اسلوبي القديم معاها لان الطيب الظاهر مايعيش بهالزمن.. |
اقتباس:
والله وانا ايدك الف بالمية الى عندكم نفس الى عندنا واحنى مستحميلنها اكثر من 13 سنة بس صدقونى الشرهة مو على حريم خوانا الشرهة على خوانا الى يصدقون باهلهم كل كلام الحرمة اكثر الرجال الحين الله المستعان وعلى الفكرة الناس عندهم فكرة ان المدلعة هى الى بتخرب بيت الزوج واهلة ولاسف هذة فكرة غلط انا اويدك الف بالمية انا البنت المدلعة تكون عينها مليانة مو زي الى مو شايفة خير وداخلة بتنتقم |
انا عن نفسي تزوج اخوى وانا بسادس ابتدائى والحمدالله حنى من عايلة مترفهة نوعا ما وانا البنت الوحيدة واخر العنقود لكن والله يشهد انى مش من النوع المدلع او الى يطلب اي شيء يبغاة وكنت متحملة مسئولية البيت لان ابوى وامى كبار بسن واخوانى كل واحد همة نفسة من يوم مادخلت زوجة اخوى قلبت حياتنا فوق تحت مرحلة شبابي عدت بمشاكل وعذاب والله العظيم كلة من زوجة اخوى وهى متزوجة اخوي البكر واخوى البكر علية سطلة على الوالد والولدة كنت لمن اعاملها بسطحية تقولة اختك ليش شايفة نفسها هى من عايلة ذاقت مرارة الحرمان وهم 6 بنات ولا وحدة منهم مزوجة غير هذة الا اخذنها وصلت والله العالم لسمعتى تشوة بسمعتى هى وخواتها وامها مع العلم انى امتلك من الجمال والجذابية والتفوق بدراسة لكن كل محد يحط العين على يقلون هذة دلوعة مشكلجية والى بيزوجها بتخرب بيتة ومن هذا الكلام عمرها ماخلتنى بحالى ومش صادق الى يقول تعاملوا مع حريم خوانكم بسطحية صدقونى حرمة الاخ اذا تبي تحطك براسها وتتحرش فيك بتتحرش وتلفقلك الكلام انا عن نفسي مرة من المرات كنت مخطوبةعلى واحد يحبني وهى كان حاطة عينها تبية لاختها تدرون وش سوت تاخذ ارقام تلفوناتة وكل شوى تزعجهم واذا قلولها منوا تقولها انا سنديان ذا كلة علشان اطيح من عين اهلة ومرة من المرات رب العالمين فضحها كان هى ساكنة بمنطقة بعيد شوى عن منطقتنا تبعد ممكن 80 كيلوا وكانت بس علشان تشوة صورتى يوم من الايام اخذ التلفون تتصل وتسكر واستمرت على كذا كل خمس دقايق تتصل وتسكر لمدة يوم كامل تدرون ليش علشان تبين لاخواني ان اختكم تعرف شباب ومن غير بالبيت بنت انا البنت الوحيدة فيمين راح يشكون بس تدرون كل هذة الاتصالات راح عن بالها اننا ممكن نكون مركبين كاشف يطلع كل الارقام وانا كنت عارفتها انها ممكن توصل لاكذا وكنت خاشتة بغرفتى وخزن الكاشف رقمها اكثر من 80 مرة اتصال والله على ماقول شهيدة وبعدها وريت الارقام اخوي لانة طبعا مثل العادة ما صدق وطاح فيها طق واخذ حقي بعد طول سنين تدورن وش كان ردها علية قالتلة اختك من الى تسوية فينى وتحاول تخرب بيتى سويت فيها كذا من كثر عذابي منها شوفوا الاجرام لاى حد ولمن بس نذكر الموضوع يقول لانك انتى تتحرشين فيها بدل ماياخذ منها موقف لابد صدقونى يرجع على الاخوان بعض الاخوان هم نيتهم مو صافية بخواتهم واهلهم وهم انذال اصلا معليش اعذرونى طولت عليكم مرة بس حبيت احكيلكم تجربتى وعذابي مع زوجة اخوى
|
اهلن اهلن قلق.. كانك تتكلمي عن الي عندنا.. من جد تحس بالنقص ..وتجي وتألف على روسنا وتراها عامله نفسها انها كانت مدلعه في بيت ابوها .. ومحد يزعلها ..وطلباتها مجابه.. وانها الكيوت و انها وانها وهي كل اللي بتقوله كذب في كذب..حتى اخوانها فضحوها ..اخوها الكبير يقول عليها ام الكذب وانها حتى يوم كانو يجو عندها اقاربها وهم ناس مبسوطيين مرره..تجلس تخرط قدامهم.. وتقعد تسال امها يمـــاه فستاني الي بكم الف متى بيطلع من المحل..وووالخ والحمد لله ان اخوي عارف انها ملعبطه وكذابه.. بس مهما كان كثر الدق يفك اللحام وانتي صادقه .. امها ابليس ياخذ دروس خصوصيه عندها.. نورتي الموضوع بردك.. . . الف هلاوغلا فيك ياسنديان الشرقية.. وربي رحمتك ..13 سنه مو قليل ..! انا الي عندنا سنه وكم شهر وخلاص بنفجر كيف انتو اجل..! خلينا ندعي كلنا بصوت واحد .. الله يبليهم بحريم اولاد زيــهم بالضبط لاأقل ولا أكثر .. |
والله ما انفهرت قد ما انقهرت أكثر شي عليكي يا أختي سنديان ... كان الله في عونك يعني الحركات لما تكون من زوجة الأخ بتصبر الوحدة بس المصيبة لما يكون الأخ نفسه في صف زوجته ... الله المستعان ... من قلبي بدعيلكم كلكم إنو ربي يصبركم ويهدي زوجات إخوانكم ...
أنا أخوي لسا ما تزوج بس والله ساعات بحمل هم هالموضوع ... بس أملي وثقتي بالله أكيد كبيرة وأهم شي ان شاء الله لما بدنا نشوف عروس أول وأهم شي فيها حيكون الدين والأخلاق ،،، والاستخارة ما بتخيب الإنسان ... أنا عن نفسي بكون زوجة أخ لخوات زوجي وهو ما شاء الله عنده أربع خوات الكبيرة فيهم من نفس سني .. وأنا وياها خوات وحتى أخواتو الصغار كتير بحبهم وبحب إنهم ييجوا عنا .. وحماتي الله يديمها لي مثل أمي بالزبط .. والله يا بنات بدعي دايما من كل قلبي إنو الله يرزق كل بنت مثل حماتي وأهل زوجي .. كلهم على راسي والله ... وفعلا زي ما قالوا بعض الأخوات إنو كفاية منهم إنهم أعطوني أغلى ما عندهم وهو (ابنهم) اللي تعبوا عليه وربوه كل هالسنين .. فأنا لازم أردلهم الإحسان بالإحسان ... والله كتير بستغرب من الزوجات اللي بيسيئوا التعامل لأهل الزوج ... والله ما بعرف كيف بفكروا وشو رح يحصلوا من ورا هالتعامل غير خراب البيوت ... بعدين الوحدة ما بتفكر إنو في يوم ممكن هيي نفسها تيجيها وحدة تاخد ابنها منها ... بس الظاهر ما عندهم عقل يفكر والله أعلم .. برجع وبقول الله يهديهم كلهم |
هلا والله بسنديان مرره ثانيه..
والله يحييك لو ميه مرره.. ربي يعيينك عليها ..مجنونه ذي مريضه ..اعوذ بالله من شرها.. الله يرزقك بالزوج الصالح اللي يعوضك خير ان شاءالله .. ويفكك من وجهها ..النحس ..خسيسه وحده..:( |
هلا والله بااختي ملاك..ماشاء الله اسم على مسمى ..الله يحفظلك اهل زوجك ..ان شاء الله ويديم الود والمحبه بينكم..
اقتباس:
|
الله يكون في عونك وأحسن حل هو المعامله الرسميه حتى تتجنبين المشاكل وعامليها كأنها ضيفه يوم تنزل عندكم
|
بالنسبه لي عندي ثلاثه من اخواني متزوجين:22: الاول متزوج بنت عمي وهو يحبها ويسمع كلامها لدرجة انها اتهمت أخواتي في شرفهم وأخوي صدقها وكبرت المسأله لدرجة الكل قاطعه حتى ابوي وامي لمدة سنه حتى رجع وتأسف بس زوجته مابينا أي علاقه الى الآن,,وصدقوني انا كنا نعاملها بكل حب واحترام{حسبي الله ونعم الوكيل فيها} :( :( اما اخوي الثاني برضه تزوج من بنات عمي وكانت معانا الأخت الخامسه حتى صارت مشاكل من نسج خيالها مع بعض المواقف اللي كانت تصير بينا وكانت مجرد مزح بين الأخوات مع انا نخدمها ونشيل بناتها في غيابها وهي تحاول تسحب اخوي لصفها,:29: ,الله المستعان {حسبي الله ونعم الوكيل فيها} والعلاقه الحين شبه مقطوعه,, :17: اما اخوي الثالث متزوج وحده زي العسل انسانه ملتزمه وخلوقه وتحبنا ونحبها,,{الله لايغير علينا ويحفظ لنا ابوي وامي ,,,يااااااااااااااارب,,,,,,,,,,,,,,,,,, :23: طبعا اللي قلته والله قليل جداااااااااا من اللي صار,,,,,,,,,,,,, وآسفه على الاطاله بس الموضوع حلو ,,,,,,,,,,,,,,,,,,,,,,,,,,,,,:11:
|
الله يكون في عونكم اختي لووووووووول
بس لازم توقفونهاااااااااااااا عند حدهااااااااااااااااااااااااااا باي طريقه شكل المرااااااااااااااااااااااااااه قطت الميااااانه معكم |
بصراحه انته الغلطانين اصلا من اول موقف اللي سوته مع الوالده بخصوص الاورج المفروض تعرفوا انها انسانه ملتويه وكذابه وتفسخوا عقد القران قبل مايوقع الفاس في الراس
نصيحتي لك اختي عامليها بطريقه رسميه ولا تحتكي فيها اتجنبي المشاكل ولاعطيها وجه ولاتعبريها ولا تحرقي في دمك وحاولي انكم ماتحتكوا فيها بس انتي ماذكرتي اذا كان اخوكي مرتاح معاها ولالا |
لوووول
مس هاواي سنديان الشرقيه قولوا اميــــــــــــن ( عسى الله يشغلهم بأنفسهم ويريحنا منهم ) اهم شي لا تنسون ادعوا ان ربي يسخر لكم اخوانكم تحياتي لكم:) |
انحك بشي يا اختي خلو علاقتكم سطححية فيها ولا تعطونها وجه وتتمادو في الكلام معها وعاملوها بما يرضي الله وصدقوني وارو بالحسان لهل ان شاء الله بتعقل وتتغير
|
لا حول ولا قوه الابالله 000 يااخوات دعوا الخلق للخالق وحتسبو الاجر عند الله والله بكره يوم لا ينفع لامال ولابنون الا من اتى الله بقلب سليم 000 خليكم من هالكلام 00 بكره اللي ماتزوجوا راح يتزوجون ويصيرون زوجات اخوان واللي متزوجات برضوماهم زوجات اخوان 00الله العالم ممكن انك تسوين مثلها او تكونين احسن منها 000
المفرروض من الوحده نتاظر سلبياتها وتعدل فيها قبل محاسبه الاخرين والتقاط اخطائهم ولا يوجد دخان من غير نار الا على الئيم===هذي كلمة حق تقال للجميع لاتزعلون مني انا زوجه اخ واخوات زوجي ماعليهم كلام محترمات وانا كذالك معهم لكن الحياة لاتخلو من المشاكل حتى ولوكانت بسيطه ومع احترامهم لي وعدم تدخلهم بي واناكذالك فيه اختلاف بوجهات النظر اثناء الحديث والذب في الكلام من قبلهم ولكن هذا لايخلف للود قضيه ومعروف عن المرأه الغيره سواء من الاخت او من الزوجه ولكنها درجات اخواتي اللي ماتزوجوا تخيلو انفسكم زوجات اخ وماذا ستفعلين مع اهل زوجك والله على كثر ماخالطت دائما اسمع كثير من البنات تقول لما اتزوج اول شي اسويه اضع الخطوط الحمراء بيني وبين اهله واعاملهم برسميه ولا ازورهم الا من كل فتره وخواته مالهم امره على واللي يرد علي بكلمه ارد عليه بعشر انا بنت ابوي مايداس لي طرف الحمد لله مدلله في بيت ابوي وهم يذلوني ======== هذا كلامهم حتى بعضكم كذا تفكيره ماعمري سمعت وحده تقول ابعامل اهل زوجي مثل اهلي وامه مثل امي وابر فيها ابدا ماعمري سمعت يابنات انا ما ادافع عن احد لكن اقول ان الوحده تتغير مشاعرها بعد الزواج ةكذالك اخوات الزوج تتغير مشاعرهم الكل اما للاسؤا او الاحسن وهنا تثبت الاخلاق وتبان |
انا لا اقول غير ان صفوا نياتكم سوا اخوات الزوج او زوجات الاخ
موضوع ما يستاهل كل هلكلام و الحقد الدنيا فيها اشياء اهم من كذا لا تشغلو انفسكم بلقيل و القال و معركة اهل الزوج و اهل الزوجه التي لا تنتهي صفوا نفوسكم و انظرو للدنيا من منظار اخر الله يهدي الجميع |
بسم الله الرحمن الرحيم....
انا عندي ما شاء الله خمسة اخوان كلهم كويسين..... اخر واحد متزوج من شهر وزوجتة لطيفة ومؤدبة... وانا بعد متزوجة...واحاول اعامل اهل زوجي بحسب ما تربيت علية.... لانة الاهم انك تختار من عيلة معروفة بالتواضع...والكرم.... واهم شئ لازم على الاقل نتاكد من اخلاق البنت... |
ديمو 2006
حنا لو ما اتقينا الله فيهم على قولك كان وريناهم الويل وعاملناهم بالمثل لكن الحمدلله ان اهلنا مربينا احسن تربيه |
| الساعة الآن 04:38 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©